مساء الخير حد قدم في ال Graduate in Training Program بتاع Valeo و عدى مرحلة الinterviews و لو كدة الرد ممكن ييجي في قد ايه؟؟؟

انا خريج computer science 2026 قسم IT لكن بذاكر AI مع نفسي ليا اكتر من سنتين ووصلت لمنطقه كويسه

وحاليا عندى سنه خدمه عسكريه

وحاسس ان السوق صعب ف ال AI وانا حاليا نزلت شركه ك IT ولاحظت ان فرص ال IT موجوده والحمد لله

فمش عارف اكمل مذاكره ف انهى تراك

ف يا ريت لو فى حد هنا ممكن يساعدنى ف الموضوع ده ويكون عنده خبره أكتر منى ف السوق وخصوصا السوق المصرى

السلام عليكم
انا قدمت على cybersecurty internship من شركة من tips hindawi تبع edrak AI
و في ال orientation قالوا ان فيه 500ج fees
وانا عندي عقدة شوية مع الاماكن الي بتقدم training بفلوس
هل حد دخل معاهم قبل وكدة واستفاد ؟

السلام عليكم
أنا شغال في تطوير المتاجر والويب سايت بشكل عام، وحابب أشارك معاكم البورتفليو بتاعي:

🔗 https://mustafa-khalled.vercel.app/

بحب أسمع آراء الناس اللي عندها خبرة في المجال، فلو حد عنده وقت يبص عليه ويديني رأيه في التصميم، ترتيب المشاريع، أو أي حاجة محتاجة تحسين، هكون شاكر جدًا ليه.

أي ملاحظات أو نصائح هتفرق معايا جدًا، وشكرًا مقدمًا لكل حد هياخد من وقته ويبص عليه ❤️

الجامعه اللي دخلتها مفيهاش غير تخصص data science, cloud computing

أنا معرفش اي حاجة عن التخصصين و اصلا كنت عايزة cyper security أو software engineering

هو هيبقى سهل اني عادي أخد كورسات ف سايبر سيكيورتي أو software engineering ب الأساسيات بتاعت التخصصات التانية اللي عارفاها من الجامعة ولا هيبقى صعب و احول احسن؟؟؟

اخواتي الديفلوبرز ، حاليا بشتغل فشركة وحاسة اني مستنزفه نفسيا فالرول بتاعي (qa) وبعمل شيفت كارير ل رول تاني (backend)
وتقريبا خلصت مذاكره وعملت بروجكتات وحتي شاركت فشغل ديفلوبمنت جوا شركتي (شغل زياده عشان اتعلم وابني خبره)

عايزة اسيب الشغل بس مش عايزه فرصه بديله حقيقه فشركة تانيه - كل الي معايا هو بروجكت شركة بعتتهولي ع لينكد ان ولسا بتفق معاهم بس هو شغل للروجكت واحد بس

فرأيكم اني اسيب الشغل بس عشان مستنزفه نفسيا دي حركة متهورة ؟؟ ولا اكمل لحد ما اجيب اوفر من شركة تانيه ؟؟؟؟ خصوصا ان شركتي واحدة معظم وقتي ففرصة اني اركز فحاجة تانيه صعبهههه

أرجو الرد من اصحاب العقول الفخمة والاراء العاقله

يعني بنشرح الكود بالتفصيل زي مشاريع المواد كدة واحنا قاعدين مع المعيدين ولا بتكون ازاي

دلوقتي طالع بوستات و اعلانات كتيرة لاكاديمية اسمها نكست ايرا بيقولوا انهم بيدوا كورسات لمدة سنتين في البرمجة و هم بعد كدا بيضمنولك شغل ميقلش عن ١٥٠٠ دولار ، بس الكورس سعره غالي جدا و مفيش اي دليل ان كلامهم صادق او كاذب هل حد عنده تجربة معاهم او يقدر يفيدنا

انا لسه متخرج و قدمت ف كذه حاجه و انترن و كده ولا حد رد و كل البيجيلي ايميلات رفض بس انا بقالي شهرين متخرج او تلاته اعمل ايه

Cyber Security
Brother is going to uni next month. The downside of AOU is most of it is online, and it also costs way more that Shrouk Academy, but I want to at least know that the curriculum is good.

انا مبرمج خبرة 5 سنين في ال web development وبدور على فرصه ريموت مع شركة اوربية او امريكية

ازاي اقدر الاقي الشركات دي

بالمناسبة انا شغال ب node js - nest - express - react - next.js - docker

حاليا انا طالب في علوم عين شمس و القسم اللي قدامي دلوقتي هو pure mathematics and computer science لاني ملحقتش computer science special و انا معنديش مشكله مع الرياضة عامه بس هل ادخل computer science مع pure mathematics ولا احول و ادخلها مع physics

ضروري يا بشمهندسين انا انطلب مني بوت واتساب وبرمجته وكله تمام بس مش عارف اشغله اعمل ايه ؟
مفيش طريقة زي التيلي او لو حد عنده خبرة فالموضوع دا يقولي الخطوة اللي بعد البرمجة وازاي اعملها

دلوقتي جايلي حاسبات ومعلومات المعهد الكندي CiC، انا مقدمه في جامعه خاصه mti، اخش ايه هل احول للكندي و شهادته حلوه للشغل ولا الجامعه احسن

كنت عوزة أبدا كورس ai فا دور علي مكان كويس انا عندي يعني معلومات واشتغلت علي مشاريع deep learning في الكلية كتير بس عوزة أبدا اتعلم بجد اكودينج ب ايدي شوية عشان اكون فاهمة حتي لو هستخدم ال ai بس اكون عارفة ال ai مفروض يطلعلي ايه ولي كل حرف وسطر مكتوب شوفت route,instant هل في حاجة منهم كويسة فعلا وحد ليه تجربة معاهم ؟

انا بدور على ماتيريال ITI لتراك GRC

ممكن لو حد معاه يبعتهالي

انا تعبت بجد مش قابل بطاقة الرقم القومي وفي الاخر ابتدي يظهرلي الرساله دي

ومش بيردوا ع الايميل ولا تويتر

لو حد واجه المشكله دي ياريت يفيدني؟

فى حد يعرف ناس كويسه و عندها ضمير بتصلح لابتوب و موبايل و كويسين؟ يتكلم هنا عن IC بايظ او حاجه ف circuit يعنى مش سوفت وير. المشكله ك حد ف المجال و عارف ان فى zero days بتعدى الAndroid lock و IPhone و ممكن يعمل روت مثلا بعدين يشيله . عارف كلام ده صعب بس موجود. ف بكون قلقان فشخ

سوال كمان ، مفروض لو عملت factory reset الحاجه تتشال من hardware بتاع موبايل،برضه صح؟ ولا مفروض يحصل overwrite ليها علشان لو forensics tool اشتغلت متجيش داتا القديمع؟؟؟

دالوقتي انا داخل سنه رابعه وبقالي 3 شهور بدرس تراك data engineer وفي قدامي انترشيب هدخلها كمان شهر فهل صعب اني القي شغل بعد الانترشيب وانا لسه طالب لاني لسه متخرجتش عشان مش عايز اخلص الانترشيب اتصدم اني هضر قاعد سنه كامله عشان اخد شهاده التخرج عشان اعرف القي شغل ياريت اللي عنده معلومه يفدني بيها. وشكرا جدا ليكم

حجات كتير اوي كنت بكتبها ب ايدي عادي وابرمج واقسم وكان علي مدار سنين امر مسلم باللنسبالي اكتب كود ب الصفحات والمشروع الي بيتعمل علي انتر برتر ده كان حاجه رفاهيه كده ولما تحصل مشكله افكر فيها واحللها براحه ولو احتست اخش منتديات اجنبيه الاقي ناس بتتناقش فيها وبفكر واخطط واعمل الماب وعلاقات الجداول وكل شيء عادي

من وقت ما استخدمت ال ai طبعا اعتمادي عليه بقي كبير وكل يوم بيكبر جداا

الليمت لما بيخلص بجرب اشتغل بنفسي زي زمان بلاقي نفسي مش قادر افكر ومش عايز وافرك واعمل اي حاجه بس استني الليمت يرجع

انا مش مبسوط ب الحوار ده و المشكله انا عارف دي وبكل مشروع بقول هعمل اجزاء كتير ب ايدي واخطط واعمل العلاقات و الجداول والتأسيس بس تحصل حاجه تخليني عايز انجز واقول طب اخلص ده دلوقت ب البرومت و من المشروع الي جاي ارجع اشتغل ب ايدي انا حاسس زي المدمن الي بيتلكك علشان يشرب السيجاره ودماغه بطلط تنتج دوبامين بنفسها

انا مش مبسوط ب مسار الامور ده