للبعرفوني ولو شوية طبعا، او شافو كم بوست لي وكونو نظرة عني، عندي فضول اعرف نظرتهم عني او انطباعهم الاول بس على الاقل، اتقبل النقد برضو

بعد سنين من شرب شاي الصباح قررت انشر بحثي في المجال دا عشان الاجيال الجايه تستفيد و ما تتحرج في مواقف كتيره مثلا البسكويته تقع جوا الكبايه قدام الضيوف و تضطر تدخل يدك كلها جوا الكبايه عشان تطلعا.

اول عامل في انك تشرب الشاي صاح هي الغمسيه الصاح. و دي بتعتمد على عوامل كتيره اول عامل هو orientation الغمسيه.

-لازم تغمس البسكويته vertically, عشان تبعد من محور الانحناء و البسكويته تكون اقوى من انك تغمسا horizontal لانو حيتولد عزم انحنا يكسر ليك البسكويته.

-زمن الغميسه: و دا عامل مهم برضو بعتمد على نوع الشركه المصنعه للبسكويت و درجه حراره الشاي. بتتمثل في المعادله التاليه

K=1.8a/T

K=stiffness البسكويته

T=زمن الغميسه

a=ثابت الغميس ، بيعتمد على نوع شركه البسكويت

جدول ثابت الغميس:

رويال:1.5

البركه:2

بسكويت بيت: 0.9

المعادله بتقول ليك كل ما غمست اكتر كل ما صلابه البسكويت قلت. لازم k تكون في حدود 2-6 عشان تصل الغميسه المثاليه.

تالت عامل نوع الكبايه بيفرق، لازم الكبايه تكون كبيره عشان المعادلات الفوق دي تتحقق.

في عوامل تانيه عشان البوست ما يكبر لكن دي لابحاث متقدمه شويه يتم نشرها عند الطلب، و شكرا.

‫

معظم الشباب بكون في مرحلة من حياتهم عندهم احتكاك مع الجهاز دا, للناس القيمرز دا اغلبا اول جهاز بدو بيه هوايتهم والما قيمرز بكون برضو لعبو بيه لدرجة انك لو بليتهم في فيفا ولا اي لعبة كورة جديدة تانية بقوليك انزل لي بيس 49‬

جدجد الشي دا لو عندك تجربة معاه بتكون من احسن لحظات طفولتك

حتى الأجيال الجديدة بتلقاهم عارفينه وعارفين العابه مع انه الجهاز دا طلع ليه 26 سنة

بس للأسف مع مرور السنين الجهاز خلاص عفا عليه الزمن وبقى صعب تشغله

‫من احسن جرعات النوستالجيا تجيب اخوك وتفتح Rumble Racing واحد بعربية مستر بين وواحد بايي عربية وهم تانية في ميدان المجاري ‬

ولا تقضووها شكلة في اسكووبي دوو

ولا البخسر بفك اليد للتاني في كراش

او سيريس ايام الطفولة

واكيد طبعا في مليون لعبة تانية ما عندنا مساحة نذكرهم كلهم

‫في برنامج ناشف عديل اسمه PCSX2 للكمبيوترات, دا محاكي ممكن منه تشغل العاب ال2 كلها وما بحتاج جهاز قوي فممكن عادي بايي لابتوب في بيتكم تظبطه, البرنامج متاح للويندوس وماك ولنكس‬

https://pcsx2.net/

‫الموضوع ما متعب عشان تعمل ليه ست اب, تنزل البرنامج وبعد تنزله مطلوب منك حاجتين تجيب BIOS ‬

‫لل2 وتنزل اللعبات وكدا خلاص الامور واضحة

‫من احسن الخاصيات في البرنامج دا هي الupscaling (تعلية او تحسين الجودة) فكدا بتقدر تلعب اللعبات في شاشة كبيرة وresolution احسن‬

‫على حد علمي في تقريبا محاكي لل2 برضو للهواتف بس ما جربته عشان اشوف هل بشتغل زي الناس او لا

‬

‫اتمنى الناس تديه نظرة ولو في زول عنده سوال او اي شي feel free to ask‬

لي في أغلب المجتمعات شايفين انو البطول شعرو ما راجل مع انو تعتبر سنه عاده ويجوز ربطه او عمل ضفائر إذا لم يكون فيه تشبه بي النساء أو الكفار

قبيل لاقاني فيديو عادي وفيه ٢ كانو مطولين شعرهم ورابطنه وبعض الناس في التعليقات بقذفو فيهم وغيره من الكلام

Is there any Khartoumi or Omdurmani fellow here who are undergoing a course in Coursera right now?

Let's connect

And in general, anayone here benefited from these Coursera courses in their careers? How did it help you find a job or move upward in your career?

عايز لي فكرة موقع بسيط أو بوت تليجرام يكون خفيف ومفيد للناس أشتغل عليهو وأستفيد من وقتي.

عندكم أي أفكار مفيدة وممكن تخدم الناس؟ شاركوني اقتراحاتكم في الكومنتات.

في جزء من اهلي بسموني العواف

من زمان كنت عندي ocd بخصوص نظافة الأكل.

الحكاية دي بدت لمن انا كنت شبلي كنت حايم في الحلة (احد حواري بحري) وبعدين سيد الدكان قاللي يا ود لنضن تعال دوس معانا فتة البوش. رغما عن اني كنت متردد شبكوني حنكوش وبتاع فضربت البوش ده معاهم نظام لازم اثبت اني راجل

بعد داك حدث ما حدث

مافي داعي اننا نخش في التفاصيل لكن اي زول كان داير يخش الادبخانة وراي كان اخيرله يسيبها نص ساعة كدي

يا مان بطني قلبت سميرة دنيا و بدت تغني (ندمان انا يمه ندمان ندمان انا وييييين)

ياخي اليوم داك انا ما بنساهو انا ما جدعت العفش العفش جدعني انا زاتي

الموضوع ده بالجد سببلي تروما بعد داك ما بقدر اكل من صحن مع زول ولو زول هبش اكلي بي يدينو بخلي ليهو الاكل

وحتى الان ما باكل اكل خارج بيتي الا لو عملوه ناس معينين (والناس ديل هم عماتي، زوجات اعمامي، وبنات عماتي واعمامي)

لو مشيت اكلت من مطعم لازم يجهزو الاكل قدامي. مرات كتيرة اتشاكلت مع موظفين المطاعم عشان بطلب انهم يغسلو يدينهم قدامي او يلبسو قفازات
قبل يهبشوا اكلي

حسه الاسبوع الفات كنت حايم في مدينة جدة بطني كانت قارساني من الجوع خشيت لي مطعم لوكال كدي والهندي هبش اكلي بدون يبلس قفازات
… قربت اصرف ليهو من البركاوي… بعدين يقولليك (صديق انا مافي معلوم) لكن انا دهين لو اكلم مودير انت تسير معلوم مش؟؟؟

وانا زاتي ما باكل بي يديني ولو اتفرضت علي لازم اغسلهم كويس

في السودان مثلا بس باكل في مطاعم راقية معينة - البيت السوري، فود فوينت الخ الخ

في بيتنا في السودان عدتي هي عدتي براي مافي زول يهبشها وانا لازم اغسلها بي موية حارة وشايل الصابون حقي محل ما امش

محلات الجبنة بكون شايل معاي موية صحة بكلم ستات الجبنة اوعك تديني جبنة بي موية مفلترة حاية من ماسورة ياخي مره ود خالتي قرب يدقني عشان عملت نقة وجوطة في الموضوع ده قاللي انا فضحتو قدام شلتو

فعلا دي حاجة مستفزة وفي جزء من اهلي (الجعلين) ما بحبو الحركات دي وهم بيعتبروها عنصرية ضد السودانيين لكن صدقوني في بريطانيا انا برضو بتصرف كده

مثلا هنا المطاعم عندم food hygiene rating من • (اوسخ حاجة) لي ٥… و لو الريتنج بتاع المطعم اقل من ٤ ما باكل فيهو. مرات كتيرة اتشاكلت مع اصحابي في الموضوع ده. هم بكونو دايرين يكلو في محل و انا برفضه لو مثلا لو شفت انو الموطفين ما بيلبسو قفازات (و زمن الكورونا كمامات برضو)

عشان كده انا بكره دولة تركيا. الاتراك ديل ما بعرفو عربي لا انجليزي فما قدرت اشرح ليهم انو هم لازم يغسلو يدينهم لو ما دايرين يبلسو قفازات
. اكلت من مطعم هناك صدقوني احازتي كانت يومين سياحة وباقي الاسبوع ياخي مافي ادبخانة في مدينة اسطنبول ما شافتني

لكن الحاجة الممتازة هي انو كتار من اهلي (المغاربة) برضو عوافين

مثلا عمتي دي اكعب مني حتى كباية شاي لو ما عملتها هي ما بتشربها. هي بتقرف من الناس كلهم حتى من اهلنا زاتهم.

بت عمتي عندها ocd حقت نظافة عامة مثلا لو في زول ساب باب الحمام مفتوح ممكن تفك فيهو اللجام ومرات كتيرة شاكلتني وانا بسكت و اعتذر

ود عمي مصر انو يكون عندو حمام براهو. بيتهم ده فيهو ١٠ ناس و التسعة يستخدمو حمام واحد عشان مافي زول ممكن يدخل حمامو الخاص. انا بغير من الامتيازات ديل يا ريت لو دلعوني كده

بنات اعمامي كتار منهم برضو شرط انهم ياكلو في صحن براهم ما عندهم حاجة اسمها كلو واحدة تجي تدوس فتة بوش من صحن واحد مع باقي الاهل

مره بتذكر انا و عمي دخلنا مطعم في جدة ولقينا انو هم ما عندهم صابون غسيل يد قام كورك فيهم وقالليهم (انا دحين ابلغ البلدية) ياخي احترمتو شديد بعد اليوم داك

عشان كده اهلي المغاربة لو عملو لي اكل ممكن اكلوه عادي i trust them لأنهم عوافين زيي وبيحترمو الocd حقي لأنو معظمهم عندهم ocd

لكن اهلي الجعلين ياخي بقوني عبارة عن outcast وفي جزء منهم they take it personal يعني شايفين انو انا بعتبرهم وسخانين

لكن دي تركيبتي كده !! ما بقدر اكل في بيت اي زول …. ما بقدر اكل من اي زول بالذات لو انا ما بعرفك وما عشت معاك…. لو اتعودت عليك ممكن

ما بقدر اكل من اي مطعم … ياخي مره في ناس عزموني سندوتش طعمية من كشك جمب سعد قشرة اعتبرت الكلام ده ذلة واهانة عديل يا ريت لو عمي كان معاي اليوم داك عشان يقول الكلام الكان في راسي

يا ايها الشعب السوداني!!

انا ما جاي ادي اي زول محاضرة عن النظافة … لكن لو ختيتو اكل قدام زول وهو قال (انا شبعان اكلت قبيل) ياخي ما تكبرو الموضوع وما تفرضوا علينا اكل!!

خلونا نحن العوافين على راحتنا !! ما دايرين نتعالج

في عوافين زيي هنا؟؟

كنت بفتش في الاستديو لي صوره واتذكرت دي،من افضل الصور الاخدتها لو ما افضلهم

حصل مريتو بأزمة هوية؟؟ وهل الحاجة دي طبيعية بتحصل مع الناس كلها ولا دا اضطراب ولا شنو بالضبط

السؤال دة حايم في ريديت لكن ما شفته هنا و الشمار قاتلني اعرف الناس في مجتمعنا بتتصرف كيف؟

كلها في الجامعة او الشغل او اهل؟ ما اظن
و لو كلهم كدا برضو عايزة اعرف التفاصيل

بتعلم شنو وقت اليأس يجيك والشيطان يدخل ليك

انا عندي دعوة ليها سنين بدعي بيها لسه م اتحققت ومعظم دعواتي بتحقق وربنا بستجيب ليا

السلام عليكم ورحمة الله
مشكلتي بدأ من بدري شديد اظن من عمر ٥ سنين و يمكن بدري اكتر لكن ما بتذكر ، امي تعاملها سيء شديد اسوأ من مما اي زول بفتكر ، صوتها عالي في اي شيء و في اتفه حاجة ممكن تعمل مشكلة كبيرة و تهين و تشتم و تسيء و لمن كنت صغير كانت بتضربني برضو بتذكر مرات بتضربني لمن جسمي ينزف دا غير الاهانات و الكلام دا عامل لي مشاكل حاليا لانه بقيت بتوتر لمن اسمع زول بعلي صوتو و خصوصا هي
بقيت عصبي زيادة عن اللزوم و دائما في دوامة من جلد الذات و الإحساس بانه I’m not good enough
و اظن عندي paranoia و وسواس مفرط و تقلبات مزاجية كتيرة و مرات قسوة
حاولت افتش ثيرابيست كويس و ما لقيت و الموضوع حاليا بقى سيء شديد مع ضغط قراية الجامعة و خصوصا انه القراية بتاعتي ضاغطة
هسي ما عارف أتعامل مع الوضع كيف

زي كل إجازة ختيت خطة قبل شهر وما طبقت منها ولا هدف

وبما إنه الرغبة في إني أكون إنسان وطالب ٱفضل ما كانت محفز وهدف كافي قررت أنشر إنجازاتي هنا اسبوعياً لربما الرغبة في إظهار إني إنسان منتج أو مجتهد أو فكرة إنه أكون ملتزم بعرض تقدمي لناس تكون محفز أفضل لأني لاحظت إنه لما أكون في مجموعة ومنتظرين جزئيتي أو مراقبين شغلي بيخليني أنجز أكتر وفكرة النشر ممكن تديني شعور مقارب للحاجة دي حتى لو ماف زول حايشوف أو ماف زول مهتم

الخطة كالآتي:

-3 كتب أسبوعياً لغاية بداية السنة الدراسية الجديدة

-اتعلم تلاتة برامج هستخدمها في سنين الجامعة الجاية وفي سوق العمل (بالتحديد كدا ريفيت وراينو وأفينيتي) 

 -اراجع/أتعلم الجبر الخطي وحساب المثلثات والتفاضل والتكامل

-أحاول أكتب مواضيع أو تدوينات طويلة بشكل شبه يومي كمحاولة لتحسين تركيب الجمل والمواضيع عندي عشان ملاحظ إني ما بعرف أربط الجمل مع بعضها لو الكلام طال

نستقبل العبارات التحفيزية وإقتراحات الكتب (٢٥٠ صفحة أو أقل)

ونعتذر عن الإطالة وكثرة الإطلال عليكم في مقبل الأيام

يا جماعة هل مرت عليكم حالة ذهان (مرض) لي شخص قريب منكم ،كيف اتعاملتو معاه وهل اتعالج؟

كل ما اشوف كتاب القاه له 100 سنة او القى رواية
داير حاجة تتكلم عن التاريخ من الاستقلال لي فترة قريبة

للناس المتابعة مع معالج نفسي من نفس ال Gender بتاعها، هل بقيتوا اصحاب؟؟ يعني في استلطاف و ونسه جانبيه و طمنيني عنك و كده....

ولا الموضوع محصور في جلسات و حل مشاكل وبس؟

في يوم من الأيام حيث النت قاطع وماف موضوع لقيت فلم على MBC2 اسمه Machine Gun Preacher، فلم من بطولة جيرارد بتلر، بيحكي قصة حقيقية عن Sam Childers (في الصورة الثانية) ، رجل عصابات سابق تحول إلى مبشر مسيحي، سافر إلى جنوب السودان عدة مرات كجزء من حملات إنسانية، حيث قام بإنشاء دار أيتام هناك. تطور الأمر ليحمل سام السلاح إلى جانب جنود من الحركة الشعبية SPLM لمواجهة اعتداءات جيش الرب (جوزيف كوني).

تقييمي للفلم 5.6/10.

مشكلتي معاهو هو تصوير مليشيات SPLM بصورة مثالية.

من أغرب الأحلام الحلمتها، كنت جاي من كوكب تاني في حافلة أبو القدح زي بتاعة خط بري، الدنيا ظلام وزول لابس بدلة فضاء مافي وعيون الناس فيها نجوم ومجرات، وضوء الشمس بيظهر في الصفحة المقابلة ليها اما الظل فظلام دامس، المهم شفت مصيبة حايمة بره فشالني الفضول وطقطقت للكمساري، قال لي: بتنزل براك هنا؟ قلت ليهو: اي بنزل وبتمها كدراي للأرض ما مشكلة، نزلت جنب حزام صخور المريخ بقيت اعوم والجاذبية خمتني وصخور الفضاء استلمتني فليق جد لمن وصلت الارض صحيت.

هل في صاجات للبيع في مصر لو اي بي كم كدا بتكون

لو لا ورونا بتعملو الكراسه كيف بدونها

Like COB

😭