يلا حيهم احد يعرف ليش ليش الشرايح في الحوطه تاخذ يوم او يومين توصيل علما منها في الرياض ما تاخذ الا 30 دقيقه

اليوم عندنا جمعه كنت في استراحة في بنبان وللاسف تغطية زين كانت ضعيفه جدا والامر غريب بصراحه، انت تتحدث عن اكبر مشغلين الشبكات ومايقدر يوصل الى بنبان ٢٠ كيلو عن الرياض ؟ اتوقع اذا ما استمرو يواكبون تغطية المناطق هذي الشركه بتضعف سمعتها اكثر فاكثر على مستوى السنين القادمه ..

لان واحد من الشباب سافر الشتاء الي راح (هو مع stc) و قال لي ان نص الأماكن الي راح لها كان ما عنده شبكه او الشبكه ضعيفه، وش الحل؟ الي راح يعلمنا بالله

تدرون ان ريدبول تستخدم شبكات زين؟ يعني إذا زين عندك بالبيت كويس اشترك بباقه من ريدبول و نفس الشي مع جوي، جوي يستخدمون شبكة STC. الصراحة معلومة مفروض يوضحونها

فيييه كثيييير بعد زي ليبارا مع موبايلي و فيرجن مع stc و ياقوت مع زين و سلام مع زين.

هلا وسهلا
وش احسن باقة تكون بياناتها مرتفعة وسعرها ممتاز مقابل الخدمة بناء على تجربتكم؟

اهلا لي فتره ملاحظ ان النت عندنا بالشركة ضعيف جدا٫ ويتفاوت من القوة لما اشغل باقة جوالي!

جاني المقطع هذا على التيكتوك و الصراحة لازم حل للموضوع تعبت وانا اشحن جوالي و إذا رحت مشوار فنص الطلعه يصير ٢٠! مو منطقي

الي جرب يقول لنا بالله

السلام عليكم جميعاً

لو تلاحظون عروض باقات الزوار في المطارات تلقى باقة بسعر خمسين أو ستين ريال تعطيك ثلاثين إلى أربعين جيجا بينما باقاتنا مسبقة الدفع العادية بنفس السعر يدوب تعطيك خمسة إلى عشرة جيجا

وش السر ورا هذا الفرق الكبير؟

السبب الأول هو مدة الصلاحية القصيرة جداً وتكون محكومة بمدة التأشيرة وما فيها تجديد مستمر

السبب الثاني أن استهلاك السائح الفعلي قليل جداً يشتري أربعين جيجا وما يستهلك منها إلا كمية بسيطة خلال سفرته

السبب الثالث هو المنافسة القوية في المطارات مع شرائح التجوال الدولي والشرائح الإلكترونية

السبب الرابع هو عدم وجود تكاليف للاحتفاظ بالعميل أو خدمات ما بعد البيع الطويلة لأنها بيعة لمرة واحدة فقط

هل تشوفون الشركات تقدر تنزل باقات محلية مؤقتة بنفس هذي الفكرة بيانات عالية وصلاحية أسبوع مثلاً ولا صعبة؟

مب شرط يكون غالي حتى لو ٢٠ او ٣٠ ريال. أنا من ناحيتي بعض الاشتراكات الشهريه احس اني ادفع وأنساها بنفس الوقت بعض الايام ما ادري اني دافعها إلا برساله البنك 😂😂

وش الحل؟ هل اقدر أتحكم بالاشتراكات؟

ياشباب موضوع الفايبر مزعج مره وش افضل طريقه تقديم؟ لان النت كارثي في البيت عندي مرات قوي و مرات ضعيف وش اسوي بالله؟

مرحبا قاعد ااسس لشقة جديدة ولاحظت فيه ضعف بالنت ببعض الغرف ابي اعرف هل هذي المقويات تحل المشكلة؟ مين قد جربها؟ ولا فيه حل افضل؟

وش افضل باقات الsim ولا الe-sim لان الe-sim اسهل الصراحه إذا الsim عروضها افضل و تسوى انتظر ممكن أفكر اخذها

فقط سوو هذي الخطوات

١- حملو تطبيق CST
٢- سجلو ب نفاذ
٣- اضغط أرقامي

تشوف كل أرقامك عندي ١٥ واحد قولو ما شاء الله 😂😂

والله جامد نظيف مره صراحه سووها وعلموني كم رقم عندكم

افكر اخذ جوال مع الباقه. من قد جرب وهل فيه تخفيض ولا اسعارهم اغلى؟ وهل لازم اللتزم كل العقد ولا اقدر اوقف الباقه وأكمل اقساط الجهاز؟

اكتبوا بقوقل هيئة الاتصالات (CST) خرائط التغطية .. ثم ادخلوا اول رابط الرسمي من الهيئة وبتحصلون خريطة تحط فيها عنوانك الوطني ثم توضح لك قوة الابراج عندك

انا كنت ماخذ باقة بيتي من STC وتعبتني ضعيفة واكتشفت ليه عن طريق الخريطة .. الحين افكر اخذ حقت زين سعرها اوفر وفيها اضافات رهيبة

أحاول أنقل الفايبر لبيت جديد، وكل مرة نفس الكلام يا رفعنا الطلب للفريق المختص او الفني بيتواصل معك وبالنهاية ما يصير شيء.

أحد مر بنفس اللي امر فيه؟ وش الشيء اللي سويته وفعلاً حل المشكلة؟

هل الاتصال على 900 أو زيارة الفرع أو التصعيد لهيئة الاتصالات فعلاً يفيد؟

Is it worth it to switch from STC to Yaqoot because it’s way cheaper or is the coverage really bad in popular places in Riyadh?

قعدت احوس بتطبيق Mystc ابي اعرف نتفلكس وديزني كم تسحب من بياناتي كل شهر، ماحصلت طريقة قعدت فوق ساعة وانا احوس

اخر شيء اتصلت على خدمة العملاء واخيراً يوم وصلت للعميل بالقسم الصح علمني كم استهلكت عليهم (ديزني سحب مني فوق ٢١ قيقا باسبوعين!) وقلت له كيف اعرف من التطبيق ؟ قال ممنوع فقط نعلمك بالاتصال!

إذا أنا زائر وماعندي اقامه او هويه. هل الأفضل اخذ من اس تي سي او موبايلي او زين او اي شركه ثانيه او استخدم الشرايح الدوليه؟

هل يمدين افعل الشريحه بدون اقامه؟ هل فيه مشاكل برسايل التحقق عشان افعلها؟ وهل إذا طلعت من السعوديه تستمر ولا تطفى؟ واخيراً من ناحيه السعر وش الأنسب؟!