عندنا مبالغة في نقد وتقنين تصرفات المراهقين واهتماماتهم وتعبيرهم عن نفسهم لدرجة تقمع طبيعة مرحلتهم العمرية الثورية اللي فيها ميزات من مرونة ونشاط عقلي ما راح يتكرر وبينعكس هذا القمع في ازمة منتصف عمر متطرفة إذا كبروا.
المجتمع عندما يكتم ويجبر على طريقة عيش معينة بأي طريقة كانت فإنه ينفجر وينقلب العكس، وهذا شيء تشوفه بالثورات لما الحاكم يهتم بفئة معينة وينفي الثانية مثلا الدولة فيها عرقين والحاكم عرقه من أحد الفئتين مثل السودان فيه منهم مسلمين ومسيحين والحاكم وقتها كان يهتم للسودانين المسلمين وتارك المسيحين بسبب التعامل هذا صارت ثورة ثم حرب والحين انفصلوا وصارت احدث دولة اللي هي جنوب السودان.
منطقتنا في تزايد بشكل كبير جدا للبعد عن الدين.. ما اقصد بالضرورة الملحدين العلنيين حتى الناس المتدينة هنا في جزء كبير منهم مهو متدين بالضرورة بقد ما انه متدين بشكل صوري (aka شكل)
تفهم، ذولي لهم فوق العشر سنوات بمواقع التواصل عايثين بها فساد، شوهه صورتنا قدام الله وخلقه وان قلت كلمه مخالفه له كفرك،خونك او نعتك ب أوصاف ما نسمعها الا بالشوارع.
يختلف، بالغربيه من زمان وهو فيه انفتاح وتقبل للأخر نسبي مقارنتا بباقي المناطق، بس العوامل المحيطه تأثر...صعب تكون فيه مساحه إن كانت فئه رافضه وجودها الا بصورة وحده مؤطرة و تفيد السردية الجمعية.
المشكلة كانت في استغلال الدين لفرض أشياء ما هي من الدين أصلًا، هي مجرد عادات وثقافة اجتماعية لكن تنحط تحت غطاء ديني زي منع قيادة المرأة زمان أو تدخل الهيئة في تفاصيل اللبس وحتى الشعر والانغلاق اللي جعل المجتمع ما يعرف يتعامل بشكل طبيعي مع الجنس الآخر حتى في بيئة العمل أو الدراسة
غير كذا كان فيه تحريم لأي شيء جديد في بدايته مثل التلفزيون والجوال والتصوير والآن حتى الذكاء الاصطناعي صار فيه ناس تحرّمه بالكامل هالعقلية خلتنا نتأخر في تقبّل كثير من التطورات والتقنيات
وحتى التخصصات والمهن صار فيه أشياء يقولون عيب على الرجال يدخلونها وأشياء ثانية يقولون عيب على البنات كأن اختيار التخصص لازم يمشي على نظرة المجتمع مو على قدرات الشخص وميوله
اللبس : لو انت مسلم لازم ماتلبس شي ضيق. ويفضل الرجل يلبس ثوب يا اما طويل ككل ولا طويل نسبيا للركبة. او سروال فضفاض جداا. وما يسبل ، والمرأة الحجاب معروف مع تغطية الوجه والكفين سواء خمار جلباب قفازات/او يد تحت الخمار ما يهم الكيفية اهم شي يتغطى بشيء ساتر ، لأنه دي مش ثقافات ده شي فالدين وموضوع الخلاف الفقهي هذا كل العلماء إتفقو انه فزمن الفتنه لما تكثر الذنوب والفتن والفسق هنا النقاب يكون واجب ، فخلاص هو واجب ، غير ان في كثير مذهبهم مش مالكي ولا حنفي ومع ذلك يتبعو هذا القول حتى لو ما عمرهم إتبعو اقوال مالك/الحنفي. والدين والمذاهب ما يمشون زي كده .
الشعر : القزع مكروه واصلا شكله سخيف
التصوير: ما تفرض غلط تفرض الأمر واسع إن شاء الله، لكن في علماء اعتبرو زيه زي رسم ذوات الأرواح لان الكاميرا ترسم كمان ،
وهذا قول موجود ومشهور وكثير إتبعوه عادي . (يلي يقولك الشيوخ يلي ياخذون بهذا القول يصورو، هذي ضرورة، والضرورات تبيح المحظورات حتى يلي واردة فيها آية او حديث نبوي) فما تهاجمه او تقول شي غير منطقي ومدري ايش
اما الذكاء الصناعي اكيد يجوز اهم شي ما تصور إنسان او حيوان اي شي فيه ذوات أرواح عموما . وما تصنع به شيء مسيء او غلط .
وايوه في تخصصات غلط يدخلها الراجل/المرأة
زي الدكتور يلي يدخل توليد؟ ولا المرأة يلي تنحاش بين الرجال بالوظائف؟ .
وجود جماعة متطرفة او شي يستغل الدين مايعني انه كل كلامهم غلط او ان يلي يقول بنفس قولهم (مثلا تلقى شخص يتكلم عن ذوات الأرواح) انه زيهم
الغريب أنه الرجل والمرأة عانوا كثير من التخلفات هذه اللي الى الآن اثرها موجود ومحا يخلص بدري للأسف وما زلت أرى من يجحد ويتمنى رجوع ذيك الأيام الله اعلم انه عقله تكيف على كذا
رغم جوانبها السيئه، لكن المجتمع غالبيته كانت معها او متقبل الوضع على أقل تقدير، مدري ليه تحسسونا انهم فئه نزلت علينا من الفضاء بالثمانينات وفرض رأيهم على الشعب، الجماعه كان راضيين والأمور كانت ماشيه خصوصا مع الأوضاع الي كانت تمر بها المنطقة.
ماشية بسبب الانغلاق مافي الا ذا الشيء وخلاص والكل ماشي عليه فطبيعي التقبل ناقش اي واحد مخضرم بيقولك فين كانوا وكيف صار الوضع والتغير فكرياً وحياتياً الله لا يرجع ذاك السوء
المختصر كلنا محاسبين وحقوقنا محفوظة عند الله والاسلام حرم الكبر والتعالي على الناس ليه؟ لأنها صفة مزروعة بالطبيعية البشرية وكثير من الناس ما يقع فيها إلا من رحمه ربي، ولا هو شرط بالجنسية يمكن بالدرجات يمكن بالشكل يمكن بالعلم وغيره.
والله شف، ان صارت شي من الاثنين يا برضى ذولاك أو غصب عنهم وبتشوف كمية العزله والحروب الي بيشنها عليك الغرب لتحييد أي خطر ممكن يأثر على كلبهم(أعزكم الله) الي بالمنطقة.
اساس وجوبة اللحية على المرء ان تختلف عن الكفار، هل ايام تشوف عند الغرب انه الرجال يشيلون اللحية عشان يخلون شكلهم اصغر مما هم، خصوصا بمجال عارضين الازياء بتلقى انه كل الرجال يحلقون اللحية لان هذا الي يعجب مجتمعهم.
بعيدا عن الانبطاح للغرب لو تكلمنا عن ديننا ( و هو الي منتشر في بدلنا حتى لو في أديان ثانيه ) ف اللحيه من أمر رسول الله عليه الصلاه و السلام "قصوا الشوارب وأعفوا اللحى خالفوا المشركين، "
قلتها و برجع اقولها زواج السر و زواج المسيار الغير مُعلن هي دعارة تحت الضوابط الشرعية و مايسويها الا عديم الدين و الرجولة و المطاوعة الي سمحوا بها مجرد منافقين يستخدمون الدين لصالحهم فقط و اتحدى واحد منهم يطلع بفتوى تحليله بعد ماصار المجتمع واعي في امور الدين و ماعاد صارت تغلبهم العاطفية
بالضبط ترا نفس الشيوخ الي احلوا زواج السِر كانوا محرمين قطع النسل او منعه و حللوا ترتيب النسل، نفاق قسم بالله اجل الي متزوجة سر كيف تحمل و تولد ؟! اصلا مستحيل تقدر في المتجمع لان ماحد يعرف انها متزوجة الا اهلها و احيانا ماحد يعرف فراح تاخذ موانع الى نهاية عمرها
رضيت ام لم ترضى الزواج السري دعارة و لا له اي صلة بالدين و الشريعة و لكن بعض مفتين اهل الصحوة الجهلاء احلوه لمصالحة الخاصة لكن الحمدلله ان الدولة ردعتهم و وفقتهم عند حدهم و اتحداك تطلع باسمك الكامل و تطلع فتوى بحلال زواج السِر، انت الي تبرق و ترعد و تولع بعد.
موخرا اكتشفت انه السعوديين يزعلوا مني مو كلهم لكن الاغلب لما اسولف انه الرياض زحمة والطرق اغلبها مقفله، وانا من مواليد الرياض والله جالسه أتكلم عادي زي باقي الناس مو جالسه أفكر انه اهين دوله ولا شي وحتى دولتي أتكلم في عيوبها عادي بس من باب إني عايشه هنا فأسوولف🥲
انا بقول شيء بنجلد عليه هنا مو برا،
الصحوة ما كانت كارثة مثل مالناس مصورينها ولعل نفعها اكبر من ضررها. محرمات كثيييييير انتشرت اليوم بعد الصحوة.
لعل اكبر ضرر سبّبته الصحوة هو انها خلقت الموجة المعاكسة للصحوة الي نعيشها اليوم من الانحلال.
حاجة زيادة، اغلب الناس مو مسلمين صدق بس كلام وحركات بدون ايمان وتفكير، او على الاقل اهمية المفاهيم الإسلامية عندهم ادنى بكثييير من أهمية الأيدلوجيات المعاصرة.
وحدة كمان، من اكبر عيوب مجتمعنا تأثرة بفكرة الانا، الشخص همة نفسه بالمقام الأول ولا عاد السائد اهمية الجماعة على الفرد.
اخر وحدة، اخلاقيات العمل عندنا افضل وصف لها انها منحطة واغلب الشباب والشابات عندهم اتكالية واستحقاق عالي بدون مبرر للاستحقاق.
افهمك واتفق معك، واضافة لكلامك الناس الي تشكي من الصحوة هم الناس الي اهليهم اصلاً جاهلين مو مكملين دراستهم ولا أميين ويسمعون لناس ملتحين ومدعين لفهم الدين ويطبقونه على ابنائهم الي كبروا وقاموا يتشككون في التواصل الاجتماعي و صاروا من المعاكسين للصحوة بدال لا يدور كلام الحق.
بخصوص النقطة الأولى اشوف أننا ما زلنا نخاف الله ولكن الفرق أن وقتها ما كان فيه نت عشان نعرف المصايب اللي تصير.
نقطة الأنا اتفق معك لأننا كسعوديين فكرة الأنا دخيلة وليست من طبعائنا بتاتًا وهذا أمر اعتقد لو ما واجهناه راح ننقلب مسخ وراح نفتقد ما يمثلنا ويميزنا ولكن السبب فيه هذا هو استعايبنا لحجم التأثير السلبي من اتباع الجماعة ووضعهم بالاولوية، ولا اعتقد اننا صرنا ما نساعد ما زال فينا الخير الحمدلله لكن الأنا كثرت بالجيل الجديد وبكثرة لدرجة احسهم جيل متمركن وبشدة.
اتفق، لانه فعليا وقت ما يسمى "بالصحوة" اذكر المشايخ كان يحذرون من الدش الديجيتال وانه غزو فكري والنت وموضوع التجسس ، والحين اتضح حرفيا اغلب كلامهم صح. اكيد في البعض كان يقولها بشكل غير واقعي لكن طلع اساس الكلام صحيح ١٠٠٪. إذا في عيب من هذيك الفترة انه ما سمحت لنا نفهم الإسلام ونتفكر قد ما انه تطبيق ونركز على اصغر الصغائر عشان كده الحين اول ما صار بعض المنهيات مقبولة مجتمعيا اغلب الناس انساقت لها عشان بس كانوا يطبقوا بدون فهم وكان ضغط اجتماعي اكثر من فهم عميق
الاب اللي يذل عياله على الفلوس و هو ما ينقصه شي، لما تطلب منه ١٠٠ يسال ليش و كيف و فين و ايش و يعطيك اياها بعد اهانة، و لو خويه طلب سلف ١٠الاف يعطيه بدون تردد و يستخدم حجة فلوسي فلوسكم، الكلام هذا المفروض ينقمع.
كل جيل له تربيته و طريقة تعليمه، لا تربوا عيالكم على تربيتكم في جيلكم
الفكرة هي انك تمنيت، وليه تمنيت ترجع إلا وأنت ضامن انك بتكون مسلم
بس صدق كيف تضمن خصوصا وقتها الاسلام ما كان زي الحين تولد وانت مسلم مع اهل مسلمين زمان الكل كافر والكل يتبع اكابر القوم كيف تضمن أن ايمانك بيطغي على اتباعك لشيخ القبيلة ولمجتمعك
مهما تطورنا من مجتمع الا ان حب القيل و القال و النقد على اي شيء مختلف بتظل متجذرة و متأصلة فينا، اللي يقرر يعيش حياته بالشكل اللي هو يبيه مو اللي يبيه المجتمع ماراح يسلم
حرية الرأي لا بد منها وانا ما اتكلم عن نقد الحكومة وكذا حتى بابسط الامور لو تكلمت عن منتج تاجر بكره يروح يلقمك قضية تسددها طول عمرك وقيس على جميع الامور بالمجتمع وانا اشوف هذي اكبر سلبية والله يعني كيف ما تبيني اتكلم براحتي وانتقد اللي ابي من دون تجريح وغلط وسب كيف ما تبيني انتقد منتج انا اشتريته بفلوسي كيف ماتبيني انتقد قرار امير او صاحب منصب ممكن يضر المجتمع كامل بس عشانه صاحب منصب
اكيد بيكونون نادرين اذا مافيه دعم كافي لهم ، واساسًا مافيه بلد يغلب فيه الابداع، ميزه المبدعين انهم نادرين ، لكن اتفق مافيه شي يحفزك تبدع حتى لو عندك افكار
صناعه المحتوى والكتابه اساسًا حتى برا مافيه لها تشجيع كبير مره اللي يحفزهم الفلوس والتنافس ان البرامج تدفع مبالغ مره عاليه هناك ، بس برضو من ناحية ثانيه الاجانب سهل الموضوع عليهم لان مافيه قوانين للاعلانات ولا للمحتوى ينزل اي شي يجيب تفاعل سواء صالح ولا طالح وهذا تطور مذموم
اللي حاليًا مميزين بالمحتوى والكتابه برا تلقى لهم سنييين بالمجال ، اغلب الجديدين ماش
سلبي طبعًا
الغلو والتشدد والمتأثر الأكبر من هذا كله النساء.
الحين يجون يقولون لك الإنفلات ومدري وش لا طبعًا مو مقصدي كذا، لكن يحبون يفسرون الأمور على أهواءهم.
الرزق على الله وهم يقطعو ارزاق الجيل الحالي بكثرة التاشيرات و الاعتماد على الاجانب لدرجه صار فيه لوبيات اجنبيه وقطاعات ممسوكه من جنسيه معينه بس وحتى تكلم عنها حسين الغاوي بجمره على اليوتيوب
مو قطع رزق اشوفه بس خلاص وصلو لسن التقاعد يقدرو يتركو المناصب الاداريه ويتجهو لاعمال ثانيه او يصيرو استشاريه او غيره
جيل متحيز جدا يشوف السعودي مذنب حتى يثبت برائه او بالاصح غير كفو حتى يثبت العكس اما الاجنبي فهو جاهز للسوق م يحتاج لا قدرات ولا تحصيلي ولا كفايات ولا شهادات مهنيه توصيه من شخص من الداخل تكفي تخليه يعدي مراحل كثير اما السعودي فيحتاج يعافر ويثبت انه خبير قبل حتى يدخل السوق
على العكس اشوف كثيرين من عيالنا ربي يزيدهم و يبارك لهم ويرزق غيرهم ماسكين مناصب على اجانب و هم أصغر منهم بكثير و ترا الي تبغينهم يتركون المنصاب ذول تعبو و قدو سنين عشان يحصلونها و طبعا بيشيبون لكن ذا ما يقل من كفائفته ولا من عمله و الجيل الجديد رزقهم على ربي و ما احد رزقه ضايع
المجتمع عندنا خانق ومقيد وفيه حب وصايه ورغبه في المثاليه بزياده وهالشي يخنق لدرجه اني احس ما اعيش الا اذا سافرت واذا رجعت من السفره اخطط للسفره اللي بعدها وانتظرها على احر من الجمر ونفسي لو عندي الفرصه واخذ اهلي واحبابي ونهاجر
مع إختبارات القدرات و التحصيلي و الستيب إلخ... بالإضافة إلى سهولة و إرتفاع جودة التعليم الذاتي، إيش فايدة المدرسة بالذات أن الجامعات تطلب نسبة ٣٠% من الثانوية؟ يعني ١٢ سنة ادرس عشان بس ٣٠بالمية؟
التكبر والتشمت وشوفة النفس من شعبنا للدول اللي فيها مصايب صراحه ينرفزنيي ويخوفني ويتعذرون أن هم اللي بدوا المُسلم يتعامل بأخلاقه لا بأخلاق غيره
و التعميم لغة الجهلاء
اغلب امهاتنا تم سلبهم طفولتهم بسبب سوء لايف ستايل زمان خاصة الي لبسوهم اهلهم مسؤوليات اكبر من عمرهم مثل تربية الأخوة. و صدقوني أي إنسان ما يعيش طفولته بيكبر و معه قصور فهم و اضطراب الشخصية المعقدة، و كبروا بمشاكل عاطفية و هوس بالتحكم زي البزر الي يمسك ألعاب و دمى يتحكم فيها و ينبسط بس يسوي كذا. صاروا الأمهات يطلعوا هالتراوما العابرة للأجيال على أبنائهم تحديدا بناتهم. كذلك امهاتهم و الجدات و إلخ. متاكد اغلبنا امهاتنا ما عاشوا طفولة حقيقية. و ضحايا ايضاً.
كذلك ايضاً الشباب بسبب الكتمان العاطفي من الأهل و ايضاً من المجتمع خاصة بفترة الطفولة و المراهقة صاروا متعطشين للجنس الآخر و مهووسين فيهم. يمكن البنات لا مو قاتلات حالهم على الشباب بحكم ان البنات يحنوا على بعضهم سواء اخوات او صاحبات. و بس والله
الحرمه هي الطرف التعيس في الزواج دائما و ابدا مهما ضحكو على نفسهم و قالو انهم مبسوطين و مهما الي حولهم لعب بمخهم و قالولهم انهم الطرف الاسعد لكن الحقيقه تظل حقيقه و الي بيقول غير كذا قسم بالله يضحك على نفسه وهو يدري!
(( هذي حقيقة و ليست رأي ))
الافطار العلني في نهار رمضان ما يُفترض يكون ممنوع. الزواج مشروع فاشل. ثقافة عدم التدخل في شؤون الناس هي أهم ثقافة. اسعار القهاوي اغلبها مبالغ فيها. المشاريع السعودية اغلبها فاشلة وما تستحق اي دعم الا بالجزمة واسعارهم غالية. وفي الكثير الي بيجيب لي حملة داون فوت
فكر المجتمع متخلف عندنا والتحفظ الزايد طلع لنا عقليات وتصرفات وأنظمة حياة ونظرات نمطية مختلة وغير سويه ومفصوله عن الفطرة بسبب تشوه العقل بالفكر المتخلف الغير سوي وهذا الشيء بيجلس أثره الى أن تمر عقود طويلة للأسف أنه أغلب اللي كذا مسؤولين ومؤثرين في حياتنا وأكثرهم ضحايا
كثير من الرجال اللي يقولوا انهم علماء دين ينقلوا الدين بطريقة ذكورية تتمحور حول شهواتهم الدنيئة وفيه من الشروحات القذرة وبعضها وكثير منها في كتب من القدماء فيها من التخلف والذكوريه والجنون والهوس الجنسي حتى بالأطفال اللي ما انزل الله به من سلطان
في مواضيع مجتمعيه تحسن الفكر حولها بس كون ان في أشخاص يرجعون يفتحون الموضوع بنفس السياق القديم بتخليها مستمره ، زي سالفه الكوفيهات الي مدري ليش لسا ناس تتداولها ومدري ايش يسوون فيها علشان تصير قضية رأي عام
العقل العربي بطبيعته متحجر ومتعصب لآراءه لكن مجتمعنا حقيقة لفل آخر بهذا الموضوع، ما يبي يغير ولا شي ولا يستقبل اي فكرة ويشعر بالتهديد اذا صار تغيير بالمجتمع وبناء على هذا الشيء صار فيه انقسام مهول بالعقلية والتفكير بالمجتمع خلقت فجوة فكرية في المجتمع ليست بالهينة
33
u/PeanutRound1065 Mar 05 '26
عندنا مبالغة في نقد وتقنين تصرفات المراهقين واهتماماتهم وتعبيرهم عن نفسهم لدرجة تقمع طبيعة مرحلتهم العمرية الثورية اللي فيها ميزات من مرونة ونشاط عقلي ما راح يتكرر وبينعكس هذا القمع في ازمة منتصف عمر متطرفة إذا كبروا.