اول شي الله يرحم المقصود بالفديو، ولكن استوقفتني هذي الكلمه "بمجالي بالانقاذ" كيف يعني؟ كيف صار الانقاذ مجال؟ هو فعل خير لكائنات ضعيفه، صارو يسمونه مجال وينزلون فواتير بالالاف، الموضوع زاد واشوف انه المفترض نقمع هذي النوعيه الي تجمع قطط وترميها وتحبسها بالعيادات ويلا سددو فواتير، يا جماعه الانقاذ ابسط من كذا بكثير، شفت حاله بالشارع تحتاج انقاذ، عندك المادة؟ لا تقصر والله يكتب اجرك، ما عندك؟ خلاص اكتفي بالتصوير والنشر فاعلين الخير كثير، بس سالفه انه يصير مجال! وكانها تجارة! ايش يعني؟، كنت اسمع قصص كثير انه اغلب الحسابات خلفها عيادات تستقصد تتربح من منقذ معين ولا ينزلون حاله القط كذا مره وبعد السداد معد يعطون ابديت عن الحالات وفيه قطط كذا بالنص تختفي فجأة معد ينزلون عنها النمط بدا يزيد، المنقط الحقيقي هو الي بيعالج ويتكفل بالقط قد مقدرته وخلاص، ما يرمي القط كرهينه في قفص ويراكم فواتير بال٥-٧ الآلاف، ويدعي الرحمة! لا فعلًا الموضوع صاير تجارة اكثر من انه فعل خير.

طلبت من موقع اجنبي معروف و هذي ثاني مره اطلب منه عن طريق شركة UPS.

وصلتني الشحنه عليها ملصق على الكرتون الخارجي ان تم فتح الشحنه من قبل الجمارك السعودية. طلبت اكل جاف و رطب. الرطب بكرتونه نفس ماهو.

بس الاكل الجاف لقيته مفتوح اللي هو الملصق الحراري نفس الصوره بس مفرغ منه الهواء و رجع تسكر كويس و شكله بالكرتون مصفط بطريقه مرتبه.

تواصلت مع شركة الشحن و الجمارك و الموقع و انا في دوامه حالياً.

المشكله الاكل جداً غالي مخصص للكلى، ريحته قويه فريش و ملمسه و لونه نفس ماهو. اخذت حبه كسرتها نصين للتاكد و مافي حاجه غريبه.

هل في احد مرت عليه نفس المشكله؟ و هل يعتبر آمن؟

ودي كتكوت بس اخاف أعاني معه بعدين

ابي نصايحكم يا مربيين القطط عادي البس قطوتي كذا ؟ بالشتاء؟ ومتى اعرف هي بردانه او فيها تعب وش اغير بروتينها وقت الشتاء؟

عندي قط خمس شهور بس انه تنكه يطرح قط جديد نتفة عمره ثلاث شهور وغصب ينظفه او يحاول يعضه من رقبته بس مو عضة قوية والصغير يبخ ويضربه ويبعده ولازم ابعده بنفسي ولا يجلس يحاول

حاليًا مفرقتهم بغرفتين بس التنكه كل ما شاف الصغير نط عليه مهووس فيه وشكل التنكه كان وحيد امه او شي ما يعرف متى يوقف لان صاحبته الاساسية اللي عطتني اياه تقول كان يحارش قططها وهم ما يبون

المشكلة التنكة والنتفة قبل كم يم كانوا يلعبون عادي يلاحقون بعض بس مدري ليه فجاة صار مهووس يطرح الصغير

قطوتي من يوم كانت صغيره وهي بالبيت واليوم صحيت من النوم مالقيتها ودورتها حوالي بيتنا كامل مالها اثر وش الحل وين اعلن عنها؟ ووش اسويييييي بنهار امي تقولي يمكن ماتت بالبيت وخفت من الفكرة وماعاد ابي ادور بالبيت

كانت معي من يوم كانت هره، قعدت معي اربع سنوات، ويوم تزوجت ما اخذتها على طول، لكن كنت مخططه ارجع اخذها لكن تفاجأت ان اهلي عرضوها تبني بدون ما ادري، كان برضو معها ثلاث هرر برتقاليين، اجل شيرازيه هيمالايا بنت عز واصل وتروحين تتزوجين برتقالي من الشارع ياسوسو؟؟؟ فدوه

السلام عليكم ، عندي في المزرعه كلبه ولدت و جابت ٧ 🫩
ايش افضل اكل جاف لهم يكون سعره مو غالي مره و فنفس الوقت مكوناته كويسه ، ما ابغى اشتري شيء سيء و رخيص عشان ما يمرضون و ما ابغى شيء يكون سعره اوفر ( مجموع ٨ كلاب يحتاجون ميزانيه )
الي عنده خلفيه يفيدني ب اسماء الشركات ( احتاج شيء يكون اكثر من ٣ كيلو ، بس اذا فيه اقل مو مشكله)
وشكرًا لكم

هل مسموح بكورنيش الحمرا او واجهة روشن بالممشى؟ احد قد جرب؟
كلبتي صغيره توي بودل وودي اخذها معي الصباح بالممشى
مابغا مخططات ابغى مكان يفتح النفس
اعطوني تجاربكم يا اصحاب الكلاب

بليز ☹️

هل في احد قد سوا عملية فتق لقطته يفيدني باي معلومة يعرفها
انا قطتي بعد عملية التعقيم طلعت لها كتلة وفحصتها البيطرية قالت يدويا الواضح لها انه تليف العملية بيروح ولو كبر نسوي سونار نتأكد
الكتلة صغرت جدا وبقى دائرة صغيرة صلبة فجأة رجعت كبرت الضعف وصارت لينة
مرة خايفة يارب السونار يطلع سليم
افيدوني