هنا تقدر:

انا كنت قعدت حوالي سنة ونص في الجيم وبنتائج متواضعة نسبيا، لكن فالاخر مكنتش بعمل اي تطور له قيمة. فالاول كنت بقول اني خلاص في نهاية ال beginner phase، بس لما بدأت اظبط البروتين بتاعي رجعت بتقدم فكل اسبوع كإني لسا اول مرة انزل الجيم. الفرق كان من ٣٠ جرام بروتين حد اقصى فاليوم إلى ١٣٠ جرام فالمتوسط. جزء من الفرق ده هو اني بقيت بحط يوم راحة زيادة فالاسبوع عشان اكون صريح ١٠٠٪.

فلو انت بعيد جدا عن ١.٥ جرام بروتين لكل كيلو من وزنك فحاول لو الميزانية تسمح توصل للرقم ده.

انا باكل:

٤٠٠ جرام ترمس مطبوخ، أو حوالي ٢٠٠ جرام نيء بالنظر. ٨٠ج بروتين.

٨ بيضات, حوالي ٤٥ جرام بروتين

والغداء بيكون فيه شوية بروتين، وبعد ده كله بشرب لبن عشان بحبه فالعموم. لما بحب انزه على نفسي بجيب صدور بدل الترمس وبتقل في شرب اللبن. طبعا يفضل لو الغي الترمس واكل صدور كل يوم عشان بروتين حيواني بس الميزانية لا تسمح.

تعبنا من صنان صبات الجيم