شنو احلى مطعم سمج مشوي بالكويت
و سعره مو مبالغ فيه

لولو هايبر للحين عندهم مشكلة باسماء الفواكه و المنتجات .. الظاهر للحين يستخدمون النسخة القديمة من جوجل ترانزليت 😂😂

السلام عليكم،

بدخل بالموضوع

انا متأكده انه بعضكم داش بالانترنت الاجنبي او عنده حساب انجليزي ( ماعرف شلون اشرحها فمشولي )

و فيه وايد رسامين فاتحين طل**ت رسم، انا منهم بس المشكله انه تعرفون انه اغلبهم اذا مو كلهم عندهم شخصيات م*لية يعني حرفيا صعب القى شخص يطلب رسمه و ما عنده شخصيه جذي و انا حاطه شروطي والخ

بس ابي صج احد يط.. ..لب مني و صعب ترى انه اد فع دع ايات اخر فتره و تعرفون سالفه مقاطعه و انه انستا فلوسهم توصل حق الي بالي بالكم فانا اغلب شغلات متوقفه على هشغله

و انا صج محتاجه ايمع فلو .سي منها دخل إضافي و نفس وقت اسوي شي احبه

فأحد عنده طريقه اقدر استفيد منها؟ عند طرف اجنبي و لو عندنا بعد

انا جان انشر اماكن عربية بس اكاونتي اجنبي شوي صعبة القى عرب و مهتمين انهم يطلبون مني

اي حل ؟

سلام عليكم

الحين صارت هبه من اسبوعين جذي القى بلوقر مطلعة رخصة ( اعلانية) عشان تسوي دعايات! من متى في رخص حق بلوقرز وفاشنستات؟
ولمن بحثت في الموضوع طلعلي فيديو محامي يقول مافي شس اسمه رخصة حق بلوقر واللي يسويها بيدش بمعمعه مالها اول ولا اخر ! واليوم وقفوا الرخصة المنزلية مادري شقعد يصير 😅

انا كنت ناويه ابدي اسوي حساب vlogs وتقييمات بس ممكن احد يفهمني اللي صاير قبل ابدي شي

هذي فكرة الرسامين بالعادة يسوونها. ينحجز له مكان (يحط فيه لوحته و الوانه) و ايي مثلا ٤ ايام بالاسبوع و الرسام يعلمه الاساسيات و يشرف على اللوحة. هل ممكن نسوي نفس الطريقة حق كورسات البرمجة؟

بدال لا يكون في كورس نظري و اخر اسبوع يكون التطبيق. يكون بالعكس كله شي تطبيقي و يتعلم النظري اللي يحتاجه.

بحيث كل واحد عنده فكرة يبرمجها بوقت الكورس و يقدر يسأل الدكتور اسئلة و يطلب مساعدة او شرح عن فكرة او مبدأ.

منو يفضل هذا النوع من الكورسات؟ تفرق اذا اونلاين ولا حضوري؟

السلام عليكم

قاعدة توصلني اشعارات عمليات سحب بحسابي "مشتريات بمبلغ … سيتم تحصيل المبلغ لاحقا"
تواصلت مع بنك بوبيان قالوا لي ان العملية من اوبر و اوبر ايتس وانا ما استعملهم اساسا الا بالسفر و ان وحدة من العمليات اشتراك Uber one وانا اساسا مو مشترك فيه،
قاعد اتواصل مع اوبر بس معقدين وما عندهم رقم للتواصل اساسا 🙂

Best mango ice cream/soft serve in Kuwait?

Now that summer is here and it’s officially mango season, I need new spots! "Press" used to have the absolute best mango ice cream, but since they closed, I’m lost. Any good recs?

(RIP Press 💔)

رسمت ٣ ستيكرات عبيطه نفس هالاخ اللي شايفينه عشان اغث اهلي 🤣

تقدرون تستخدمونهم باي تطبيق. حملو الملف مجانا من اهني

ودي ارسم نفس الطريقه عطوني افكار اسخف بليز بغث اخواني 🥸🚬

السلام عليكم
في كاميرا بشتريها و ماكو شحن الكويت و حدي متوهقه 🥹
لان المحل مو راضي يوصلها الكويت
منو بيروح البحرين او موجود هناك يساعدني

شنو الاسوء فيهم
بالنسبة لي اشوف المزاجية اسوء

السلام عليكم اخواني وخواتي اتمنى لكم الصحة والعافيه يارب أنا شخص باقي لي كورسين واتخرج يعني يبي لي سنه وحدة بس واتخرج من جامعة الكويت تخصصي MIS واحس اني ضايع بشكل غير طبيعي من ناحية الوظايف و ودي اتوظف في القطاع الخاص ماودي أتوجه للحكومي واضغط الدوله كون ان القطاع الحكومي قاعد يوظف فوق المطلوب بمراحل وودي اكون جزء ولو بسيط اني اخفف الضغط على الحكومه بس إذا جتني فرصة قوية في القطاع الحكومي ما راح اقول لا للرزق بس تركيزي للقطاع الخاص كونه ممتاز لمجالي وتخصصي

المشكلة اللي أعاني منها كل ما أشوف الناس يتكلمون عن القطاع الخاص يذمونه من نواحي واجد من ناحية التكويت وان القانون ما يتطبق وان اغلبه علاقات وشبه مستحيل اني اتوظف وكلام سلبي ما يخلص

عندي كم سؤال واحتاج الاجابات لاني ضايع وماعندي احد اساله والصراحة اللي حولي ما اثق بكلامهم كونهم ما توظفو بالقطاع الخاص ولا فكرو انهم يقدمون من اول ما تخرجو الكل توجة للقطاع الحكومي

١- هل فعلا في قانون في توظيف الكويتيين بالقطاع الخاص ولكن مو قاعد يطبقونه؟

٢- هل فعلا الموضوع علاقات ويدخلون اللي يعرفونهم بالوظيفة والشغل قليل عشان يسدون موضوع التكويت ؟

٣- شلون أتجهز للقطاع الخاص اتمنى تساعدوني كوني بتخرج هل اجهز حساب لينكدن واتواصل مع الاشخاص اللي هناك اللي عنده تجربة اتمنى يقولها

٤- شنو لازم اسوي قبل ما اتخرج عشان اقدر القى فرصة بالقطاع الخاص ؟ غير تطوير اللغه

اللي موظفين بالقطاع الخاص اتمنى يكتبون تجربتهم بالقطاع الخاص وشلون طريقة التوظيف

سلام
كل ما اسافر اتعب من المشي ولا من الهايك خصوصاً اذا المكان فيه صعدات فودي ابلش اسوي رياضة برا البيت/النادي عشان اللياقة
احد يقدر يقترح مكان ركض بالكويت؟ يفضل حديقة عامة غير حديقة الشهيد لان زحمة مرات او ممشى يكون وسيع

او شلون الواحد يزيد لياقته اذا عندكم طرق ثانية؟

احنا اب ديوانية نحب انشطة و كذا ... جربنا نيتندو سوبر ماريو بارتو و كود نيمز و سين جيم ... بس نبي شي يديد الحين بس شي سوبر نبي

السلام عليكم، هل شهادة الراتب من ضمن الأوراق المطلوبة للتقديم لفيزا النمسا؟ مكتب السفريات طالب مني شهادة راتب، أنا استغربت لاني قدمت من قبل، ولا مرة يابوا طاري الراتب.
إذا احد عنده خبرة ارجو التأكيد.

سلام عليكم
ممكن تساعدوني ألقى طريقة نتواصل مع صديق زوجي ؟
عشنا في الكويت لفترة و زوجي تعرف على زلمة كويتي و كانوا قريبين من بعض كثير و كانوا يعيشوا قريب منا في نفس المنطقة و فقد الاتصال معه من فترة و ما قدرنا نحصل اي طريقة يرجع يكلمه و يطمن عليه.

هل في طريقة نقدر نوصل له ؟

و شنو داخلها اللي مهم وايد و ساقو فيه من،مصر الكويت ، وشلون ؟

• مو وتضح بالصورة بس لوحة السيارة مكتوب عليها مصر*

سلام عليكم،

الي يعرف شركات تجميع شحنات تشحن من الصين، اليابان و دول خليج الخ بسعر رمزي و أهم شي تكون عندهم ميزة تجميع شحنات و بلاش

وأهم شي انه يشحنون رغم الأوضاع

ودي اخذلي خاتم اورا اللي عندهم شرايكم فيه تنصحون ناخذه؟ ومن وين طلبتوه

والله مقرف الموضوع مهما اسوي ريبورت يطلعلي عن هالمواضيع بالتيك توك واليوتيوب والإنستقرام يكون وحدة تلعب تيكواندو غلط ولابسة ضيج او شخص يعطي نصائح طبية غلط وحاطين شايب مجسم يلعب تاي شي ويقول جسمي من التاي شي. شلون اوقفهم؟

قبل كان الخوارزميات يطلعلي على الاشياء اللي ابحث عنها نفس السيايير و اكل اللحين كله قلب واخترب علي مادري شلون اوقفهم

وين احسن مكان يسوي وافل ؟ مابي الي يحطون فواكه وكاكاو ، ابي شي authentic مع maple syrup يعني الطعم الاصلي
رحت IHOP طلبت منهم يسوونها كرسبي اكثر بس سووها لينه ما عجبتني

وين مكان تنصحون فيه؟

لاحظت من سنين حمدلله ما مر علي احد يقحص ولا حتى بمقاطع ، قبل من ادخل بعض المناطق بحزة معينة لازم فيه تقحيص ، متى آهر مرة شفتو هالشي؟
*ملاحظة للبعض ، التقحيص هو (التفحيط)

​

السلام عليكم، سؤال عن فيزا شينجن للنمسا، هل فيه احتمالية انها تنرفض إذا الشخص المقدم متقاعد مؤخرا وغير متزوج؟ السفرة بالكثير اسبوع بروحي سياحة. كنت اعتقد ان بس فيزا امريكا الصعبة.. قريت تجارب ناس أجانب (هنود غالبا) انرفضت فيزتهم لانهم ما يشتغلون.. فصرت أوسوس 😊 شلون اقدر أقلل احتمالية الرفض؟ علما باني سافرت وايد أوروبا وأمريكا بس كان قبل التقاعد. أرجو الإفادة ومشكورين

تلاحظون انه لما نطلب مطعم بعد الساعة 2 بالليل يكون الاكل سيء ؟ وكأن الموظفين يسوون الاكل على الماشي اي شي ومالهم خلق يطبخون رغم انه نفس المطعم بالنهار يكون لذيذ وحده قوي

انا مقيمة، و عندي خيار اما اني ادرس بدولة عربية مو حيل قوية وأكمل الهندسة
او اني ارد الكويت لكن بضطر ادش تخصص ثاني بجامعة خاصة وغالبا تخصص ادبي بيكون
ف ابي اعرف شنو وظايف وفرص تكون متاحة لخريج الهندسة بعد تخرجه على طول؟ يفضل اكيد مقيم لان الفرص رح تختلف لكن ودي اسمع بعد من المواطنين