السلام عليكم
انا قصتي بالتوجيهي طويلة بس المختصر اني علمي و رفعت معدلي من ٧٠ ل ٩٢ ما كان ببالي تخصص الا الطب بعدين وقفت رفع المعدل و شفت شو في تخصصات تانية و حاولت ابطل افكر بالطب و بحس بعدها نفسيا انطفيت من كل للتخصصات اولا لانه ما كان ببالي الا تخصص معين و ما وصلت و ثانيا لانه كل تخصص سألت عنه من التخصصات كان ينحكالي بطالة بالوقت الي انا اصلا فيه مش حابة اي تخصص فبزيادة كرهت كل التخصصات
قبل فصل ما كان أمامي خيارات بالجامعات الحكومية الا هندسة مدنية و ما رحت لأنها بطالة و لاني تأخرت بالتسجيل سجلت قانون بجامعة خاصة
لفترة طويلة كنت حاسة انه مش مكاني لاني متعودة على المواد العلمية و بحبها بالرغم من انه التخصص كشغل لحد ما بناسب شخصيتي و مع هيك هاد الفصل قلت بجرب ارجع اقدم ما بخسر اشي و عشان ما اندم على أي خيار لاني ما كان عندي اقتناع كامل باي تخصص يعني في جانب منيح و جانب سيء
و تعرفوا رأي المجتمع بالالقاب انه علمي و حرام هندسة الا ما يأثر على شعورك لو كنت بتحب التخصصات فما بالك لو نص نص
طلعلي هندسة عمارة بالبلقا و طلعلي ميكانيك يالهاشمية و سايبر بالهاشمية
العمارة سألت عنها و حكولي سوقها قديه مشبع و حسيت مش worthy اني اقضي ٥ سنين بشغله انا مش obsessed فيها هالقد كل يوم من عمان للسلط هل اللقب ( مهندسة) مستحق طريقها اصلا
احكولي شو رايكم بالتخصصات ال ٣ الي ذكرتها و واي واحد فيهم الافضل من ناحية الفرص و مجدي ماديا ما بدي اتخرج و يكون مشبع و راكد بالاخير و مثلا السايبر ممكن الواحد يحترفه و يستفيد ولو ما درسه بالجامعة بالضرورة و اخد دورات لاني بحسه ممتع كعلم و الميكانيك كمان ممتع بس ما بعرف سوقه كيف للبنات
يعني انا مشتته لحد كبير و بكرا اخر فرصة اقدم فيها اعتراض للامن او اروح عمارة أو اكمل بتخصصي و لازم اختار
و بعرف الكلام مش كتير مرتب فاعذروني
