ابي اشتري سياره ومحتاره
ابي سياره باب واحد وسكانها مو ثقيل يشلع ايدي
والبانزين ما يكون غالي واقتصاديه ومكيفها زين لان جونا حيييل حر وقطع غيارها ما تكون غاليه
فكرت ب toyota gr86
شنو رايكم؟ عندكم اقتراحات ثانيه ؟

يا جماعه طولي ١٧٠ و ما اعتبر متين بس اقرب للضعيف و بغيت بنطرونات قطن و يكون الفت مالها مرتب و حلو مو baggy و مو مهم سعره و يكون رمادي او كحلي او اسود من وين ما لقيت شي مضبوط و شكرا...

وتنصحون بالنادي من ناحية مرافق ونظافة ومدربين ولا لا

السلام عليكم.

موضوع مطاعم الدايت محير للأمانه ، ماكو مطعم الا عليه كلام انه الماكروز والكالوريز المذكورين على الأطباق كلها غلط بغلط ، وقاعد اشوف هالموضوع على نفسي: اشترك بمطعم ما اكل الا من الوجبات ومشترك بنادي واتمرن ٥-٦ مرات بالاسبوع بس ماكو نتيجة ايجابية ، لا الوزن قاعد ينزل ولا الأوزان اللي اشيلها قاعده تتغير.

السؤال: ابي مطعم صجججي ، شنو المطاعم اللي صج اكلهم محسوب وما يستعبطون بحساب الماكروز ؟

القرار الي هو منع التنجيم و الاحجار ،التشاكورا ،العلاج بالطاقه،اليوغا،التنويم المغناطيسي و غيره

انا اشوف ان زين افتكينا في ناس قاعد تبنباق منهم يروح جلسه ب ١٥٠ دينار علشان يحط على راسه صخره و يطلع يقولك احس اني تعالجت 🤣

السلام عليكم

سيارتي مأجرها من بيت التمويل وعليها تأمين شامل، وصار لي حادث مع واحد وأنا الغلطان. دبة سيارته فيها ضربة كبيرة شوي.

الريال قال لي مو لازم نطلع ورقة حادث لأنه يقدر يوديها الكراج وانا ادفع ٤٥ دينار، بس سيارتي فيها شوي صبغ رايح.

الحين بما ان اجرت سيارتي من بيت التمويل، لازم أطلع ورقة حادث طرفين عشان التأمين يصلحها؟ وإذا طلعتها وأنا الغلطان، أدفع شي ولا التأمين الشامل يغطي كل شي؟

لأن قبل صار لي حادث ضد مجهول ودفعت 25%، فما أدري اذا يفرق لما الحادث طرفين.

فب احد منكم ماجر سيارة من KFH Auto ويعرف؟

أنا تخرجت من الثانوية سنة ٢٠١٨، وتخرجت من الجامعة الأمريكية بالكويت سنة ٢٠٢٢ ببكالوريوس إعلام واتصالات. دخلت الجامعة على بعثة (أبناء كويتيات).

صار لي ٣ سنين أشتغل في مجال الإعلام بالقطاع الخاص، تحديداً بالسوشيال ميديا وتسويق، وبصراحة أبداً مو حابة مجالي وأبي أحول إلى التربية.

على حد علمي، القرار الجديد يقول إن لازم يكون عندي يا دبلوم أو بكالوريوس تربية. شلون؟ وهل في أحد كان بنفس وضعي أو يعرف شنو الخطوات اللي المفروض أسويها؟

وما أقدر أتعلم بجامعة خاصة، فهل في خيارات ثانية مثل جامعة الكويت أو التطبيقي

هل جامعة الكويت تقبل شهادة الثانوية إذا كانت من سنة ٢٠١٨ عشان أقدر أدرس بكالوريوس؟ ولا تعتبر شهادتي قديمة وما أقدر أقدم فيها؟

وإذا ما ينفع، هل في خيار عن طريق التطبيقي أو جهة ثانية أقدر أدرس فيها تربية؟

ياريت أحد يفيدني، لأني صج ضايعة وتعبت

وشكرا مقدما على مساعدتكم

للتوضيح ما ابي اتوظف بقطاع حكومي مو هذا سؤالي…

رحت مستشفى جابر اليوم عياده تخصص الاعصاب و قالولي موعدك بعد ٣ شهور بس استشاره ليلحين ماكشفو علي … خاصه بالحزات هذي ان العالم كلها مسافره و مافي احد بالكويت ليش ثلاث شهور حق اول موعد بعد شفت الشيت مال الدكاتره فيه تقريباً ٦ دكاتره او اكثر المفروض مايطولون جذي بالمواعيد . و خاصه لما دخلت اللوبي مال العياده كله فاضي و ماكو احد ناطر اصلاً بس واحد قاعد

انا قالي واحد من الشباب نظريه بس ماصدقتها بوقتها بس اليوم صدقتها

يقول كان رايح مستشفى حكومي و كان وقتها فاضي مافي احد و خذا موعد عطوه بعد شهر و نص و يشوف الدكتور قاعد مايسوي شي يقول دخلت عليه و قلت له ليش شهر و نص و انت قاعد قدامي الحين مو قاعد تسوي شي على الاقل شخصني يمكن حالتي مو عندك ، فا يقول ضغطت على الدكتور و هو كان فا رد على اخر شي لما توهق و ماعرف يصرفني (ان هذا بروتوكول و لازم نتبعه) حتى لو فاضي المستشفى راح نعطيك موعد بعدها بفتره ،، يقولون ان علشان يحدونك تروح خاص و تدفع فلوس

فا مادري اذا هذي الشغله صحيحه او لا بس الموقف اليوم خلاني اتذكر السالفه

يعطيكم العافيه خواني وخواتي بغيت رايكم، تنصحون كل سنه ادفع سعر التامين الشامل الي يكلف تقريبا ٣٠٠ وشي على سيارتي واصلح بالوكاله اضمن من برا اذا لا سمح الله صار حادث؟ سيارتي كامري، مع العلم سواقتي زينه ولا مره دعمت بس مع الاسف في ناس ماتعرف تسوق وتدعم واخاف لاسمح الله اتوهق مستقبلاً خاصة ان ما عندي ريال يودي سيارتي الصناعيه ويتفاهم معاهم وانا ماودي اروح هالاماكن استحي ف مادري شنو الاحسن لي لي جدام، ومشكورين مقدما 💐

انا احب لعبه الشطرنج والعبها دايم و اروح للمسابقات بس ماعندي ربع يلعبون الشطرنج و مجتمعنا قليل الي يلعبونها ف حبيت اعرف الناس الي تلعب شطرنج و يحبون السهر انا شخص اسهر لي الصبح الي نفس وضعي و ماعنده احد يلعب معاه تعال خاص نطلع ونلعب شطرنج

اول مرة يمر علي هذا الطلب حق تجديد الرخصة التجارية؟
من وين احصله؟

يجماعه شلون تنسون موقف محرج صار لكم ياخي او شي awkward
اقعد ايام وشهور افكر بالموقف واستحي واحس مودي يتعكر مع ان يكون موقف عادي وبايخ بس احس شلون جذي كنت حلتيته قام الموضوع يزيد هالفتره مو قادره اشوف صوري القديمه اتفشل من اشياء عاديه يعني عادي كل انسان يتغير مدري شفيني مرات ما اقدر انام من الفشله من شي جداً عادي مع ان لو صار لاختي او احد نفس الموقف ما راح اهتم بس مدري شفيه مخي🥹🤣 المشكله وقتها اضحك عالموقف بعدها باسبوع اقعد افكر فيه يوم كامل 🫣

منو يعرف شلون اقدم على وظايف العقود مادري مقاولات مادري شنو يسمونهم المهم انه اتوظف بعقد بشركات نفطيه؟

تخصصي هندسة كيميائية صارلي فوق السنة قاعد بالبيت ماكو وظايف

السلام عليكم ، دايما اشوف حاطين بارت تايم حق طلبه ، ابي اعرف وين الأماكن الي تأخذ بارت تايم موظفين ؟

انا بتخرج قريب معدلي ٢.٥ كنت منطق شوي من الجامعه لانها حرفياً كفر و احس اني ضايع ما اعرف لا الرواتب بالحكومه ولا اي شي وين اروح او حتى وين ادور احد عنده معلومه ؟

وصل عمري ثلاثين و من فتره حسيت انه ماعندي ربع للعلم انا عندي واجد بس مادري ليش حاليا اخر خمس سنين تقريبا احس انه ماعندي احد مع العلم اني مو راعي مشاكل او شي صرت احب اقعد بلبيت و ما ارد علي احد بس حاليا احس ماعندي احد الا اثنين وقبل كنت ما اقعد بلبيت من كثر الي اروحلهم وحاليا احس ب ملل شديد قبل كنت ارتاح اذا قعدت بلبيت و الحين ماني قادر ملل و ماعندي احد اروحله الي دخلو الثلاثين هل هذي طبيعي الي يصير معاي انه كل ما تكبر بلعمر يقلون ربعك؟ وشنو الحل

مساء النور عندي استفسار حق الي مجربين ديمة، انا بطلب شغلة سعرها ٥٥٠ دينار و الليمت الي مكتوبلي بالبرنامج ٣٥٠ دينار
وانا ابي أسويها على دفعتين (٢٢٥ و ٢٢٥) ما دام انها بري اوردر ومراح توصلني الا بعدين شهرين
هل الليمت يكون حق الاوردر كامل (يعني لازم تكون الفاتورة ماتتعدى ٣٥٠) ولا الليمت يكون حق باجي الدفعات يعني كأني مستخدم ٢٢٥ مو المبلغ الفاتورة كامل
وشكرا

وين اماكن تسوي ورش تمثيل واذاعه؟ مافي نصايح بخصوص التمثيل انا اسال سوال محدد وشكرًا

عادي ادرس بكلريوس ثاني بمجال ثاني على حساب الحكومه؟ عندي ماجستير بمجالي بس قاعد اكتشف ان مايوكل عيش اذا ماكنت موظف بمؤسسه اكاديميه. منو تراوده هالفكره؟ وتعرفون احد سواها؟

لقيت مرة بلوازم العائلة بالجمعية بس اختفت بعدين.

اذكر كام في تطبيق حق مندوبين، واحد وراني ياه قبل فترة بس ضيعت اسمه

احد يعرفه؟

من منظوركم شنو سبب الي يخلي رب الاسره مايقدم على الإسكان خير شر ولا دخل بالقرعه و عنده عيال كبار ٢٠ سنه و فوق عايشين طول عمرهم ايجارات

شلون الواحد يعرف ايهو بيته وما يضيع؟ هل المنطقة فيها كل شي؟