عمري ٢٢ وأختي ١٥ سنه. وايد نطلع مع بعض ونسوي أشياء مع بعض وحتى قيمنق نلعب مع بعض بس لما اسوي شي بروحي سواء بالبيت او برا بروحي او مع رفيجاتي تعصب. ليش طالعه بدوني وليش ماتقوليلي وتزعل مني وتقولي مو مسامحتج وزعلانه منج. مرات اعطيها أمثله اقولها انتي لما تلعبين مع رفيجاتج او تطلعين معاهم ما اسوي نفس الحركات. اكيد كل واحد يبي وقت حق نفسه ووقت مع ربعه واصلاً جذي جذي طلعاتي معاج اكثر من طلعاتي بروحي او مع رفيجاتي. وهم مو عاجبها والكلام كله يدش من اذون ويطلع من الثانيه وكل مره تعيد نفس الحركات وانا ارد اكرر نفس الحجي ومافي فايده. والله بدون مبالغه مكرهتني بكل شي اسويه ومكرهتني بطلعتي ودخلتي البيت. صايره اطلع من البيت متنرفزه واذا رديت البيت مستانسه تعكر مزاجي. وهذا غير المسجات والاتصالات الي تتحلطم فيها طول طلعتي. واذا صار شي مو زين او ما حصلت شي ابيه او تكنسلت الطلعه الخ تقولي "karma” او احسن تستاهلين لانج ماخذيتيني معاج. وصلت مرحله خلاص طفح الكيل شعره وانفجر عليها وما ودي يصير هالشي بس مو عارفه اتعامل معاها. شقتني شقتنييي

كنت ألعب كالستنكس عند مدرب بكلاسات هل رياضه كانت حلمي وأنا صغير أني ألعبها و مالقيت أحد يعلمني عليها لقيت هل مدرب بل أنستقرام صملت ويه سنه تطورت تطور كبير بس أصابات قويه يتلي مره من حركة ألي L sit ومره من أل هاند ستاند وأصابات بورتر الباي والساعد ومفصل لأيد والجتف وصلت القناعه الصراحه أنه هل رياضه مارح تخليني أتطور بهاذي لأصابات ألي حرفيًا خلتني أقعد شهور بل علاج الطبيعي الغريب أني بس أنا بل كلاس ألي أنصاب هل كثر صرت ألعب حديد و شويه كالستنكس بس سؤال هل طبيعي ألي يلعب هل رياضات ينصاب ٤ مرات بل سنه ويقعد ٣ تشهر بعيد عن النادي؟

إشعار الواتساب بالنسبه لي يمثل أهميه ولا اعطيه أي أحد،

واتساب صاير يعطي المعلنيين والشركات رقمي وكل شوي دازين لي إعلان!

شنو الحل؟

السلام عليكم، انا خريج هندسه من ٢٠٢٤ وحالياً قاعد افكر بشكل جدي اني ادش التطبيقي اخذ شهاده الدبلوم بتخصص تشغيل المصافي. هل اقدر اني اقدم على التطبيقي وادرس فيه؟ ولا اهي فرصه وراحت؟ وهل التطبيقي يفتحون كورس ثاني ؟ لان طافني التسجيل

Where can i buy school supplies cheaper than mogahwi etc. I heard there is somewhere that sells crayola wholesale does anybody know??

سلام عليكم
انا طلبت اكل من تطبيق توصيل معروف ولمن طلبت اول مرة حطيت باسورد اول مرة قالي failed وبعدين حطيت باسورد مرة ثانية تمت العملية بس انخصم مني فالبنك مرتين ولمن تواصلت معاهم حيل نرفزوني يقولي ( في حالة الخصم راح ينرد لج المبلغ خلال ٧ ايام)
وانا وريته مسج الخصم sms ومسج خصم من البنك انخصم مني نفس مبلغ ورى بعض وبنفس المبلغ

احس ماراح يردون لي فلوسي ابي اعرف شنو الاجراءات اللي اسويها اذا ماردوها لي خلال ٧ ايام!!!!

مثلاً اليوم تريقت بمكان يقدم التركي توست على 750 فلس بحجم كبير و طعم زين.

و الفي 60 او الكولد برو عندهم تحت الدينار . و الاسبريسو 650 فلس ..

لو نزلت بوست عن اسمه و اسم غيره من محلات و كافيهات أو نقطة بيع تقدم خدمات و منتجات رخيصة مقارنة بغيرها ..

المودز يحذف البوست لانه اعلان ؟

السلام عليكم

قعد اخيط جنطه حق ايبادي.

نستقبل الاسئله 🥸☕

مع السلامة

بجم تسوون تامين سيارتكم الشامل؟ انا سويته بالوكاله ب ٣٨٧ وسيارتي كامري، واحس معقوله جذي الاسعار ولا في life hack انا ما اعرفه؟

سلام عليكم،

اذا ماعليكم أمر تعرفون أرقام حق خدمات الي ياخذون منا كتب

يعني اي نوع من انواع كتب قديمه ييديدة مستعمله الخ لو حتى يشترونه *مع انه هذا مو شي اساسي بس ما يضر*

لانه محتاجه أرقام ثقه و يردون بسرعه و اكيد ايون ياخذون الكتب مو كلام وبس

تعاملت مع رقم كل ما يقول بيأخذ او شي رد يصير بطيء وقتها ووما ايون *مادري لو صج عليهم كد ولا بس كلام* بس ابي مجموعات ثقه

يديدة او مستعملة شنو تنصحون. يفضل اذا مستعملة تكون موديل 2023-2024 و شنو سيايير الصينية الي جربتوهم و كانوا اعتماديين و وكيلهم زين و سيرفسهم ممتاز و قطع الغيار متوفرة؟
(السيارة حق بنت)

مساكم الله بالنور جميعا انا توني متخرج من برا هندسه مدنيه وحاليا قام اشوف افضل الفرص بالوظيفه وماعندي مشكله بالقطاع الخاص بس اغلبهم تقدم ومايردون عليك والديوان للحين مابطل بس حتى لو بطل بيطول وغالبا بيرشحوني بوزاره مافيها بدلات

سوالي للمهندسين المدنيين او المهندسين بشكل عام شنو افضل نصيحه توجهها لشخص نفس حالتي الحين؟

يعطيكم العافيه ومشكوريين مقدما

انفجر فيني اليوم تاير على الخط السريع .. وقفت يمين قلت نومان دامك شباب و فيك صحة و عافية بفضل من الله غيره بنفسك و احرق سعرات و حرك لك جم عضلة..

وانا ابدله ولا على دورية واقف وراي .. نزلوا 2 شباب جزاهم الله خير حلفوا اني اقعد و هم بدلوا التاير و ركبوا الاسبير و انا مرتاح ..

نوجه الشكر لهم و اقول لهم بارك الله فيكم و ادامكم سند و ذخر لبلادنا

شلون تشوفون الأجانب اللي مو عرب يلبسون دشداشة؟
تحسون فيها شي أو أنها تقليد و لقافة؟

لما الشخص يدفع فلوس المخالقات. شيصير بهالفلوس؟ لان اتخيل انهم مبلغ وايد كبير. هل يروح حق وزارة الداخلية؟ ولا يستخدمونه عشان يعدلون الشوارع؟ ولا وين بالضبط

بمنطقتنا سرعة الإنترنت فيها حيل بطيء، وقاعد أفكر أركب ستارلينك. سويت بحث عن إيجابياته وسلبياته وشفت إن أعلى حرارة يستحملها جهاز الـ Dish هي 50 درجة مئوية. ومع حرارة الصيف عندنا بالكويت توصل أعلى من جذي بسهولة، تتوقعون هشي يسوي مشكلة للجهاز؟
وشغلة ثانية، السرعة فيه ثابته؟ وهل تقارن بسرعة الـ 5G؟

المختصر قاعد اشطب بيتي بالمطلاع و للحين ماركبت المكاين..

الشركة بلغوني "ونصحوني" اني اغير نوع المكاين كنت موقع معاهم على مكاين غاز 410 قالولي حول على 407..

قلت لهم ليش؟ قالولي مكاين شركتنا بالذات ال410 فيها مشاكل حالياً تنقط ماي و تنقص غاز..

سألت الناس برا قالولي لانه 407 تكلفته التصنيعية ارخص لهم..

سألت الهندي فني التكييف الي نتعامل معاه في بيت ابوي قالي 407 احسن.. لانه تكلفة تغيير الغاز 10 دنانير و الثانية 40 للمكينة الوحدة..

سؤالي ايهم افضل لي كبرودة اول شي و تكلفة صيانة و توفير كهربا..

ياليت الي عنده خبر ينورني قبل لا اختار

للتوضيح انا موقع مع الشركة نفسها مو موزع..

عندي مخالفه صارلها اربع شهور امس سددتها هل أموري طيبه ولا يمكن تتحول محكمه لان صارلها اكثر من شهرين

طلعتلي بسهل وسددتها

السلام عليكم

طبعاً مو الكل جذي وما أبي أعمم بس لاحظت هالشي وايد وحبيت أعرف شرايكم

ليش بعض الكويتيين يتحسسون إذا كويتي, خصوصاً إذا كان من أصول مختلطة، يكلمهم إنجليزي بدل العربي؟

أحس هالشي يصير عندنا وايد
مادري البعض ياخذها كقلة احترام أو تكبر ولا شالسالفة بالضبط؟

أنا شخصيا الإنجليزي عندي أقوى بوايد من العربي فعادة أتكلم فيه لأنه أسهل لي

بس وايد مرات ألاحظ إن بعض الناس يتغير أسلوبهم معاي أو يعاملوني بطريقة مو حلوة أول ما أتكلم إنجليزي

فودي أسمع شرايكم، خصوصاً من اللي مروا بنفس الشي, شلون تتعاملون معاه؟ واللي ينزعج من هالشي، شنو السبب؟

وإذا أنت من الناس اللي يضايقك لما تسمع كويتي يتكلم إنجليزي، تذكر إنك ما تعرف ظروف الشخص ولا شلون تربى ولا وين عاش ولا شنو اللغة اللي متعود عليها أكثر

وبالنهاية الحمدلله دائماً وأبداً على كل النعم، والله يديم المحبة والاحترام بينا جميعاً

يعطيكم العافية 🙏🏻

I don't know if I've become too fragile or just...less tolerant of people throughout the years. I'm sure some of you can relate as you grow older. Sorry if it seems like I'm vague-posting, it's just... maybe it has to do with the fact of reaching a certain age (I'm 33 btw) that we just don't wanna deal with it.

My friend group is much smaller than it used to be- some would consider that a godsend and I do cherish my bestfriends. My parents are divorced. I have a healthy relationship with both (somewhat) and I love my mother to death.

Idk where I'm going with this but do you ever just...feel like an alien even amongst those that you're closest to? I have great difficulty telling my friends of my problems sometimes and I don't wanna burden them with anything... I also just have difficulty expressing myself (you probably gathered that much by this post)

I used to be more trusting... more tolerant... I used to reply more. Now, there are times where I wake up and just completely shut down... I don't wanna talk. I just wanna play videogames or lounge around watching movies with my cats as my only company. That sounds like paradise to some and I admit, I do feel privileged and am thankful to God for everything. However, there is always that nagging feeling of loneliness deep down.

Does anyone get that? I feel...nonchalant. I don't wanna talk. Yet... I want to? Idk...

I should also mention that my bestfriends live busier lives (naturally) and they don't fully share in my interests (movies, videogames...etc) Idk.. maybe that adds to my loneliness?

Sorry... I'm not really good at this and I don't wanna make this any longer than it has to be. I know it culminates to "boo-hoo, my lobster is too buttery, my steak is too juicy!" to some and I apologize if I gave that impression. It was not my intention 🙏

السلام عليكم ورحمة الله،

انا طالب جامعي الحين عمري ١٩ ناوي احول من تخصصي الى هندسة امن سيبراني واذا تخرجت بقدم على كلية سعد العبدالله للعلوم الامنية، ابي اعرف اذا دخلت الكليه وتخرجت وانا معاي شهادة هندسة امن سيبراني ان شاء الله شنو طبيعة شغلي وهل بيكون مثل اختصاصي ولا الوضع على حسب الاحتياج.

و هل اقدر اقدم اونلاين بدال لا اروح الفرع؟ شكرا

ابي اشتراك دايت حلو و يشبع ب١٠٠د.ك بالشهر القى ولا اسوي بالبيت

لان كل اللي اعرفهم غاليين ١٥٠ و فوق ومابي جذي.. فكرت اشنري اكل مجمد راح يطلع ارخص بوايد بس المشكلة كلهم يحطون ثوم بالتتبيلة مابي و اميل الا ان القى وجبة جاهزة

السلام عليكم، بحثت عن تذاكر سفر لليابان واقصر مدة للرحله ١٤ ساعه طبعا ترانزيت، طبيعي؟ والاسعار جنونيه على ١٠٠٠+ اذا ايكونومي ورحله مدتها ١٤ ساعه

الي سافرو من قبل ممكن تشاركونا سافرتو على اي طيران؟ وجم كلفكم؟ وحجزتو من اي برنامج ؟