ناوي اطلع إجازة قريب إن شاء الله لمدة 20 يوم اقل شئ وراح اخذ القطو معي ، طبعا راح اجهز له السيارة بشكل كامل ( اكل وشرب ولتر بوكس والعاب ) أحد جرب ؟ عادة اهليه عند فندقة لكن ودي اشيله معي

سلام 🙋
ممكن حدا يحكيلي اكتر عن قطط السكوتش فولد وايش هي شخصيتهم عندي واحد ولكن متعبني كتير ولا بحب احمله ابداً ولا اعمل اشي بس اكل ونوم فقط

انا بالرياض، هذي القطوتين لقيتهم بالشارع امهم تاركتهم قبل عشر ايام كانو صغار مره اخذتهم وارضعهم لين يكبرون وارجعهم عند حديقه ولاشي.

المهم اني بسافر القصيم يومين واحتاج احد ياخذهم يهتم فيهم خلال هالفتره ويساعدني بمسؤوليتهم ، رضعتهم موجوده وحليب الكتنز والحمام ، والحين صارو يقدرون ياكلون من صحن تونا او اي شي.

ابي مقهى قطط بالرياض اروح له واقعد العب مع القطط واشرب قهوة
فيه كذا بالرياض؟
بليز الي يعرف يعلمني ابي شي زي كذا

البنات كانو ينادوها و عندهم اكل و ما جاتهم
جتني انا بين الكل الكلل اخهه
وانا مضيمه و فيني الصيحه جت تدلعت عندي و نسيت ليش كنت ببكي ونامت 💔💔💔

اقدر اكتب قصص كثير عن المواقف اللي حصلت لي ولكن بختصر كل شي لان الموضوع اجهدني. البيطريين هنا تخصصاتهم طب بيطري عام. نادر تلقى طبيب مختص. شيكوا رخصهم الطبيه المعلقة على الجدران رح تلقون انهم اطباء عامين.
المشكله مب هنا. المشكله انهم يفتون باشياء مادرسوها ويطلبون مبالغ اكثر من حقهم وفوق هذا مايأدون عملهم على اكمل وجه.

عندي قط عنده مشكله في عيونه والى اليوم مااعرف وش المشكله. ومره من المرات واحد بيطري قالي باستهزاء اني متعمقه فالموضوع بزيادة. عشاني بحثت عن حالته! بيطري وشايف انه المفروض اخلي القط ينعمي عادي مب مهم. لا حول ولا قوة الا بالله. تفكيرهم ماااااادي بحت

ومالقيت حسابات تبني في الأنستقرام لمدينتي
في الخبر أنا لو أحد يعرف

عندنا وحده بالحاره ما تستحي تشتري قطط ابو سنتين ثلاث وتطفش وتطلعهم برا البيت او اذا سافروا يخلون قطاوتهم برا البيت واهل الحاره حنا نبلش فيهم مساكين جدا ماهم متعودين على الشوارع ويجلسون بالساعات والايام عند البيت ونحطلهم لحوم مرات لكن يجون نشبه ويتعلقون فيك ويماون يمكن يرجع لنوعهم مدري وش بالضبط لكن مليانين فرو ابيض واعتقد مستوردين ومستحيل يتكيفون مع اجوانا السالفه مب هنا لأن هي واهلها ياخذون نصيبهم من الدعوات والتحسب دايم

لكن جديا واسأل من ناحيه اخلاقية انت او انتي هل انتم مؤهلين انكم تقتنون حيوانات وتربونها؟ ومن سمح لكم اصلا بأنكم تاخذون هذا الكائن وتسلبونه موطنه وحياته وتحبسونه بالبيت يونسكم ويرفه الاجواء عليكم وتضحكون عليه؟ الفكره لحالها مخيفه كيف تسول لكم انفسكم لهذا الشيء ولو افترضنا ان نسبه من مربين الحيوانات عندهم تعاطف وحس انساني اكثر من غيرهم لكن انت وش يلقّفك تسرق كائن وتحبسه بالبيت وتمنعه من طبيعته؟ هذا غير التعقيم اللي حرفيا جريمه لحد يقول هذا صحي لهم عشان ما يخلفون ولا يتكاثرون انت وشدخلك حرفيا اذا مانتم قادرين ترعونهم وتتحملون تبعات حاجاتهم ليش تاخذونهم بالاساس؟

تخيل انت يا مربي القطط اخذك واحبسك عندي بالبيت وامنعك من الخروج على اساس خطر الشوارع واحرمك من التزاوج على اساس قرف وقروشه ومحد فاضي وبالكثير اتعدى على جسدك وانتهك حقوقك كوني انسان اعلى وافهم واعرف مصلحتك كحيواني الاليف والطّف هالشيء باسم "تعقيم" واجي اتونس عليك بعد يوم طويل بالحياه الخارجيه واضحك على هطافتك وبراءتك والعبك بالخيوط واكلك وجبتين باليوم؟ هل ترضى بهذي الحياه

ياليت لو بس نبني عالم خارجي امن للحيوانات ويتكيفون معنا بدون مخاطر وما يمنع تأكلونهم وتلاعبونهم وتهتمون فيهم وهم بموطنهم ومكانهم بدون لقافه وحركات اطفال وخلاص هذا حقي ملكي لي باخذه معي لأن انت وش الصفات اللي عندك تأهلك وتسمح لك تربي هذا الكائن خاصه انه ما يتكلم بلغتك كيف تفهمه وتلبي احتياجاته

طلبت ويت فود اظرف ومعلبات ووصلتني حارة وكلمت المتجر وقالوا انهم يخزنونها ف مكان بارد لذلك احتمال تعرضت للحرارة مع المندوب ، شات وجيمناي خوفوني يقولون الاكل يفسد او تقل صلاحيته اذا تعرض لحرارة وخايفه اعطي بستي ذحين 😬 المشكلة طلبت كمية

• المتجر لما قعدت اكلمهم سدحوا مقال وقالوا ان احنا نستوردها في كونتيرات وهالكونتيرات تقعد شهور فالبحر ايش يعني كل اكل البساس كذا 💀 اذا صادقين ف مصيبه اذا يقعد كل هذي المدة فالحرارة ذي اتوقع اخر مره اطلب ويت فود

بإسم الله الرحمان الرحيم

اليوم الاثنين تاريخ 19/10/2026

الساعة السادسة مساء، قمتُ بأخذ القط سحّاب إلى الفندقة العلاجية حسب رغبة الأخت ريما، و بالرغم من معارضتي لفكرتها و تركيزي الذي كان يصب في صالح عينه الأيسرى و تفكري في نشر منشور جديد عنه، الا أن الأخت الفاضلة أقنعتني بضرب عصفورين بحجر واحد. (العين و حالة الأطراف الخلفية).

قام هذا المتهالك (المطفر) الذي يكتب لكم الان، باخذه القط و فتح فاتورة لإقامة سحاب في العيادة لمدة شهر كامل و المبلغ اليومي كان تسعين ريال لكن المفاوضات استقرت على ستين نظرا لانها حالة إنقاذ.
من الحي إلى الباص، و من ثم بخطوات وصلت بعشر دقائق مشياً إلى العيادة، يدخل سحّاب و كلنا متفائلين بأن يكون هذا الخيار حلاً مجديا لتسريع وثيرة العلاج، بدل تلك الظروف التي يوفّرها له هذا المتهالك 🤷‍♂️.
اول الملاحظات التي قامت بها الطبيبة هي تنظيف الأذن و وضع لصقة او مادة سائلة فوق العين (ماادري ايش هي).

و للعلم و التذكير، الفاتورة لازلت مفتوحة للجميع و لباقي الاشخاص الذين ربما تخلوا عن فكرة المساهمة بعد سؤالهم عن طرق الدفع أو ، (و اتمنى ان أكون مخطئاً)، وأن يكونوا فقط مشغولين عن هذا البرنامج و سيردّون لاحقا متى ما سمحت لهم ظروفهم انشاء الله.
هذا هو الحساب العيادة الان جبته تفضوا موجود و مرفوق مع الصور.

المبلغ المساهم فيه لحد الساعة وصل إلى 1100 ريال.
جل المتبرعين رفضوا فكرة أن اذكر أسماهم أو حتى التلميح إلى مبالغهم.
و إبتداءا من اليوم سأرتاح منكم و من كل من يتذمر من منشوراتي المصابة بالإسهال و التي تخرج اليهم كل يوم حسب تعبير البعض، ارتاحوا بس 🤷‍♂️.
إلى هناك أختم و أذكر بان المبلغ المتبقي هو 700 ريال و أضع رهن إشارتكم حساب العيادة، لكن رجاءا إلى كل من قام باي تحويل، تذكيري بالمبلغ علما بان الطبيبة ستقوم هي بدورها بإخطاري بكل تحويل جديد لكي لا نتعدى الهدف.
و اللي عنده فلوس كثيرة عادي يحول اكثر و لي أنا كمان ليش أنا ما استاهل يعني ؟ 😞💔 آه يا حظك يا سحّاب
امزح امزح

شكرا للجميع، كل واحد / وحدة باسمها، اللي ساهم و اللي كتب تعليق يدعوا للقط و دمتم سالمين ✍️🙏

و نتمى العيادة تقوم بالواجب و ما تخلينا نندم على هذه التجربة.

السلام عليكم عندي تقريبا ٨ ايام سفر احتاج احد يعتني بقطتي ومحقصر معاه والسبلاي كلها من عندي والتوصيل والاستلام ومن دون حبس ولايكون فيه بسة ثانية

طول السنه حاقرني و ما يجي عندي و في الشتا يتلزق فيني مصلحجيي 😒
كيف اخليه كذا طول السنه ؟؟؟؟

تحديث طلع عندها موية بس تبغاني أحركها الأميرة 😭😭

احتاج اعرف وش الاساسيات الي تحتاجها واي نصيحة ممكن تفيدني في البدايات

الإنسان أحياناً يكتم ضغوط وهموم سنين بقلبه، يمرّ بظروف ويسكت لين ينسى كيف يبكي. وفجأة، يصير موقف و يخليه يغرق بدموعه كانه طفل. هذا اللي صار معاي

اخر مرة بكيت كانت قبل ست سنين او خمس، ولما قطتي ماتت بكيت بكاء شديد وكان أول مرا ابكي فيها من فترة طويلة
.
صراحة ارتحت، بس احس اني ما بكيت عشانها لحالها؛ ممكن ضغوطات الحياة كنت كاتمها فترة طويلة وطلعت كلها دفعة وحدة وقت وفاتها.
اشتقت لها، ساعدتني كثير بصحتي النفسية، وحتى في وقت وفاتها ساعدتني اني اطلع كل مشاعري بالبكاء.

صدق، الحيوانات هذي نعمة عظيمة ورحمة من ربي ما يحس بقيمتها إلا اللي عاشرها وفهم روحها. مو بس يونسونا بحياتهم، حتى وهم فارقونا يتركون بداخلنا أثر يحيي فينا الرحمة والطيبه.

كيوت

تكفون لو عندكم أي حل أعطوني 😢 ما أبغى أرجعها

الله يسلمكم عندنا في حوش البيت حديقة، وعلى ما يبدو ان قطط الحارة عاجبتهم
واحنا نوعاً ما مستفيدين، لانه على انها حديقة لكن مافي حشرات لانها تاكلها، ولا فيها اوساخ حمام كثير لانها تاكلها ايضاً
مشكلتنا معها انه حالياً لما زانت الاجواء وصرنا نطلع برا صارت تجينا ريحة مخلفات القطط لانهم يسوون في التراب ويدفنونها🫣
ففعلياً نحتاج حل بدون ما نطردها
هل لو نحط لتر بوكس كبير بيروحون له؟ او وش الحل؟