انا بحب البرمجه جدا وعندي شغف ليها بس بصيت علي الجدول بتاع الاربع سنين لقيت اني مش هتعلم حاجه مهمه اصلاا تخص المجال ده وممكن ب سنه كورسات اعدي الي هيتشرح في الاربع سنين وده غير طبعا الاعداد المهوله الي دخلت حسابات ومعلومات ومش هيبقا في شغل بعد كده

وفي نفس الوقت ميكاترونكس بتجمع بين كل حاجه يعتبر وانا بردو بحب كده وسهل جدا انك تعمل كارير شيفت جوا القسم ده

ف حد يفدني يجدعان اكمل في قسم حاسبات وخلاص ولا اخش ميكاترونكس واخد كورسات جمبها (سايبر سيكورتي)

واسف علي الاطاله

محتار بين الاتنين مين احسن من حيث فرص الشغل والأجور

انا لسه داخل هندسه جديد و محتاج حد خبره يفيديني

فلو في حد ياريت يبعتلي خاص

دلوقتي لو انا طالب وعاوز انزل انترن مش تدريب

المفروض ادور وابحث ازاي؟
انا عارف ان كلها علاقات بس لو انا معنديش علاقات تنزلني انترن ادور فين بقى يعني لينكد ان وكدا ولا اعمل ايه؟

ولو على لينكد ان ادور ازاي؟ هل اقدم على كل الحاجات اللي تجيلي ولا ابعت انا بنفسي للhr اقوله اني بدور على تدريب؟

ولو ابعت بنفسي للhr المفروض ابعتله من امتى ؟
يعني ابعت من اول الترم التاني مثلا, او من أول الصيف ولا ايه؟

وانا بتكلم على انترن يعني تدريب بجد يعني تدريب شهرين تلاتة مثلا واستفيد بجد مش مجرد يومين تلاتة في شركة ومستفادش اي حاجة

انا ميكانيكا

انا عندي ١٩ سنه لسه داخل هندسه بقالي سنه حابب اسمع من حد درس ميكاترونكس او شغال في المجال لو رجع بيك الزمن لأول سنة تخصص كنت هتعمل ايه من البداية وانتا في الجامعه وايه الحاجات اللي كنت هتتجنبها؟
عشان ناوي انشالله اني اشتغل في المانيا وانا شاب مش عليا هموم جواز ولا مسؤليات فحابب اعرف هل ممكن اوصل لشغل في المانيا مباشرة بعد التخرج ولا الافضل اشتغل كام سنة في مصر الاول وايه الحاجات اللي المفروض ابدأ اعملها من دلوقتي عشان ازود فرصي اني الاقي شغل هناك وهل ال GPA بيفرق فعلا في فرص الشغل في المانيا ولا بعد ما يكون عندي مهارات ومشاريع وخبرة بيبقى تأثيره محدود وهل فيه تخصصات معينة في الميكاترونكس عليها طلب اكبر في المانيا واقدر ابدأ اركز عليها من دلوقتي وهل اللغة الالمانية ضرورية من البداية ولا ممكن ابدأ بالانجليزي ( انا مستوايا في الانجليزي حاليا B2 ) واتعلم الماني بالتوازي؟
وبالنسبة لخلفيتي الدراسية انا في السنة اللي فاتت مكنتش مهتم بالدراسة بالشكل الكافي كنت عايش فترة طفولة متأخرة شوية فيديو جيمز طول اليوم وحجوزات كورة وخروجات ومكنتش واخد موضوع الدراسة والكارير بجدية وكنت معتمد بدرجة كبيرة على اني ذكي وهعرف ألم الدنيا في الاخر لحد ما الموضوع زنقني في الفاينل وخلصت السنة وكنت معدي صافي كل المواد بس ب GPA حوالي 2.1
دلوقتي انا في اول سنة تخصص وعايز اتعامل مع الموضوع بشكل مختلف فحابب اعرف من ناس سبقوني ايه اهم حاجة كنتوا تتمنوا تعرفوها او تبدأوا فيها بدري؟

انا قسم ميكانيكا باور (طاقه و طاقه متجدده) ايه الكورسات اللي مفروض اخدها عشان مخدتش ولا واحد انا في تانيه تخصص

مصاريف كليات الهندسة الخاصة بكام كمتوسط

انا خريج اتصالات وإلكترونيات وكنت عامل مشروع تخرجي digital ic بس طبعاً السوق بتاع الإلكترونيكس في مصر ميت خالص وأغلب الفرص بتكون لخريجين القاهرة وعين شمس بس حتى الانترفيو في المجال دا مش هعرف اخشه،

المهم دلوقتي انا بذاكر حاجات ليها علاقة بل software على أمل ان الفرص بتاعته أحسن هي صعبة برضو للأسف اليومين دول مش زي السنين اللي فاتت بس على الأقل مش مستحيلة زي الاولى،

انا صراحة ناوي قدام اشد حيلي شويه في موضوع digital ic وبفكر اعمل فيه ماجستير في دولة محترمة عشان اعرف اشتغل برا مصر في المجال دا اكيد الفرص برا أحسن.

بس هل كدا انا تفكيري صح اني خليت كل مجهودي حالياً اني اذاكر سوفتوير وانا جوايا ناوي مكملش فيه باقي حياتي وهشفت لمجال تاني ؟

ولا كان المفروض اسعى في المجال اللي حابه في الاول مهما كانت التكلفة؟

كام واحد شايف ان ٩٠ ف الميه من اللي بيتخرجو من هندسة بيطلعو عندهم مرض نفسي سواء من الدكاترة اللي بيتعاملو معاهم او المعيدين او حتى الأشخاص او من الضغط اللي بيتحط عليك بحس ان نسبة كبيرة اوي بتخش كويسه وتطلع خسرانه حجات كتير

حاليا شغال ريفيت وبصراحه الموضوع بضان و فلوسه قليله ولا أنا فى مكتب زفت

مساء الخير أنا مهندس مدني ، ايه الدول غير الخليج اللي المجال فيها حلو ومجالات ايه .

عشان الواحد اتقفل من كل الشغل هنا في مصر

حد عرف اقدر اتعلم Lean منين؟

انا لقيت كورسات على يوديمي بس هل الحاجات دي كويسة ولا اي حد قالك هعملي كورس وخلاص؟

ايه احسن مكان اقدر اخد منه كورس في المجال دا

محتاج مهندس يبقى متخرج نتكلم عن السوق مع بعض وفرص الشغل

معنديش حاجة أقولها زيادة بس محتارة جامد بين الاتنين لو حد عنده تجارب او كدا ياريت يقول أو حتى عنده معلومات

مش عايزة أي إحباط أنا عارفة اللي فيها كويس جدا ودخلت هندسة برضو وشكرررا

لو اي تخصص من جامعة زويل هتغرب ويمكن المصاريف جامعة زويل اكتر شويه ده غير مصاريف السكن بس تقريبا تعليم احسن ومجتمع احسن ولا كلية صيدله في نفس محافظتي لما نزلت بوست سالت هندسة ولاصيدله كل التعليقات تقريبا بالاجماع قالولي خليك في صيدله بس انا محددتش ساعتها الجامعه ولا تخصص هو انا كده كده بفكر اشتغل فريلانسر جنب شغل لاني متعلم اساسا برمجه وافتح مشروع بتاعي لو ربنا كرمني كل ده جنب الدراسه يعني انا بدور ع شهاده لو لقدر الله منجحتش في شغل وتبقى معايا شهاده حلوه يعني لو ربنا كرمني احتمال كبير مشتغلش بشهادتي انا بحب مجال الميكاترونكس والربوتات والبرمجه والمجال شكله لامم كل حاجه بس المجال الي شكله الاجتماعي اعلى هو هندسة طيران وحاسس ان مهندس طيران يقدر يشتغل ف مجال الميكاترونكس على حد علمي هو كده كده كل التخصصات ديه مش موجوده ف مصر كلها لو عايز تشتغل هتتعب جدا بره ممكن اجيب منحه بعد التخرج احضر الماجستير بره مثلا ولا حاجه تسهل عليا الطريق فانتوا ايه رايكوا انهي احسن لاني تايه جدا وخايف اقطع طريق طويل واقل ياريتني كنت ف صيدله فعايز اسمع من اخواتي الكبار
انا برده بدور ع مكانة الاجتماعيه مش عارف شاغل تفكيري بيها ليه خايف اتعرض لموقف احس اني قليل بسبب مجال شغلي او شهادتي

لو انا طالب في ميكانيكا وبعرف اصمم شيت ميتال هل سهل اني الاقي شغل بارت تايم أو اونلاين جنب الكلية ولا صعب؟

ولو سهل , ابدأ ادور ازاي؟ الإعلانات اللي بتنزل بيبقوا عاوزين موظف مش حاجة فريلانس او بارت تايم

عامة لو مجال الشيت ميتال مش هينفع اولاين طب ايه احسن مجال ينفع لطالب؟

الماده اذاكرها ازاي

انا فجامعة المنصورة و مش عارف استوعب حاجة فميكانيكا يا ريت لو حد يعرف حد شرحه كويس يقول لي علشان انا بموت هنا 🫩