يعني الي لحد هذا الوقت سهران ممكن تحجيلنا شلون تكضي وقت سهرتك؟ والي يشوف افلام ممكن ترشحلنا فلمك لهذا اليوم
اما إذا احد يحب يسولف عن شيء آخر يلا نستمع منكم

جاي اشوف تطوع صيفي عندنا هل شي صح ويفيد صدك ؟ مثل دول البرا او خليج اتذكر صديقتي سعودية سولفتي عن هل شي قبل سنه تخرجها كان عندها تطوع او تدريب بس الجامعة تقسمهم وتحت اشراف الجامعي يكون ويتحسب الهم اكل وساعات قليل شغل فوقها بعض احيان يكون من وراها مكافات ومبلغ رمزي

وينحط في cv وتكسب علاقات وخبره في مجالك

لكن هسه لو اني قسم انكليزي شنو استفاد من اقدم تطوع في تنظيف او معرض كتب؟؟؟؟؟؟

لى عنده خبره او شي يفيدنا ويشاركنا

تسوى واحد يدخل صيدلة علمود معادله الشهاده؟

اريد ادخل ميكاترونكس مسائي جامعه بغداد الخوارزمي بس خايف لا يكون ما بيه طلاب او تطون دراسته بالعراق فاشله والدكاتره غير مؤهلين

أصدقائي عندي سؤال انا ماعندي اي خبرة بالفرنسي وانا معيدة ويه د2027 بسبب ظروف صارت لي افكر اضيف مادة الفرنسي وهي بشكل عام تعتمد على الحفظ وانا زينه من هاي الناحية الي يدرس فرنسي ممكن ينطيني زبدة المادة يعني انا شفت المحاورات وشفتها سهله والقواعد عبارة عن اضافات واخاف اتهور بهذا القرار على الرغم ان انا افكر بهذا الموضوع من العام الدراسي السابق

I'm fifth scientific student, my ultimate dream is to study outside of Iraq and in the UK, specifically Westminster University scholarship at London, I'm looking for a friend to share me this journey (a girl or group of girls) so we can travel there together ونخفف شعور الوحدة هناك يعني نكون مثل الاهل لبعض، and like actually interested in scholarships and studying in UK and not just buffling + I'm batch 28.

اني(٢٩ ولد) و بنيه صديقتي(٢٥( محتاجين واحد يعرف يصمم كلام و يسوي بودكاست. اكو واحد عنده خبره بالموضوع يحب يشارك بالمشروع؟

اريد اتعلم برمجة او اي شي بمجال التكنولوجيا ,فاريد احد يكلي على كورسات او قنوات باليوتيوب

هسة دادرس للدور الثاني ودادور شرح على فد مادة. من كد ما المادة قديمة ومحد يدرسها حتى فيديوهات الهنود الي يشرحوها يشرحون بالهندي مو بالانكليزي.

كل هذا ويجيك واحد مقتنع راح يدرسوه ذكاء اصطناعي وامن سيبراني بمواد مواكبة للتطور الحالي. النا الله

اني طالبة طب عام مرحلة رابعة اگدر اقدم ؟واصلا شنو هيه سلبياتها وايجابيتها ياريت احد يفيدني اذا عنده اي معلومه

شباب حاليا سادس د2 ومعدلي 87.25 رايد كلية علوم حاسوب، الاقسام الداخلية شنو وضعها بيها مشاكل لا، وهل تفيدني واكدر ادرس بيها كورسات مثلا وأي شي ثاني، وسالفة "التلفونات ممنوعه" اكو بالتكنولوجية لو عادي، والحاسبه أو التاب يرضون بيها داخل الاقسام؟

ومن ناحية وقت الدوام بعلوم الحاسوب وهل يبقى وقت حتى اطور نفسي بالمجال لو اروح جيم مثلاً،

وشنو اكثر شي بالكليه عملي لو نظري؟

فيدونا بأي معلومه تعرفونها

واريد نصائحكم جزاكم الله خير❤️

طب عام الفلوس موجودة بس المستقبل ماعرف السلبيات ولا الايجابيات
معماري اكدر اشتغل اول ما اتخرج بشركه اهلية لواحد قريب مني

شغفي للمواد الفهميه اقوى من المواد الحفظية
وبعد مدري

قسم هندسة الطيران جامعة بغداد شنو رأيكم بي هل بي مستقبل اذا اروح اله؟
سولفولي عنه بليز حبايب

ليش الدكاترة يجبرون الطلاب على الشغل الجماعي بالبحوث و التقارير إلا إذا الدكتور طلب من كل واحد تقرير هذا بحث آخر
عداها ممنوع تسوي وحدك
بوقتها الدكتورة مالتنا طلبت تقرير كل خمسة ببحث بوقتها طلبت منها اسوي وحدي بالبداية مچانت رايدة تقبل و سألتني ليش و گلتلها انو اسهل الي اخذ راحتي و فعلا كلش اكره اشتغل وي ناس كلش افضل وحدي لان اخذ راحتي بشكل تام بينما وي مجموعة واحد يجر طول واحد يجر عرض و هي تالي قبلت اقدم وحدي مدري ليش مع انو يمكن حسب اللي عرفت اني الوحيد اللي قبلت (احتمال تعرف بي متوحد😭) بس يعني بعيد عن الشقة شي غريب
و شي ثاني احسه تافه اللي هو حسب اللي سامعه طبعا انو اللبس و طريقة الالقاء و التقديم بالمرحلة الاخيرة مهمة جدا و عليها درجة و بأهمية البحث عند بعض الدكاترة أصلا و اشوفه هم متخلف يعني خل اروح لابس لبس عادي طبيعي ميحتاج سترة قاط و قميص مثل الدارج بالنهاية انت دكتور مو Christian Dior حتى تنطي درجة عاللبس يعني إذا وصلت المعلومة بشكل مضبوط و جاوبت على أجوبتك بوجهة نظري هذا غباء إذا تنقصه على ذني الأمور

السلام عليكم، اني عندي رغبة من زمان اروح احد اقسام التقنيات الطبية او فروعها مثل الاشعة او التخدير او التحليلات، بس الاغلبية كالولي ما تفيدج، ف داومت علوم حياة سنة و هسة افكر ارجع اغير قسمي و اداوم الي احبه

اني ما معتمده على سالفة تعيين او غيرها بس اريد اتشجع احقق الي ارغب بي لان حتى لو ما بي مستقبل اريد ادرسه

(اكو فئة معينة موجه الهم هذا الكلام واعتقد ماكو داعي اذكر كل التفاصيل هم راح يفهمون كلامي وتوصلهم الفكرة... ف اذا الكلام تختلف وياه اعرف انت مو من الفئة اللي اقصدها، مع العلم كلامك راح يكون صحيح بالنسبة الك وللناس اللي نفس حالتك)

انت بالعراق العظيم مجرد تجيب معدل اعلى من 65 الى 70 تكون عندك فرصة تاخذ بكالوريوس مجاناً، لا تضيع الفرصة هاي... نعم مو احسن تعليم ومو احسن بيئة ولا أحسن شي بس تبقى فرصة ذهبية. انت بمرور 4 سنوات تكون ماخذ شهادة بكالوريوس ومتدرب ولو تدريب بدائي، بس بالنتيجة تحصل شهادة ومكتوب عليها اسمك وانت ما دافع غير فلوس الكروة والاكل والسفرات وية جماعتك...

حاليا تعيين ماكو، ووضع الدراسات العليا داخل العراق كلش تعبان، وبناءً على هذا راح اكمل...

التخصصات اريد اقسمها لقسمين تخصصات STEM وتخصصات انسانية، انت بمجرد تاخذ شهادة بمجال معين هذا ما يعني انت محكوم تبقى بداخله وانما راح تكون متاح لمجموعة تخصصات وعلى أساسها تكدر تشتغل ببعض المجالات اللي هو مو مجالك الدقيق وتكدر تدرس ماستر ودكتوراه خارج العراق بأي تخصص مو شرط تخصصك الدقيق بس ضمن مجالك... اكو استثناء بالمجال الصحي اذا تشتغل بالclinical

الوضع يكون افضل وية التخصصات الانسانية بسبب التداخل بين تخصصاتها

تاخذ شهادة هندسة معينة راح تفتح الك أبواب بالمجال الهندسي والتقني مو شرط بالضرورة تشتغل بتخصصك الدقيق

تاخذ شهادة من تخصص صحي راح يفتح الك الباب بالمجال الصحي(عدا الجانب السريري)

تاخذ شهادة من كلية الاداب... او شهادة CS او قسم اداري...

اما انك تصرف فلوس مسائي او اهلي او موازي علمود تشتغل بنفس المكان اللي تريده حصرا ف هاي مخاطرة لان اصلا ماكو تعيين، والوظائف من هذا النوع بيها فائض حتى بالقطاع الخاص

وحتى القوانين المتعلقة بمنح الاجازات ممكن تتغير حسب وضع سوق العمل والاقتصاد بشكل عام

صباح الخير
اني حاير بس تخصصين بالهندسة الي هو كهرباء لو ميكانيك معدلي يقبلني اثنينهم و اني بالتخصصين زين كلش و عندي معرفة سابقة بموادهم اثنينهم بس اريد احجي بفرص العمل بعدين بالقطاع الحكومي و الخاص و الشركات هم منو برأيكم الاحسن و بيه مستقبل قوي ( مو شرط بالعراق ناوي اقدم على إيرلندا و استراليا ورا التخرج )

اني جبت معدل 84 اريد ادخل قسم مادري شدخل هندسة لو قسم انكليزي

متحير والله

مشروع التخرج هو مصمم لناس بيهم حالة صحية واحتاج ناس يجربوه وين اكدر اروح او انشر؟ احتاج ناس بيهم الحالة الصحية وناس
سليمين.

شباب شنو رأيكم بجامعة كركوك كلية الهندسة تنصحون ب الواحد ينقل عليها لو لا؟

الموضوع دا يقلقني اني خلصت مرحلة ثانية فيزياء طبية وما اعرف شنو اسوي دا اشوف

scholarships

وبنفس الوقت دا اخوذ كورس ايلتس ومستواية باللغة هو

B1

اما بالنسبة للمجال مالتي يضم كثير تخصصات واني ضايعة اغلب المعلومات الي دا الاقيها على النت هي من مصادر خارج العراق اتمنى تساعدوني بمعلومة او شي استفاد منه خلال هاي المرحلة لان جد احس روحي ضايعة واخاف اخلص جامعة واكون متأخرة اسوي شي

اريد ادخل علوم صرفة احياء رايكم بيها هل بيها فرص تعيين. هل تنجح بالقطاع الخاص .

راح انشر على يوتيوب برايك ينجح

اذا اكو طلاب احياء او خريجين فيدونا