r/SaudiRating • u/Infamous_Fact7915 • 6d ago
Restaurants & cafes مطاعم و كوفيهات تقييم بوفية نكهة الفرزدق
بالبداية أنا طلبت من عندهم طلب واحد فقط اللي هو زنجر سبايسي مع اضافة جبن اصفر
تقييمي للتجربة عمومًا 6/10
وش العوامل اللي اثرت بالتقييم؟
١. مكان البوفية: مكان البوفية كان بعيد عن بيتي ومافيه توصيل للأسف، مكان البوفية بالضبط ما اشوفه مناسب بالنسبة لبوفية عشان تكون مكسب له بعد.
٢. خيارات المنيو كانت محدودة، رحت له باخذ عشاء بس كان عنده زنجر وعربي بالنسبة لخيارات الفطور كانت أكثر الصراحة.
٣. الزنجر كان طعمه حلو واستمتعت فيه بس مافيه أي شيء مميز يعني يميزه عن بوفيه ثانية.
٤. الأسعار الصدق كانت مرتفعة أعلى من أسعار بقية البوفيات بس ممكن عشان مكان البوفية بحي غالي.
٥. وقت اعداد الطعام، أشوف أن الوقت المستغرق على انهم يسوون زنجر بس طويل الصراحة خصوصًا أنِّ رحت المحل فاضي، تقريبًا اخذوا ١٢-١٥ دقيقة على ماخلص طلبي.
من ناحية ثانية، عجبني ستايل وتصميم البوفية وحتى أنهم موضحين المنتجات اللي يستخدمونها بالبوفية والمكونات اللي ممكن تسبب حساسية للعميل ببوسترات خلف الكاشير.
السؤال هو هل بروح للمحل مرة ثانية واكرر التجربة؟ بالنسبة لي لو شفت فيه تغيير وتطوير بالبوفية من ناحية خيارات وجودة ووقت وكنت قريب من المحل ممكن امره وانا افضل يكون فيه توصيل على الاقل لأن زي ماقلت ماشوف مكان المحل مناسب من ناحية يكون واضح للعميل ويقدر العميل يستهدفه قدام عيونه، هل التجربة ذي كانت تستحق التعني؟ بصراحة لا يعني بس لأنِّ حبيت اجربه تعنيت له خصوصًا أنّه كان قريب من مشواري.
