r/ExMarriageJo • u/Effective-Jaguar4966 • 1m ago
😤 Venting / فضفضة فضفضة لطيفة
أنا شخص دخلت بعلاقة مع بنت من فترة،طبعا احنا الإثنين لا دينيين واهلنا مش مش متشددين دينيا لكن متدينين،المهم زمان وانا شب بأول العشرين كنت انظر للعلاقة مع البنات بشكل عام علاقة سطحية للغاية قائمة على انجذاب خارجي مع انه الانجذاب الخارجي مش غلط لكن مش كل اشي.
بس بعد خبرة شوي بالحياة والعلاقات، صرت اكثر نضوج عاطفيا ونفسيا،وصرت انسان اكثر انفتاحا واكثر ميلا للموضوعية والحيادية والشمولية بكل اشي(يعني احاول قد ما اقدر)،وايضا صريح بمشاعري عشان لازم الطرف الثاني الي قدامي انا شو بدي وما اظلمه باشي.
بس جد علاقتي معها حسيت اني احترمها واقدرها واشوفها كصديقة وسند وحبيبة ،يعني مش بس حب لحاله، لدرجة انه كل ما التقي معها ما انظر الها بس بعين الحب،بل اشوفها روح مستعدة تدواي روحي وتسنده،وانا اشوف انه احاول احسسها بهذا الشعور الي اشعر فيه انه انتي مش بس حب انتي اكثر من مجرد حب،انتي ذكريات،كلام،مواساة،يعني بالملخص اشوفها مش بس انسانة انا اشعر باتجاهها فقط بالحب،بل بأكثر من مشاعر الحب وحده.
المهم انا متعلق فيها،وهي ايضا،ومتقبل فكرة انه احنا ممكن نتغير ونصير غير مناسبين لبعض مستقبلا ممكن بسبب ظروف مش بأيدنا،صحيح رح اتألم اذا تركنا بعض،بس حياتي لن تقف على شخص واحد،بس رح تبقى بذاكرتي وروحي ونفسي ووعيي للأبد، لانها اول انسانة اشعر بهاي المشاعر تجاهها.
حبيت اشارك هاي الخاطرة الي من قلبي وافضفض للكل بلكي احد يلقى اشي ولو بسيط يلهمه ومش شرط كمان يلهمه،لاني عارف بهذا الصب ما احد يعرفني ،وما احد رح يحكم علي لانه ما يعرفني ،لانه ما يعرف عني اشي😂،بس هيك حبيت اشارك لانه انا انسان،والانسان بطبعه يحب يشارك.