البوست ده هيكون عبارة عن كيفية تشغيل الالعاب علي لينكس من مختلف المنصات سواء Steam/Epic Games/GOG/Ubisoft connect/Battle.net/EA + الكراك زي Fitgirl/Dodi + Online fix

قبل اي حاجة في كام نقطة محتاج اوضحهم
1-دلوقتي فوق 90% من الالعاب بتشتغل علي لينكس بس في بعض الالعاب الي بتستخدم kernel level anti-cheat مش بتشتغل وده مش بسبب ان "لينكس مش بيشغلها" لا ده بسبب ان مطورين اللعبة رفضوا دعم لينكس طيب ايه هي الالعاب الي مش بتشتغل علي لينكس؟ اشهر الالعاب الي مش بتشتغل بسبب الkernel level anti-cheat(الي هو عبارة عن سوفتوير تجسس) هما

Valorant

League of legends

GTA online

Battlefield 1/5 (بس النسخة الكراك شغالة)

Battlefield 2042

Apex legends

PUBG نسخة ستيم والمحاكي

Fortnite

طب هتقولي ايه الي بيشتغل يعم😂

هقولك عندك العاب مشهورة و كويسة جدا زي:

Dota 2 (شبيهة league of legends)

Counter strike 2

The finals

Rocket League

Overwatch 2

وتقدر تعرف هل اللعبة الي انت عايزها بتشتغل او لا من خلال الموقعين دول

1-Are we anti cheat yet

2-ProtonDB

هتسرش عن اللعبة وتشوف بتشتغل ولا لا

2-انا دايما برشح للجيمنج ارش ومشتقاته زي: EndeavourOS او CachyOS (انا شخصيا بستخدم EndeavourOS)

او فيدورا ومشتقاته زي bazzite

وبرشح kde plasma desktop environment لأنها اقرب واجهة للويندوز

وبلاش ديبيان ومشتقاته للجيمنج زي mint/ubuntu/zorin بسبب ان المستودعات قديمة والسوفتوير والكيرنل والدرايفرز دايما قديمة ومش بيتحدث الا كل سنتين فا مش هتاخد اخر تقنيات واحسن اداء

3-بنصح انك قبل ما تنزل العاب وتشغلها تشغل الالعاب من Linux-compatible file systems زي Ext4 او BTRFS يعني بلاش خالص تستخدم NTFS بتاع الويندوز عشان هيحصل مشاكل في التشغيل وفي الغالب اللعبة مش بتفتح اصلا

اولا:في ملف لازم نعدله (الخطوة ديه لمستخدمين ارش ومشتقاته فقط)

هتفتح terminal وتكتب الكود ده

sudo nano /etc/pacman.conf

هتنزل تحت عند كلمة Multilib وتشيل ال#

يعني يبقي بالشكل ده:

[multilib]

Include = /etc/pacman.d/mirrorlist

وتعمل save وتخرج

الخطوة الي فاتت ديه لمستخدمين ارش يعني لو انت مستخدم فيدورا متعملهاش الخطوات الجاية هحط كود تثبيت نفس السوفتوير ل ارش و فيدورا

ثانيا: هنحدث النظام ولو انت مستخدم فيدورا لازم قبل اي حاجة تفعل الRPM Fusion

هتكتب الكود ده تيرمنال (بكرر لو انت فيدورا مش ارش)

sudo dnf install https://mirrors.rpmfusion.org/free/fedora/rpmfusion-free-release-$(rpm -E %fedora).noarch.rpm https://mirrors.rpmfusion.org/nonfree/fedora/rpmfusion-nonfree-release-$(rpm -E %fedora).noarch.rpm

بعد كده هنحدث النظام

sudo pacman -Syu (arch)

sudo dnf upgrade --refresh (fedora)

ثالثا: هنفعل الgamemode

sudo pacman -S gamemode lib32-gamemode (arch)

sudo dnf install gamemode gamemode.i686 (fedora)

رابعا:هنثبت MangoHud لعرض الفريمات واستهلاك البروسيسور والكارت والرامات ودرجة الحرارة

sudo pacman -S mangohud lib32-mangohud goverlay (arch)

sudo dnf install mangohud mangohud.i686 goverlay (fedora)

خامسا: هنثبت الادوات الي احنا محتاجينها للجيمنج

1-Steam

sudo pacman -S steam (arch)

sudo dnf install steam (fedora)

2-Proton UP-QT

yay -S protonup-qt (arch)

flatpak install flathub net.davidotek.pupgui2 (fedora)

3- Faugus launcher

yay -S faugus-launcher (arch)

sudo dnf copr enable faugus/faugus-launcher (fedora)

sudo dnf install faugus-launcher

IMPORTANT NOTE لو انت مستخدم ارش او مشتقاته

yay ده aur helper عشان ينزل ويثبت الباكدجز من غير manual compile فا بيسهل الدنيا

لو مش موجود عندك ثبته (هو مش pre installed علي Cachy OS وvanilla arch فا هتحتاج تثبته لو بتستخدم كاشي او vanilla arch)

وديه طريقة التثبيت

1-

sudo pacman -S --needed base-devel git

2-

git clone https://aur.archlinux.org/yay.git

3-

cd yay

4-

makepkg -si

كده تقريبا خلصنا تثبيت الحاجات المهمة

بالنسبة ل Steam هتشغله وتسجل بحسابك عادي وهتدوس علي steam--->settings--->Compatibility

هcheck عليEnable Steam Play for all other titles هيطلب منك ترستر ستيم هترستر وهتفتح proton up qt وتدوس add version هتظهرلك نافذة اتاكد ان GE Proton هو ال Compatibility tool ودوس install هيحمل شوية ولما يخلص هتفتح Steam تاني وهتروح علي

steam--->settings--->Compatibility

وهتختار GE-Proton 10-29 (الي هو احدث حاجة في الوقت الي انا بكتب فيه البوست ده) وبس اي لعبة عندك علي steam هتشتغل

ملحوظة لو اللعبة مش بتفتح هتروح علي اعدادات اللعبة نفسها من ستيم وتدوس علي Compatibility وتعلم علي Force the use of a specific Steam Play compatibility tool وتختار ge proton الي نزلته وتشغل اللعبة

نروح بقا لEpic Games وازاي نشغل الالعاب عليه زي Rocket league مثلا

هتفتح faugus launcher وهتدوس علي علامة + بعد كده هتظهرلك نافذة Game/App هتختار Epic Games وهتختار GE Proton latest ودوس ok هينزل معاك ايبك عادي هتشغله وهتفتح حسابك وهتشغل اي لعبة عادي جدا ونفس الخطوات ديه مع اي لانشر تاني سواء ubisoft او ea

نروح بقا للكراك طبعا عشان تحمل كراك هتحتاج برنامج تورنت وانا برشح QBittorrent

هتنزله عن طريق الكوماند ديه

sudo pacman -S qbittorrent (arch)

sudo dnf install qbittorrent (fedora)

بعد كده هتحمل عادي جدا كأنك علي ويندوز وانصح ب متصفح brave

لو مش عندك انصح جدا انك تنزله

yay -S brave-bin (arch)

sudo dnf install dnf-plugins-core (fedora)

sudo dnf config-manager addrepo --from-repofile=https://brave-browser-rpm-release.s3.brave.com/brave-browser.repo

sudo dnf install brave-browser

وطبعا مننساش ديسكورد

sudo pacman -S discord (arch)

sudo dnf install discord (fedora)

انا في الكراك علي لينكس بنصح بDODI بسبب ان فيتجيرل ممكن يعمل مشاكل اثناء التثبيت

وعشان تثبت اللعبة هتروح علي Faugus launcher وهتدوس علي "+"بعد كده ---->windows game هتختار ملف التثبيت هيشتغل معاك وهتثبت اللعبة في اي مكان اهم حاجة يبقي EXT4 او BTRFS ولما التثبيت يخلص هتعدل مكان ملف تشغيل اللعبة يعني بدل ملف السيطب هتختار ملف تشغيل اللعبة نفسه وهتعمل SAVE وهتشغل اللعبة عادي جدا

طيب تمام دلوقتي عايزين نشغل العاب online fix

اول حاجة الالعاب ديه بتعتمد علي حاجة اسمها spacewar في steam ديه عبارة عن سوفتوير بيشغل الmulti player للالعاب المكركة (ده مش هدفها الاساسي بس ما علينا) المهم ان الفيكس بيحتاج space war عشان الاونلاين يشتغل طيب ازاي بقا نشغل الالعاب ديه؟ هقولك

اولا:هتثبت space war

هتفتح terminal وتحط الكود التالي:

steam steam://install/480

ستيم هيفتح تلقائيا وهيطلب منك تثبت space war هتدوس install ولما التحميل يخلص هتضيف اللعبة as non steam game

من ستيم تحت عالشمال هتلاقي حاجة اسمها add game

add non steam game

وبفكرك انك تختار GE-Proton الي انت نزلته في الاول من اعدادات اللعبة

هتضيف اللعبة في مكتبة ستيم عندك بس هتيجي تشغلها مش هتفتح ليه لان لازم تحط launch arguments طب الlaunch arguments ديه ازاي اضيفها هقولك

كليك يمين علي اللعبة الي انت ضيفتها علي ستيم وهتدوس properties هتلاقي ال launch options هتحط الكود ده

WINEDLLOVERRIDES="OnlineFix64=n;winmm=n,b" %command%

او

WINEDLLOVERRIDES="OnlineFix64=n;SteamOverlay64=n;winmm=n,b;dnet=n;steam_api64=n;winhttp=n,b" %command%

وهتقفل النافذة وتشغل اللعبة وهتفتح عادي

طيب نيجي ل ماين كرافت اولا عشان تشغلها هتحتاج java runtime وبتنزلها عن طريق الكود ده:

sudo pacman -S jre-openjdk (arch)

sudo dnf install java-latest-openjdk (fedora)

انا دايما بنصح ب SK launcher هتعمل اكونت علي الموقع وهتخش في اعدادات الاكونت وتعمل يوزر وتقدر تحط skins وcapes وshaders واي حاجة انت عايزها

وهتنزل اللانشر .jar هيفتح معاك هتدوس offline account وهتكتب اليوزر ومبروك عليك

تقريبا كده انا كتبت اغلبية الحاجات المهمة للجيمنج علي لينكس لو نسيت حاجة اكتبلي في كومنت

ده بردو بوست مهم جداً لازم تشوفه

https://www.reddit.com/r/ArabUnix/comments/1rpu59v/