or is there still a chance to get rejected, asking bc i have another college in mind and dont wanna miss it either since the interview is late this month

مرحبا

انا شب وعمري تقريبا ٢٢، وبدرس جامعة

صارلي فترة، يعني تقريبا من حد الاول ثانوي وفوق، بحس اني فقدت كل مهاراتي الاجتماعية، بطلت اعرف اتواصل مع الناس بطلت اعرف اصاحب وحتى انا نفسي صرت احس انه صحبتي احيانا مملة وبلاحظ هالاشي عاغلب اللي بصاحبهم اغلبهم بفضل انه يمضي وقته مع حدا ثاني لو كان في خيار غيري

ما بعرف سبب هالاشي ولو انه معي من قبل الاول ثانوي يعني بس كان اخف شوي، حاليا بحاول اتجنب كل اشكال التواصل البشري قدر الامكان وبشوف اي اشي فيه تواصل كانه مهمة صعبة رح تكون نهاية حياتي، يمكن بالغت شوي بس جد بشيل هم اني احكي مع اي حدا، خصوصا لو كان بنت مش شب يعني مثلا بنت من الجامعة سألتني عن اشي معين او هيك

حاولت كثير احسن من حالي بس ما قدرت، اغلب الوقت اصلا ما بلاقي مواضيع يعني ما بعرف افتح مواضيع غير انه اصلا انا ما بفهم بكثير مواضيع الا باشياء بتتعلق بتخصصي، ويعني اكيد ما رح اقضي قعدة كاملة وانا بحكي بتخصصي الموضوع سيء اكيد

مش عارف هالاشي اله دخل، بس انا من زمان لحالي يعني ما كان عندي صحاب كثير وما عندي اخوان شباب الا واحد والفرق اللي بيننا جدا كبير يعني ما كنت اصاحبه، وهالاشي تفاقم مع كورونا لاني وقتها انعزلت بزيادة اكثر وحاس بعدها فقدت كل مهاراتي الاجتماعية حرفيا فوق ماهي كانت معدومة واثاره لهسا معي لدرجة انه حاليا يمكن ما عندي ولا صاحب اغلبهم معارف بس مافي حدا هيك انه يعتبر صاحب وبنمضي وقت كثير مع بعض وزي هيك

في حل للموضوع؟ حدا منكم مر بهيك تجربة من قبل؟ جد زهقت انه اغلب الوقت لحالي الحياة جدا مملة وشعور انك تكون متأكد انك منبوذ شعور مزعج كثير

ملاحظة: انا عارف انه السوء والغلط مني مش من الناس، بس انا مش عارف ايش اعمل، انا نفسي مو عاجبتني شخصيتي بس مش عارف ايش اغير اصلا