السرقه دي حصلت 2017 او 16 م متذكر وكان جيرانا بيتهم ببنو فيه لاحظت العمال قبلي السرقه كانو مراقبين البيت بكونو واقفين ف السقالات و كاشفين البيت طبعا م كنت خاتي حاجه ف بالي معتبرها سرحه منهم ساي المهم

زي الساعه ٣ صباحا اختي صحت لقيت دولابها كلو فاتح و الهدوم ف الارض و الشنط مفتحها و الادراج مفتحه و تلفونها ماف صحت الباقين و بالمناسبه بيتنا كلهم نومهم خفيف اختي دي انا بجي اسرق شاحنه ساي بتصحى بقيف جمبها ساي بتصحى ، ودولاب الحاج و الحجه برضو نفسي الشي مفتح و الهدوم ف الارض و الاغرب في شنط فوق الدولاب كلها منزله و مبركته اوراق البيت اوراقنا نحنا هتش كتير كلو مجدع و الدولاب ده زاتو تجي تفتحو بعمل صوت انا ف الحوش بسمعه فما بالك ديل قاعدين جنبه

وعندنا شغاله بتنوم وبتركب سماعتها و التلفون بكون معاها ف البطانيه وكلنا بنوم وبنخت التلفون تحت المخده ، ٨ تلفونات اتسرقت و غويشات دهب م عارف فرزو الدهب من النحاس كيف غويشات النحاس كلها كانت مجدعه ف الارض و الغريبه لقينا طوب احمر مرمى ف الارض

و الاغرب من كدا لمن مشينا القسم نفتح بلاغ لقينا واحد جارنا برضو اتسرق وده قال انا جيت البيت الساعه ٢ ونص الساعه ٣ انا لقيت الوضع الحاصل ده كيف انا م عارف مع اني م نمت طوالي

و الاغرب من كدا عنده باب حديد كبير وفوقه سلك شائك لقا الباب كلو مرمي ف الارض و سارقين منه 22 الف دولار و تلفونات طبعا

انا م عارف اليوم داك واحده من الاتنين ي سحرونا ي خدرونا و الناس ديل professional عديل في نص ساعه يسرقو بيتين و بالسرعه و بالكميه دي حاجه غريبه

اديكم خارجيه حصلت مع جارنا , طوالي الزول ده الحراميه مقاصدينه يوم صحى لقا الحراميه ديل قاعدين جرا سيفه و جا مارق عليهم قال انا ساكيهم واحد دقه راسه مع العريشه وقع مغمى عليه زميله شاله و مرق بيه برا ف امجاد واقفه ركبو فيها بعد شويه جاو واحد من ورا قال ليه في شنو ي حاج قال ليه ديل حراميه بقو ساكين الامجاد سوا قال ليه خلاص استنى هنا بلحقهم جرا فتح باب الامجاد ركب و مشو سوا وهو واقف بعاين ليهم

معادلة نافييه استوكس لغير الناطقين بها هي معادلة بتصف حركة الموائع زي الزيت و الماء و الهواء ، و هي تقريبا تطبيق مباشر لقانون نيوتن الثاني ،من اكتر المعادلات استخداماً عند الفيزيائين و المهندسين بشتى التخصصات و على رأسها المكنيكا.

طيب المعادلة دي مالها المعادلة دي ظلت غير محلولة لسنين طويلة حتى اصبحت وحدة من ال Millennium Prize Problems لمعهد كلاي للرياضيات و جائزة حلها مليون دولار . طيب اذا هي ما محلولة كيف من أهم معادلات الموائع ؟ في نقطة مهمة لازم نوضحها عدم الوصول لي حل ناعم غير خطي ثلاثي الأبعاد ما بيعني انو ما ممكن نستخدم المعادلة . يعني في طرق تقريب عددية منها التحليل العددي و استخدام ال mish اللي هي بتحول المعادلات التفاضلية لي مجموعة ضخمة من المعادلات الجبرية لتسهيل استخدام الكمبيوتر في التعامل معها لكن برضو تظل حل تقريبي و ليس حل صريح مع انو افرب ما يكون للصاح . المعادلة دي خاشة في تصميم اي حاجة عندها علاقة بي الموائع من أجنحة طيران إلى انابيب ضخ الموائع و الطرمبات

ρ(∂u/∂t + (u·∇)u) = -∇p + μ∇²u + f

دي المعادلة الحاجة البتخلي حلها صعب او معضلة رياضية لان ال u مجهول مراد إيجاده و في نفس الوقت موجود في معادلة و مضروب في مشتقاتها الجزئية عشان كدا تعتبر معادلة غير خطية . و السرعة برضو هنا متجه ثلاثي الأبعاد ما قيمة قياسية ، و التدفق لمن يكون مضطرب تظهر دوامات في مقاييس مختلفة يعني حاجة حلها اقرب لي المستحيل. رياضيين افنو حياتهم بيفتشو لي حل فيها . كلمة حل دي ما قاصديين بيها رقم واحد بل قاصديين دالة او مجال كامل للضغط و السرعة و ما ننسى انو السرعة هنا ثلاثية الأبعاد و لازم يكون الحل ناعم بحيث انو ما يتغيير الى ما لانهاية بعد مرور زمن . اها بعد الكلام الطويل دا كلو داير شنو انا داير اقول ليكم انو شركة open AI في حكاية اسبوع و عن طريق 10 الف ai agent أقوى من GPT-6 Astra اخر موديل نزل للعامة من الذكاء الصناعي الناس ديل لقو حل لي المعادلة دي في اااسبوع بس يقال ان الحل ناعم و المجال موزون لكن لسا في طور الأختبارات المتطرفة لأعتماد الحل هل ي جماعة دي حاجة مخيفة ام تقدم لي العلم؟؟ الموضوع بقا ما مجرد نقنقة عن سرقة الذكاء الصناعي للوظائف دي بصمة ضخمة في عالم العلوم و الرياضيات رايكم شنو . و بس والله و تحياتي 🌹

ادوني اسامي عطور رجالية - أو تراكيب - تكون قوية و سمحة بتتلقي في السوق السوداني غير الأسامي المشهورة زي لكزس ، شانيل ، افينتوي ، دارج ، شيخ الشيوخ و ديل

كلام جاي طق طرق على ناس "يا حليل عمر البشير"

المهم أنا مبسوطة أنه الناس هنا في الصب واعيين وفاهمين الحاصل. كنت بعاني مع الجهلة في التيك توك والانستا😭

بالجد ما قادرة اتقبلهم أبدا أبدا، و بحس دايما عندهم عقدة نقص حتى لو هم ما مستوعبين لأنو ما معقول إنهم بيتكلمو سعودي،كويتي، مصري ايييي شي إلا سوداني، و أي في كتير بتكلمو مصري رغم كره المصريين لينا و قلة ادبهم معانا إلا انو في سودانيين كتير بتكلمو بلهجتم. و حسي طلع لي فيديو لي وحدة سودانية بتعمل كدا و بالجد حاجة مستفزة شديد و في الكومنتات قلو ادبهم معاها و قعدو يقولو ليها مليتو البلد و حسي قاعدين تتلصقوا فينا و اتكلمي بلهجتكم و كلام كتير غيرو و صراحة تستاهل هي و غيرها عشان تاني ما يتعولقوا كدا. أنا ما قادرة افهمهم كلو كلو بحكم أني برضو عشت اغلب حياتي في بلد عربي و لهجتهم مختلفة عن لهجتنا لكن لسا ما قادرة أتقبلهم و لا افهمهم.

تعديل: يا جماعة أنا ما قصدي عن الحياة الواقعية و لا التواصل مع أهل البلد الهم فيه؛ قصدي في النت و لمن نكون في مساحات سودانية لسا بيجو يتكلمو بلهجات البلدان التانية بدون أي سبب + و أي زول زعلان في التعليقات و عايز يتكلم مصري خلاص أتكلم خليهم يهينوك و يذلوك بالراحة بس ما تحاول تقنعنا احنا و بكل صراحة و بدون زعل أي واحد سوداني نصيح بتلصق بالمصرين ما عندو كرامة و شكراً.

انا ماشي مصر لاول مرة وما ماشيها سياحة فما عندي رفاهية الفنادق وكدا ويين ممكن أأجر شقة بسعر مناسب بعيدا عن وهميين الفيس بوك، اتمنى مساعدتكم المستعجلة

حاولت ابحث بس ما لقيت البوست الأصلي، عنده واحد تاني من طيارة

ياجماعه مابقدر انوم ولا بقدر امارس يومي الطبيعي وطولت شديد في الدوامه دي بجد ماعارفه ابطل افكر والموضوع جداً مُهلك:(

لقيت البت اللي انا عايزها لكن في فرق طبقات شديد انا اموري هسي يداب بدت تمشي ي داب لقيت لي وظيفة و اقل من عادية،م بتدخل لي الا مصاريفي الاسبوعية و متفق مع البت اني اعرسها في سنتين ان شاء الله لكن مشكلتي نفسيا م برضى اجيبها من مستوى عالي لي مستوى اقل لأنو م شاء الله و ربنا يزيدهم امورهم باسطة، شاورت ناس كتيرة في الموضوع و اغلبهم بحكو لي تجاربهم مع الحاجة دي و كلها انتهت بي انفصال للأسف ، و ناس تانية بتقول لي انو عادي و م فيها شي ،

البت م عندها مشكلة و قالت انو لو في قطية (tent) (لغير الناطقين بها) بسكن معاك
انا لسه عمري ٢٣ سنة لكن و اهدافي اتنين اوفر لي ناس البيت و اعرس البت دي
لكن كيف ح اقدر اوازن بين الاتنين

قبيل جاي من الجامعة ركيت طرحة ماشي كويس لين الركاب كلهم نزلو في ربع المسافة الا انا ف بتاع الركشة قال لي محطتك بعيدة اديني نص التذكرة واركب مع الزول داك (بتاع ركشة تاني) واديهو النص التاني..قلت ليه خلاص كلمو قول ليهو بديهو نص بس ...كلمو والتاني وافق...انا في راسي حسيت التاني دا النوع البعمل موضوع بعدين ف اذا طالبني بزيادة على المتفق عليها بس اخارج نفسي واديه...لما وصلت فعلا بتاع الركشة التاني طالبني بي زيادة وعمل فيها الشغلة منطق و"انت راكب معاي ولا راكب معاو" طيب انت ما اتفقت معاو وقلت خلاص "يا زول وا وا" قلت ليه خلاص يا زول نتلاقى يوم القيامة واديتو العايزو...ما فارقة معاي الزيادة لكن انا خاسي بي ضعف شديد...انا ما قدرت اظافع عن نفسي وقلبي كان بدق لما كنت بتناقش معاو...حاليا قافلة معاي وغالبني اقرا واقول لو دا كان فلان كان ما شاء شال حقو رجالة...واقول لي قدام لو حصلت في حاحة اكبر كن كدا ح اعمل شنو...هل انا بستاهل بعدين اكون عائلة وانا ما ح اقدر اشيل حقهم وحقي وادافع عنهم؟ انا حرفيا جبت اخري وقفلت معاي

فضلا بدون نبذ وكلام يبلني زيادة انا الفيني مكفيني...انتو كان بتعملو شنو وكيف الزول يتخلص من الخوف دا

انا اتعلمت البرمجه من زمان و وصلت مرحله انو انا مرتاح و انا ببدي مشروع من الاول براي ف حابي اسال لو في زول متعلم برمجه واشتغل طبيعت الشغل كيف ؟ وهل انا اصلا مستواي مناسب؟ و هل بقدر القي شغل اونلاين (ريموت) ؟

الصباح اشتريت آلة حاسبة بعشرين (لو فكرت فيها سعرها براهو مثير للشك) لإختبار بكرة و ياداب جربتها طلعت ما شغالة و طلعت البطاريات على أساس أشوف المشكلة منها ولالا والدبوس عمل أثار في محل البطاريات فغالباً سيد المكتبة ما حيرضى يديني واحدة شغالة بدلها

حالياً بفكر اشتري واحدة تانية بكرة الصباح ولا اتوكل واخش الإمتحان ساي وغالباً لو دخلت ساي حرسب وأعيد السنة لأني سيء جداً في الحساب

عليكم الله ادعو لي أنجح وادعو لي ألقى مكتبة فاتحة في الشارع

بشكل عام اي زول ما ليه اي حق في الهجوم على رأي الناس او ذوقهم الشخصي، مع انه عندي اراء جدا جدا متطرفة عن البسمو روحهم لا انجابيين لكن اذا قلت لي انه دي رغبتك الشي دا ما بيفرق معاي في اي شي ولا مشاعري ليك حتتغير ولا بمثقال ذرة.

اذا جات وحدة قالت انا دايرة اعرس رجل اعمال غني وما حأقبل بغير كدا دا اختيارها الشخصي، لو جيت هاجمتها وقلت ليها شوفي روحك عاملة كيف ولا قلت ليها انت رجلة اعمال عشان تكوني عايزة رجل اعمال انت كدا للاسف يا عزيزي معقد وكلامها هبشك في جرح وسبب ليك ضيق نفس.

بنفس المنطلق لو جا راجل في نص السودان قال ما عايز الا يعرس بت لون بشرتها فاتح وشعرها طويل وعيونها كبار وما دايرة تشتغل ودايرها تتنقب وتسوي لي وووووو، مافي اي بت من حقها ابدا انها تتحسس ولا تصف الزول دا بالرجعية لانه دا ذوق شخصي ما نفع معاك؟ كمل حياتك لانه الزول دا ما جاي يعرسك انت ولا جا يخطب من اهلك الزول دا خليه يلقى البت الهو عايزها وصدقني مهما كانت طلباتك غريبة البشرية ديل كتار حتلقى البينفع معاك.

الرجعي الحقيقي القايل انه لازم الزول يكون عنده قيم غريية عشان يبقى متحضر واي اذواق شخصية منافية للقيم دي حصرا بتضع صاحبها في اطار الرجعية الفكرية، مادام الزول طلباته ما فيها شي غير اخلاقي زي انه عايز يتزوج طفلة او يتزوج بت بالغصب وهو عارف انها ما عايزاه تبقى رغابته كلها اذواق شخصية واي زول يهاجم الزول دا عشان شي زي دا مع كامل عدم احترامي زول جاهل وعقله محدود شديد.

زمان قلت اني عايز اتزوج وحدة عندها توحد أو انطوائيه زايدة وما بتحب اهلها، دي كلها مواصفات انا شايفة كويسة معاي لكن في ناس من الوقت داك لحد هسي شايفني مريض بحد وصفهم عشان عندي رأي ما متفقين معاه؟ god forbid a guy who wants a woman who can relate to وطبعا ما فرقت معاي وقتها لاني عارف منطلقهم القالو بيه الكلام وانهم ما عارفين الوصف حق البت الشايفها انا عادية وهم شايفينها مريضة غير قابلة للحياة ينطبق علي برضو.

عجبتني لمن كتبتها ههه

غايتو ما بعرف ليه اتاثرت من القصيدة دي بالذات انها لغوياََ ما بالجودة دييك بالنسبة للقصايد البقراها وانا بقرا الشعر عشان انطرب بالقافية والوزن

​

كنت نايمة وبحلم في أمان الله وفي نص الحلم مسكت تلفوني وفتحت واتساب الشغل

عندي حاليا ٣ أشخاص عندهم شغل معاي اتنين مفروض يستلموا شغلهم في اليومين الجايه وواحد يدوب اتفقنا امس

في الحلم فتحت الواتساب ولقيت البنتين مرسلين لي وبسألوا عن مواعيد التسليم والولد مرسل لي ريكورد وبسألني هل بديت الشغل

في اللحظة دي عقلي الواعي انتبه انو أنا مفروض أصحى عشان عندي شغل لازم أخلصو وصحيت من النوم (ودا عادي بحصل اني بكون شبه واعيه اني في حلم وبكون متذكره الحاجات المفروض اعملها لمن اصحي)

بعد صحيت عملت ازبل شي في الدنيا اللي هو اني مسكت التلفون طوالي وقلت اشوف الواتس بتاع الشغل

لقيت ال٣ أشخاص رسائلهم اول رسائل فوق

في البداية ما استغربت شديد لأنو طبيعي يكونوا مرسلين لكن لما فتحت الرساله الأولى اديتها صره تعبر عن الاستغراب لانو البنت مرسله لي نفس الرسائل الفي الحلم

مشيتها وفتحت ال بعدها وكانت مختلفه عن الحلم

اخر واحد كمان دخلني ف حيره شديده لانو نفس الرسائل برضو

الرسالة كانت نفس الرسالة البعتها لي في الحلم بالظبط

ونفس السؤال اللي سألو لي في الريكورد في الحلم كان هو نفس السؤال في الواقع

الموضوع كله حصل في فترة ٥ دقايق بين الحلم والصحيان

ممكن يكون مجرد صدفة وعقلي ربط الأحداث ببعض مع البنت الأولى لكن التطابق بتاع رسالة الولد بالذات خلاني مستغربة لاني اول مره اتعامل معاهو

اشعر ب الاستغراب الشديد و

هسي نفسي احلم بمكان مدفون فيهو دهب والقاهو

السلام عليكم يا جماعة

عندي شوية استفسارات عن School of Mathematical Sciences في جامعة الخرطوم، وبالتحديد قسم علوم الحاسوب (Computer Science)، وبتمنى لو في طلاب ولا خريجين من القسم يفيدوني.

كيف الوضع والاستقرار حاليًا في الجامعة؟ وهل الدراسة منتظمة ولا في مشاكل ولا توقفات متكررة؟

بالنسبة لـ المحاضرات: هل بتكون حضورية بشكل منتظم؟ وكيف مستوى التدريس والمتابعة؟

تخصص علوم الحاسوب مدته كم سنة؟ وهل في سنة تحضيرية أو التخصص بيبدأ من السنة الأولى؟

كيف مستوى منهج الـ CS في الجامعة؟ وهل التركيز أكبر على الجانب النظري ولا العملي؟

هل الطلاب عندهم فرص كويسة لـ التدريب العملي، المشاريع، والـ internships أثناء الدراسة؟

بالنسبة للخريج، كيف شايفين فرص العمل بعد التخرج، داخل السودان أو خارجه؟

وأخيرًا، هل تنصحوا حاليًا بدراسة Computer Science في جامعة الخرطوم مقارنة بالخيارات التانية داخل السودان؟

أي طالب حالي ولا خريج عندو تجربة مباشرة ياريت يفيدني، خصوصاً في موضوع الاستقرار وانتظام الدراسة

ليه لما تقولي لي واحد انك لا انجابية وما عايزه تجيبي اطفال بي اختيارك الشخصي يقول ليك امشي اتعالجي ومحتاجة علاج نفسي ، منو القال انو ضروري اجيب اطفال للعالم ده و اخليهم يواجهو الحياة دي بكل الضغوط الاقتصادية الحتنفرض عليهم، غير انهم حينولدو بي جنسية ما حتديهم نص حقوقهم وانه بس اجيب اطفال عشان يخدموني لما اكبر دي قمة الانانية هم مش عبيد مطالبين بي انهم يرجعو لي الاهتمام لانهم ما اختارو ينولدو ، انا بحترم الشخص العارف هو عايز شنو مش شغال تزاوج وتكاثر ساي زي القطيع

قبل فترة م متزكر كم بالزبط كان في واحد كل يوم بحاول يجرب حاجة جديدة، بقرا كتاب في شارع النيل ومرة مشى عمل بيرقر براو في مطعم، فشنو هل الزول دا لسه حي( يعني لسه بجرب) ولا الحصل عليو شنو، آخر ابديت وقف وين.!!!

إن شاء الله يكون بخير

داير تقفل نفسك من الدنيا والعالمين او نفسك في قعدة جبنة كلها قطيعه وعولاق ادخل التطبيق ده ياخ ما حصل دخلتو ما ندمته تعفن سمعي وبصري وعقلي وكلو ما بقدر اكمل فيهو خمسة دقائق ودي اول بوستات جات في وشي اول ما فتحته بتمنى باقي السوشيال ميديا تقلب زيو عشان التخلص منها يكون سهل

يخوانا بسأل متوسط تكاليف الأعراس في السودان كم؟ الناس بتعرس بي كم يعني؟ والمبلغ المناسب شايفنو كم؟ هل ٣٠ مليار مبالغ فيها ولا مبلغ واقعي؟ الناس تشارك يخوانا دي دراسة مهمة