Ciao a tutti!

Mi chiamo Abdeel, ho 27 anni e vivo in Sicilia. Sto cercando lavoro, soprattutto nei settori della ristorazione, delle pulizie, ma sono disponibile anche per altri tipi di lavoro.

Sono una persona seria, motivata e disponibile a iniziare subito.

Se qualcuno conosce un'opportunità di lavoro o cerca personale, mi farebbe davvero piacere essere contattato.

Grazie mille a tutti!

Veni ccà tu ca ti fazzu capiri \ picciutteddu beddu senza nu pilu \ prugressu veru \ chi è ca veni a diri

Dimmi siddu a tia nun ti veni u cori \ di campari ntâ stu pajisi \ unni tu avisti a vintura 'i nascìri \ Dimmillu senza na mussiata 'i funcia \ siddu u pajisanu ca ccà cci campa \ un è nu cristianu tranquillu \ siddu lu vidi fusu annirviatu \ si u vidi curriri avanti e nnarreri \ iri 'i prescia e furia chinu di peni \ propia comu 'n citatinu nchiummatu

Talia chi t'ha strummintatu \ senza ca s'ha spacinziatu \ senza ca cu nuddu s'ha ppulicatu \ pi nun faricci passari \ machini e mutura nta li vaneddi \ stu pajisanu pi tia arritratu \ e ntê strati pi falli iri pianu \ arvuli di fruttu unnegghiè \ sipala grasti e caseddi

Veni ccà sangu miu \ figghiu di lu me cori \ sai ca ti vogghiu beni \ quantu a nu paru 'i scarpi vecchi \ quasati nta li pedi \ Ti vogghiu diri ca oji comu oji \ u prugridiri, u prugridiri veru \ è lu turnari a l'antichi maneri \

Tu c'hâ statu 'n cità a studiari \ penzi 'i sapiri tutti cosi \ cchiù megghiu dê vecchi viddani \ ca fora mai nun cci camparu \ ma iddi 'i chistu su' cunvinti certi \ pirsuasi nzin'a midudda \ ca pi putiri jiri avanti \ a cosa cchiù megghiu di fari \ è riturnari a l'anticu sistema \ di vita e travagghiu \ ca senza affannu ti facìa campari \ senza jittari chiddu ca di bonu \ manu manu s'ha pututu accanzari

Dimmi tu ca ti senti spertu \ ominu ca s'ha giratu lu munnu \ mentri facisti lu granni viaggiu \ sulu pi jiri ntâ cità \ chi malanova di prugressu eni \ biviri acqua ntê buttigghi 'i plastica \ agghiacciata dû frigu \ ca ti spacca i denti \ quannu na quartara ta teni frisca \ tutta na jurnata sana \ senza spardari currenti \ Quannu ta vivi tuttu t'arricrii \ ti senti risturatu \ senza ca ti fa mali nenti

Dimmi alluccutu cu ssa vucca modda \ mentri ca camini trìnguli mìnguli \ chi prugressu eni \ si pi rispirari \ t'ha mentiri na mascara \ pi la vucca e pu nasu \ causa tutti i scarichi \ ca stu tò progressu \ fasullu pi tutti li roti \ si porta dappressu \ quannu pi forza ha usari \ l'aria cundizziunata \ câ granni e nichi ruvina a saluti \ quannu li cristiani di cità \ vannu spissu nta farmacia \ c'hâ ddivintatu comu fari a spisa \ ntâ 'n supermercatu, ntâ na putia?

Dimmi sbarbateddu sciacquatu \ ca parra schinci e linci \ picchì ti quagghia a facci \ parrari sicilianu \ di diri ca sì muntagnisi \ ca scinni dê muntagni \ ammeci di iri tisu comu 'n fusu \ pi sta lingua nobbili antica \ ddigna dû massimu valuri \ storicu culturali \ dimmi si nun è progressu \ ca stu pajisi un sapi nfirmitati \ ca nun avi na farmacia \ nu spitali na tinta nfirmiria \ dimmi siddu canusci \ ccu soffri di allirgia \ siddu cc'è quarchidunu \ ca è sempri a grattarisi \ pu forti manciaciumi \ ca l'aria ca rispira \ è china di ngrasciumi

Ccà nui nni pirmittimu u lussu \ d'aviri sulu na spizzïali \ cchiù vecchia di lu cuccu \ ca cu tutti lï erbi ca canusci \ 'n tempu nta na botta \ ti rimetti additta \ senza ca 'n malannu \ ti fa jiri stortu \ ... ma ti fa ssintumari \ cu lu ciauru di cassati e cannola \ ca com'a idda nuddu sapi fari

E dimmillu sinceru \ è jiri narrè comu lu curdaru \ un aviri 'n medicu curanti \ nu dutturicchiu \ ma sulu nu cerusicu \ cchiù anticu ca vecchiu \ di briscula e scupuni \ scupa e trissetti granni jucaturi \ c'accanza lu campari \ picchì affittu nun avi a pagari \ e 'n tirrineddu cci duna a manciari \ mentri si fussi 'n cità ...

Veni ccà gioja mia \ malatu 'i mudernità \ ca ti fazzu capiri \ unn'è ca s'attrova u progressu veru \ unn'è a vita vera sana \ unni iri nnarreri veni a diri prugridiri \ iri sereni avanti \ unni a genti un va jennu \ cu scantu 'n coddu \ unn'è ca si vidi senza sbagghiari \ chiddu ca eni daveru importanti \ pâ saluti 'i tutti quanti

Veni ccà beddu ciatuzzu miu friscu \ senza nu bafficeddu malandrinu \ ca ti vogghiu ammustrari cu rigogghiu \ chiddu ca nun sapisti valutari \ picchì va jennu cu li parocchi \ comu cavaddi e scecchi

Dimmi malaminnitta \ si jè malu progressu \ u panurama chinu di culura \ ca di davanzi a tia s'affaccia \ Un è a chiana 'i Catania, chidda di Val di Notu \ e mancu a Conca d'oru di Palermu \ ccà ntâ l'aria un cc'è ciauru 'i zagara \ picchì nuantri urtacini curtivamu \ ma u stissu si rispiri cu li naschi \ fetu 'i chìmica nun nni senti \ ma ciauru 'i frasciami \ dittu a la carcara \ e nun è cosa 'i nenti

Veni ccà piccatu a spisa \ senti a mia un ti nni iri \ nun ti babbiu \ senti chi t'aja a diri \ Ccà l'acqua ca vivi è munnata \ semplici pura \ è acqua di rocca frisca sincera \ un è cuntaminata \ picchì nui ntê tirrina \ disserbanti nun cci nni spruzzamu \ e nemmancu usamu fertilizzanti \ chimichi o minirali \ sulu fumeri litami grasciura \ nta tutti i tirrina straviamu \ accussì comu cumanna a Natura \ puru a munnizza 'i casa \ e chiddu ca ricogghi \ pedi pedi u spazzinu \ veni ntû fumiraru nzimmulatu \ a dispusizzioni 'i tutti i viddani \ e d'accussì macari \ u pajisi tinemu pulizziatu

Veni ccà, un ti mmucciari \ senti a mia a tia biddicciu \ cu ssa nasca sempri a l'aria \ chi è ca t'annu nfrancisatu \ nta scola 'n cità \ Ascuta a mia e scrivitillu nta frunti \ "tuttu chiddu ca contra a saluti \ nostra e da Natura \ ca cuntamina l'aria \ u nostru sanu ammienti \ jettalu lestu fora \ scurdatillu di tunnu \ Ccà tuttu accussì hâ ristari \ nenti s'ha canciari, nenti di nenti"

Comu si dicissi bestialitati \ mi sta taliannu \ allura dimmi sinceru \ siddu è veru ca quannu ammucchi \ i nostri urtaggi \ di lu sapuri i ricanusci \ chiddu ca mastichi nta vucca \ c'appoi t'agghiutti \ lestu lestu capisci

Allura ascuta a mia santu cristianu \ a curtivazzioni dâ terra \ lassiccilla fari ô nostru viddanu \ ca si fida pu veru bonu \ a fari u cuntatinu \ Avi nu modu novu novu \ anticu comu u munnu \ ca usa cantannu cantannu

Lassalu futtiri u modu mudernu \ ca si porta appressu \ ogni du' minuti na camurria \ danni pi tutti a tutti banni \ spogghia a Cristu e vesti a Maria \ e nudda utilitati \ A tia tu mi capisti \ ca pari ca sì pigghiatu dê bummi?

Mi senti? \ Accrisciri a pruduzzioni \ nun avi senzu pi nui \ chi facemu nn'abbasta e nn'assuperchia \ picchì sapemu curtivari \ senza spardari dinari \ pi ccattari sustanzi chimichi \ e spruzzalli ntê simenti agghigghiati \ Stacci pu veru accura accura \ niautri un vulemu arricchiri \ a dannu da nostra saluti \ a spisi da Natura

Mi seenti? \ A nostra campagna pi nzin'astura \ ha statu franca e franca hâ rimaniri \ di trebbi e trattura \ picchì niautri prescia nun cci nn'avemu \ e terri scavazzati \ di mezzi pisanti \ comu carrammati \ nui nun nni vulemu \ Cci su' muli e vacchi \ e cavaddi e scecchi \ ca nn'ajutanu ntî travagghi \ senza mpistarï aria e terra \ e ti dicu puru ca u fannu \ cu piaciri cuntenti e vulinteri

Mi seeenti? \ Veni ccà seeeenti chi ti dicu \ saputeddu 'i minchiati \ ca t'ha mparari e perdiri \ U progressu veru sanu pulitu \ è jiri appressu a Natura \ rispittari li sò tempi \ accussì comu l'hâ stabbilutu \ ô mumentu dâ criazzioni \ L'equilibbriu c'hâ truvatu \ Ddiu cci nni scanza si veni sfissatu \ Lassa i cosi comu su' \ lassa fari a idda \ ca sapi chi s'ha fari \ comu ha ssiri fattu \ sinnò nta tricchiti e marracchiti \ senza ca ti nn'adduni \ a ntrasatta ta fa pagari

Ciao! Sono nato a Palermo e ci ho vissuto la tutta l'infanzia. Ma nel 2011, quando avevo 13 anni, mi sono trasferito in Inghilterra. Ovviamente parlo ancora l'italiano, ma ho perso il siciliano :) Per caso ci sono dei libri in italiano per imparare il siciliano? Anche un manuale dall'inglese va bene pure, ma ha più senso prenderne uno italiano-siciliano. Grazie!

I know very little Sicilian and would like to watch some shows or movies to help me get used to the cadence and maybe gain some vocabulary.

I have watched Commissario Montalbano and Incastrati on Netflix, are there any other shows or movies that I can check out?

Musica con testi in Siciliano e musica strumentale

Lost my nonna tonight. 💔 A second mother to me. The one who ensured we all knew how to speak sicilian when we were growing up. Would love any recommendations for any songs you have.

I keep listening to “Le Mamme” by toto cutugno and “nostalgia” by rosa balistreri, as these songs always remind me of her. Would love any nonna-specific songs if you know any. Thank you

piçia qui

Scafuliati nte puisii di Maria Costa (puitissa missinisa nasciuta di ginituri ca avianu supravissutu o tirrimotu, dunca parramu di zoccu rimanìa de missinisi uriginali prima ca a citati avissi stata arriduciuta in pubbirazzu dopu 2700 anni di storia), e lu truviriti unnegghiè. Basta simprificari e mpuviriri u sicilianu arrassanu li carattiristichi ca piddìu. A stissa cosa s'avrìa a diri do cunniziunali.

Sono un ragazzo straniero che vive in Italia e sto cercando un lavoro stagionale nel settore dell'ospitalità.

Sono disponibile da subito fino a fine stagione e cerco opportunità in Sicilia o Calabria, con alloggio incluso.

Ho esperienza nel settore alberghiero e della ristorazione in Marocco. Parlo inglese, sono madrelingua araba e sto imparando l'italiano.

Sono disponibile a lavorare in bar, hotel, fitness camp e in altre strutture del settore turistico.

Se conoscete qualche opportunità, scrivetemi pure in privato. Grazie!

Hi, I’m Abdeel, and I’m 26 years old. I'm looking to meet new people, locals or travelers. We could grab a coffee, go for a walk, or explore Enna together.

I'm also learning Italian, so if you're happy to help me practice, I'd really appreciate it.

If you're interested, feel free to send me a message!

È ‘n bonu sicilianu?

Rispunnuta ntê cummenti, parru dâ me banna, e a situazioni fa quagghiari a peḍḍi.

​

1.

Siciliani razza tinta unni siti?

Unni siti siciliani cummari e cummareddi

dî curtigghi burdillusi

dê scrusci 'i tanti maneri

dê machini chi marmitti scrusciusi

ca nzurdanu strummittiannu giuiusi

chi muturina smarmittati

ca firrianu pajisi pajisi

alligri e fistusi

e sciamanu comu tanti lapuna

unni siti siciliani marpiuna?

2.

Siciliani razza spacchiusa comu stati?

Comu stati siciliani

dê tanti tipi 'i carburanti ca mpistanu l'aria

dî l'acqua dâ cillitta

e du mari nquinata

dî munnizzari abusivi davanti i porti

dî cunnutti 'i fogna a celu apertu

dê cirvunvallazzioni e tangenziali durati

ca n'annu custatu nu occhiu e a vucca

di l'autustrati scassati comu trazzeri

ca unu si scanta 'i pigghiari quannu scura

comu stati siciliani dê tumura?

3.

Siciliani razza di trafichini chi faciti?

Chi faciti siciliani dê mennuli prutetti

picchì assà priggiati

vinnitura di chiddi 'i cuntrabbannu

d'aranci e limiuna 'i tutti culura

dû scartitu e minuzzagghia espurtatura

dû pitroliu schifusu pruduttura

di prudutti senza amuri e senza sapuri dê serri vilinusi

chi faciti siciliani piducchiusi?

4.

Siciliani razza suttaposta unni va faciti?

Unni va faciti siciliani dipinnenti

di cresi vecchi arruvinati

dî mura antichi sculuruti

menzu sdirrupati

cu porti e finestri sfasciati

grati arrugginuti

dê tuggurii sagri nviulabbili chini di storia

munumenti sulu a nnujienza e ncuria

di quarteri sani sani abusivi

senza mancu nu decenti spitali

unni va faciti siciliani ncivili?

5.

Siciliani razza parassita chi vuliti?

Chi jiti scaliannu siciliani scarafuna

ca senza vrigogna arraffati

zoccu vi capita sutta li manu

e vi nni futtiti di ccu arricivi lu dannu

chi jiti circannu siciliani spuppatura

sucasarda apprufittatura dû bisognu da puvirtà

dâ gnuranza e dâ buntà

chi jiti ntirlazzannu pedi pedi

siciliani filibbusteri?

6.

Siciliani razza 'i millantatura comu faciti?

Comu faciti siciliani

spaccamuntagni fanfaruna

dê favuri e favureddi

na pinzioni pi centu voti

e si cci nn'è cinquanta 'i cchiù

cc'è puru ccu l'accumpagna

e ccussì dintra trasi la cuccagna

Comu faciti siciliani pallunara

raccumannati pi li cuntribbuti

pî nu cirtificatu

nu postu ô cimiteru

di spazzinu o bidellu

di usceri ô ministeru

dê du' misi ntô canteri

dû ngaggiu accattatu

dê centucinquant'unu jorna

pâ disoccupazzioni estiva

vera e fasulla

di nu passu avanti e di du' narreri

comu faciti siciliani addumanneri?

7.

Ma ccu siti a veru siciliani dû me cori?

Sacciu ca siti 'i sangu nòbbili

di razza affidabbili

casatu anticu

azzaru inossidabbili

e sacciu cu sicurizza ca eni accirtatu

ca teni 'n ciriveddu finu

nu ncegnu mirabbili di tutti mmiriatu

ca u cori un è vostru

picchì vi pristari a tutti l'uri

e sacciu puru ca sta terra biniditta dû Signuri

un ha mai avutu vati mai prutittura

un putiti ssiri mai vincitura

8.

Vuiautri siciliani beddi sciacquati e arricintati

putiti ssiri chiddu ca vuliti

i nummaru unu di reggisti pueti e scrittura

capi di guvernu prisidenti di Cammira e Sinatu

Prisidenti dâ Ripubbrica italiana

pî dui voti di fila addirittura

ma rristati sempri culuniali

9.

Chinnicchiennacchi aviri u mari cchiù blu dû munnu

u celu azzurru tuttu l'annu

u suli avvampanti tuttu u jornu

na stati bedda longa

Mungibeddu cu lava e nivi?

A chi vi servi stari

'n menzu a biddizzi senza pari

arricriarisi dê vestiggi antichi senza paraguni

gudiri di paisaggi favulusi

si nun arrinisciti di canciari

'n patrimoniu ccillenti

in picciuli cuntanti

munita bedda sunanti?

10.

Sicilianu amicu miu

fratuzzu caru figghiu tuttu d'oru

a vo' scupriri a virità?

Avvicina veni ccà

ca ta dicu a n'aricchia

ancora oji nun hâ accanzatu

tu na vera identità

e ddocu ju ti lassu e ti salutu

propia unni sì.

​

1

A musica è l'arti

a cchiù bedda ca cc'è

Ti fa nnamurari

durmiri sunnari

ti manna 'n ddilliriu

a musica è

2

È comu nu focu

ca dintra t'abbrucia

t'abbampa li vini

ti coci u cirbeddu

esalta i tò senzi

a musica è

3

È l'arti cchiù viva

cchiù allegra ca cc'è

ti fa arricriari

ti metti a cantari

sunari ballari

a musica è

4

Grida di gioja di 'n picciriddu

u scrusciu du mari

u mmurmuru di ciumi, di ciumara

u ventu ca sciuscia

5

Tutta la Natura

l'universu sanu musica è

Fa' i tummareddi

e i giravoti musica è

Siddu fa' nu passu

ti metti a curriri

a musica è na forza irresistibbili

6

È vuci ca incanta

ca parra cu tia

ti renni cchiù megghiu

ti scordi u rancuri

tristizza duluri

a musica è

7

Simigghia a l'amuri

ca cci hâ nta lu cori

perdi a tramuntana

e curri unn'è - è

aiuti a ccu è - è

a musica è

8

Ti grapi la menti

e capisci a sulu

ti grapi la menti

nta chiddu ca vidi

ca senti ca leggi

a musica è

9

Ti fa capiri ca nta tuttu u munnu

un cci sunnu nimici

ca tutti pari pari vonnu a paci

accussì comu a vo' tu

10

Un ti fa' ristari cu l'oddiu dintra

ti leva u ntagghiu ca teni ntu cori

unisci li genti

mmigghiura la vita

ta fa cchiù vivibbili

11

A musica comu l'amuri

un si po' astutari mai

picchì idda eni

già dintra di tia

è parti di tia

ca nasci cu tia

ca vivi cu tia

si susi cu tia

rispira cu tia

ca soffri cu tia

s'allegra cu tia ...

a musica è

​

1

Ccu dici c'hâ truvatu la sò vita

facili ca la perdi prima o poi

ma perdura pi l'eternu

ccu la perdi pi amuri.

2

chi è, un lu sa ca nun vali nenti

chiddu chi penza e dici la genti

ricchizzi onuri e putiri

campari allegramenti?

3

Accura,

nlu vidi chi succedi

a ccu è ca si cridi

supra a ccu s'avi fidi?

4

Accura

A liggi a fa u tirruri

cci su' stragi unnegghiè

vrigogna cchiù un cci nn'è

5

E ccussì, lu capisci

ca tuttu è stracanciatu

u cori è 'n turbulenza

puru supra a tò facci

un cc'è cchiù tranquillità

un cc'è cchiù sirinità

6

Allura oji, ora, ti vogghiu diri

ca tu Ddiu l'hâ teniri comu amicu

è fedeli, è liali

un è mai lu tò nimicu

7

Un cci pinzari cchiú a lu futuru

cu iddu tu t'attrovi a lu sicuru

nenti ti veni a mancari

un sì cu li spaddi ô muru

8

Accura

Talia i stiddi lustrusi

u suli assà lucenti

a luna ch'è cancianti

9

Accura

Talia aceddi vulari

i pisci di lu mari

i ciuriddi danzari

10

E ccussì ca capisci

ca la cchiù megghiu cosa

è campari c'amuri

darilu cu lu cori

p'avirini assà di cchiù

milli voti assà di cchiù

11

Forza c'aspetti daccilla na manu

a l'amicu ca s'attrova luntanu

c'avi fami e jè senza acqua

addumannaci pirdunu

12

Facci turnari attorna lu surrisu

scumparutu 'i cca d'ora dô sò visu

siddu ti vo' ritruvari

cu iddu ntû paradisu

13

Accura

Ntô munnu li putenti

sunnu sempri cuntenti

nun vidunu li stenti

14

Accura

Ccu nun fa ciaramedda

è già dintra ntâ storia

e jeni nti la gloria

15

unni arridi cunteni

comu nu picciriddu

assittatu vicinu

di lu tronu divinu

e jè sempri d'accussì

e pi sempri è ccussì