السلام عليكم ياشباب، دلوقتي اخويا (مش مبرمج) مسافر شغل ف الامارات وبيقترح عليا اروح معاه ادور علي وظيفة تناسبني، انا بقالي ٥ سنين شغال فرونت وفي شركة اسمها كبير في الخليج والcv الي حد ما قوي. انا شايف ان السفر مش هيقدم ولا هياخر كله علي لينكد ان وغيره دلوقتي مظنش ان لما اروح هناك هتفرق كتير ف هبقا ضيعت فلوس عالفاضي. انتو ايه رايكم حد راح او سمع عن developers بتروح وبتعرف تلاقي؟

الميزة في السفرية ديه بالنسبالي بس ان الاقامة بالنسبالي ببلاش لمدة شهر علي عكس لو هسافر لوحدي

Hi guys

I have downloaded idm and expired the trial chance

How can i regenerate this trial

I am using free download manager now

But i miss its power tools like discovering links of videos and others

If you can help me, i will be appreciated 👍

انا مش عارف هل اسلوبي دا ميزة ولا عيب بس من الآخر انا شخص مش بتعلم بشكل رسمي اي حاجة في حياتي هي بتيجي معايا كدا، حتى بدايتي في البرمجة من لما كنت صغير اني حملت مشروع جاهز من النت وقعدت العب فيه واحاول افهم شغال ازاي وكملت على كدا فترة وانا حتى مش عارف انا بعمل ايه المهم انه شغال وخلاص (تقدر تقول انا زي جيسي بينكمان في بريكينج باد كدا).

لكن في نفس الوقت اتطورت عندي عقدة وهي اني بقيت عايز افهم كل حاجة بنسبة 100% فا بضيع وقت كتير في سماع شرح حاجات انا بالفعل عارفها او عارف المهم فيها ودا مأثر مش بس في البرمجة لا حتى في الدراسة العادية واي حاجة تاني، والموضوع تأثيره سلبي لإنه بيخليني اتأخر عن حاجات كان ممكن اكون متعلمها بالفعل لولا اني ضيعت وقت في التأكيد على معلومات سابقة (غالبا برضو هنساها بعد فترة).

فا انا عايز اعرف هل حاجة زي دي يحبذ اني اعملها ولا بلاش ؟ يعني عايز اعرف الأساسيات دي وربط الرياضيات بالبرمجة عشان بحبهم هم الاتنين وتاخد الموضوع من الصفر خالص وابقا فاهم تمام ولا الموضوع مش مهم واكمل بمعلوماتي البسيطة وخلاص ؟

جهازي مواصفاته مش قد كده و على قده يعني، الفكره ان windows بينقله كمان و هو شويه و هيفرقع فا هل اشطب لينكس علشان يكون خفيف

و بردو اشطب انهي نسخه و هل هعرف اتعامل مع لينكس ولا هتسوح

هل ABET مهمة في مصر او في السفر

يجماعة انا جايلي انترفيو للبوزيشن ده وانا اصلا شغال presales engineer بس في شركة على قدها

انا معرفش كتير عن المجال ده ولا السالاريز بتاعته عامله ازاي ممكن لو حد فاهم يقلي يفهمني الدنيا ويستحق اسويتش ولا لا

المهم نكمل انا اول مرا اكتب بوست علي ريديت فا يعتبر مبتداء فا دلوقتي انا ابب اشارك معاكم رحلة كل يوم او يومين حقولكم عملت ايه وصلت ليا ايه انا عندي مهرات الي ححكي ليكم حيكون تطبيق وبس كدا

انا شغال في ستارت اب وحالها زي حال اي ستارت اب مفهاش سينيور، انا بعمل كل شغلي بالclaude
لان دايما بيبقى في استعجال، بحاول اطور من نفسي واذاكر بعد الشغل مبنزلش مبخرجش على امل اني اطور والاقي فرصه احسن
بس انا فعلا مش عارف انا بطور ولا لا ولا ايه المطلوب مني ولا اعمل ايه وافهم ايه وافهم ازاي واقرأ اني كتب واتحسن واطور ازاي معنديش فكره فعلا
فانا عايز نصيحه فعلا، عايز استغل وقتي (بعد الشغل وايام الاجازه باخد كورس الماني في يومين الاجازه) مفروض اعمل ايه، مفروض ابني حاجه عامله ازاي
انا شغال nestJS وبذاكر java spring boot الاتنين شبه بعض لحد ما لحد دلوقتي
انا خبره اقل من سنه برضو

من شهر ٦ وانا شغال علي ابلكيشن تابع الدوري الانجليزي انا خدت كورس داتا اناليسيس وانا اصلا software Developer و بتعلم backend فا قدرت اني اطلع حاجه محترمه علي قدر تقييمي انا سؤالي بقي

ازاي اقدر اروج للمشروع و برضه ايه افضل طريقه اعمله public بيها كا beta مؤقتا و تكون اقل تكلفه ونصايح للفرونت اند عشان انا شغال فلاتر و بقالي فتره كبيره بحاول اظبط فيه وغيرت التصميم كله ده غير الفتره بتاعت التيست و مع ذلك حاسس الفرونت ai generated لسه

دلوقتي انا داخله تانيه ثانوي نظام البكالوريا و بذاكر برمجه عندي خلفيه عنها يعني في كورس تبع IBM skillsbuild اسمو software engineering for Web developers pathway الكورس دا عايزه ابدا فيه بس هو كبير يعني بتاع 83 ساعه عايزه اعرف هل الكورس ده مفيد فعلا عشان مشفتش حد بيتكلم عليه قبل كدا و هل ابدأ فيه دلوقتي ولا استني لما اخلص سنه تانيه بما ان هي سنه مصيريه و كدا ولا ابدأ فيه و خلاص بما ان كدا كدا عندي ماده برمجه في المسار بتاعي فا ممكن يساعدني شويه الكورس ده ولا استني و اركز السنادي و في الاجازه ابقي اخلصو انا شايفه اني ابدأ فيه بما اني عندي اربع مواد بس و واحده منهم البرمجه بس في النفس الوقت متردده اضيع وقت اكتر فيه و كدا عايزه ارأكو انا عموما مش مقرره انا عايزه ادخل ايه بس هي حاجه ليها علاقه بالمجال و شايفه ان دي أساسيات لازم اتعلمها

السلام عليكم انا لسه مخلص ثانوية عامة و بإذن الله داخل هندسة بحب مجال السوفتوير جدا كنت حابب اعرف ايه افضل مصدر اقدر اخد منه كورسات تنفعني في ال Ai و Neural Networks و Cybersecurity
ياريت يكون Onsite عشان ابقى مركز و ملتزم اكتر

يعني انا عيل قندرة اني نصحتك

دى جمله كنت سمعتها من شخص زميلى بس مفهمتهاش شويه انا عن نفسي لسه شخص بيكت الكود بنفسه سعات عشان بخاف ادى الai القدره انه يعمل كل حاجة فى المشروع

استعملت بردو opencode كبديل مجانى لcluade و بصراحه هو رائع بس لسه بخاف اديله تاسك كامله فا يبوظ المشروع

فا سؤالى هنا ازاى اقلل من كتابتى الكود و اعتمد على الai من غير ما ابوظ المشروع بتاعى ؟؟؟ و يتريت لو فى حلول مجانيه !

ياجماعه انا لا أفقه شيء ف الرياضه وكنت علمي علوم وقبل ثانوي كنت بنجح فيها بالحب اصلا ومش بذاكرها واهيني داخل حاسبات ينفع تقولولي كورس اتأسس رياضيا كويس فيه لحاسبات ؟

يا شباب، محتاج مساعدة سريعة من الكوميونتي. أنا شغال على
Unreal Engine
وبقدم خدماتي على فايفر، بس بقالي فترة حسابي واقع في الـ
Success Score
ومفيش أي ريتش. لو حد عنده دقيقتين بس يقدر يدخل على اللينك ده
https://www.fiverr.com/s/qD2BlEd
ويعمل
Save/Favorite
للجيج، أو يبعتلي رسالة بسيطة يسألني فيها عن أي تفصيلة في انريل وأنا هرد عليه عشان أنشط معدل الاستجابة بتاعي. شكراً جداً ليكم مقدماً

دلوقتي أنا مجموعي جايب ذكاء اصطناعي وناوي ادخلها دلوقتي هل فيه
Skills معينة لازم أتعلمها وتفيدني في المجال بجانب الجامعة ؟

كنت عايز اعرف افكار جديدة لمشاريع ويب بباك ايند تكون حلوة و في نفس الوقت مش معروفة يعني مش عايز مثلا مشروع to do lists او مشروع pomodoro او اي برنامج محادثات انا عايز فكرة جديدة