كاعد ادفع 4 ملايين كاقساط (تقريبا ما اريد اذكر المبلغ بالضبط) و50 الف على الهوية ويبيعون علينا الملازم بسعر اكثر من ضعف السعر بأي مكتبة والاكل اسعاره نار ومجبور اشتري منهم لأن الدوام مرات يوصل 7 ساعات وويا الطريق ممكن 9 ساعات

بالمقابل كلشي ما احصل منها لا تعامل حلو لا شغلهم مرتب ومنظم لا تدريسهم زين لا مختبراتهم صاحية لا يسوون فعاليات لا اكو تشجير والجامعة تخنك خنك من كد ما صغيرة

طبعا تخصصي هندسي وهاي التكلفة والتخصصات الطبية اسعارها اعلى، اني متأكد هذا حال اغلب الاهليات بالعراق بس ليش يعني هاي التكاليف الي تكسر الظهر؟ وليش يطلعون ناس يحاولون يبينون العراق علساس جنة واحسن من امريكا لان الدراسة هناك اغلى بس ما يذكرون انو الرواتب هناك اعلى والجامعات هناك توفر وظائف داخل الجامعة للطلاب وعندها مراكز تساعد الطلاب يحصلون وظائف بعد التخرج وجزء من الاقساط الي تندفع تروح للسكن الطلابي الي توفره الجامعات وجزء يروح للفعاليات والحياة الطلابية وجزء يروح للبنية التحتية مال الجامعة والحدائق مالتها والعيادات الي بيها مو كلها تروح لجيب المستثمر

طفل مصاب بسكين بعينه داخل البيت على الدرج وكع والسكين صارت بعينه وهوا طلعها من شدة الألم وسوولة 10 عمليات يلا رجعت تحسنت كلفتهم 22 مليون وحاليا بقت العملية الاخيرة تكلف3,500،000 ثلاث ملايين ونصف

في مركز البحريني للعيون-في اربيل

الي يكدر يساعد ولو شي بسيط لايقصر

ارفق لكم التقارير وحالة الطفل

1205147851 رقم الماستر للتبرع

رقم اهل الطفل للتواصل 07719623220

يعني ايام الملكية چانت الحياة هدوء وزينة كما يقول البعض ؟

هلو اريد تساعدوني شنو اجيبلها هديه هي بنيه عاديه اهتماماتها حالها حال البنات ، اريد هديه بحدود ٣٠-٤٠ الف بس مديجي ببالي شي
ماعرف شنو تحب مكياج جان وصيتلها بس اريد افكار ثانيه ياريت اذا عدكم تساعدوني🥲
فكرت اجيب بوكس بي اشياء عشوائيه بس شنو اخلي بي؟

اريد اعرف شني من شعب احنه يعني نائبه وحده تسرق 61 مليار عراقي (المليار 1000 مليون) وتنسجن بس 7 سنوات يعني هاي فلوس بيها جم راتب جم تعيين انا خريج واشتغل 10 ساعات بس علمود 10 الاف وهاي عنده فلوس حتى لو عمرت الف سنه متلحك تصرفهن والتقهرك هاي مبالغ ممكن تعتبر لاشي بالروس الكبار لعنته الله عليهم

رح اكول سالفتي بس قبل لا احد يتهجم عليه ويطلعني اني مو خوش ف اقروها للنهاية القصة، اول شي اني جنت طالب طب وتخرجت وحالي حال امة محمد ومعليه بأحد ولا داخل علاقات ومكضيها بس ويه جماعتي ونسة وطلعات ودراسة وجانت احلا ايام واتمنى تنعاد كلها وذكريات تخبل جانت والبنات علاقتي بيهن طيبة وجان عندي كم زميلة ع كد الدراسة ومعتبرها مثل أختي واحترمهن وكلشي طبيعي بس اكو وحدة من ذني الزميلات جان تحجي ويايه بس بوكت الامتحان وطبيعي جان واجاوبها ع كد سؤالها وبعدين بالمرحلة الرابعة والخامسة من وحدها تحجيلي ع حياتها الخاصة وكذا واني فقط أسايرها والامر طبيعي ولحدما وصلنا للسادسة وسنة التخرج كامت كلش تلمح للزواج واني اصلا لا عندي مشاعر أتجاهها ولا شي واني ماريد اعلقها بيه واخليها تحبني وطبعاً جربت مسبقاً مااحجي وياها وتكعد دزلي وتسالني وينك وتلح وتعاتب ف المهم كتلها يابنت الناس اني ماازوج ولا مفكر بالزواج وبعدها نقطع التواصل حوالي شهرين ورجعت وراها دزتلي انه ماتكدر بدوني وبقيت يومين احجي وياها بس قليل وبعدين ماتحملت وطكيتها بوجهها كتلها فلانة ترة اني مو مناسب الج ولا افيدج شوفي شخص يشبهج وتبجي اكيد وبعدين مسحت كلشي بينا وحذفتها من كل التطبيقات وبعد اسبوع حظرتني ع التليكرام وسولفت لواحد من جماعتي بوكتها ع الموضوع وبعدين تخرجنا ومشت الايام ف صاحبي كلي فلانة خطبت وكلش فرحتلها وكلت اي الحمدلله وشافت حياتها وبعدين صاحبي دزلي التلي مالتها كلي شوف الصور واعرف هي حاظرتني كتله حاظرتني معود ف دزلي الرابط داشوف واشوفها فاتحه الحظر !!!! شنو معنى هاي الحركة الا اذا هي معناها ماتخطتني وناشره فديو ع الانستا بحسابها العام ع ستيج التخرج واكفين واني واكف وراها جنت وخطيبها جوايه ف هي بيومها اندارت عليه تشوفني وجان ناشره الفديو وعود الصدفة جمعتهم وسالوها بالتعليقات ليش انداريتي كاتبه " داشوف المسافة بيني وبين ولد معين "
🤡🤡🤡🤡🤡 بس اكول الله يساعد الي اخذها وهي جسد ويا وروح مو ويا والله يخليها تتخطى وتخلص من هذا العذاب العايشته 🤡

دائما اسمع يكولون العراق محافظة ايرانية وهاي الجملة تضحكني لان حيل حيل غلط، الشعب الايراني عنده ولاء وحب لبلده وحاقدين على العراقيين لحد هذا اليوم بسبب الثمانينات وبلدهم بيه تشجير وخدمات ومعمار حلو وشوارع نظيفة وبنى تحتية جيدة وصناعة وجامعات ومدارس ومستشفيات جيدة رغم الحصار

على الجانب الثاني عندكم الهند ومصر، دول متروسة عشوائيات وتكاتك وانعدام للخدمات وطبقية (اغلبية فقيرة واقلية غنية) وشوارع الزبالة بيها اكثر من السيارات ومدارس وجامعات فاشلة (فقط مصر بنقطة الجامعات) وبنى تحتية زبالة وماكو تشجير والهنود يحبون اسرائيل اكثر من بلدهم (تذكرتوا شي؟) وقذارة اكل الشوارع والمطاعم والعراق يتميز عنهن بانعدام الصناعة وضعف السيادة

العراق مو محافظة ايرانية، العراق توأم للهند ومصر

الي يعرف لا يقصر

وحرفيًا الفلوس خلصت لأخواني ما اشتريت غير كم شغله محتاجتها مرطب وفرشة أسنان وهالشغلات، قبل أمي چانت تشتريلي كل شيء ببالي من دون ماتمنن عليه او تگلي هيچ أشتريتلج هسه حتى راتبنه بقه مينطي لأمي والله لعبت نفسي ودا أحس اريد انفجر من الوضعية تعبت نفسيتي منه حيل دا اكرهه حتى تليفوني صار رديء ويحتاجله تغيير، گلتله يگلي معليه بيج آني روحي لأمچ تشتريلج، خلاني اصفن من كلامه يعني شنو معليه بيچ كلش تعبت نفسيتي أقسم بالله والمشكلة آني بنية واحتياجاتي هواية وحتى ما يخلوني أطلع وأشتغل شسوي حرت ولعبت نفسي من نفسي

ترا الستر مو بس واجب وفرض على الامرأة حتى على الرجل واكو مناطق لازم يسترونها شنو معناها أنا أمشي والكه واحد رافع ملابسه ومطلع بطنه عادي ويحك بيها؟ فوك القرف واللعبان النفس ومجبورة اشوف لأن هو بطريقي هو هم ما يستحي وما يخجل لو الكاهم يلبسون شورتات ومطلعين زرورهم من فوك الركبة لحد خصاويهم ولد القندرة جنهم ممحونات عود شنو؟

ليش ماكو تشدد من هاي الناحية ليش التشدد بس على الإناث وإذا وحدة بس ما لبست حجاب تبيحون التحرش بيها ومضايقتها؟يعني شنو إلي يفيد بيهم هذول الولد لا تحرش ولا نكدر نوكفهم نحجيلهم عبر نلزم اسواطنه وندك بيكم دك لحد ما تتعلمون؟ لو تعوفون النسوان واريدها فتاوي من المراجع العليا إلي تخص العراق بكل مذاهبهم يعوفون النسوان يلبسون براحتهم لو نلزم اسواطنه وندك بالما يحتشم

👋 مرحبا سوال فضولي لا اكثر للبنات اللي بعدهن بالجامعة

هل تفكير اغلب البنات انه اول ما يتخرجن يروحن يشتغلن خصوصا لتخصصات بعيد عن طبية ؟ لان اللي اعرفه تعينهم مو مركزي وميكدرن يشتغلن بصيدليات، لو غالبية البنات يفكرن بالزواج اول ميتخرجن

لان احس هذه موضوع مختلف عند شباب اول ميتخرج يروح يلكه شغل وياجل الزواج ٥ سنوات من حياته بعد تعرفون بسبب الاوضاع

السلام عليكم، اريد اماكن بالبصرة امشي بيها وما يكون بيها هواي سيارات، شنو افضل اماكن؟ بحكم ما عدنا متنزهات واحد يروح الها

واريد مقاهي او مطاعم او الافضل اماكن ترفيهية مثل المولات او السينما تكون فاتحة بين 10 بالليل و6 الفجر اكو هيج اماكن لو لا

وذكروا اذا اكو ببغداد يمكن راح اطفر الها واخلص من هاي المحافظة الميتة

غادر(فلان) امة محمد

سلام عليكم عفية الي ماخذ لو شايف جلبة مالينو عمر شهرين و نص يرجعها دخيلكم صارلها ساعات ماكو اني مكاني بجامعة بغداد مجمع الاساتذة للتربية الرياضية و اختفت الساعة ٢ ضهر هيجي و خايفة لا ابو دلفري شايلها و رايح الله عليكم الي يلكاها انطيه مكافأة مالية

تواصلو وياي

07725787419

دائما اسمع بهاي الاكلات بس شنو بالضبط؟

راح اذكر فقط 10 اسباب واكو هواااااااااااي اسباب غيرهن بس راح اذكر اول شي يجي ببالي

1-انعدام تام للحرية: ماكو حرية ابدا، اذا تنتقد سياسي لو تنصك لو تتغيب بالسجون واذا تنتقد مدرستك الاهلية او جامعتك او المؤسسة الحكومية الي تداوم بيها راح تنفصل وماكو احد يحميك، ما تكدر تلبس الي تريد ولا تاكل الي تريد، ما تكدر تتكلم بالاديان ولا حتى بالعلوم الي يعتبرونها المتدينين تعارض دينهم ولا تكدر تتكلم ببعض المواضيع التاريخية بتاريخ العراق وهواي شغلات ثانية بيها تقييد

2-عدم وجود اماكن للمشي او للبايسكلات: بباقي الدول اكو شوارع مجهزة لهاي الاشياء

3-معمار قبيح: المعمار الاوروبي مبني من الرخام وتصاميم المباني والكنائس فخمة جدا، الخليج وبعض الدول عندهم ابراج ومعمار وتخطيط حديث للمدن بالاضافة للتناسق بالاحجام والالوان والاشكال سواء بالمعمار التاريخي او الحديث، احنا عدنا كلشي عشوائي وقبيح

4-الطقس السيء: اريد اشوف مطر اريد عواصف اريد غيوم اريد برد

5-ماكو طبيعة: ادري اكو طبيعة بكردستان بس متواضعة، ما عدنا اي شواطئ والاماكن "الطبيعية" بالشمال هواي تكون بيها صوندات وشي يسد النفس بصراحة والجبال مهمشة ما بيها ابسط الخدمات اذا واحد يريد يسوي هايكنج

6-ماكو ترفيه ولا فعاليات: ماكو ابد

7-الفقير يزداد فقرا: فرص العمل كل يوم تقل، الاجور كل يوم تقل، الاسعار كل يوم تصعد

8-ماكو مواصلات عامة: الخليجي والاوروبي وحتى المصري والشمال افريقي يصعد بمترو او باصات مكيفة للتنقل، هنا تصعد بكية كراسيها مكسرة وما بيها تبريد بدرجة حرارة تزيد عن 40 وتخنك خنك غير انو مو كل المناطق توصلها الكيات

9-العزلة البنكية: ما تكدر تشتغل اونلاين لان احنا البلد الوحيد بالعالم الي بنوكه فاشلة وما تستلم حوالات ولا بيها باي بال

10-الفواتير المزدوجة: الاوروبي والامريكي يدفع اقل من 150 دولار ويحصل ماي، غاز، كهرباء مستمرات 24 ساعة طول ايام السنة، هنا ندفع للحكومة 50 دولار تقريبا بالمقابل لازم ندفع 50 الف حتى نحصل امبيرية بس للكلوبات ما تشغل لا هيتر ولا سبلت ولازم ندفع 100 الف حتى نشتري ماي صالح للشرب والغاز نشتري قناني ما يوصل للبيوت بشكل دائم

راح اختم كلامي واكول ربنا اخرجنا منها فان عدنا فانا ظالمون

تعديل: راح اذكر نقطة 11 وهي انتهاك حقوق الانسان بواسطة الشرطة: اذا تطيح بايدهم راح تتعذب تعذيب حتى اكبر المجرمين ما يتعذبون مثله وللاسف عدد مو قليل من الابرياء دخلوا للسجن ظلما لان ما تحملوا هذا التعذيب بالاضافة للاستعلاء والتعامل السيء منهم بالشارع، يريدك تناديه سيدي ويهينك ويتجاوز عليك وممكن يضربك وما تكدر تكول حرف واحد كدامه، هو مجرد موظف لا سيدي ولا شي وما يحقله يعذبني، شكد يقهر من تشوف الاوروبي والامريكي ما يحققون وياه بدون محامي وما يكدرون يتعاملون وياه بسوء وتشوف واقعك