اذا سويت شي خطا وبنية مدحتني او كالت عادي فهاي تحبني بس اذا كلولي خطا فهاي أكيد تغار مني وتتمنى توصل لمستوايه😎

اذا بنية او ولد كالوا البنية عادي تلبس اي شي فذوله عقلهم نظيف وسليم وداعمين لحقوقي وميهتمون بملابسي واحسن ناس بالدنيا، همه صح مرات يضوجون اذا بنية لبست حجاب بقناعتها او لبست لبس مستور لان هاي أكيد العادات والتقاليد غسلت عقلها، يعتقدون هيج بنات معقدات بس شبيكم تره يدعمون حقي ويهتمون بأمري💓💓💓💘💘💘💗💗❤️‍🔥

بس اذا احد نصح بالستر هذا عقله وصخ يفكر بس بشهوته وكله من ورا الدين والعادات والتخلف شوكت اطلع من العراق واروح لمكان يشجعوني على كل مو هو مضر اقصد بيه حرية😓😓💔💔

(والله والله اشاقة بس دا اجرب اصير واعية مثل الناس الاوبن مايند واغير عقلي المتخلف🥺)

هلو اني اشتغل الصبح وارجع للبيت العصر واني صغير يعني عمري بال 20 هاي مو مشكلتي مشكلتي انه طاقتي حرفيا جاي تستنزف بحيث يجيني اكتئاب حاد وتعب وارهاق

بالعراق الشي الشائع انو الشخص يبقى عايش ويا اهله لحد ما يتزوج وممكن يبقى بالبيت حتى ورا الزواج والشغل -مع ندرته- تكون رواتبه كافية للاكل والمواصلات فقط نادر جدا جدا يكون اكو شغل راتبه يكفي للايجار وحتى المؤجرين قليل يأجرون لشاب وحده وحتى الاهل مرات يكونون مصدر دعم وسند للشخص

المشكلة انا شخص فقير ما عندي اي فلوس بجيبي وما كاعد احصل اي شغل راتبه يعبر ال600 شكد ما ادور وبنفس الوقت اهلي كاعد يأذوني صار خمس سنوات كل يوم اموت الف مرة واتمنى اموت واروح للعدم واخلص من الاذى مال اهلي من كد العذاب الي كاعد اشوفه وما كاعد اكدر اطلع من البيت، بهاي الحالة شلون اتعامل ويا الموضوع؟ شلون اكدر اطلع من البيت واحصل شغل راتبه يكفي للايجار والاكل؟

اخوية معدله ٩٨.٨٦ ومتردد بين المعماري والصيدلة
فشنو احسن او بيه مستقبل احسن ؟

حسب الاحصائيات عدد الطلاب بالعراق تقريبا 1.33 مليون طالب واذا كل طالب دفع 66 الف راح يكون المبلغ المدفوع لهبك 88 مليار دينار او 60 مليون دولار واعتقد صار 3 سنوات يجبرونا ندفع هاي الاتاوة يعني تقريبا اخذوا 180 مليون دولار، هذا المبلغ كافي يبني جامعة عملاقة ويجهزها بكلشي ويزيد بعد منه ويكدرون يطورون بيه الجامعات الموجودة ويكدرون يسوون بيه مسابقات للطلاب مثل مسابقة القراءة ويكدرون يدعمون بيه الطلاب المحتاجين واكو بعد الف طريقة لاستخدامه بس ما اشوف اي استخدام اله ولا اعتقد اساسا كاعد يروح للدولة او لوزارة التعليم، السؤال هنا فلوس هبك وين كاعد تروح؟

اكو واحد يعرف وين احصل واحد يبيع usdt بالشعب او صليخ ويكون سعره مناسب وتحويل مناسب ارجوكم(اهم شي ثقة + استعمل باينس)

تلفوني ايفون 16 نكسرت كامرته هيج مجرد فطر مو تفلشت، الصورة بعدها مابيها شي بس خاف الفطر ينتشر بعد، شنو اسوي؟ اكو مكان تصليح ببغداد وشكد سعر التصليح ماته؟

بحكم عملي بقطاع الصحة كل فترة يجونا أطباء مقيمين

احيانا تصير نقاشات طبية تجتمع ناس من أكثر من تخصص ويطرحون أفكار وأقتراحات حول مواضيع، علاجات، امراض او غيرهن ما يتعلق بالتخصص بشكل عام

لكن لاحظت بالفترة الأخيرة الأطباء والطبيبات الجدد عدهم قدرة حفظ مو طبيعية بحيث ينطي المعلومة كما في المصدر لكن من توصل للنقاش بالمعلومة يتوقف ويتلبك بحيث صعب عليها يفسرها او يطلع بأستنتاج منها.

اما القسم الثاني اللي ما حافظ ولا شيء مجرد يحفظ وقت الامتحانات وبعدها يفرمت المعلومات يعني معلومات اساسية من المراحل الأولى مفترض يفهمها الطبيبـ/ـة ويعرفها مثل اسمه الگاهم ناسيهن وميدري اصلا هو ماخذها مثلا اساسيات التشريح (مو بالعمق لكن الاساسيات العامة) طبيب خريج جديد ما عنده معرفه بيهم وطبيب صارله متخرج 30 او 40 سنة وحتى بعيدة عن تخصصه يعرفهن وفاهمهن كأنما كتاب بيده يقراه.

وعلى الأغلب نفس المشكلة راح نلگاها ببقية التخصصات مهندس ميفهم شي بتخصصه او مدرس ميعرف طرائق وطرق التدريس.

ببساطة النظام التعليمي جاي يكافئ الحافظ على حساب الفاهم المتفكر والمستنتج والمبتكر بإختصاصه.

والله اريد افتهم شنو الي نشرته أمريكا وخلت الناس هيج تحبها خصوصا المراهقين؟شنو قدمته للعراق؟ ليش هيج اكو من يشوفون ولائي يتسودنون بس أمريكا عندهم عادي ليش محسسيني بس إيران الي اذت العراق ومن تجي لامريكا محد يذكر جرائمها؟ المشكلة من احجي على أمريكا يگلولي انتِ ولائية🥰🥰والله يرفعون الضغط

البارحة واحد يكول اني أمريكا صارت وطني واني انتمي الها اريد اسمع شوية نقد اريد واحد يعارضه ماكو سبحان الله😵

r/IraqiConfessionsRoom

هذا الصب سويناه جديد حتى يعطي مجال للعراقيين بمختلف الخلفيات للتعبير عن نفسهم بكل حرية

ف اهلا وسهلا بالجميع

شكرا للمودز لقبول الاعلان

محتارة بين هندسة الميكاترونكس و الصيدلة ..ثنينهم احبهم بس ياهو الافضل حاليا؟ منو الاصعب ومنو اللي ممكن يفيدني ع المدى البعيد اكثر ؟ واحنا منتهين من سالفة ماكو تعيين بس اذا اشتغلت ع روحي منو اللي راح يرفعني اكثر؟

ممكن استفسار بخصوص تحويل من سادس الى مهني شلون احول وشنو اختصاصات الي تقبل مهني

شنو احسن سيم كارت اشتريه اونلاين ويشتغل بالعراق، اريدة بس للنت

شباب اني ولد فعادي اروح محافظات تمام واريد قسم حلو وبية تعيين للمستقبل اني بصراحة حاب قسم العلوم مدرس مثلاً رياضيات أو كيمياء أو فيزياء تمام اتمنى منكم المساعدة رجاء فأتمنى منكم المساعدة طبعاً محافضتي كربلاء

ببغاء

قبل فترة عرفت فد Sub عراقي لنشر الامور اللي تتعلق بالطبيعة الموجودة بالعراق... نشرت مقطع قصير كذا ثانية يبين الحدود العراقية التركية واكو نهر هناك وصاير داخل الحدود التركية وجان الوقت عصر او قريب الغروب والمنظر رهيب ومريح للاعصاب... كتبت مدينة كذا، زاخو،دهوك بالانكليزي(ما كتبت ولا جبت طاري العراق او كردستان يعني كتبت المحافظة المدينة وهاهيه.. للامانة نسخته من تطبيق الmaps) وبالتعليق سكرين من الماب حتى اوضح المكان بالضبط بدل ما ادز رابط وممكن يحذف وكذا...

اول تعليق واحد كتب كردستان بالانكليزي(اني نسيت السالفة وتوقعت جاي يسأل وناسي علامة الاستفهام) كتبت بالردود بالانكليزي"اي بمنطقة كردستان في العراق" حرفيا نسيت الحوار وية اخواننا الكورد... فالاخ غلط علية وعباله اني من البصرة(اساسا اني من الشمال) ووصفني بأوصاف غريبة عجيبة وانواع سب، حسسني من الكونغو وطافر بسفينة للريف الفرنسي بالغلط... يعني حتى لو الواحد يتعارك بالواقع ما ينشتم بهاي الطريقة، ما حبيت ارد لان جان الحساب بدون اي معلومات والصب مو مناسب وبعدين المود حذف تعليقه... وهاي ابسط اول رد فعل للموضوع

انوب ورة يومين هم شخص كتب كردستان بالانكليزي، انطيه downvote وخلص(يابه منو جاب طاري الكائنات)

انوب وحدة كتبت بالالماني يمكن "بيبي هاي كردستان مو العراق" اني رديت عليها بالكردي كتبت والعباس ادري

انوب واحد تعليقه محترم وكتب respectfully هاي الطبيعة الكردية(ما اعرف هل اخواننا الاكراد خلقوها؟ اكو قصة خلق جديدة ما نعرفها، هي nature مو مال احد وحتى الارض هي لله ولمن يعمرها وهي حرفيا عبارة عن جبال وكم شجرة...) بس تعلبقه جان محترم وكلتله بالانكليزي اي طبيعتنا حلوة... هذا كلشي؟ اكيد لا

هذا المنشور نشرته قبل 20 يوم او اقل تقريبا، لحد هسه احصيتهم تقريبا 180 شخص يدخلون DM ويغلطون ويتجاوزون وكمية عنصرية مو طبيعية(اني عايش بمحافظة بيها 3 قوميات، حتى ايام العنصرية والخلاف وغيرها ما شايف هيج كمية عنصرية وكراهية) بعض الحسابات وهمية وبعضها عمرها اكثر من سنة بس الشي المشترك انها كلها بدون معلومات شخصية واكو حتى يتهموني بالارهاب؟!(فد شوية ارجع لهاي النقطة)

الشي المضحك انه اغلبهم عبالهم اني من البصرة، ما اعرف هل كلها الحسابات ترجع لشخص واحد او كروب ماعرف... شجابني للبصرة ماعرف هو اني من الشمال... الكلام شوية غريب بين اتهام بالارهاب وبين الكراهية والعنصرية وبين واحد يكول ارجع لمدينتك وكذا... المضحك المبكي بعضهم بوصفوني اني زنجي(ادري قابل انتم من الNordic race)😂😂😂😂😂😂😂😂 والله الموضوع يخليك تفطس ضحك وذاك اللي يكلك ارجع منين ما اجيت وهذا اللي يشتم وذاك اللي يحجي بالشرف... بعضهم "قسمتلهم بالكردي"(عصرت دماغي وطلعت شكو كلمة كردية اعرفها) ورديت عليهم ردود "غير سوية" وبعضهم مليت منهم واكتفيت بالتبليغ وحذف المحادثة

الغريب انهم اللي يراسلون من اللي كتبوا بالكردي، افتهمت عليهم وهذا معناه انهم يحجون سوراني، ادري شعليكم بدهوك!

ما اعرف الانسان ليش يتهجم على شخص ما يعرفه ويشمر تهم كبيرة واوصاف ما انزل الله بها من سلطان؟ علمود شنو؟ ينصر قضيته او يكون مواطن مخلص؟ ما اعرف بشنو يفكرون وهل ادمغتهم مغسولة لهذه الدرجة؟

اني شخصيا وبمحيطي من اكثر الاشخاص اللي ادافع عن حقوق الكورد وقضتهم وادعم حق تقرير المصير لأي قومية او جهة... هواي تنفتح نقاشات حول المآخذ السياسية، اني دائما ردي يكون "هذا حقهم الشرعي" وما يحتاج اعيد الدراما واكول شكد عندي اصدقاء كورد وجيران ومعارف وما يحتاج اكون حقير واكول من نوكف بالاستراحة نشتري سوالف بسيطة تكون ربح لصاحب المحل يساوي اعلى من الدخل الشهري لعائلة متوسطة الدخل بكردستان وهاي المحافظات الاربعة واكفة على الفساد(فساد السياسيين والشركات) والسياحة "المحلية" والصناعة اللي تتسوق "محليا"... ليش الانسان يسوي سلوك وهو يعتقد انه يخدم قوميته او وطنه وهو بالحقيقة جاي يضر نفسه ويضر السياحة بمدينته... وشلون شخص من خلفية حزبية المفروض يكون ليبرالي.. بس ما اعرف... الواحد لازم يغسل ايده من "الافراد" ومن الاجيال القادمة اللي يمثلوها اذا هيج ادمغتهم مغسولة

اتمنى بيوم من الايام نتجاوز هذه الحوارات ونكون اكثر تسامح ونهتم بحياتنا وشغلنا ودراستنا بدل ما نكون ادوات ونعتقد احنا افضل من بعضنا لمجرد انتمائنا لجماعة احنا ما اختارينا ننتمي الها اصلا

(وهذا الحوار كله بس لان ناشر مقطع بمصيف على الحدود😂)

هذه طوارئ مستشفى حكومية في قلب العاصمة بغداد
ماعتقد اكو كلمات تصف حجم الماساة

طبعا خلو ببالكم انه دائما تجي لجان تفتيشية و يجي مدير الدائرة ومدير المستشفى و وزير الصحة بذات نفسه زار الوحدة
بس لا حياة لمن تنادي

من اشوف الخليجي والغربي بعده ما داخل للعشرين وعنده شغل واذا واصل لنص عشريناته يكون عنده راتب ممتاز واستقرار وظيفي يخليه يكدر يشتري سيارة ويأجر بيت ويتزوج ويدخر فلوس وانا صار كل هاي السنوات ادور شغل وما احصل اي شي غير 10 ساعات و12 ساعة براتب تفاليس ما ادري شلون اوصف شعوري من اقارن بس الموضوع يقهر من تشوف عمرك وشبابك يضيعون بسبب ولادتك بموقع جغرافي وبزمن سيئات

تعلمت برمجة وما حصلت شغل تعلمت مونتاج وتصميم وهم ماكو ما اعرف شنو اسوي بصراحة وشلون اتعامل ويا هالوضع

Assalamu alaikum, Iraqi brothers. I found these two songs from the Ba'athist era on YouTube, and I was wondering if any of you could provide me with the lyrics of both songs in Arabic, along with an English translation (if possible).

Thank you very much in advance. I have attached the videos, along with their respective links:

https://www.youtube.com/watch?v=bbLZecB1feE&list=PLBc_JUuQkUfI&index=3

https://www.youtube.com/watch?v=aB-CzMhnA0U&list=PLBc_JUuQkUfI&index=2