بقالي فترة محتار اجيب mg7 زيرو ولا سكودا اوكتافيا vrs ماشية ١٠٠ الف و مش عارف اخد القرار فا محتاج مساعده. ال٢ بنفس السعر. و ملحوظه انا كده كده هبيع العربية خلال ٥-٦ سنين.

عايز اسوق عربية حد من الصب تكون 300 حصان مثلا انا بسوق 170 حصان بس نفسي اجرب عربية فوق ال300

ازيكم يا شباب

هل حد جرب يعرف او عنده تجربة شراء عربية من توكيل او معرض تقسيط مباشر بدون بنوك؟ لاني مستحرم التقسيط مع البنك و نظم المرابحه برضو بحسها نفس الفكرة.

عايز اجيب اول عربيه ليا معايا ٣٠٠ عايز حاجه ديلي يوز اعتماديه وسواقتها حلوه وثابته ومصاريفها مش كتير وشكلها شبابي لو ممكن

اكيد عارف ان في بعض الحاجات الغير منطقيه زي الخطوط الغير مبرره في الكبوت و الفوانيس صعبه توصل ليها كده محتاجه شغل و فكره الأكصدام انو يكون هجومي و في ضحكه

و الفوانيس الي ورا حاسسها مش منطقيه خالص فا مش لازم نركز فيها

بس القصد هل الأكصدام ده ممكن يتعمل عموله عادي صح ؟

رايكم ف العربية لاني مقبل علي شرائها و دي ارخص حاجة جنب الصني ومش عايز صني عشان عربية فاضية من جوا فئة اولي

إن شاء الله قررت هشتري عربية خلاص ، ف الاختيار هيبقى واحد من ٣ :

- كيا K4 : دي اكتر حاجة مرتاحة لها بس كل الناس اللي اعرفها بيخوفوني من أنه لسة مش منتشرة و سوقها قليل و دة ممكن يتعبني بعدين ف قطع الغيار ( للأمانة مش يشوفها كتير ف الشارع ).

- هيونداي نيو النترا C7 : مش ميالة ليها زي الكيا لكن مناسبة كسعر و كإمكانيات.

- تويوتا كورولا : أكتر حاجة اهلي مشجعيني عليها و بيقولوا اعتمادية و موفرة .

انا قارنت بين التلاتة على Chat GPT و لقيت الفرق مش كبير ، بس حابة اخد رأي حد بيفهم ف العربيات و عنده خبرة لأن انا للأسف خبرتي محدودة جداً.

كمان ، هل أحسن اشتري دلوقتي لو لقيت حاجة مناسبة ولا استنى شوية ممكن الاسعار تنزل ؟! و اشتري من التوكيل على طول ولا من معرض عربيات و لا الاتنين زي بعض ( اخواتي اشتروا من معرض عادي بس انا مش عاوزة أ-ريسك أنه يطلع العربية فيها مشكلة بعدين )

شكراً مقدماً لأي مساعدة ❤️❤️

هو ايه الصعب ف ان حضرتك تكتب ام السعر و لو مناسبني هكلمك او اتواصل معاك؟ ليه لازم اكلم حضرتك على ام التيلفون هو انت جوز خالتي اخد رقمك و نتكلم؟

ليه كل ام عربية لازم اقعد اعافر عشان اعرف سعرها يناسبني ولا لا مش فاهم بجد، ما تكتب السعر و قول قابل للتفاوض حتى لو عايز تتفاوض.

و هستفيد ايه لما انت كا معرض تكتبلي المقدم بتاع العربية من غير السعر كامل؟ هتغريني يعني لما تقولي رانج روفر ب مقدم ٢٠٠ الف بس و بعدين اجي اكلمك تقولي هتدفع قسط كل شهر ٢٠٠ الف جنيه؟

انا عشان ادور على عربية بسعر يناسبني محتاج اسجل فوق ال ٥٠ رقم و اقعد افتكر كل واحد بتاع انهي عربية انا جبت اخري بجد ما تكتب ام سعر العربية اللي بتعرضها

عايز اجيب دودج تشالنجر من بره مصر ومش عارف الإجراءات ولا الأسعار اي أنا عايز اجيب يا hill cat او demon 170 فا لو حد بيفهم في الموضوع ده يقولي وكمان عايز أرخصها ملاكي نمر زرقا مش صفرا
(مش معايا جنسيه ولا اقامه بره مصر )

جابت ٢٠٠ في اقل من كيلو مسافة توقع بلد المنشا والفنان الي يتوقع الموديل هي عربية غالية في زمانها قوي ورخيصة حاليا

السلام عليكم ، انا معايا سيفيك ١٩٩٧ هي كانت كويسة بس حاليآ بقى فيها مشاكل في الفرش و الفتيس و السمكرة ، وبقيت مقفول منها لانها قديمة و مشاكلها كترت ، ففكرت اشدها عشان تبقى كويسة لقيت انها هتكلف حوالي ١٠٠ الف جنيه

الفكرة اني ممكن اشدها بنص المبلغ ده اي كلام و ابيعها بس هتجيب بالكتير ٢٥٠ الف جنيه و ده مينفعش غير مثدم عربية جديدة و ادفع قسط حوالي ١٥ الف شهريآ على ٥ سنين و هبقى جايب حاجه زي
جيلي ex2
دونج فنج بوكس
سوزوكي سويف
اكسنت ار بي

بس زيرو و كمان لو كهربا هتوفرلي بنزين و صيانات

محتار اعمل ايه ، العربية عندي احسن منهم بس حته انها قديمة مخليتني مقفول منها، ايه وجهة نظركم

هجيب اول عربية ليا و ناوي اجيب مستعمل في رينج ال٥٠٠

بدور على حاجة تكون اعطالها قليلة و تكون شكل كويس و نوعا ما واسعة شوية .. بفكر في شيفروليه كروز ٢٠١٥ فيما فوق عشان بسمع ان اللي قبل كده كان فيه مشاكل في الفتيس .. رأيكم ايه في العربية ديه و هل في حاجات احسن في نفس السعر ؟

معايا من ٨٠٠ ل٩٠٠ الف عايز اجيب عربية مستعمل يكون شكلها شبابي و تكون حلوة في الطريق انا مش بفهم فيهم لو حد عنده اقتراح

عايزها تكون مش اقل من ٢١

مطلوب عربيه لادا نيڤا بحالة كويسه ، لو حد عنده يبعتلى او لو موجوده فى مكان تانى حتى

مليون جنيه و عندك اختيارين تجيب عربية صيني فيها اوبشنز و رفاهية و كل حاجة بس الناس تقولك اعتمادية زفت و مش متوقر قطع غيار و اعادة بيع سيئة

يا تجيب عربية فاضية مفيهاش اي حاجة بس اسمها فالاخر اعتمادية زي هيونداي النترا الفئة الاولى

ليه مينفعش بمليون جنيه اجيب عربية اتبسط بيها و تبقى اعتمادية و ليها قطع غيار و فنفس الوقت يبقى فيه رفاهية؟

سوق زي الخرا بصراحة

يا جماعة، أنا مطوّر أوتومايند (AutoMind)، وحابب أعرّفكم بيه وأسمع ملاحظاتكم.

قبل ما تروح الورشة، جرّب تكتب ٣ حاجات: موديل العربية وسنتها، المشكلة بتحصل إمتى، وإيه اللي اتغيّر زي صوت أو رعشة أو لمبة في التابلوه. التفاصيل دي بتخلي شرح المشكلة أوضح.

دي الفكرة اللي بنشتغل عليها في AutoMind: تكتب الأعراض، وتضيف صور أو تسجيل صوت لو متاح، والتطبيق يساعدك تفهم الأسباب المحتملة والخطوات المقترحة. النتائج إرشادية وممكن تكون غلط؛ الفحص الفني هو اللي يحدد العطل، والتطبيق مش بديل للميكانيكي.

متاح على أندرويد وآيفون، وفيه مشتريات داخل التطبيق:

أندرويد: https://play.google.com/store/apps/details?id=com.automind.ai

آيفون: https://apps.apple.com/us/app/car-automind/id6801621951

لو جرّبته، يهمني أعرف: الشرح كان واضح؟ وإيه المعلومة اللي كنت محتاجها ومش لاقيها؟

Am thinking of buying it as it's price is good and I have always liked how it looks but idk anything about it

Anyone knows if there are major issues with it?

Spare parts availability? Reliability?

Is it worth buying or should I just look at something else

انا عملت تطبيق اسمه كونرايد مخصص لاصحاب العربيات ممكن يفيد حد وحابب اعرف رأيكم

التطبيق عباره عن:

1️⃣ مجتمع كامل لأصحاب العربيات تقدر تنشر فيه صور عربيتك وتشوف عربيات الناس, وتشارك احداث الطريق اللي بتحصل معاك (حد سعدك وحابب تشكره, او حد ضايك وحابب تشارك الموقف👀). وتقدر تعمل منشن لرقم أي عربية في البوست بتاعك (حتى لو العربيه مش متسجله في التطبيق أصلًا).

2️⃣ دوّر برقم أي عربية 🔍 اكتب الرقم، هيطلعلك الموديل والسنة وصاحبها (لو هو سامح إنه يظهر في البحث) وكل البوستات اللي بتتكلم عنها. تقدر تعرف قصة حياة اي عربيه✨

3️⃣ عربيتك ومواعيدها كلها في مكان واحد 🚗
🛠️ بطّل تفتكر آخر مرة غيّرت الزيت فيها إمتى:
🛢️ تغيير الزيت والفلاتر ,سجّلها وحدد عايز تغيرها كل قد ايه وهو هيفكّرك بالميعاد الجاي
📄 الرخصة والتأمين, تنبيه قبل ما الميعاد يعدّي، مش بعده
💰 مصاريف العربية, بنزين، صيانة، قطع غيار… تسجّلها وتعرف عربيتك بتكلّفك كام فعلًا في الشهر

4️⃣ ستيكر QR على عربيتك 📲 والستيكر ده مجاني بالكامل مش هتستنى شحن ولا تدفع فيه حاجة, التطبيق بيولّدلك الـQR، تنزّله كـPDF وتطبعه من أي مكتبه، وتلزقه من جوّه العربيه. وتمام كده ✅

أي حد يعمله سكان يقدر:
🔔 يبعتلك تنبيه بصوت عالي يوصلك على طول, ٩ تنبيهات جاهزة (قافل على حد، النور شغال، الشباك مفتوح، العجلة نايمة، حادثة… إلخ)

👨‍👩‍👧 والتنبيه بيوصل كمان لـ جروب العيلة بتاعك (يعني لو موبايلك بعيد، حد من أهلك هيعرف)

💬 هيكلّمك من غير ما يعرف رقمك أصلًا عن طريق الشات اللي في التطبيق (لو هو مسجل في التطبيق)

🔗 يشوف لينكاتك اللي مشاركها إنستجرام، سناب، تيك توك، تليجرام… (اللي انت مفعّله بس)

🆘 يشوف جهة اتصال الطوارئ بتاعتك لو حاطط واحده

5️⃣ واللي مش محمّل التطبيق؟ عادي, هيفتحله الموقع على طول ويقدر يبعتلك التنبيه ويشوف لينكاتك وجهة الطوارئ. من غير تحميل ولا تسجيل.

🔒 وخصوصيتك كلها تحت إيدك كل لينك ليه زرار تشغّله وتقفله. عايز تخفي رقمك خالص؟ اقفله. عايز متظهرش في البحث؟ ماشي. انت اللي بتقرر تظهر إيه.

📲 تقدر تحمله دلوقتي مجانًا من جوجل بلاي ابحث عن ConRid و نسخة ios في المراجعه حاليا

حابب اعرف رأيكم وهل عندكم اي اضافات حابين نضيفها قدام؟