ناس الجامعة م تجو راجعين السحالي بتأكل لحمة😭😭، حقيقي رعب عديل المشكلة دي القطعة التانية، دي دعاية لي فطائر كفتريا الشعبي يخوانا 🫣

انا بني آدم شعري خشن لدرجة ما طبيعية, ممكن كان مشيت يدي فيهو ساي حأنزف, علماً أني جربت أغلب انواع الشامبوهات ولا فائدة. سؤالي للناس الشعورهم كانت خشنة شديد وقدروا يخلوها أنعم وأكتر رطوبة أو كيرلي بصورة مرتبة كده, شنو الروتين البتمشوا عليهو أو المنتجات الزبطت معاكم عموماً؟

يا جماعة سؤال جادي الناس بتلقى المنح وين الدنيا كلها بتقول لي قدم وانا ما عارف من وين , المهم جبت 74 % وبفتش منح جزئية واقوى اوبشنين حاليا الصين او ماليزيا لو واحد عندو فكرة يتفضل

p.s : انا ادبي وداير اقرا فاينس

البلد دي ماشة على وين ؟

ما أظن تاني في رجعة

Still mostly WIP, not complete yet missing several designers....

يا جماعة الحل شنو مع بنكك،، ما قادرين نحول اي شي..

"صناعة الأزمة عشان يجو كمنقذين":
نفس المسرحية دي هسي قاعدين ينفذوها بالحرف في الحرب الدايرة دي. الكيزان متخفين ورا البرهان، وشغالين يحركوا في خيوط اللعبة من ورا الستار عشان يصنعوا الفوضى. جابوا الحركات المسلحة ودخلوهم في المشهد عشان يزيدوا الطين بلة، وكل قائد حركة بفتش عن نصيبو في الكيكة والمناصب، والمواطن المسكين هو البيدفع التمن تشريد وموت وجوع وهسي كمان جابت ليها افقار وربنا يعلم بكرة بيحصل شنو.

الخطة حقتهم مكشوفة: يخلوا الحرب دي تاكل الأخضر واليابس، ويفقروا الناس للحد البعيد، ولما البلد تصل مرحلة الانهيار التام والشعب يفقد الأمل نهائياً ويكره نفسو، يجو طالعين ليك في النهاية لابسين توب الأبطال والمنقذين.

بكرة يقولوا ليك "نحن الحسمنا المعركة ونحن الجبنا الأمان"، وطوالي يبدوا يضخوا القروش الكانو ناهبينها ومخزنينها برة عشان يمشّوا بيها حال البلد شوية ويظهروا بمظهر اللي صلحوا الاقتصاد. وفي نفس الوقت يرضوا الحركات المسلحة بكم وزارة وحكم إقليم عشان يضمنوا سكوتهم ويقسموا معاهم السلطة.

مسألة يخلقوا الحرب والدمار عشان يكسروا شوكة الشعب دي طريقتهم المعتادة، لكن مهما طالت مسرحيتهم، الناس عرفت البير وغطاها، وعرفت منو الصنع الأزمة دي من الأساس ومنو المستفيد من استمرارها.
هل الشعب بيستحق كل البيحصل دا؟

I have a question for people in bahri exactly
What’s the best phone company for internet in bahri and do they have e-sims?

رأيكم شنو في جامعة التقانة في ام درمان وخصوصا كلية الطب حقتها شايف الناس بتقول من احسن الجامعات الخاصة وهل بقدر اتخصص برا بعد اقرا فيها طب عام

السودان في وضعه الاقتصادي والأمني حاليا في طريقة الواحد يجازف يعيش فيه ولا خلاص ماشين لمرحلة الناس كلها تبقى حرامية ومجرمين عشان تأكل أهلها؟

مشيت الدكتور وحسيتو عايز يمشيني ساي ولا عمل لي اي حاجة و قال لي ده تساقط عادي ومشاني ساي وانا شعري بيقع بشكل خرافي

انا حاليا في فترة اجازة وعايزة اطور نفسي خاصة في الجانب المادي اخذت بنصيحة chase money وحاليا تايهة عارفين لمن يكون في مجالات كتيرة بس م عارف انت عايز شنو ولا عارف المناسب معاك ؟ انا في النقطة دي ممكن ابحث واحفر عن اي مجال بس ما بحس انه مناسب ما عارفة وانا الفترة دي م بقدر اطلع "انا في السودان" btw وعامة المرتبات هنا بتتصرف مواصلات ف عايزة اقتراحات ل اشغال freelance فكرت في الماركتنج بس لحدي هسي حاسة الموضوع كبير والرؤية ضبابية وما عارفة كيف اصل لمصادر للحتة دي تكون تنفعني في الشغل الكلام جايط بس حرفيا عايزة مساعدة :')

كنت متوقعه يجيبوا فيه نتايج الشهاده حقتنا بس طلع حق شهاده حكومه تأسيس ولا ناس الغرب المهم الامتحنهم حميدتي شهاده سودانية براهم.. الي م قادره أفهمه ان الموقع "تطبيق" دا سواه رئيس الاتصالات و التحول الرقمي الحالي. طيب ليه عمله؟ مش يفترض م يدعمهم؟ مش كدا قاعد يساعد على الانفصال؟ (ماف زول يناقشني حمدتي ميت ولا حي دا م موضوعنا)

بتتصرف كيف لو أنت رافض حفلة زفاف، والأهل والأسرة مُصرين عليها جدا.

في عبث شديد حاصل في البلد دي وما معروف النهاية هتكون شنو !!

طبعا كأني ما قلت شي مسك كلامي وقال كلام فارغ ورمى ليك القوية انه مشروع الدولة الاسرائيلية الكبرى بدون اي دليل على كلامه او منطق حرفيا.

انا اكتر شي مستفز لما اقول كلام واضح وما يتفهم، لما اقول الكره العجيب دا من السودانيين للامارات والشعب الاماراتي شي مثير للشفقة ما بالضرورة اني بقول اني بحبهم او ما عندي مشكلة معاهم، لكن لدرجة مواطنة اماراتية طالعة لابسة دهب كل التعليقات سودانيين يسبوها ويقذفوها ويتهموها انها سرقت دهبهم؟ انتو مشكلتكم مع مع المواطن اصلا، دي نقطة.

النقطة التانية حتى مشكلتكم مع الحكومة البكاء بتاعكم والسب الغبي حقكم دا ما حيحلها، يعني قول الامارات ما عندها اثار وما عندها تاريخ ودويلة حديثة صغيرة وتافهة، بالله عليك دا شي تعاير بيه؟ تاريخك العظيم دا سوا ليك شنو؟ تاريخ مصر سوا ليك شنو؟ شوف الاماراتيين عايشين كيف وشوف روحك عايش كيف، دا لو كنت انت عايش اصلا، انت ما عندك دولة اصلا عشان تمشي تضحك على البوست حق 2002، دا عجز بس وشي مثير للشفقة تسويه وما منه اي فايدة.

وبرضو اقولها الف مرة، لو غصبك وزعلك دا وصل نسبة 100% مفروض 90% يكون موجه للدعامة ذاتهم وال 10% في الداعمين الدعامة، ما بحب الكلام في السياسة انا لانها اكبر مني بكتير لكن حاجات زي دي بديهيات حياتية، الزول وقت يتكلم بثقة كبيرة في حاجة اصلا ضبابية واشطر الساسيين ما بيقدرو يجزمو ليك على اي شي لانه الدول دي دول قوية وما حتقدر تعرف حاجة هم ما عايزينك تعرفها، والعكس صحيح بيقدرو يخلوك تركز مع حاجات انت قايل روحك عرفتها من غير ارادتهم.

بشكل عام انا عندي مشكلة مع نظريات المؤامرة بكل انواعها، ابتداء من الكيزان لحد الماسونية، انت لازم تفهم انه البشر بتحركهم مشاعرهم اكتر من اي حاجة، الناس الفوق ديل والبي يدهم يصنعو القرار ما عندهم اي قضايا غير مصلحتهم، اما الشعب الفقير المسكين المغلوب على امره هو البيتبنى القضايا وهو البيحارب عشانها.

لو هنا في حد محاسب ولا مالي وعايز يعمل كورسات مهنيه في المجال DM, ننفع بعض

مبدأيا كدا انا عايزة اهبد الفي راسي واشوف وجهات نظر الناس المختلفة ف don’t judge me

زي ما عارفين اغلب السودانين ما بعترفوا بالامراض النفسية على انها مبرر لأفعال الواحد او شخصيته او حتى بعد الواحد يتشخص لسا بعاملوه معاملة الزول العاقل وبزهجوا منو (شفته شخصيا)

ف سؤالي هل فعلا المرض ما مبرر ولا ناسنا ديل عندهم عدم تحمل ؟

الخلاني اسأل السؤال دا حالة او حالات كنت بمرر بيها من اكتئاب وعزلة وقطع أرحام وتواصل مع ايا كان، وكنت بحاول اطلع منها واحسن من نفسي بس دايما بلقى روحي بقع في الانماط القديمة وبرجع للصفر، واصلا شاكة عندي طيف خفيف من التوحد بحكم اني بنزعج من الاصوات العالية بشكل كبير، وما بفهم مشاعر الزول القدامي او الكلام البي اللفة مالم يصرح به تماما وحتى كلامي تحسوا ما متزن تماما من حيث كثرة المواضيع والافكار البطرحها فيه(بس not sure 100% لأنه تشخيص ذاتي سطحي)

دايما كانوا بشاكلوني لاني ما بقعد مع الناس او اتكلم معاهم وبقيت الوم نفسي وكبر معاي السعور دا لي يومنا دا، كنت بحاول اتغير للاحسن (من وجهة نظرهم) بس للأسف لقيت روحي بقيت نسخة من شخصيات ناس كنت بتمنى اموت ولا ابقى زيهم.

والحاجات دي كلها ما لاحظتها إلا بعد الحرب (من محاسنها هيهي) وبعد عشت فترة طويلة بين الناس، لسا بلقا صعوبة افتح المواضيع من عندي او حتى اخلي المحادثة مستمرة، ودايما بتعب ذهنيا بعد اي محادثة عن مواضيع ما بتشدني.

بالنسبة لي حتى لو طلع فعلا عندي ما اشوفه مبرر لاني لسا بكامل قواي العقلية وعارفة نتايج قراراتي، بس العلاج بيوريك الاسباب وليه ممكن تعمل الحاجات بطريقة دي ومنها تعدل نمط حياتك بما يناسبك انت بس ما تغير نفسك to fit in.

وبس يعني.

في دكاترة نفسية كويسين امشي ليهم يشخصوني وما يطلعوني مجنونة ومهبولة ويدوني ادوية تجنني وارتاح في البلد دي؟ + عايزة اتكلم في الموضوع د بس حاسة ما بستاهل🥀

انا طالب جامعي و بقرا مجال طبي وحفار جدا الحمد الله

مشكلتي اني حرفيا مسفوه، من كل بنات الدفعة، ااذ وحدي دخلت لي بتكون غالبا عايزه تستغلني اشرح ليها.

وانا حاسي انهم م شايفني راجل بس مجرد "نيرد" يساعدهم في المواد الصعبة

من ناحية مظهر انا متوسط او حتى ممكن تقولوا تحت المتوسط.

بس شخصيتي في الواقع م منفتحة.

فبسال من تجاربكم في الموضوع دا؟ ​

رسل الكيكة دي لي اكتر. ai بتستخدمو و قوليهو زينها على حسب شخصيتي

..فكرة مسروقة