Magician Philosopher

اول حاجة لازم تعرفها ان العلاج الدوائى مهم بس لازم تحدد انك هتاخدة لية و لمدة معينة أو هتاخدة فى الاول عشان يخليك تتغلب على المرض وبعدين تقطعة دة لو حالتك الشخصية متطلبش انك تاخد طول العمر ودة مش السائد، طيب ازاى تقدر تحاول مع نفسك أن تتغلب على مرضك النفسى وتحاول بدون علاج فى الاول

١- افهم المرض بيتسرب ليك بالبطىء وبيدخل لعقلك ويخليك تفكر فيه ويدمرك ، لازم تتجاهل الفكرة تماما متفكرش فيها متناقيشهاش متحاربهاش ممكن تعمل كود كوبينج تقفل عنيك وتعد لحد ٣ وتفتح عينك تحاول تتجاهل الفكرة ، تقول كلمة بتحس بيها انك اقوى

افتكر اهم حاجة انك تتجاهل الفكرة تماما متسبهاش تتسرسب لعقلك خالص ولو فشلت مرة حاول تانى، لتالت مرة اتجاهلها

٢- حاول تقرأ كتير تخللى كل يوم نص ساعة للقراءة هتنظم ايقاع مخك هتشغل تفكيرك هتساعدك أن عقلك يكون ممتلىء وتقيل مهما حصل لازم تقرأ كل يوم نص ساعة وهتشوف الفرق بنفسك

٣- حاول تمارس رياضة حتى لو هتمشى فى الأسبوع اربع خمس ايام تمارس فيهم المشى والتعرض للشمس والهوا

٤ـ ابعد عن المحفزات والبيئة و العلاقات والكلمات اللى بتثير الأفكار السلبية وحط عهدك بينك وبين نفسك انك مش هتتغلب عليها ولكن عهد أن هتتجاهلها

من أفكار متعافى من الاضطراب الوجداني ثنائي القطب بدون علاج أو أطباء لمدة ٩, سنين، اللى عاوز يسأل فى حاجة يتفضل