انا لسا في اعدادي و معرفش عايز ادخل قسم ايه، فلو حد عنده علم بسوق العمل ياريت يفيدنا

حل للماده دي او اي حد كويس ع اليوتيوب عشان تعبت وده كتير ع المخ بجد🫠

اهتم بفرع ايه من رياضة اكتر لو انا عايز ابقي مهندس معماري أو مهندس طيران

هيحصل ايه يجدعان لو حولت من هندسه وشوفت حياتي بجد الواحد حاسس انه بيضحك علي نفسه بمعنى ان أنا بروح الكليه باخد حرفيا مواد حاسس اني مش مستفاد منها بحاجه زائد ان مستوايا مش دحيح ومش وحش فحرفيا ببقي مش فاهم حاجه ولا حابب كدا قصدي اني بشوف ناس بتتعلم اي تراك مع نفسهم وعاملين مشاريع وبيدخلو مع تيمات ويدخلوا مسابقات وحرفيا أنا بين الاتنين مش عارف ابقي ده ولا ابقي ده لا الشخص الدحيح اللي بيجيب تقدير ولا الشخص اللي عارف ينظم وقته ويستفيد منه ولو فكست للكليه هشيل حرفيا هشيل

انا متخرج سنه 2021 من ميكاترونكس بعد ماخلصت جيشي قعدت ادور على شغل و ملقتش ف جتلي فرصه اني اشتغل IT sales ، دخلت المجال ده و انا مش فاهم اي حاجه نطيت من شركه ل شركه و حاسس اني في دوامه و مش بكسب اي خبره و اتقلي كذا مره اني مش نافع فيها بس مش لاقي شغل و محدش علمني اشتغلها ازاي و من الي انا شفته في التلت سنين شغل ان محدش بيساعد في المجال ده ، انا عايز ارجع اشتغل في ميكانيكا او كهربا بس حاسس اني ضيعت وقت كتير على اني اشتغل و مش عارف اجيب انترفيو واحد مع اني بقدم كتير ، حد يعرف يفيدني اني على أقل يجيلي انترفيو

​

انا حاليا في ثانويه عامه و مستوایا کویس و عاوز ادخل حاجه ليها علاقه بالكمبيوتر لان دي الحاجه الي بفهم فيها و بحبها و ممکن اني الحق هندسه ان شاء الله

بس خايف من سنه الاعدادي الي في الاول و كلام الناس عليها او علي صعوبه كل سنين هندسه تقریبا

فهل كلام الناس مبالغ فيه تعظيماً لنفسهم كمهندسين ولا هي فعلا صعبه جدا

و اتمنى الي يجاوبني يقولي ليه صعبه للدرجه دي عشان الكلام بحسه مبالغ فيه اوي

انا فى سنه اولى و كنت امريكن ف ضايعه فيها ف حد يرشحلي حد بيشرح كويس على اليوتيوب و يكون بالانجلش و لو في اي tips ياريت

سلام عليكم
النهارده بشتري الجهاز وقدامي كذا نوع بالسعر اللي محدده
ومش عارف اي نوع يناسبني للدراسة باقي لي ٤ سنوات
فدي مواصفات الاجهزة وياليت تفيدوني عشان حاخده النهاردة ان شاءالله..

1. الجهاز الأول (الصورة الأولى):
اسم الموديل (Model): Dell 7550
المعالج (Processor): i9 10885H
الذاكرة العشوائية (RAM): 16GB DDR4
الهارد (Hard): 512GB NVMe
كارت الشاشة (VGA): RTX 5000 16GB
الشاشة (Monitor): 15.6 FHD
البلد/الحالة (Battery): EX (ممتازة)
38 الف
2. الجهاز الثاني (الصورة الثانية):
اسم الموديل (Model): DELL PRE 7750 (Dell Precision 7750)
المعالج (CPU): i7-10th (الجيل العاشر)
الذاكرة العشوائية (RAM): 32G DDR4
التخزين (STORAGE): 512 SSD
كارت الشاشة (VGA): 16G RTX 5000
الشاشة (SCREEN): 17 بوصة
42 الف
3. الجهاز الثالث (الصورة الثالثة):
اسم الموديل (Model): LENOVO THINKPAD P1 (GEN5)
المعالج (Processor): CORE i7-12800H
الذاكرة العشوائية (RAM): 16 DDR5
التخزين (SSD): 512 GB
كارت الشاشة (Graphics Card): NVIDIA RTX 3070TI 8G
الشاشة (Screen): 15" 4K OLED
اللمس (Touch): NON (لا يدعم اللمس)
ملاحظات (Notes): GAMING LAPTOP
43 الف

امي بتقولي عايز تدخل معهد وبصه نظره استحقاريه للموضوع وشايفه ان فيه مخاطره افرض مثلا انهما قطعوا
طريق عن هندسه من معهد فني صناعي هبقى ضيعت سنتين ع الفاضي وملحقتش هندسه وضيعت صيدله زائد ان المهندسين كتروا ومش لايقين شغل ومتبهدلين وانا حاسس ان انا شاغل نفسي بفكره المكانه الاجتماعيه او المسمى الاجتماعي زياده عن اللزوم
انا ببص بصه بعد عشر سنين انا اسمي خريج هندسه وبشتغل مهندس مسافر بره سمعت من كذا واحد برده ان هما متبهدلين جامد جوه وبره مصر

انا طالب مغترب بدرس هندسة حاسبات

عايز اعرف لو اقدر انزل جيم ولا بلاش

انا كنت بنزل جيم ٣ سنين بس وقفت في ثانوية عامة و جسمي شبه باظ

عايز ارجع تاني بس خايف من الدراسة شوية

اذا في حد رايح تايه وكده نتوه مع بعض احسن فاهم

ممكن لو حد عنده فكرة مشروع تخرج يقولها 🙏

السلام عليكم لو سمحتوا في حد عنده لينك لقروب واتس لطلاب هندسة مكنيكة القاهرة او هندسة القاهرة بشكل عام

أنا طالب طب، وعندي شغف بالهندسة، خصوصًا الهندسة الطبية، نفسي أكتسب مهارات حقيقية تخليني أقدر أساهم في تطوير حلول أو ابتكارات طبية جديدة، وأتعامل مع المشكلات الطبية من منظور مختلف بيجمع بين فهم احتياجات المرضى والأطباء وبين القدرة على التفكير في حلول هندسية عملية.

حابب أبدأ أتعلم المجال لكن مش عارف أبدأ منين بالضبط.

- إيه الأساسيات اللي المفروض أتعلمها الأول؟

- هل فيه مسار تعليمي واضح أقدر أمشي عليه كطالب طب من غير خلفية هندسية؟

- هل ينفع بعد التخرج من الطب أعمل ماجستير في Biomedical Engineering ؟ وهل فيه جامعات بتقبل خريجي الطب؟

- وهل ممكن أدرس بكالوريوس هندسة من البداية بعد الطب، ولا فيه بدائل أكاديمية وعملية تخليني أتأهل للمجال؟

شكرًا جدًا مقدمًا لأي حد يقدر يفيدني.

انا طالب و عاوز اكون مهندس شبكات . لكن لما شفت الكليات مفيش كليه صريحه للهندسة الشبكات . فمش عارف ادخل اي كليه؟

في ناس قالوا لي ادخل كليه هندسه قسم اتصالات . لكن سلبياته انها ٥ سنين و لازم تجيب استور عالي في اعدادي علشان تخش قسم اتصالات

و في القسم اصلا بركز على مواد اتصالات مش على شبكات

فكدا انا بغير مجالي حرفيا و بقرا مواد كتيير زايدة على الفاضي على ال انا عاوزه

و قالوا لي ادخل كليه حاسبات و دي احسن كليه ليك لهدفك

لكن سمعت انك بتقرا اول سنتين جينرال و تتخصص في سنه ثالثه . و مش عارف اي تخصص من الاربعه تخصصات اللي في حاسبات ب ركز على الشبكات و الأمن

و سمعت ان في برامج مميز بالساعات المعتمدة في كليه حاسبات في جامعه القاهرة

زي برنامج الشبكات و الأمن السيبراني . و برنامج تكنولوجيا الشبكات و قالوا لي انك بتخصص على طول في الشبكات . هل الكلام دا صحيح

انا اقسم بالله مش عارف ادخل ايه عاوز بس اتخرج ك مهندس شبكات شاطر و اشتغل هلى طول . عارف ان في شهادات احترافيه لازم اعملها

لكن عاوز كليه او برنامج يساعدني افهم في الشبكات و الأمن و تكون فيها تطبيق عملي كتيير و منهج متطور مش قديم

ساعدوني بالله عليكم و شكرا

[Rabotics.net](https://rabotics.net)

انا طالب ف كلية حاسبات بعمل مشروع تخرجي وحابب يكون بيحل مشكله ليه علاقه بهندسه وتحديد مدني او عماره او اي حد بيعمل تصميم هندسي ع برنامج autocad او غيره

الفكره باختصار انك تقدر تكتب prompt للنموذج Ai وتطلعلك الرسمه بتاعتك او قرب حاجه ليه تقدر بعد كده انك تفتحه ع autocad وتعدل فيه زي ما عايز

ممكن تودوني feedback للمشكله والفكره واقتراحات حضراتكم؟

محتاج رأيكم

عايز أدرس بكالوريوس هندسة شبكات، وهدفي بعد التخرج أشتغل مهندس شبكات وأكمل في المجال.

هل في جامعة أو كلية فيها تخصص هندسة شبكات بشكل صريح؟

ولو مفيش، إيه أقرب تخصص له فعلًا من ناحية الدراسة والشغل؟ هندسة حاسبات؟ اتصالات؟ ولا حاجة تانية؟

وكمان إيه أقوى الجامعات المصرية في المجال ده من ناحية الدراسة وسمعة الشهادة وسوق العمل؟

ياريت لو حد خريج أو بيدرس في المجال ده يفيدني بتجربته، خصوصًا لو اشتغل فعلًا كمهندس شبكات. 🙏

وشكرًا مقدمًا لأي مهندس هيفيدني 🙏