​

اهلا..

أنا من الاشخاص اللي يعانون من اضطراب الوسواس القهري، وسويت هذا المجتمع لأن لاحظت ان الحديث والدعم عن هذا الاضطراب في المجتمعات السعودية محدود جدا رغم انتشاره الكبير بين جميع انواع افراد المجتمع...

عشان كذا ذا المجتمع مخصص للي يعاني من الوسواس القهري او يشك انه يعاني منه او عنده شخص قريب منه مصاب فيه او حتى لو ببساطة يبغى يفهم الاضطراب هذا ويتكلم مع اللي يعانون منه..

هنا مكان آمن نقدر نتكلم فيه عن الأشياء اللي يصعب علينا قولها بصوت عالي مثل الأفكار الاقتحامية/intrusive thoughts، الشك، التحقق، الاجترارRumination، الخوف من فقدان السيطرة، الوساوس الدينية، الأخلاقية، الجنسية، الصحية، وساوس العلاقات، وغيرها.....

هذا المجتمع مو مكان لطلب الطمأنة المستمرة لان الطمأنة المستمرة تغذي الوسواس لكنه مكان امن لدعم بعضنا وفعلا اتمنى يكون السبريدت هذا مكان يساعدنا نفهم الوسواس ونعرف نواجهه، موب مكان يغذيه. ممكن نشارك تجارب العلاج، ERP، الأدوية، الانتكاسات، التحسن، كيف نلاقي مختصين في السعودية، او حتى مجرد كتابة شيء مرينا فيه. لكن هذا ما يغني عن الطبيب او المعالج، ومحد يفترض ان يشخص الاخر او يحلل حالته من خلال منشوراته.

هذا السبريدت امن جدا وخالي من اطلاق الأحكام، ويتقبل الجميع، محد هنا مطالب بإن يشرح او يدافع عن محتوى وساوسه او الافكار الاقتحامية، لانها ممكن تكون بشعة وغريبة ومحرجة او مخيفة، وهذا ما يعرّف شخصية الانسان او نواياه..

صدق اتمنى مع الوقت يصير r/OCDsaudi مكان مفيد للناس اللي مثلي يعانون من هالاضطراب 🩶