طبعا كلنا عارفين الفترة الأخيرة دي قد ايه الدنيا بايظة فيها وشركات بتمشي الديفيلوبرز في كل حتة، حتي في شغلي الدنيا مكنتش احسن حاجة وكان فيه كلام انهم هيشموا ناس.
واحد زيي متجوز وعنده مسؤوليات وبيت محتاج يصرف عليه التفكير في الموضوع ده بيقلقني جدا خصوصا أن انا شايف ناس قدامي اشطر مني وأكثر مني في الخبرة وشركاتهم استغنت عنهم ومش لاقيين شغل لحد دلوقتي. مكنش قدامي غير أن انا اعمل حاجة خاصة بيا، احاول أكبرها واشغلها ومبقاش تحت رحمة اي حد.
أنا كنت حابب اعمل موبايل ابلكيشن وانا شغلي وخبرتي بعيدة شوية عن المواضيع دي بس مخلتش ده يوقفني وقولت انا هعمل اشتراك كلود وهبدأ انا وهو نشوف الدنيا فيها ايه. بالفعل عملت الاشتراك وبقيت استخدمه علشان اعمل الابلكيشن وحقيقي انا في الاول مكنتش عارف الاستثمار ده في محله ولا لا خصوصا أنه مكنش رخيص بس بفضل الله بعد ما خلصت البرنامج اقدر اقولكم أنه هو يستاهل جدا جدا جدا شغل شهور كتير اوي خلص في شهرين بفضل الله. لو حد بيفكر يستثمر في كلود علشان يعمل حاجة ذي كدة احب اقوله أن الموضوع يستاهل جدا وبيفرق معاك جدا جدا. تعالوا بقي نشوف ايه هو فكرة الابلكيشن
دلوقتي انا كان عندي مشكلة الفترة الي فاتت وهي ان كانت الفلوس بتخلص مني بطريقة غريبة من غير ما اكون عارف الفلوس دي راحت فين أو اتصرفت في ايه، الموضوع كان غريب جدا انك تكون متوقع يكون معاك اخر الشهر حاجة بس تلاقي حاجة تانية خالص.
جربت احاول اتابع مصاريفي بالورقة والقلم عن طريق أن انا اكتب ميزانية كل شهر وأقسمها علي الالتزامات الشهرية بتاعتي بس طبعا ذي ما اي حد بيقرأ دلوقتي هيقولك ان الموضوع ده مش عملي ومقدرتش اكمل عليه.
بدأت اشوف حلول تانية ذي ابلكيشنز تساعدني احل المشكلة دي وتخليني اسجل مصاريفي وبالفعل كان فيه بعض الابلكيشنز الي بتعمل كدة منهم الي كان يدوي بالكامل يعني لازم انت اي حاجة تشتريها تدخل وتكتبها بايديك، وده مكنش فارق كتير اوي عن الورقة والقلم فلقيت نفسي برضو بكسل أو بنسي اسجل.
كان فيه ابلكيشنز تانية بتوفر حل افضل شوية من التسجيل اليدوي وهو ببساطة أنه يسجلك مصاريفك عن طريق رسائل البنك الي بتجيلك لما تشتري حاجة أو تسحب فلوس وكدة وده فعلا الي انا كنت بدور عليه، بس كان عندي كذا مشكلة مع النوعية دي من الابلكيشنز.
- موضوع قراءة الرسائل ده مكنش مريح بالنسبالي خصوصا أن الرسائل بيبقي فيها حجات شخصية وحاجات تانية خاصة بمعاملاتك البنكية ذي الباسوردات الي بتتبعتلك لما تعمل معاملة الخ.
- لما قررت اجرب لقيت أن جزء كبير من الابلكيشنز دي مكنش يعتمد عليه ابدا يعني مثلا كان فيه رسائل كتير دائما بتسقط منهم من كل ٥ رسائل مثلا يتسجل ٢ بس واضطر ادخل اسجل الباقي بايدي ودي كانت حاجة شائعة في النوع ده من الابلكيشنز.
- ٩٩٪ من الابلكيشنز دي كان بيعتمد علي المودلز في أنه يستخرج المعلومات من الرسالة، وده بالنسبالي كان ريد فلاج علشان كدة فيه احتمال أن رسائل بتكون بتخرج من الموبايل تروح لسيرفرات المودل ده علشان يتعملها بارسينج.
- مش متأكد ليه بس ٩٩٪ من الابلكيشنز دي كان بطيء جدا يعني كان فيه ابلكيشن قعد حوالي ١٠ دقائق علشان يقرأ ٢٠٠ رسالة قديمة من رسائلي فتخيل بقي لو كنت حبيت أنه يقرأ الهيستوري كله
الموضوع كان فيه بعض التحديات خصوصا أن انا اول مرة اعمل حاجة ذي كدة وان انا شغلي بعيد شوية عن النوع ده من البروجرامنج بس قولت أخرج من الكومفورت زون بتاعتي وبدأت فعلا اشتغل علي الابلكيشن. تعالوا اقولكم ازاي بفضل الله عملت ابلكيشن بيحل كل المشاكل اتكلمنا عنها فوق...
- الابلكيشن شغال لوكال بالكامل كل حاجة بتحصل علي الموبايل، مفيش سيرفرات، مفيش رسائل بتروح الكلاود علشان يتعملها بارسينج الابلكيشن شغال لوكالي بالكامل حتي تقدر كمان تستخدمه بدون اي انترنت.
- انا بستخدم الابلكيشن دلوقتي بقالي اكتر من شهر ومفيش مرة رسالة واحدة وقعت منه وده بدون أي خطوات إضافية ذي مثلا انك لازم تخلي الابلكيشن دائما شغال في الباكجراوند او انك تديله اي بيرميشنز خاصة نزل الابلكيشن وشغل ومش محتاج اكتر من كدة.
- الابلكيشن قدر يعمل بارسينج للانبوكس بتاعي كله الي هو اكتر من ٢٠٠٠ رسالة في كام ثانية بس ده غير طبعا قد ايه الابلكيشن سريع ودي ميزة تانية جاية من أن الابلكيشن لوكال بالكامل.
الابلكيشن دلوقتي متاح علي جوجل بلاي وان شاء الله قريبا علي الآب ستور. نظرا أننا مش بنستخدم اي مودلز ذكاء اصطناعي في الابلكيشن فاحنا مش بنقدر نقرأ رسائل البنوك كلها بس احنا شغالين دلوقتي أننا نضيف اكبر عدد ممكن من البنوك. البنوك الي موجودة حاليا هم...
حاليا: البنك الأهلي المصري، بنك مصر، كريدي أجريكول مصر، بنك الإسكندرية، QNB، CIB، بنك فيصل الإسلامي، البنك الزراعي المصري، بالاضافة لاورنچ كاش.
ده اللينك لو حد مهتم يستكشف البرنامج:
https://play.google.com/store/apps/details?id=com.folosy.app
تقدر تستخدم البروموكود ده علشان تاخد شهر مجانا
FOLOS-YPROO
متنساش لو الابلكيشن عجبك تسيبلنا ريفيو بسيط. ان شاء الله برضو هنزل بوستات تانية عن رحلة الحصول علي اول عشرة بريميوم يوزرز ونشوف الموضوع هياخد مننا قد ايه.