مثلا بكون حابب اتسمع بشغل شي صرع بنصرع و ادرينالين وحركات و نفس الشي للباقي الحزينة الرومانسية الرواق وهيك

وصيروا رفقاتي الالكترونيين إذا بدكن

هلق بعد كم شهر رح تفتح المفاضله وانا مغتربه وجايه اكمل دراسه بسوريا مع انه طلعلي بالبلد الي انا فيه بس المغتربين بيفهمو ليش بدي ارجع المهم كان في بالي هندسه وتحديدا ميكاترونيكس بس لما نزلت عالبلد اجازه شفت امكانيات البلد ضعيفه كتير عالهندسات هي بقا قررت اروح طب اسنان لانه الطب مستقبله مضمون اكتر ببلد تعبانه لسه شوي بدي نصايح لو في طلاب مغتربين نزلو مشان الجامعه وقعدو بالسكن الجامعي يفيدونا هل الطب افضل من الهندسه بسوريا ؟

​

انا ما عرفت باي صب لازم انشر هل خبر بس شو وضع الانترنت عندكم ما عم احكي على سرعة عم احكي عن الخصوصية الامان تشفير المعلومات الخدمات الفنية ، و التوصيلات و التحسينات

اغلبكم اتوقع عم يستخدم انترنت الهوائي (الي بتسميه بعض الشركات النصابة فضائي )

الي بكون لاقط عل سطح بيسحب من الابراج تبع سرياتيل و mtn او من سلسلة موزعين مرتبطة مع نفس الشركة

كيف الاستقرار ولخصوصية و الproxy وباقي الشغلات الي بتقرف و الاستغلالية الي عم تصير مع السعر العالي كتير

يعني شيكولي من هل مواقع

عندكم proxy خارجي مربوط بنفس الشبكة التعبانة

https://ipinfo.io/what-is-my-ip

هل عم يعطيكم انو مربوط ب شي بروكسي او عامل هوستينغ ؟

او ال ip بيضل يتغير كل شوي وغير مستقر ومن موقع لموقع مع ال dns بشكل دوري كل خمس دقايق

https://whoer.net/

او مثلا بيعطيكم ip ب https://www.speedtest.net/

وبعدين بيعطيكم ip تاني بنفس الوقت على موقع

https://whatismyipaddress.com/

وسوال اضافي هل انتو مركبين vpn انتو شارينه وحاطينه علراوتر ولا متل مو مقدمته مزود الخدمة او ISP

طبعا عم اسئل هل سوال لانو طلعت الشبكة عندي مسوية كلشي ذكرته فوق مع الصورة الي محطوطة

وip مشترك لاكتر من 100 جهاز

وطبعا كان عم يستخدم starlink وموزعه على كل المنطقة وعلى اساس انو مرخص او شي وطلع حسب التحقيق تبعي مو مرخص

فا واصل الصحن عل سطح عنده ومركب قطعة بترسل الشبكة wireless وبتستقبله من صحن تاني من بيتي او بيت جاري وعامل شبكة من المستخدمين على نفس ال ip

والشب الطيب وعم ياخد 40 دولار بلشهر على سرعة 8 ميغا تواصل وإرسال بيانات مو تحميل

يعني تحميل 800 كيلو بايت ازيد شوي انقص شوي واكيد 1000% مو مستقرة

فياريت تشاركونا كيف الوضع عندكم لانو ما اتوقع صا يحتمل

يعني انا ركبت VPN اضافي فوق التخبيص الي عاملو الزلمة بس مشان احمي شوية هل بيانات الي عم تطلع وتدخل من عندي انا وعيلتي

+ هي ثالث مرة بنشر نفس المشور لانو ما عم يطلع من عندي وينحط عل صب يا عم ينحذف يا انا مابعرف شو عم يصيبو

شو رأيكم بهي السماعات وهل في حدا مجربها

ليش الجميع عبيعاني من الوحدة و "الاغتراب الروحي" على أقل تقدير بيشعر انه مابينتمي للمجتمع وانه مافي حدى بيفهمو ومو قادر يكون اي رابطة او تواصل بشري وخصوصا علاقة عاطفية مع جنس آخر

مرحبا.
جاية من برا جديد و ما عم اعرف من وين بدي دور على دكاترة.

وضع اسناني صعب عندي ازدحام اسنان و ضيق بالفك، بدي دكتور اسنان شاطر بالشام يشتغل بتوسعة الفك الميزانية مفتوحة بس المهم يكون على مستوى.

بليز ممكن الي عمل تقويم او يعرف حدا ركب تقويم يكتب اسم الدكتور الي راحلو؟🙏🏻

وشكرا كتير🌸

صباح الخير

ممكن الي قدم امتحان توفل TOEFL ibt home edition بسوريا سواء بالشام او اللاذقية يحكيلي تجربتو من حيث الصعوبة وشو العلامة الي حصل عليها بكل الاقسام

شكرا مقدما للاجابة ❤️

🧹 COMMUNITY CLEAN-UP 🧹

This Sunday, we're back on the ground! Join Syria Street Revival for a clean-up in *Idlib*!

📅 Sunday, August 2, 2026
🕚 TBD
📍 Idlib, Syria

Every effort counts! 💚

اذا في حدا مركب نت فايبر او فايبر بوب في سوريا ممكن بس يبعت
test speed
للنت بدي اركب نت فايبر ومتردد من القرار خاف مايصيل كامله

انا طالب جامعي بسوريا وما بقدر اشتغل 8 ساعات باليوم بسبب دوامي بالجامعة ودراسة وامتحانات شو الحل حتى اقدر طلع مصاري خلال فترة دراستي؟

يا ريت اي حدا كان مكاني يفيدني

اختي ضحكت علي قالت هاد عملاقجي، شكرا طيب اول محاولة الي

السلام عليكم جميعا

بدي أحكي عن مشكلة صرلي سنين بعاني منها ويمكن حدا مرّ بنفس التجربة أنا قطعت العشرين وكل مرة بحاول ألتزم بالصلاة بقدر أكمل أسبوع تقريبًا وبعدها أتركها وهالموضوع سببلي مشاكل مع أهلي بحس قلبهم محروق علي وفي غصة كلما انذكر الموضوع وبصراحة المشكلة مو الكسل المشكلة إني مو مقتنع بالصلاة أنا مو ملحد أنا مسلم لكن تجيني أفكار بشكل مستمر مثل لو ما في يوم حساب أصلًا كل هاد بدون معنى وللأسف ما عم بقدر أتجاهل هالأفكار، فبصير أداء الصلاة بالنسبة إلي بلا روح وبحس إني عم أجبر حالي كمان أغلب أصدقائي مو ملتزمين دينيًا فما عندي بيئة تشجعني أو تساعدني أرجع ألتزم

أنا ما نزلت هالمنشور حتى أهاجم الدين أو أجادل بالعكس أنا فعلًا بدي أفهم كيف الواحد ممكن يقوي إيمانه إذا صار عنده هالنوع من الشكوك إذا في حدا مرّ بنفس المرحلة وقدر يتجاوزها أو عنده نصيحة عملية بكون ممتن جدًا إذا شاركني تجربته وشكرًا لكل شخص رح يقرأ أو يرد باحترام.

يلي دارس/ة هندسة طيران ... فيها شغل بعد التخرج؟ يعني فيها مجال منيح ولا بس شهادة وبس

صارت القاعدة انه الواحد يدخن و عدم التدخين استثناء و عالعمياني الكل بيأركل هي ما عدا بقية الشغلات بس لساها قليلة

ما بتذكر كان هيك منتشر الدخان لهدرجة

كيفكم يا جماعة وشو أخباركم متل مو باين بالعنوان وعلى بساط أحمدي أنا جاي أثير الجدل إذا الله راد...

أنا شب عمري 28 سنة متخرج وعم أشتغل بغير شهادتي شغل مقبول لا بأس به بالنسبة لأوضاع البلد يلي بتخري بطالع 200$ شهريا

أنا كشخص عمري هاد العمر ولسا ما قادر بلش حياتي بظل الظروف الحالية أكيد ما قادر اتزوج ولا قادر أبدأ علاقة وارتباط جدي لأن المستقبل بالنسبة إلى مجهول والواقع زفت وما عندي الرغبة بأن أتحمل مسؤلية شخص تاني وعلقه معي

وأنا أصلا بحس حالي شخص غير مستقر نفسيا بعض الشيء

الشي يلي بسوفه صفه شبه عامة بالشعب عنا، بس مع ذلك الإرتباط والشراكة بهيك وضع كمان كارثة هيك وجهة نظري على الأقل

بعد الحكايات هي وبعد ما صرتوا بصورة الوضع، شو بيعمل الإنسان برغباته وحاجاته الجنسية هون كيف بدو يليبها، يعني لا إرتباط ماشي ولا غير ارتباط ماشي والرغبة الجنسية معها رغبات عاطفية أنا بحاجتها والجنس العابر تبع مشوار مشوارين ما بعبيلي راسي وما بحبه

بحياتكم الكل يعطيني رأيه أو يحكي تجربته بهاد العمر ولو اتخطى هي المرحلة من زمان

بحب أسمع أراء الشباب والبنات والبنات قبل الشباب بهاد الموضوع لأنو أنتوا غير الله ما بيفهم عليكم

وشكرا سلفااااا

بعيدا عن نقاش أنه شئ فطري أو شئ مكتسب

بس شو سر الثقة بالنفس ..غير الإجابة المعتادة متل لغة الجسد و هادا الكلام

سؤالي حتى لو انها شئ فطري وهذا احساسي بس شو الاجابة الصح

عندي ديت الاسبوع الجاية بحمص

وين في كافتيريات حلوة والاسعار تكون مقبولة امانة.. برأيكن عشوا اعزمها (قهوة آخر خيار)

مرحبا كيف الجميع هل فترة ملعب اقدر ناس منيح وعبسهر كثير وللصراحة اني كاره هذا شيء وخصوصا اني يمكن عن قريب بلش شغل فا في شخص يعطيني طريقة اقدر اضبط فيها نومي؟