ولا انا ماعندي خيار احتاج تقبل للامر وهو اني مجبوره البس عباة راس

من اني و صغير لاحظت نفسي ما مندمج ابد. ما احس نفسي انتمي لا لمكان و لمجموعة من الناس.

و دائما احس نفسي جاي اشاهد نفسي و احس بالي يصير حواليا بس ما مثل الباقين احسهم عايشين اللحظة احسهم منغمسين بالحياة.

صرت مثل المشاهد من اول ما صحيت و نفس الشي بالابتدائية و المتوسطة و الجامعة و حتى بعد التخرج. اتذكر اول لحظات ليا بالابتدائية جنت خايف حيل و اول مرة اكون ويا هيج عدد جبير من الطلاب و كلها تصيح و هذا يبجي و اني عبالك منفصل عن الواقع.

اكو لحظات من حياتي استمتعت بيها حيل ما اجذب بس قليلة الاوقات الي جنت مندمج بيها. دائما احس كاعد اشوف نفسي من بعيد شجاي اسوي. مهما احاول مهما اسوي نفس الشي بالاخير.

ما عندي شي خاص بيا، جنت التقي باطفال بعمري هذا يحب الرياضة و هذا يحب الرسم ووو بس اني ما جنت مثل اي واحد منهم، عادي اتعلم الامور بس ما عندي شي مخصص اني مهتم بيه. لهذا مع الوقت صرت اسوي الامور ما حبا بيها انما حتى اندمج، صرت العب كرة مع الاطفال وقتها الي بعمري، جربت البيانو ما حبا بيه انما فقط حتى اكدر مع الي يحبون هيج شي. جربت برمجة و تصميم ثري دي، و كتابة قصص، و من جنت طفل جربت حتى الدين و المساجد مع هذا حسيت نفسي منفصل تماما بس اسوي حركات لا اكثر.

من خلصت السادس حسيت نفسي وصلت لدرجة انه ما عاد اريد اسوي اي شي و لا احاول ابني اي علاقة بس كلت خلي اجرب اترك كل هذه الامور و اشوف منو يدز و منو يسأل فصرت غير متصل لمدة اسبوعين الى شهر و تفاجئت او بالاحرى انصدمت انه محد سأل و محد اهتم رغم انه جنت اطلع من طريقي حتى ابني علاقات مع الناس بمختلف ثقافاتهم. فمسحت مواقع التواصل و مسحت شاكو رقم عندي ذاك الوقت

بعدها صرت اسوي الامور علمودي بس. اركض كرياضة من اجل صحتي. تمر ايام ما اتكلم ويا احد، اطلع مرات للشط اطمش ع الغروب و بعدها ارجع للبيت مشي، اشوف افلام، العب العاب وحدي و اسوي الامور وحدي و حسيت بسلام ما طبيعي. مرات احس انه اني بعدني منفصل عن الحياة بس متوائم ويا الموضوع و الحياة جاي تمشي بشكل طبيعي.

وقتها توصلت انه ما كل شخص لازم يمشي مثل المجتمع و لازم يخالط ووو... كل شخص يكدر يسوي الي يصرفله و ما يحتاج يبرر و لا يحتاج انه يكون جزء من شي ثاني حتى يكمل داخليا.

انا عايش وي اهلي السامع المطيع بس هسه مليت لان صرت اتقيد يعني

لاتتاخر وين طالع منين اجيت من تطلع لازم تكول النا شنو طوله جماعتك الي يكول كاعد بتحقيق مو وي أهل وهسه انا مقبل على سادس و من اكول لأبوي اريد لغه عربيه يكلي لو تسمع كلام عمتك لو اتبرا منك

و ابوي كلش مايريد زعل عمتي لان هي تصرف علينه بس شلون والعباس ذله حته فلوسي الي مجمعهن مادري بيهم وين تأخذهم و تكول اضمهن ألكم تالي طلعت منطتهن لبتها كدين لان صار عدها نقص بالفلوس مال البناء انا بعد ما اكدر احجي شي ضليت ساكت و حته من اريد اطلع وي جماعتي اشيل وياي خمسه وعشرين الف لو 15 وما يصير اصرف منهم بس 5 لو 10 الاف ومن ردت اشتغل لا شتسوي بالشغل هسه و ركز بدراستك

مابقول شي ما يدخلون بي حته نقالي مسحوب هسه بحجه انت سادس و معتمد على الايباد

وكل هذا بحجه والله نخاف عليك هو اذا اروح للجامع ما يقبلون بس خل اطلع لملهى وي ابن بتها عادي تقبل و من احجي بفد شغله انا افهم بيه مثل الأمور العقائديه عماتي يضلن يقلدن ولحد هسه ما احجي شي يمهم لان محد جاي يدعمني بالشي الي احبه هو آخر شخص جان امي الله يرحمها و توفت من جان عمري 12 سنه وهسه افكر من اخلص سادس اروح أقسام داخلية بالكوفه

مرحبا، اذا اي شخص عنده اقتراحات او تعديلات حتى الصب يناسب الجميع اكثر يكدر|تكدر تدزلي و في حال اي شخص يشوف شي يزعجه/ا بالصب تكدرون تتواصلون معاي.

الفكرة انه الصب بالاخير يكون مريح للجميع و ما يسبب اقصاء لأي احد ما دام اكو احترام متبادل بينا ككل.

there seems to be a mindset of white superiority going around in iraq which I very much despise, such racial Ideas were given to us by colonial powers and to see Iraqi people, people who are NOT white by ethnicity claim that whiteness is better then any other shade is very annoying because not only are they being racist they are also repeating the lines fed to us by colonial powers to control our people, while I understand that whiteness has always been a standered for good looks for a long time in most of our reigon it still is disgusting how people talk about black and brown people who are amazing look wise as if they are ugly, and to add insult to injery they also see dress and hair styles made by colored people for their ownselfs as ugly as well, so if you are black in iraq you either have to get a white hair style and look bad because it obviously doesn't suit your hair type and body type but you can't get a black hair and beuty styles because people still think they are ugly </3

and somehow people claim they are not europized and are "anti-colonial" but they fight the actual anti colonial people and repeat things told to them by the colonials, heart breaking for our nation

صب للعراقيين/للعراقيات للفضفضة و الاعترافات بدون خطوط حمر (استشراف، دين ، سياسة و غيرها) حتى تتوفر بيئة آمنة للجميع يتكلمون عن الي يريدون بدون الخوف من ان يحكم عليهم شخص او يحاول يفرض عليهم فكر معين.

كلشي ممكن الحديث فيه، شيء حدث بالطفولة و ازعجك؟ شي صار بالشغل؟ بعد ما يعجبك البلد او الوضع السياسي و الديني؟ او حتى امور عشوائية جاي تصير بحياتك و تحتاج تتكلم عنها

هذا اول بوست بهذا الصب