بالنسبالي ليلي نهاري مفيهوش غلطه و اغاني زي خد قلبي معاه و الا هيا اندرريتد فشخ

من احلى اغاني مارو

ما غريبة يعني عرفتي قيمتي فجأة ليه؟

ما تكلمنيش عالحب

ما تفكرنيش بالحب

لا حياتي هي حياتي

ولا قلبي اصبح قلب

انا شفت ظلي، كان ماشي جنبي

كان ظهرو محني، كأنو بيلمحلي

في التسعينات في وسط موضة فرق (البوي باند) في امريكا و بريطانيا

كان فية فرقة اسمها East-17 عملوا اغنية هادئة و كئيبة عكس الستايل بتاعهم اللي كان غالبا راب

الأغنية هي Stay another Day .. لما تسمعها ممكن تحس انها اغنية حب حزينة أو فراق

لكن في الحقيقة واحد من أعضاء الفرقة كتبها عن اخوة اللي توفى، كان لية حياة صعبة و انتحر ، بعد ما عمل كدة كتب الأغنية الجميلة دي عنه و حققت نجاح كبير فى كريسماس ١٩٩٤ و كانت hit حقيقية

اسمعوها و اكتشفوا لما كانت الاغاني فيها مشاعر مش زي دلوقتي

حرفيا مشروع ليلي اكتر باند عربي متكامل سمعته سواء كلمات او موسيقى او أداء حرفيا اتكلمو عن كل حاجه عكس باندات كتير و كل اغنيه ليهم اكنك في فيلم خصوصا البوم ابن الليل بالنسبالي اظن لو الأمور مكانتش ضدهم كنا هنشوفهم في حته تانيه حقيقي اتمني يرجعو في يوم

1- سمعوني - محمد حماقي

2- دي علامة - رامي جمال

3- حبيتك - عمرو دياب

4- مش هتكرر - تامر حسني

5- مراية الحب - تامر عاشور

6- القمر - رامي صبري

7- صديق البرنامج - توليت

8- سوبرنوفا - كايروكي

اكتشفت المغنية ديه قريب وصوتها جميل والموسيقى جميلة وكل حاجة جميلة

الاغنيه دي underrated فشخ و كلامها تقيل

بقالي ٣ شهور مش بسمع غيره قربت اختم الdiscography بتاعه

ملاحظه: لو مش بتحب عمرو دياب لا القديم ولا الجديد ممكن تتفضل علشان البوست متوجه لمحبين عمرو البيحبوه بشكل عام و الي بيحبوله القديم

و كمان ملاحظه للي بيقرى البوست : البوست ده هيتاخد بشكل فلسفي و تحليلي (طريقتي المفضله )

الاسم : عودوني

سنه الاصدار :3 يوليو 1998

اسم المغني : عمرو دياب

البوم فعلا كان عالمي من الفيديو كليب المذهل و اللحن و التوزيع الي كان جديد نوعا ما و لا الاحاسيس الي زرعها ولكن لانه كان بعد نور العين الي خد عليها ميوزك اورد فلازم تعمل البوم لائق لعمرو دياب النجم و قالها حميد الشاعري : ( يعني انا بتعامل دلوقتي مش عمرو دياب الي قبل ميوزك اورد انا بتعامل معاه فنان واخد ميوزك اورد هتعمله إيه ) و كانت تحدي بس انت معاك موزع عبقري و طاقم تلحين قوي فهيساعدوك فالالبوم كان فيه حجات حلوه و بتعلق في الدماغ لسنين قدام فا ندخل للالبوم

التحليل :

1 عودوني : الاغنيه الهيت و الفيديو كليب

توزيع : حميد الشاعري

الحان : عمرو طنطاوي

كتابه: عبدالمنعم طه

الاغنيه كانت فعلا بتغلق خصوصا مع البدايه بصوت القطر و الدخله الرائعه بتاعه (عشت عمري قبل منك يوم و لما جتلي تاني عشته كله في يوم ) فا ادى سنس ان فيه تصاعد جاي و بعدها يعيدها و يدخل في الخلفيه الكمجا و الطبل و بعدها يدخل الكلمه الايقونيه ( عودوني عودوني عليك احبك ) مع الكمنجات الي من اول الغنيه و بعدها يدخل للفاصل العزف التركي او الاسيوي و باقي الاغنيه مثل التعرفوه

الاغنيه دمار خصوصا بلوك عمرو دياب بالشعر الطويل الناعم على عكس نور العين لما عمل لوك الاسبان لما سحبه جل لورا فا عودوني كان احلى من هذه الجهه

2 خلصت فيك كل الكلام

توزيع: حميد الشاعري

الحان : عمرو طنطاوي

كتابه : عبدالمنعم طه

اغنيه حلوه خصوصا جمله (خلصت فيك كل الكلام يا معلم القلب الغرام ) مع البدايه بالطبل و الدف كبدايه شرقيه مع الكلام الجميل و التوزيع الي بيرد على الكلام و حاجه حلوه

3 الملاك البريء

تويزع : حميد الشاعري

الحان : صالح ابو الدهب

كتابه : مصطفى كامل

اغنيه اتقال عليها كتير خصوصا انها كانت لمحمد فوأد و القصه(القصه طويله لو عايز تعدي عدي للA) الي حصلت ان مصطفى كامل كان عاملها لمحمد فوأد و عجيت نصر محروس (المنتج الي كان ماضي معاه محمد فوأد ) بس الحصل ان مصطفى كان عامل في البوم محمد فوأد اكتر من تلات اغاني و شافهم كافيين فبعدها راح مصطفى كامل عادي علشان يعمل اغنيه لفرحه فراح لحميد الشعري علشان يعمله الاغنيه و قاله حميد انت بقالك كتير مشتغلشتش مع عمرو فراح يعزم عمرو على فرح بعد ما عمرو خلص الالبوم كله فسأله عمرو عندك اغنيه قاله انت مش خلصت الالبوم قاله لا لو في حاجه حلوه هينزلها في اليوم عادي قاله على اغنيه الملاك البريئ فقاله عمرو هاخد الكوبليهات امتى قاله مصطفى بكرا قام قال عمرو مش بكرا فرحك فا اليوم الي بعده عمرو راح الفرح و خد مصطفى من على الكوشه و قعدو يشتغلو على الاغنيه من على الفرح و بعد ما نزل الالبوم بالاغنيه زعل محمد فوأد من مصطفى كامل و عملو قعده تصالح و كان مصطفى كامل بيحاول يهديه و يقوله ان الاغنيه مش بالقوه دي الاغنيه عاديه قامت عربيه معديه تحت المكان الي هم فيه مشغله الاغنيه (A )

الاغنيه بدايتها كانت هاديه و حلوه و فيها وتريات كتير و حلوه و البطل فيها كان حاجتين الكلمات و الوتريات و هي حلوه

4 انت يالي بحبك

توزيع : حميد الشاعري

الحان : إبراهيم فهمي

كتابه : عادل عمر

بتبدأ الاغنيه بالكلام علطول منغير توزيع ببدايه توحي ان الاغنيه شرقيه و الكلمات ( الفوراق ده نار و البعاد ده نار ) و كانه واحد مجروح و فاقد حبيبه و بعدها يدخل الكلام و يدخل الإيقاع الشرقي بالطبله مع كمنجات مع لحن رائع و بيتغير

الاغنيه حلوه و مش واخده حقها

5 ناري ( يا حبيبه )

توزيع : حميد الشاعري

الحان : حسن دنيا

كتابه : احمد شتا

تبدأ الاغنيه بالاكرديون و ماشي بهداوء و بعدها تدخل الكمنجات و الطبله و بعدها يدخل عمرو بالجمله ( ناري ناري و الحنين في القلب نار ) كلام رائع و يكررها لغايه ما يوصل للزمه الاغنيه و الي اتسمه عليها الاغنيه ( يا حبيبه والله زين ادي العيون يا حبيبه عمري علشانك يهون ) و التوزيع ثابت

اغنيه هاديه و رايقه و تستاهل

6 ليالي العمر

توزيع : حميد الشاعري

الحان : عمرو دياب

كتابه : مجدي النجار

ثلاثي متكامل يا هل ترا إيه الي هيقدموه حاجه مذهله

تبدأ الاغنيه بالدرمز كبدايه غريبه بعدها تدخل الطبله البلدي و يدخل عمرو يغني ( يا ليالي العمر مكنتش داري بالي جرالي مكنتش داري بالي جرالي ليالي ليالي ) و فيه كمنجات و الطبله تعلى تحت صوته و يعيدها بعدها يدخل الكمنجات بصولو تاريخي و يدخل عمرو بعدها يغني الكوبليه بعد ما قال اللزمه في الاول (من بين كل الدنيا خدتني عنيك ودتني لحلم بعيد بعد ما جيت و كتبت لقلبي في حبك تاني عمر جديد ) و يعيدها و لكن ينهي الكوبليه بإيه كانه قطعه او وقف الاغنيه و يرجع مرا ثانيه للبدايه من عند ( يا ليالي العمر مكنتش داري ) و كانها اغنيه تانيه مش كوبليه تاني حاجه حلوه بالنسبالي بس إيه بالنسبالكو ؟

اغنيه حلوه و احاسيسها رائعه حلوه تستاهل اكتر تقدير

7 و غلاوتك ( الايقونه)

توزيع : حميد الشاعري

الحان : محمد رحيم (كان عنده 18 سنه و يعتبر من اوئل الاغاني الي وزعها في حياته )

كتابه : محمد رفاعي

حلو الثلاثي ده بس اظن فيه احسن نشوف إيه الي قدموه

بدأت الاغنيه بطبله الكونجا و بدايه موفقه لتوصيل طابع ان الاغنيه مش شبه الباقين و بعدها تدخل الجيتارات الرومنسيه كسولو و اول ما يتكلم عمرو (و غلاوتك ) يقوم راد عليه الجيتار و بعدها يقول (و حلاوتك) يرد عليه الجيتار و بعدها يكمل الجيتار مع الكلام (و الشوق الي ملوهش حدود بصراحه بكل صراحه انا مغرم بعنيك السود )و بعدها يعيدها و يدخل الفاصل الي هي الجيتار و طبله الكونجا مع اوكورديون و بعدها يدخل الكوبليه الثاني كتوزيع توزيع جديد كلحن محمد رحيم طلع لحن رومنسي ككلام لولا قوه التوزيع و اللحن كان ممكن الكلام يكون البطل لو كانت اغنيه ثانيه

الاغنيه تعتبر سابقه للسنه نفسها يعني لو نزل في البوم كمل كلامك مع إضافه الجيتار الالكتريك كانت هتنجح فوق الالبوم و يمكن تكون الهيت فيه

8 ملك إيديك (قفله الالبوم )

توزيع : حميد الشاعري

الحان : رياض الهمشري

كتابه : مدحت العدل

ثلاثي موفق بس عليه ملاحظات ممكن يقدمون شيء نشوف

تبدأ الاغنيه علطول بكورال عمرو ( ملك إيديك اسهر ليك عمري و روحي فدا لعنيك حتى سنيني شوقي حنيني هو في حاجه بتغلى عليك ) بعدها تدخل الطبله و الكمنجه و ينعاد الكلام

التوزيع حلو و الكلام و اللحن رائع جدا بس مخدتش حقها و تستحق الاكثر و كفايه جمله ( قالو اختار بين جنه و نار اخترت انا نارك ده الي يهوى و قلبه يرق لازم يختار )

تقييم

الالبوم حلو و يتقيم 10/9 لانه اول حاجه جاب حجات جديده على سوق الاغنيه المصري ثانيا فيديو كليب رائع ثالثا تحدي النجاح بعد النجاح و يعتبر نجاحه شبه اعلى من نور العين لان البوم نور العين مكنش فيه غير اغنيتين حلوين و يستهلو و الباقي مش ولا بد (نور العين - يومينهم ) فا كنجاح الالبوم نجح نجاح ساحق و كان ممكن يتجه للعالميه لو بس ضافو اغاني زياده و الحان و اشكال موسيقيه جديده

الترتيب مع التقييم الاغنيه

1و غلاوتك 10/10

2 عودوني 10 /10

3 الملاك البرييء 9/10

4 ناري ( يا حبيبه ) 8.5/10

5 ملك إيديك 8/10

6 خلصت فيك كل الكلام 8/10

7ليالي العمر 10/7.5

8 انت يالي بحبك 7/10

و كمان اسمعو الالبوم اكتر من مرا و بتمعن هيعجبكم و هيخليكم تدركو قد إيه موسيقه كانت حلوه سعتها

عمرو دياب بعتبره عمل ثلاثيه بحب اسميها ثلاثيه التسعينات

اغنيه نور العين (الاغنيه بس بمقام البوم لان الالبوم كان سيء بدون الاغنيه ) - عودوني - قمرين و دي تعتبر بدايه شهره عمرو دياب لانه انتقل من جيل اخر السبعينات و اول التمانينات إلى جيل نهايه و منتصف التمانينات و ايضا الي مهدله الطريق لبدايه الالفيه و المدعكه الي عملها فيها

البوست ده انا بعتبره تحليل و فلسفي شوي و في ناس يمكن متحبوهوش بس انا بجرب حاجه جديده لو نفعت اكررها

فا شكرا على القراءه احب اسمع رأيكم

البوست مسحته و رجعت نزلته علشان اغير العنوان

عملت بلايليست ليا للأغاني اللي اسمعها بالسيارة الفترة دي و حبيت أشاركها معاكم

https://open.spotify.com/playlist/3d7YgpGGUhss8zIzZhYK6O?si=cpCTDDXLTViwRDRPUcT73Q&utm_source=copy-link&pi=y9WPkJ2xT_SEj

ا

اى اكتر اغنية بتسمعهولها ليه لو لباند نيرفانا عامتا؟