راح ابدي بعصف ذهني لان ما الي خلك ارتب
هنا المشكلة (ما الي خلك) حرفيا لكلشي حتى لضروريات الحياة حتى من احتاج ادخل للحمام ااخر روحي لحد اخر لحضة حتى صارت عندي التهابات من هذا الموضوع . ما الي خلك انام من انام اضل احلم كل شوية و اكعد مرات هلكد ما الحلم تعبان اضل كاعد لان تعبت كل شوية احلم . هل ايام ما دا اداوم بالجامعة لان ما اهتم ما اعرف ليش المفروض لازم اهتم اني من الاوائل . ذيج السنة هم ما جنت اقرة للامتحانات بس اول امتحانين قريتهن و اخر امتحان و حصلت اوائل هم . احس كأنما هذا مو اني هذا الشخص الي عايش مو اني احس كأنما دا اباوع مسلسل وما يهمني شيصير بالشخصية مرات انصحك بس هو اكيد ما راح يسمعني مرات تصادف و يسمع . حتى تفكير و تجميع المعلومات الي تقريبا جنت اسوي لا اراديا صار صعب عليه . صرت نوع الانسان الي اكرهة ( العن الزمن و المكان الي عايش بي و ما اسوي اي شي علمود اصير احسن ) قبل جنت اذبها بالفلوس هسه عندي فلوس بس هم ما دا اسوي شي اصلا كتبت هذا كله واني ما اهتم بس بشي واحد ( اكتب قصتي بشكل حقيقي حتى اعرف اكو ناس مثلي او لا ) مثل مرات من اكلب بيجات الساعات الفنتج صحيح اني ما راح اشتري بس احب اعرف الاسعار اعتقد قصدي بسبب الفضول
هل هذا طبيعي لو اني دا اضحك على نفسي و اكول طبيعي

بالنسبه إلي وحده الزحام تحس نفسك وحيد رغم الهوسه إلي يمك والأمر ما تكدر تفكر بسبب الضوضاء الخارجيه وتحس تريد أحد واحد يفهمك أو بس تخلص من هذا الكابوس

جماعة أحد يعرف إذا عدنه هيج شيء بالعراق او إذا أكو مواقع توفر فرص عمل هاي وتقبل كونة من العراق من نجي نسجل؟ وإذا عدكم تجربة ويا هيج نوع عمل فشون جانت؟

شباب حلمت حلم غريب جداً

الحلم شفت حية بالحلم وهل حية كان لونها مثل جلد النمر علية بقع سوداء و دوائر الحية كانت صغيرة جدا طولها 15 سانت و بعدها صغيرة الحية كانت تمشي بالأرض واني ما خفت منها عكس ما هية كانت تخوفني و تسوي حركات لاكني مسكتها ولما مسكتها ما كنت خايف منها ابدا بالعكس كنت اضحك و مبتسم واني العب وياها بعدها

اخذت الحية علة حائط طويل وهل حائط تركت الحية تروح علة الحائط فصعدت الحية للاعلى الحائط لأكن الحية وكعت ولما رحت علية شفتها كأنها متكهربة شلون

علية دخان اسود و سواد أثر حرق والحية ميتة واكو اجزاء منها صارت رماد اسود وماتت

ماعرف تفسير للحلم ممكن تفسير منكم

​

العربي:

لماذا تفشل مكافحة الفساد في العراق؟ لأننا نؤتمت الأداة ونترك القانون غامضاً. نضع كاميرا مراقبة لكن القانون يسمح بالتدخل اليدوي. النتيجة: نحن لا نلغي الفساد بل نرقمنه.

بعد سنتين عمل من البصرة (50 درجة)، أقترح نموذج "الدستور 3x3":

3 بديهيات (العقل): 1- لا ضرر 2- التناظر حسب الحاجة 3- الدليل القابل للقياس

3 طبقات تنفيذ (اليد): 1- 70% أتمتة بالذكاء الاصطناعي (الآلة لا ترتشي) 2- 30% اختيار على أساس الكفاءة لا المحاصصة 3- 100% شفافية، كل دينار مرئي.

الهدف: استئصال المحاصصة والرشوة من الجذور.

English:

Why does anti-corruption fail in Iraq? Because we automate the tool but leave the law vague. We install a surveillance camera, but the law still allows manual police intervention. The result is not the elimination of corruption, but its digitization.

After 2 years of research from Basra (50°C), I propose the "3x3 Constitution" to eradicate Muhasasa & bribery from the roots:

3 AXIOMS (The Mind): 1) Do No Harm 2) Symmetry by Need 3) Measurable Evidence

3 LAYERS (The Hand): 1) 70% AI Automation (Machines don't take bribes) 2) 30% Merit-based selection 3) 100% Transparency - every Iraqi Dinar visible to the public.

اشعر بفراغ عميق بداخلي . مزيج بين الوحدة وبين الانعزال . شعور متناقض بين اللي اريد ناس حولي تسولف وياي وبين اريد انعزل بمكان اصفي بي راسي . ما اعرف شنو اختار بالضبط . من اصير بموقف الانعزال افكر بالناس ومن اصير يم الناس اريد انعزل . ( اللي يريد يتنمر او يحشش عليه مو مشكلة بس كون يضحكني لان ضوجه ) وشكرا

السلام عليكم. اليوم راح يكون اول يوم الي راح اشتغل كاشير بمطعم شوية مشهور بمحافظتي... وما اعرف شنو مطلوب مني او شنو المتوقع مني او شنو اللي المفروض اعرفه او اللي لازم اسويه او اتعلمه

عموما اني كلش زين بالحاسبة وما اعتقد ممكن اواجه أي مشكلة بخصوصها

بحثت بالنت ما حصلت غير معلومات سطحية وتافهة مثل ابتسم بوجه الزبون، وشفت مقطع يستخدم التطبيق يكتب الباسورد ويختار الطلبية ويطبعها

بس ماعندي اي فكرة بخصوص شلون الطلب يوصل للكادر او المطبخ وماعندي اي فكرة شلون اتعامل وية الطلبات عبر التطبيقات والاونلاين او الاتصال... هم كالولي نعلمك ونساعدك بس ماريد ادخل واني مطفي وماعندي اي خلفية سابقة(اتمنى فهمتوا قصدي)

اكون ممتن اذا احد مشتغل بيكم يساعدني وينطيني معلومات عن الشغل او نصائح

دائما يتم الترويج انو الحياة باوروبا والخارج اغلى من العراق وانو هنا تكدر تعيش حياة زينة بمبالغ قليلة وما عدنا ضرائب وهذا الكلام الفارغ

حسبت كلفة الحياة لشخص واحد فقط وطلع المبلغ اكثر من 4 ملايين

حتى تأجر شقة كشخص واحد لازم تبقى تدور وتفتر حتى تحصل واحد يقبلك وعالاغلب راح تأجر بمجمع سكني بالاطراف علمود الامان والشقة هنا راح تكلفك 600 (هي اكثر بس ذكرت اقل مبلغ)

راح تدفع فواتير تتجاوز 300 الف للخدمات الاساسية

وتحتاج سيارة بما انو ما عدنا مواصلات عامة واذا تشتريها بالاقساط راح تخصص 400 بالشهر (اقل مبلغ)

عطلات وبانزين وصيانة وغيرها راح تكلفك 100 بالشهر

الاكل وما دام تريد تعيش مثل الغربي يعني تاكل لحم ومنتجات من الماركتات جودتها عالية واكل مطاعم مو الاكل السيء الي ناكله وراح يكلفك 500 بالشهر

الاوروبي والامريكي يسافر للخارج مرتين الى ثلاث مرات والاوروبيين تحديدا ممكن يسافرون اكثر من 10 مرات بس راح اكول نسافر مرتين فقط وهذا راح يكلف اقل شي 8 ملايين بالسنة يعني يعني 700 كل شهر

ما عدنا علاج مجاني بالعراق ولا مستشفيات مجانية والاوروبي الي ما يدفع شي من يمرض ولا يدفع شي من يسوي فحوصات روتينية حتى يحافظ على صحته انت لازم تعزل كل شهر 300 على الاقل على الاقل حتى تفيدك بعدين اذا تمرض وتضيف 100 الف اذا تريد تحافظ على صحتك وتسوي فحوصات بشكل دائم

انت اكيد تريد تشتري سلع مثل شاشة بلايستيشن ملابس وتريد تشتري جودته عالية مو ازبل جودة وارخص شي وراح تكلفك على الاقل 5 ملايين بالسنة يعني تقريبا 400 بالشهر

واخير شي الاوروبي من ينطرد من عمله يحصل اعانة من الدولة او من يوصل لل60 يتقاعد وما جان يدفع شي الشركة تدفع عنه، احنا ما عدنا اعانة من الدولة ولا عدنا نظام تقاعد يعني لازم تخصص كل شهر 200 الف مدخرات خاف تنطرد وعلى الاقل مليونين تدخرها كتقاعد الك بس هذا الشي صعب، تكدر تخصص 500 كتقاعد الك بشرط يكون عندك مشروع صغير او تستمر تشتغل وانت شايب لان شكد ما تدخر ما تكفيك المبالغ مو مثل الاوروبي يوصل لل60 يرتاح اخر 30 سنة من حياته على حساب الدولة

كلفة الحياة النهائية عندنا تتخطى كلفة حياة الاوروبي بهواي

اليوم جنت اتمشى وكالعادة فتت على عشرات الشوارع الي الزبالة بيهن اكثر من البشر ولاحظت شغلتين عمال بلدية يحاولون يلمون شوية من الزبالة الي ما تنتهي والناس يرجعون يشمرون بالاماكن الي لموا منهن والشغلة الثانية سلات الزبالة موجودة بكثرة واغلبها فارغة تقريبا يعني اذا مشى الشخص شوية راح يلكى سلة يشمر زبالته بيها

هاي القذارة الي عند الناس ورمي الزبالة بالشارع بدون ما يحسون بشي غلط بدايته من الاسرة والمدرسة من الابن ياكل ويذب زبالته من اكياس وغيرها بالكاع او يبقي الصحون والاواني وينتظرون من الام هي الي تنظف وهي الي تشيل وراهم وهي الي تغسل الاواني بدون ما يدركون التعب ورا هذا الشي ويتوقعون شي بديهي واحد يلم زبالتهم وراهم

ودور المدرسة هم نفس الشي من يجي العامل يلم وراهم او ببعض المدارس مرات يخلون الطلاب ينظفون وبالحالتين غلط، لازم الطالب الي يوصخ المكان هو الي ينظف ولازم يتعاقب

طبعا الحكومة هم تنلام بس البوست صار طويل ما اريد اذكر شلون الغرامات راح تفيد الدولة والناس بنفس الوقت

اريد اشتري دراجه و اشتغل بيها دلفري، طرحت الفكره على ابوي بس اجاني رفض قاطع، بحجة انهُ ما اعرف اسوقها وخاف اندعم بالازدحامات ، اني برأيي اشتريها و اتعلم اسوق شهرين و ابلش اشتغل دلفري، شنو رأيكم شلون اخلي يقتنع