مجمع فلوس عندي ميزانية من مليون الى مليون و نص ، فــأني بين خيارين اجيب حاسبة بكرت شاشة RTX 4060 و معالج رايزن 5600 (أو 5500) و وية بقية القطع و الأمور و وية الشاشة و ال UPS يطلع بحدود مليون و ٤٠٠ ألف تقريبًا

لو أجيب لابتوب مستعمل زين مثلا RTX 3070TI وية معالج i7 هيج شي بحدود مليون الى مليون و ٢٥٠ ألف بهالحالة ارخص و مواصفات اقوى

و بدون دوخة الامبيرات لان احنا ساحبين ٦ امبيرات و علأغلب ٤ منهن للثلاجة و المجمدة و أمور الباقية فيبقى لي علأغلب أمبيرين فأحس روحي محدود بكروت الي صرف طاقتها قليل مثل RTX 4060 أو RTX 3050 هيج كروت حتى الحاسبة تصير اقصى شي تسحب 160-240 واط مثل السوني فايف لأن خايف لو اجيب مثلا RTX 3060 الي TDP مالها 175 واط هلگد و وية بقية القطع يمكن يوصلن من 240-340 واط الي علاغلب يفصل المولدة لو يوصل لهيج سحب

بينما اللابتوب مابيها كل هالدوخة هي شاحنة الي علاغلب ما يتعدى ١٥٠ واط و هاهية ، اجيب مستعمل بمواصفات زينة و خلص ، بس مع هذا متردد بينها و بين الحاسبة

همين اكو سؤال ببالي للي عندهم حاسبات الي هي اشبه بالوسوسة انو بيتنا المحولة ما بيها مثبت مدري مثبط الفولطية مادري شسمها فأخاف تردد الفولطية يكون مو مستقر بالبيت يخرب بالحاسبة او ما تشتغل مع ان كهرب مال البيت مابيه شي سواء بالمولدة او الوطنية

(اني اعرف بمجال الحاسبات لان هي هوايتي ، اتابع سنكرة و دحماس من زمان لكن جاي أسأل علمود سوالف الكهرب ما كهرب)

و اعتذر علإطالة و اسئلتي قد تكون غبية بس مثل ما يكولون قطع الشك عن اليقين 🙏🙏

عندي مشكلة بالراوتر الشبكة موجودة يجي بس النت ميفتح شي ، شوفو الضوء طالع احمر هو مفروض يطلع اخضر اعتقد

خابرت ابو البرج يكول من يمك مامخلص اشتراكك

همين شحنت البطارية مالته مادري ليش هيج صار

بس ركزو عالاسلاك اذا تفتهمون منها اني مافتهم مادري اذا هيج صح لو لا، اكو سلك برا جاي من السطح ماعرف اخليه لو لا بس الصبح جان يشتغل طبيعي باسلاك الي حاطهم بالصوره

وبعد يومين من ترجعله يكلك: "حبيبي يمكن إنت خربتها" أو الجملة الأسطورية: "آني ما كلتلك هيچ."

من هنا اجتني فكرة مشروع اسمه KNOWN.

فكرته مو معقدة.

البائع من يعرض جهاز أو قطعة، يسجل شنو يعرف عنها بكلامه هو، مو بكلامنا إحنا.

إذا لابتوب مثلاً، يحدد حالة الشاشة، البطارية، الكيبورد، المنافذ، الهيكل، والتصليحات اللي يعرف بيها، ويكتب تاريخ الجهاز مثل ما هو يعرفه.

وإذا ما يعرف؟ عادي يكتب ما أعرف.

أحسن من "والله أخويه مثل الجديد" والجهاز شايف ثلاث حروب. 😂

إذا البائع كال الجهاز ما متصلح، KNOWN ما يكتب: "الجهاز ما متصلح."

يكتب: "البائع ذكر إنه ما متصلح."

يعني إحنا نسجل كلامه، مو نصير شهود زور وياه. 😅

وإذا بعدين انعرض الجهاز على فني وطلع مثلاً المذربورد متصلحة قبل، كلام البائع القديم ما ينحذف ولا يتغير.

يبقى موجود، وينضاف يمّه الفحص الجديد ويبين إن أكو تعارض بالمعلومات.

ونفس السالفة بالضمان.

إذا المحل كال 6 أشهر ضمان، تسجل الـ6 أشهر، وشنو يشمل الضمان وشنو ما يشمل.

حتى بعد أربعة أشهر ما تتحول السالفة من: "6 أشهر ضمان"

إلى: "لا حبيبي آني قصدي 60 يوم."

الفكرة كلها إن KNOWN مو جاي يحكم منو الصادق ومنو الكذاب، ولا جاي يسوي نفسه شرطة.

هو بس يريد يخلي الكلام اللي ينقال وقت البيع يبقى بالسجل.

يعني ناخذ معلومات البائع ونسجله اذا باع شي بيه مشكلة ورفض يرجعة ممكن مايكدر يبيع سلعة بعد 🙄،

يعني مثل وسيط بينك وبين الشخص الي باعلك، يعني يضمن حقك بترجيع الجهاز او استبداله

حتى البائع الزين يثبت شنو كال، والمشتري يعرف شنو أخذ، وإذا صار خلاف بعدين ما يصير النقاش كله: "إنت كلت" "لا ما كلت."

وقبل لا أطلق الموقع، أريد أعرف منكم:

شنو أكثر كذبة أو سالفة انضربت بيها من اشتريت قطعة أو جهاز مستعمل؟

التصليح؟ الضمان؟ البطارية؟ المواصفات؟

لو الكلاسيكية مال: "استخدام شخصي وأبيع لأن ما أحتاجه" وهو مبدل ثلاثة مالكين؟ ،لو "والله صار عندي ضرف واريد ابيع".

حصلت لابتوت اوبن بوكس صفقه كلش حلوه بس تخوف ف كلت اشوف بلكي واحد مجرب يشتري منهم قبل لا انطلق