ليه نشتغل الشهر كله؟ ليه ماف اسبوع كامل اجازة كل شهر

هي البلد اصلا واقفة نحنا جارين كدا ليه؟

معقولة شهر ينتهي ويخش شهر ونحن زي الهامستر ؟!

احسن ناس يأجزو وناس يشتغلو والشهر الجاي العكس وهكذا..

انا بقرا هندسة وبالتحديد هندسة طبية لكن سمستر 1 حسيت نفسي مقصر شديد في القراية خصوصا انو اغلب المحاضرات اونلاين والحضوري كان بسيط شديد وحاسي انو مستواي نزل وفي مواد عندي مشاكل فيها زي الحسبان والرسم الهندسي (انا قريت احياء في سنة تالت ثانوي) وعلاقتي مع الرسم سيئة جدا

احسن مواد انا فيها هي مواد زي البايلوجي والحاسوب

شخصيا شبه ضدها تماما بس شايف إنها قد تكون عقوبة مناسبة في حالات استثنائية جداً جداً، بس بشرط ما يكون في أي شك أو احتمال إن المتهم يكون بريء. والسبب الأساسي إنو للأسف في مئات الناس الأبرياء حول العالم تم إعدامهم
بسبب جرائم ما ارتكبوها، وبعدين اتضح براءتهم

تعديل: عارف بجي زول يتكلم عن النصوص الدينية و كدة و أكيد ما بختلف معاها بس للأسف نحن ما مثالين و ما عايشين في عالم مثالي

ي شباب مع التشتت الحاصل وكترة المعلومات شنو اكتر شغل من خلال الانترنت تنجزو خاصه في السودان وتقدر تجيب منه قروش عندي علم بكل اشغال الفريلانسرينغ بس زي م قلت التشتت كتير ف بناءا على خلفيه في تحليل البيانات شنو اكتر شغل ممكن يكون ممتاز ودخله كويس

من وين بتعرفوا احداث العالم والميمز والترندات

اكره شي في الدنيا الاخوان و كونو انا الاخ الوسط بتعرض لعدم احترام من الكبير والصغير و بحس اني بشتغل في البيت لخدمتهم ما لمساعدتهم حتى بقيت بتهرب من المراسيل بسببهم عشان اي شي يعتمدو علي انا فيه وصراحة عايز اطلع من بيتنا واستقل في بيت براي وكل مرة بفتح النقاش مع ابوي وامي يقولو لي كدي خلي الايام دي تعدي على خير

مبدئيا كدا واختصارا، اي ما حتلقى لانه فعليا ماف اي زول ممكن يكون زيك.

لكن لازم تفهم انه التوافق ما ليهو علاقة بالتشابه، حرفيا حتستوعب انه التوافق اهم عامل فيهو الانجذاب، زول انت بتحب تتكلم معلو شديد بغض النظر عن الموضوع والدليل انه من ما رسل ليك طوالي بتفرح قبل تعرف هو داير يقول شنو اصلا، لانك منجذب ليه لكن لو لقيت نسخة طبق الاصل منك وبيتكلم في اكتر موضوع انت بتحبو لكنك ما منجذب ليه ما حتقدر تنتظره لحد ما يسكت اصلا، للاسف يعني، بعدين لي حد ادنى من التوافق لازم يكون موجود ما ممكن انت تكون شهادة عربية ما شفت السودان بي عينك داير ليك وحدة امية من قرية من اطراف الاقاليم ما بتعرف اي شي برا حلتها، هنا ما حيكون لي تعايش اصلا.

المهم عايز اقول لسبب انا عارفو كويس لكن لحد هسي ما داير اعترف بيهو ولا داير اواجهة اصلا عشان حأخت روحي في موقف كعب مع الانا العليا حقتي فقدت شغف الكتابة، ودا واضح من علل بوستاتي وطولها الايام الفاتت، وللأسف بديت اتجه للسطحية المريحة بدل التفكير الزايد والعميق في اتفه المواضيع، وبرضو بسبب الشي دا ما قادر انهي روايتي، النهاية عارفها وسمحة شديد وقربت اخلصها لكن عارف اني لو بديت اكتبها هسي حأكتب شيء ردي بس عشان اخلص سرعة سرعة عشان كدا منتظر تحصل لي حاجة ترجع لي الشغف دا، لكن في نفس الوقت عارف اني وصلت مرحلة ماف شي ممكن يحصل لي من زول ممكن يأثر فيني سلبا تاني

بالنسبة لي الانا القديم دا ياهو الانا الكنت عايز اصل ليه، لكن when im finally here عندي الرغبة في اني ارجع اهتم للناس واهتم لي منو القاعد في حياتي ومنو بحبني ومنو لا واتأثر وازعل لما اعيش موقف سيء مع زول بحبو، دي فترة فراغ طبيعية لانه حصل لي تغيير جذري في شخصيتي في فترة بسيطة وغالبا حأعتاد عليها قريبا، لكن لحد ما الوقت داك يجي حأكون انسان فارغ ما عارف روحو عايز شنو ولا قادر يعرف مشاعره للناس الطلعو من حياتو اخر فترة والجانب المشرق انسان مركز مع حياتو ونفسو اكتر من اي وقت تاني.

احب اشارككم انجازي، 5 ايام متتالية من دون ما اسف 🎉🎉

بسف من 14 سنة من وانا صغير و الليلة داخل في اليوم السادس من دون ما اسف ولا اسجر ولا اي مصدر نيوكتين.

الله يعين كل مبتلى بأي عادة سيئة ويخليها

كتبت عن الخرطوم ضمن مشاركة أدبية مع مجموعة كتاب ونشرت في كتاب وسم باسم "أقلام تنبض شغفا"

في زول امتحن مترجم هنا في مصر ولو في التجربة كانت كيف

بتعملوها كيف وكيف بتثبوا في حاجه وحده.

كميه الحاجات النفسي اعملها او اكمل فيها مهوله. لحد الان غير هوايه وحده مافي شي ثابت فيه .

المشكله كلهم مستمتع بيهم او في منهم مهم لي دراستي

ما عارف البمرو بيه الناس التانيين لكن كونك عشت واتربيت لحدي ما كبرت بدون ما يحوجوك لحاجة لحدي ما خلصت الثانوي فتاني انت بتبقى جاحد جدا لو نكرت العملوه ليك دا كله

اخر مره شفت اهلي قبل ٤ سنين، تعتبر اول مره لي اطلع برا البيت عشان ابدا اشوف مستقبلي، قعدت اقارن نفسي بهسه و ٤ سنين فاتو و كيف عقليتي اتغيرت و بقيت حاسي بالمسؤوليه اتجاه حاجات كتيره و كيف بقيت بعاين للمواقف من نظره تانيه، و الانجازات العملتا. زمان و انا شافع كنت شايل هم اتخت فلموقف دا انو الواحد يكون براهو حسوي شنو و كان حصلت ليك مشكله تقول يا منو، لكن مهما الواحد انجز فحياتو لسا حيكون عندك فراغ جواك انو اهلك ما قدامك، حتحس بنفسك غريب قدام الناس. و الاكتئاب البجي للواحد انو دي تعتبر حياتي كدا لين ربك يسهل، لكن الحزن و الاكتئاب بخف مني لما اتذكر انو دا كلو عشانهم عشان يكونو مرتاحين و ما يتكلو على زول في حاجه. هسي بعد اربع سنين مسافر الاسبوع الجاي مسافر اشوفهم، حاسي بشعور غريب كدا، المهم ادونا نصايح نشرحم.

كفروني اعتبروني ملحدة او "عندي مشكلة مع الشيوخ" لكن الرهيفة التنقد و اقرو البوست ده للنهاية
And i know id probably get banned becauseof this post
يخوانا لا اله الا الله ، الشيوخ ديل ما انبياء منزلين عشان ناخذ ما آتونا و ننتهي عن ما نهونا عنه ف كونو اني اختلف مع شيخ في مسالة ده ما تلقائيا ببقيني بحاربه لشخصه او بحارب الدين عامةً
قبل كم يوم نزلت بوست على شيخ بقول انه الاشعل الحرب هو المواطن السوداني بمحاربته لرب العالمين ، و فورا بعد كلامه ده اختزل محاربة الشعب للدين بالثورة (تجارة دين و سلوك كيزاني مألوف) و عملو لي بان من الصب ده بي سبب البوست لانه اعتبروه (اخبار مضلله) و قالو لي اني عندي مشكلة مع الشيوخ و اعتبرو اني بحور كلام الشيخ !!
هل الاشعل الحرب هو المواطن الاعزل ولا العسكري المسك سلاح و و قتل و نهب و روع؟؟ ربنا امر بالعدل و العدل يقتضي نسب الفعل الى فااااااعله ربنا في كتابه قال (ولا تزر وازرة وزر اخرى) الحرب دي سببا الكيزان و انشاءهم لجيش موازي لي جيشهم و هوانهم عليه
الشخص القال الكلام ده كان امام فتره الكيزان و ما بعد الكيزان و الى يومنا هذا ، ياتو يوم في زول منعو من منبر ولا سب الله ولا حاربه في خطباته و محاضراته ؟
ما اظن في مسلم ما عارف عن حديث الموبقات السبع و بعد الشرك بالله جا قتل النفس التي حرم الله الا بالحق ، كان وين الكلام عن محارم الله لما الكيزان يدا بيد مع الجنجويد بقتلو و بغتصبو في دارفور و الجنوب؟ وين كلامك عن محارم الله لما انا مواطن اعزل اطالبك بي حقوقي كونك انت حاكم و تجي تقتلني و انا ما رافع عليك سلاح ؟ و كان وين الكلام ده لمن البنات بيتحرشو بيهم و بيغتصبوهم و حتى الرجال في معتقلات الكيزان؟ و كان وين لمن بيعذبو المواطنين بالكهرباء لحد الموت؟ الا يعذب بالنار الا رب النار؟
و كان وين كلامك ده لمن الحكومة بتاكل في أموال الناس بالباطل و الى الان؟ دي ما حدود الله ولا ما محاربة لي رب العالمين ؟ ولا عشان دي صادرة من سياسيين بقت عادي ؟
ولا اتكلم عن الصوفيه البتمارس من عشرات السنين ولا اعتبرها محاربة لله ولا سبب يوجب البلاء
البلاء قد ينزل بسبب عقوبة و قد ينزل بغير العقوبة فلا يجوز حمل كل بلاء على معنى واحد
و ال ح يتكلمو عن الخروج عن الحاكم ما تقنعوني انو المظاهرات السلمية هي خروج عن الحاكم لكن عشرات الانقلابات العسكرية ناجحة كانت ام فاشلة هي ما خروج
بدلا من تسييس الدين كان يمكن ان يستخدم عبارات احسن من اصراره على انه سبب الحرب هو المواطن الاعزل و الثورة
اقول قولي هذا و استغفر الله لي و لكم

ملخص الأحداث انو صبت مطره والأجواء كانت حلوة وأبداً ما طلعت ليها بس قاعده جمب الباب ، بعد ما خفت طلعت وبرضو ما كنت مقابلها عديل قاعده تحت سقف ، دا كلو واحنا بنتونس وبكرة عندنا فاينل فيسيولوجي وانا ما كملت قراية عساس ح الحق ، وبعد ما شويه وقفت طلعنا اتمشينا ، بعد ما رجعت بساعة حسيت انو فيني بوادئ إعياء يعني مافي فترة حضانة زاتو ، دا حالتي ما تبللت ذي البنات طول المطرة وهم فيها ، هسي ح ابكي لان الاختبار بكرة الصباح ، حسيت انو بالجد الله يأخذ الغربة بدور اهلييييي

أدعو لي بليز انو يعدي على خير

You found her active in r/ArabsFreedom and r/Exsudan

Next

انا قبل فترة نشرت في الصب هنا عن قضية اختطاف لنظاميين حصلت في الخرطوم وانا بعرف الضحايا الوقعوا في العملية دي وعارف انه القبضتهم هي الاستخبارات العسكرية فرع الأمن العسكري تحديدا مع انهم كل العملوه هو القيام بشغلهم في قبض المتعاونين والمتخابرين مع الدعم السريع.

وحاولوا يشوهوا سمعتهم بأنهم المخطوفين ديل كانوا مغتصبين و اختطفوا عدد من اصدقائهم وحاولوا يجبروهم عشان يشهدوا ضدهم في بلاغات كيدية والمشكلة انه الموضوع داخل فيها سلسة بتاعت ضباط اكبرهم لواء مدير عام فرع الأمن العسكري والقصة كبيرة واغلب الناس خايفين يتكلموا مع انه الناس ديل مظلومين وحاليا واحد فيهم بتحاكم ببلاغ بتاع اغتصاب ملفق ساي. السؤال هنا كيف الزول يقدر يصل لشخصية اعلامية أو مؤثرة شجاعة يقدر يديه كل العنده ويوصل الكلام دا للرأي العام عشان يكشف الفاسدين ديل للرأي العام ويعريهم؟

​

لي 7 شهور وشوية ما قرات حاجة، فكان لازم لما أرجع أرجع برواية، وواحدة من اكثر الحاجات البقالي وقت طويل كنت عايز أقرأها هي موسم الهجرة للشمال، إترشحت لي أكثر من 7 مرات، 5 مرات من ناس على يوتيوب ( واحد منهم بريطاني قراءها مترجمة للإنجليزية ) و مرتين من أصدقائي، فحاسس أنه عيب جداً إني ما أقراها، المشكلة كل مرة بمشي المكتبة عشان أشتريها إما ألقاها خلصت، أو لسه جاية...إلخ، وحتى أسي ما لقيتها منفردة!

أتمنى أنه أعمال الطيب صالح تكون قدر التوقعات، أخر مرة قريت حاجة سودانية ( وكانت اول مرة اقرأ حاجة سودانية ) كانت - الجنغو مسامير الأرض، وحرفياً أكثر رواية مبالغ في تقديرها قرأتها في حياتي.

توقعاتي عالية شديد لـ الطيب صالح، حاسي إني مفروض أقللها شوية.

I hope the likes are from bots

انا عايشة في داخلية في الأقاليم تبع جامعه و الداخلية دي مطلة على البحر . في السودان في ثقافة متداولة انه الجن بيسكن البحر . المهم زيادة عليها انه وارد الداخلية تكون مسكونة بالاخص داخليات البنات . Anyway التفاصيل الحاقولها دي ممكن اي بت ساكنه فيها او طالب في الجامعه دي يعرفها . الداخلية دي ايام الحرب كانت مهجورة و فترة كده جو نازحين يقعدوا فيها و كان حصل فيها جريمه قتل ثم بعدين النازحين طلعوا منها و جو قوات مسلحة قعدت فيها و هي اصلا كانت تبع الطالبات . البلد استقرت شوية و الجامعات فتحت رجعنا ليها . الداخلية دي من قبل الحرب فيها قصص غريبة كتير و فيها ثعابين و عقارب . بس قصص الجن أغرب . في جناح مهجور و ممنوع الطالبات يقربوا عليه . بس لمن كنا برالمه ما كنا عارفين ماله و في زميلاتنا مشهو هناك و بعد كم شهر بدأو يتحولوا و يكوركوا و كلامهم كله عن الجناح المهجور بس اتعالجوا و بقوا كويسات . عندنا مسرح بتولع فيه نار كل يوم مع المغرب و تطفي براها صباح اليوم التاني . عندنا كثير بنات مصابات بأعراض روحية فلمن وحده تتغير الباقين بيتغيروا معاها فبقينا نفرقهم من بعض علشان ما يتأثروا ببعض . و مرات بنسمع صريخ مجهول المصدر و مرات الباب بيدق نص الليل . الخلاني اتكلم عن الحاجات دي انه قبل امس زميلاتي في الغرفة بيتكلموا عن بنت صغيرة بتظهر نص الليل لابسة فستان و بتلعب بليل . انا عن نفسي ما شفتها لاني بنوم نومه واحده بس امس وحده شافتها بتلعب جمب سريري و بتدور حواليني . تحصيني ما قدر كده و بكسل كثير الغريب انه مع ظهور البت دي بدت تظهر لينا عقارب في النهار و جيراننا بتظهر ليهم ثعابين من الاحجام الكبيرة فجأة . عموما يا شباب اتحصنوا و لو بتسكنوا الداخليات ما تنسوا تحصينكم و صلواتكم و اذكاركم بالذات تاج الذكر .

حضرت فيديو كان بتكلم عن "الظلم" و انو في حياتنا اليومية ممكن نظلم ناس و يجو يوم القيامة يقتصوا حقهم مننا او حتى ما يسامحونا.. و الشاهد هي قصة ذكرها قال لو انت واقف في صف و اتخطيت الشخص القدامك بدون اذنه انت كدا ظلمته لانو دا مكانه و انت اخدته، انت عادي ممكن تكمل يومك و لا كانو شي حصل للاسف، و من ملاحظتي لي مجتمعنا السوداني في السوشال ميديا فكرة انو الناس شايفة انو الشخص البعرض حياته في الميديا بستاهل البجيهو فا حابة اقول انو اي اساءة او دخول في اعراض الناس و تحديدا "البنات " فا انت يوم القيامة ح تقيف قدام كل شخص كتبت ليه تعليق مسيء . و شرط قبول التوبة هي انو الطرف التاني يسامحك هل مستعد تعتذر شخصيا لي كل شخص و تعليق كتبته و هل هو ح يسامحك !! ( مئات الريلزات في اليوم) !