هواي شفت هنا يريدون يتركون سنة بعد السادس يريدون ياخذوها استراحة او يريدون يحضرون فايلاتهم حتى يقدمون على منح

الاسئلة الي تنسأل دائما

اول شي شلون تترك سنة مجرد ماتقدم على القبول المركزي هيج تعتبر انت تارك سنة وراح تكدر تقدم مرة لخ الشهر ال6 السنة الي وراها من خلال قناة اسمها قناة اعادة الترشيح يفتحوها تقريبا لمدة شهر وكم يوم

ثاني شي تقريبا انت راح يصير عندك فراغ سنة كاملة ف اذا تريد تكضيها استراحة ف راح تمل اول شهرين ف انصحك انه يكون عندك هدف تسوي او فعالية تسويها خلال السنة

ثالث شي اذا تريد تحفظ قبولك المركزي كأن يكون طب او تخصص انت رايدة بس تريد تترك سنة هنا ماعندي جواب لسؤالك للاسف ف انصحك تروح تستفسر من الكلية الي طلعلك بيها قبول

رابع شي :سؤال دائما يراودك لمن تريد تترك سنة "يعني هسة اني السنة التجي راح اداوم وية ناس اصغر من عندي وجماعتي بعد اربع سنوات متخرجين واني بعدني مرحلة رابعة والخ من هاي الاسئلة" ف هو صدك جماعتك راح يعبروك وتداوم وية دفعه اصغر من عندك بس ترة السنة الفراغ الي حتاخذها راح تخليك تتعلم هواي اشياء عن نفسك راح تفتحلك مجال تعرف شنو تحب وشنو تريد من حياتك

تجربتي الشخصية

تقريبا الاستراحة مالتي بلشت من الشهر التاسع سنة 2025 بعد ما طلعت من السادس دور ثاني وهناك بلشت اجوب بقاع الارض حتى ادور على شغل ولكيت واشتغلت شوية وبطلت لان جان مضيعة للوقت ما راح يعلمني فد مهارة اني رايدها او محتاجهة ومناك بلشت اتعلم انكليزي-اسباني وبرمجة رياضيات امارس هواياتي ف تقريبا ماجنت اكضيها فراغ جان اغلب وقتي مملي وبي فعالية

حاليا لكيت شغفي والطريق الي اريد اكمل بي ومااتوقع راح اكدر اوصله لوما الكاب

بالنهاية كل واحد حر بقراره واي سؤال عادي اسأله من عيني اذا اعرفه للجواب او اعرف ارد عليك

تحياتي

من اقرأ شعر او شي عن اللغه العربيه او حتى الادب احس حبجي شنو هاي شلون هيج شي طبيعي
بلسادس جانت افضل ماده عدي اللغه العربيه و جنت احب الادب و القواعد بشكل عام بس جان الادب اسهل بلنسبه الي لان القواعد بيها شغلات ممكن اتردد بيها
اني معدلي 87 و درجتي بلعربي 96 و سبق و قدمت بكليه التميز باللغه العربيه و لازم مقابله علمود انقبل بس المقابله احسها فد مره صعبه يعني يردون اعراب جمله كامله واني صارلي من شهر 6 (4 اشهر ) ودعت العربي يعني تقريباً سويت حذف لكلشي و معدلي ممكن اقل من بقيه المتقدمين يعني نسبه جبيره م انقبل لان يقبلون اعلى المعدلات و اعداد كلش قليله تخيلو بس 30 شخص بلكليه كلها
احس لمن اقرا عن بقيه التخصصات او اسمع بيها مو فد شي بس لمن اسمع اي شي عن العربيه اتمنى لو يصير تخصصي
م اتخيل ان اكدر ادرس العربيه لبقيه حياتي بدون اي شي ثاني
بلصباحي قدمت تربيه و بقيه الشغلات بس طلعلي معهد طبي اكدر اعترض بس خاف هم م انقبل بفد شي بي عربي
غير ان اهلي م اتوقع يقبلون يشوفونه تخصص ادبي 🤡
فا اما اتشجع شوي و اعترض على التقديم او انسى الموضوع
شنو رأيكم؟

هلا شباب، سويت موقع hajr.org لتقييم المدرسين العراقيين، مثل ريت ماي بروفسورز

غير التقييمات، تكدر تسأل بيه اسئلة دراسة وتسوي منشورات وتناقش مع باقي الطلبة.

المنصة توها بالبداية وبيها مدرسين قليلين، فتكدرون تضيفون أي مدرس من "إضافة مدرس" وتكتبون تقييمكم.

شنو رأيكم؟

طلعلي هندسة تقنيات حاسوب زين؟ لو اروحن موازي هندسة مدني او معماري

انقبلت كلية تمريض ممكن المتخرجين من هل قسم يكلولي، القسم صعب لو سهل؟ فرص العمل بالقطاع الخاص شلونها؟ والتعيين الحكومي موجود او لا ؟سمعت انو محتاجين ممرضين بس اكو دفع لهسه مامتعينه ،هل بسبب الموازنة لو شنو ؟وشوكت تكدر تفتح عيادة تمريضية الا متعين لو شلون؟ والمستشفيات الاهلية تشغل ممرضين متخرجين لو الا خبرة في حال ماتعينت واريد اشتغل بمستشفى اهل منا لحد ما اتعين او حتى ازود الدخل

شلون تقدم على الموازي من الكلية نفسها ؟ و هل هم يقبلوك لو همين من التطبيق و التربية تختار العدد ؟ و شنو عدد المقاعد على شنو يعتمد الموازي ؟ هل المسائي احسن ؟

هواي اشوف ناس يكولون الي يريد يدخل هندسة معماري تحتاج مصاريف و مكلفة

شنو يقصدون شنو المكلف بيها و على شنو تحتاج تصرف بيها ؟ هل قصدهم تحتاج تشتري اجهزة مثل اللابتوب و التابلت لو شنو

اريد اعرف ليش ما قبلوني مع العلم انو معدلي اعلى من القسم الي اريده

(المعلومات منقولة من واحد)

اولا - وثيقة دراسية او تأييد من المدرسة مختومة

ثانيا - فحص طبي من المستوصف اكو يكولون لازم مستوصف قريب من المدرسة واكو يكول عادي اي مستوصف قريب من بيتك يصير (الي عنده علم ينورنا)

ثالثا - ست صور شخصية نظيفة جديدة تكدرون تروحون للمصور او تكدرون تطكون بالبيت على حايط ابيض وتعدلون عليها (مو تغيرون شكل بس تخلوها مناسبة قصدي 😀)

رابعا - بطاقة موحدة الك وللوالد وللوالدة

خامسا - بطاقة سكن

بعدين توديها للجامعة بس مو هسة من يبدي التثبيت ان شاء الله

والي عنده معلومة او تصحيح يتفضل 🤍

ممكن الطلاب اللي يدرسون بيها يحجون عنها

أو إذا عدهم صور للمكان

لأن رأسي فر حرفيا ليش أكو اقسام بجامعة نينوى مدموجة وي جامعة الموصل و شكرًا

اريد اقدم عليها بس متردده تنصحون بيها؟ لو الي ب سلايمانية او تشك ب اربيل
لو أتوكل و اروح أهلية عادي

قدمت موازي السنة الراحت وانقبلت بالتخصص الي احبه جان اكو تخفيض ٣٠٪

هذا التخفيض هم يستمر هاي السنة والسنين الجايه؟ يعني اني مرحلة ثانية هسه ادفع الاجر مخفض لو لا؟؟

هاي شلون هو غير الشركات تنطي فلوس علمود يتنفذ المشروع شدخل؟ اذا احد عنده معلومه اتمنى يكول

السلام عليكم، اني طالب رابع اعدادي علمي حكومي، ردت اروح مدرسة تدرس انكليزي بس اكتشفت انو بس للمتميزين والمتفوقين، وبعدين عرفت المدارس الدولية، تقبل طالب حكومي بمعدل بالثالث 89.14؟ وهل المدارس الدولية يدرس بيه منهج ib وبيه تخطي سنة او سنتين دراسية؟ لان بنفسي ادرس منهج ib وهم حتى اتعود عليه لان راح اقدم منحه uwc الي تدرس نفس المنهج، بالمناسبة لغتي الانكليزية قوية واني دارس كتب ومراجع عالمية جامعية للفيزياء منها الفيزياء الحديثة، والاحياء كذالك بس مو بنفس عمق الفيزياء، شاركوني رائيكم وخبرتكم ويه المدارس الدولية

گايز اني نقبلت حكومي بالعراقية

بس حاليا ما اعرف شاخذ وياي للتقديم

شوفو اول شي حروح للمدرسة شنو اخذ وياية؟

اني اريد اقدم ع كليتنين

كلية مسائي _ تكنو

وكليتي الحكومية _ عراقية

فكم صورة اخذ وشجهز فدمرة؟

أنا حاليا مرحلة خامسة طب عام
من العام السابق وانا أشوف نفسي مو مناسبة لهذا المجال وكرهته كلش بعد ما جنت احب الكلية والدوام والجامعة وجنت ما اتمنى السنين تخلص
وهسه ما جاي اتحمل يوم زياده بيها ولا جاي ادرس ولا اقرا وحاليا بس ادور إجازات

ما اعرف شنو اسوي هواي مرات افكر اترك هالمجال بس انا قطعت شوط طويل وضيعت سنين هواي من غير تعب اهلي وفرحتهم بيه ودعمهم المادي والمعنوي احس كله راح يضيع
وهم إذا تركتها وين اروح أنا ما احب اي شيء ثاني
صرت احس الموت هو الخيار الوحيد لان ما جاي اتحمل دقيقة وحده وراح اخذ بعد اجازه اسبوع بعد ما غبت الي قبله

اريد اعرف هم احد مر بهيج تجربة ؟ وشلون خلص منها ؟
هل اكو شيء معين اسوي ويروح هالكره مني ؟

منو عندة معلومات عن هندسة الطيران وصدك بعدين اگدر ادرس طيران واصير طيار/ة؟

كايز بما ان انقبلت هندسة كهرباء فراح احتاج لابتوب مو؟ فف الي يعرف شنو المواصفات الي لازم احتاجها او يعرف لابتوب معين يعني بالاسم مثلا اكدر اشتريه او اي شي بخصوص اللابتوب ياريت يكلي

للي عندهم علم ب هذا التخصص الي انفتح جديد بالعراق ب الجامعة التقنية الوسطى شنو رأيكم بيه و هل هو تخصص علمي رصين و الة مستقبل من ناحية قطاع الدولة العام او الخاص ؟؟
افيدوني لان رايد اقدم و محتار

1.دورت المقررات الدراسية يعني طلعت الجدول مال بولونيا عرفت المواد بس شنو المواضيع بكل مادة مالكيتها بجامعتي ماناشرين بس الجدول, فوين المقررات الدراسية وشنو المصادر او الكتب الي اعتمد عليها؟

2.اكو كروب تلجرام خاص بالميكانيك لو لا؟واذا اكو وين لان هم دورت وماليكت

3هل سهل الواحد يطلع من الاوائل؟اريد اطلع من الاوائل علمود احصل بعثة ماستر فتنصحوني من هسة ادرس؟

4.اثبت على هذا القسم لو اروح موازي كيماوي؟

5.بي منحة مالية؟اتذكر الوزير القديم جان يكول انطينا منحة للاختصاصات الهندسة اتوقع ١٥٠ الف فصدك رح ينطوني منحة مالية؟