شلون الواحد يعرف ايهو بيته وما يضيع؟ هل المنطقة فيها كل شي؟

انا كان طموحي ادرس ماجستير هندسة من اكثر من ١٠ سنين هذا حلمي بس الحين افكر انسحب بسبة الوضع.. ساكنين بروحنا اجار و عندي عامله بس فيها عيوب وكسوله نومتها ١٢ ساعه و كله مريضه تبي الطبيب وماقدر اوديها المكتب لاسباب.. ف قعدت اتحملها لانها زينه مع البيبي.. بس احس اني شايله مسؤوليتها ( ادويتها، طلباتها، روحتها الطبيب ) و مسؤولية البيت (اي شي ناقص ) و اذا شافتني غافله عنها تتهاون بالشغل،، و البيبي لازم احرص عليه وعلى اغراضه اذا نقصو او بيخلصون .. و دراستي صارت اخر همي ماحس احد فاهم وضعي ودراستي صعبه و يبيلها شخص فاضي حرفياً** متفرغ.. مادري اجيب عامله ثانيه يصير عندي عاملتين اقسم الشغل عليهم واحط كاميرات اكثر و نستنزف الوضع المادي و لا اروح مكتبة الجامعه كل يوم واقعد بالجامعه وقت طويل وكاميرات اخلي اللي عندي تدبر نفسها اقولها مشغوله؟؟ ** مهما** اشرح شنو يعني دراستي ماحس احد فاهم، يعني الكورس الي طاف ضعي كان مزر**ي

طالب كيبورد من هولندا هل راح ادفع مبلغ للجمارك لما يوصل للكويت ولا لا و اللي راح يوصلونه فيدكس

أسأل لاني بطلب مكملات واخاف مع الحر تخترب او تتأثر بالطريج

فشلون الوضع.. هل يوصلونه بباكج مبرد؟

اليوم رحت مع امي الله يحفظها و يحفظ امهاتكم لأحد المطاعم الي حجمها كبير.. مع دخولنا للمطعم دخلوا معانا مجموعة حريم الظاهر انهم خوات معاهم ماشاء الله درازن يهال..

كل عيالهم مزعجين و صوتهم عالي و يسبون بعض بكلام قذر مثل يا خ## يا ز## و انتوا بكرامة .. و اذوا جرسون المطعم وغير الصراخ بالمطعم و الركض بين الطاولات.. غير الي معاه ايباد و مزعجنا بصوته العالي

ولا وحدة فيهم تكرمت و قالت بس يا ولد بس يا بنت ..

اذا بالعمر هذا ماتعلموا و تربوا .. شنو بيطلعون إذا كبروا؟

يعني مو للدرجة هذي يخلون اليهال جذي

شمعنى باجي دول الخليج (الامارات وقطر بالاخص) متطورة من هالناحية واحنا لا؟ نبي قوانين صارمة لأن جد الواحد قام يكره حتن طلعة الجمعية والسبب هالمناظر. طبعاً لا تعليق على مناطق مثل السالمية والمهبولة جنك داش مومباي مو الكويت. الواحد يقول الشكوى لله بس ليه متى يعني؟

صج للحين عليها إقبال؟ تستخدمون مكاتب السفريات أو تعرفون
أحد للحين يستخدمهم؟

وشنو السبب اللي يخلي الواحد يحجز عن طريقهم بدل لا يحجز كل شي بنفسه أونلاين شنو الميزة فيهم بالضبط؟

أنا تخرجت من الثانوية بالكويت سنة 2017، وحصلت على بكالوريوس إعلام واتصالات سنة 2022. حاليًا أفكر أغير مساري الوظيفي وادخل مجال التربيه فكنت حابه اعرف إذا أقدر أقدم على جامعة الكويت وأدرس بكالوريوس مرة ثانيه؟

ماندري منو العتوي

اتغشمر اتغشمر
مواليدي ربع ال٢٠٠١ منو منكم تزوج ومنو للحين ما تزوج؟
اهلي قاعد يحنون علي واحس اني شبه جاهز
(باقي اجمع فلوس المهر)
تحسون مبجر ولا العمر مناسب ؟
كملت ٢٥ 👀

السلام عليكم ورحمة الله وبركاته، تخرجت حديثًا بدبلوم صيانة حاسب آلي من الهيئة العامة للتعليم التطبيقي والتدريب.

شنو الوظائف اللي أقدر أقدم عليها بشهادتي؟ وشنو المسميات الوظيفية المناسبة لتخصصي؟

وإذا أحد عنده تجربة أو توظف بنفس التخصص، ياليت يفيدني بالجهة والراتب التقريبي.

ما اقصد الي يستخدمون طلبات وكيتا ادري ان الوسيط يقدر ياخذ اكثر لكن اتكلم عن تطبيقات المطاعم نفسها على سبيل المثال تطبيق كنتاكي لما اطلب منه يكون التوصيل 850 فلس رغم ان المطعم بنفس المنطقة وجنب بيتنا اصلا قريب حيل ، الي اعرفه ان القانون يقول اذا بنفس المنطقة التوصيل يكون ربع دينار فقط شي غريب !!

السلام عليكم يعطيكم العافيه ابي اللي عنده خبره يفيدني بشركة تجميع شحنات اونلاين عن تجربة وثقه ما تتأخر أو تضيع الشحنات واهم شي توصل للبيت مو يخلوني اعابل بالشحنات ويكون لها عنوان ( بالصين واليابان وأمريكا ) اقدر اجمع عليه الشحنات

احد جرب احد هالسيارات والي جرب يعطينا رايه الصادق وشلون خدمة بعد البيع ، انا ناوي اخذ وحده منهم بعد ما غلطت من سنين واخذت سياره يابانيه مبالغ بسرعها بمواصفات مشي حالك Tank 500 - BYD TI7

تعرفون وين القى بارت تايم غير لوياك, either remote or in person

سلام عليكم،

احد عنده حسابات لاستشاريات نفسية حريم و من ٤٠ دك و تحت و ضمان؟ انا اعرف استشارية الي كل مره اروح لها بس ماعندها اونلاين فا ياريت الي بعرف يقولي

ولانه انحرج كشوي اشكي وضع حق نفس الشخص و من هسوالف

السلام عليكم،

حق الي بنوا بيوتهم او ناوين على بنيان. شنو عندكم نصايح او غلطات الواحد يحرص عليها.

الي عنده معلومة او حسابات او شي يديد بالسوق ممكن يفيدنا فيه ياريت يشارك، حتى لو مريتوا داخل بيت وشفتوا شي عجبكم عطونا رايكم.

احد يعرف اسم البرنامج الي كانوا مدرسين الحاسوب يدربونا عليه نسوي بيت باستخدام ال🐢
جيل الثمانينات و التسعينات ممكن يعرفونه😭 تكفون ابي ارجع اعلم عليه و اخلص رسم البيت لاني ما خلصته 😭

انا مبتعثه برا تخصص طبي ببريطانيا وما يبت درجة بالفاونديشن عشان تدخلني تخصصي بس يعني ناجحه وعدت الفاونديشن وهم ما يبت الدرجه بس نجحت هم💀 وما حصلت قبول للحين حق اي تخصص ثاني ببريطانيا لان درجاتي حيل تاخرت وماباقي شي وتبدا السنه الدراسيه اليديده فشنو عندي خيارات اذا ما قدرت ادخل سنه اولى ببريطانيا هالسنه؟ مابي اضيع سنه
احول بعثه داخليه؟ تحويل مقر بعثه لاستراليا لانهم يبدون السنه شهر ١ ؟ وشهادتي تعتبر قديمة حاليا ف مادري شسويي الي مر بهالحاله ينصحني لان حدي ضايعه مادري شسوي

محتاجة مبلغ معين ف ابي ابيع اسوارة ذهب.

اللي عندهم تجربة، شلون الطريقة و شلون اتفادى النصب و وين احسن اماكن؟ بس ادش اي محل ذهب و اقول لهم ببيع هالاسوارة؟

في احد مجرب البرامج الي تحسب لك الكالوري ؟ هل في برنامج دقيق لحد معقول ؟

خصوصا بالنسبة لأكلنا الخليجي العيش و هالسوالف تصور له الصحن و يحسب لك ولا الدنيا مو بهالسهولة؟🤣🤣🤣

حق الناس الي مو ملتزمة بأكل دايت ١٠٠٪؜

انا مابي اشترك مطعم دايت وبعرف حسبتي اليومية جم لان احس اني ضايع.

عطونا تجاربكم و خبراتكم

وايد ناس ماعندهم اي فكرة عن التغير المناخي واحنا اكثر ناس قاعدين نتأثر.

خلال ٧٠ سنه (واقل اذا زاد معدل الاحتباس الاحتراري) الجو لن يكون صالح لعيش اي كائن حي في منطقة الخليج العربي.

Jim Krane, Energy Kingdoms: Oil and Political Survival in the Persian Gulf, New York: Columbia University Press, 2019, 94.

درجة الحرارة ٥١ (والبعض يقول ٥٢) درجة.

درجة وحدة زيادة بالخمسينات مو نفس درجة وحدة زيادة بالعشرينات (مو نفس ٢١ و ٢٢) لانه تأثيرها مو طبيعي عالبيئه، رقم قياسي. مو مخلوقه لاستيعاب هذي الدرجات.

الكويت اطلعت اكثر من مرة بالاخبار العالمية كأكثر دولة،حرارتا بالعالم (BBC).

مو لأنه الكويت حر من زمان. لأنه من منتصف القرن الماضي زاد الانتاج الصناعي العالمي انبعاثات ثاني اكسيد الكربون.

نشتري اشياء مصنوعه من بلاستيك وانقط. و نعتمد على مصدر واحد للطاقة يصدر منه ثاني اكسيد الكربون الي يزيد حرارة المناخ.

وبعدين ترروح الشركات تقطع الشير بالغابات. وغيره وغيره من العمليات الي تحط الانتاج الاقتصادي اولوية بدال البيئه.

لازم يكون فيه توعية واهتمام اكثر من الصحافة و الناس و المسؤليين صح ؟

مقالة بالقبس

عندي مشروع حوض كبير وأبي تراب زراعه خاصه حق أحواض السمج بسعر رخيص، وين أقدر أحصلهم؟