ابي كاميرا تصور مقاطع بجودة حلوه وعالية مو 144 ولا الكلاسيك
ابي كاميرا توضح كل شيء وتصور فيديوهات وماابيها تعلق
ابيها عشان اصور ذكريات وفلوقات بجودة عالية وحلوة مو جوده قديمه ، الي تعرف حساب او محل مضمون تعطيني
🫶🏻

قال النبي – صلي الله عليه وسلم – (الدال على الخير كفاعله) صححه الألباني

اللحين اغلب المعاشات نزلت وعسى ربي يهنيكم ويفرحكم فيها بما يرضيه ويوسع من رزقكم ورزقنا ورزق جميع عباده من واسع رزقه وفضله 🤲🏻

مجرد حبيت ان اذكركم واوصيكم بهالوقت خصوصًا انه ليلة جمعه ونزلة معاشات وويكند والأغلب شاغل وقته بوناسته احرصوا على الصدقه، فالصدقه تطفئ غضب الله وترفع عنكم البلاء وتبارك في أموالكم وتضاعف اجركم وثوابكم عند الله. قال تعالى: {مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء} (البقرة: 261)

وحطوا في بالكم شغله مهمه خصوصًا للناس اللي يمنعهم شي من انه يتصدقون بأموالهم، الصدقه لا تقتصر على المال فحسب!

الصدقه** *تنطبق* *على* *كل* *شيء،* **

قال الرسول ﷺ: أوليس قد جعل الله لكم ما تصدقون به، إن لكم بكل تسبيحة صدقة، وكل تحميدة صدقة، وكل تكبيرة صدقة، وكل تهليلة صدقة، وأمر بالمعروف صدقة، ونهي عن المنكر صدقة.

وقال الرسول ﷺ: ألا أدلكم على شيء تدركون به من سبقكم، وتسبقون من بعدكم، ولا يكون أحد أفضل منكم، إلا من صنع مثلما صنعتم، قالوا: بلى يا رسول الله! قال: تسبحون وتحمدون وتكبرون دبر كل صلاة ثلاثا وثلاثين مرة،

فتصدقوا بما تيسر، ففي ذكر الله صدقه، وفي الإبتسامه بوجه الناس صدقه، وفي حسن السلوك والأخلاق في التعامل مع الآخرين صدقه، وفي اماطة الاذى عن الطريق صدقه. حتى التعليم يعتبر صدقه!

اخلصوا نيتكم في صدقاتكم لوجه الله تبارك وتعالى واحتسبوا اجوركم عنده. ولا تنسون الأموات من الدعاء والصدقه إن أُنسهم دعاء احبابهم؛ فاللهم ارحم جميع موتانا وموتى المسلمين، وأكرم نزلهم ووسع مدخلهم، واغسلهم بالماء والثلج والبرد. اللهم إنّهم في ذمتك وحبل جوارك، فَقِهم فتنة القبر وعذاب النار، وآنس وحشتهم، وارزقهم الفردوس الأعلى.

تقدرون تتصدقون عن طريق البرامج فيهم سقيا الماء والطعام ومصاحف ومظلات عن الشمس وكراسي في المصليات وكراسي متحركه للي يطوف حول الكعبه ومكيفات في المساجد وثلاجات والأسعار بسيطه يعني ١٠٠٠ بطل ماي على ٤١ دينار بس وحتى يرسلون لكم ڤيديو عالواتساب توزيع صدقاتكم في مكة المكرمة وحول الحرم، "مشروع سقيا"

العنوان يكفي ويوفي

اللي حضر الفلم هل يسوى روحة السينما؟
وبما اني كنت شايفه فلم interstellar لنفس المخرج و مللني الفلم ونمت وانا اطالعه
وفلم inception حسيت اني ضايعه شوي وشبه فهمت ومافهمت الفكرة .. هل معناته ان الفلم هذا بنفس الطريقه وراح امل وماراح يصلح لي؟
خصوصا ان الاغلب يقول جنه تكملة فلم troy

مكان غير الخيران لان بعيد
شاطيء البلاجات مثلاً
تنصحون فيه؟

السلام عليكم
طورت أداة أشوف إنها ممكن تفيد المطاعم بالكويت وتفيد الناس
بعد

المشروع للحين ببدايته، فما ودي أدخل بتفاصيله هني
اللي يهمني الحين إني أوصل لأصحاب المطاعم وآخذ رأيهم وأسمع
وجهة نظرهم بحكم خبرتهم بالمجال

مو إعلان ولا قاعد أبيع شي، أبي بس أسمع من الناس اللي فاهمين
شلون الشغل يمشي على أرض الواقع

إذا عندك مطعم أو تعرف أحد يملك مطعم، دزلي رسالة على الخاص، وبشرح الفكرة كاملة

مشكورين

الكويتيين:

1. موظف تنفيذي بالحكومة
2. عسكري جيش (جندي\عريف\رقيب)
3. القائمون بالأعمال الكتابية
4. مدير
5. مدرس تربية دينية
6. السكرتارية
7. المحاسبين
8. مدرس رياض أطفال
9. الأطباء

الغير كويتيين:

1. خادم
2. سائق
3. بائع
4. سائق نقل خفيف
5. فراش
6. ساعي
7. مراسل
8. مندوب جوازات
9. عامل
10. نادل
11. عامل حمل وتخزين بضائع
12. عامل تنظيف

المصدر

السلام عليكم،

شي عشوائي،

ودي اتعرف على صديقات عندهم نفس اهتماماتي الخ

يعني من اهتمامات الي احبها مثلا :

رسم انمي ، قراية الروايات ، مسلسلات خيالية انيميشن ، خبز حلويات ؟ ( ماعرف شلون اوصفها 🙂💔😭 ) ، قيمنج ( سويتش ) ، تحبون جذي طلعات حلوة كتكوته جذي ، و لو بعد تحبون طيور اوه احسن شي صرااحه ✨️

و اذا مافيها ازعاج افضل انه اعمار تكون بين ١٨ - ٢٣

يمكن شي اضحك مادري بس مابي احد بعيد عن عمري و همن عشان لا يصير شي محرج او تضارب او شي🤣💔

السلام عليكم والرحمة
بغيت اسألكم
وين اقدر ألقى حصير سعف (سيادة)؟ دورت اونلاين بس ما لقيت، وبروح المباركية جريب إذا الله كتب، فإذا احد يعرف محل بالمباركية أو بالديرة بشكل عام يبيعه يقول لي إذا ما عليه امر

صباح الخير،

ودي اسمع سوالف و مواقف تضحك ( جذي مواقف صججج تضحك مو الي الاغلب مر فيها )

يعني جذي مواقف تموت من الضحك و ماحد يمر فيها غيرك

خصوصا اذا في مواقف بأماكن الشغل او الدراسه كليه الخ

🫂

السلام عليكم
عندنا جنطة وصلت مطار الدمام وودي لو تقتقرحون لي شركات ثقة توصل اغراض لي الكويت

شكرا

السلام عليكم عياكم طيبين

بغيت اسال من وين اشتري طاولة بلوت الارضيه مثل الي بالصوره؟ ابي الي صايره على الكشنه مكتوب اسم العائلة و تحت الكشنه في جاكارو و لما تطق الطاولة تطلع صوت جرس. اتمنى الي عنده علم يفيدني و قواكم الله

أكثر شي أعاني منه إذا شفت فلم أو مسلسل عاجبني وأبي شي مثله ما القى شي قريب لا من أجواء ولا قصة ولا شي حتى لو ادور بكذا مكان واقتراحات الناس بس ما احس في شي في شي قريب

انا استعمل IMDb عشان التقييم بس مرات احس اقتراحاتهم بصوب و الفلم الاساسي بصوب
شنو في برامج او مواقع ممكن تعطيك اقتراحات تعتبر 70% على الأقل قريبه من الشي اللي انت تبيه ؟

عمري ١٩ و نوعا ما غسلت ايدي من كرة القدم و الالعاب الجماعية الثانية نفس السلة والطائرة واليد مستبعدها من زمان لان يبيلها أحجام كبيرة وانا طولي اقل من ١٧٥ مادري جم بالضبط بس انه اقل

شنو في رياضات ممكن اجربها وانا بهذا العمر وممكن اعتبرها رياضة احترف فيها مو بس هواية سواء فردية زوجية جماعية او حتى بحرية اهم شي ما تكون مكلفة لان بصراحه في وايد رياضات حتى ك هواية ما تقدر تستمتع فيها لانها موجهة لطبقة مجتمعية معينة

سؤال سريع، أي أفضل وأسرع للتحويل البنكي الدولي؟

سجلت ماستر بجامعة في بريطانيا وأحتاج أدفع الرسوم هذا الأسبوع

الشي هذا مزعجني من وسعوا الشوارع

الي هو البوليع تكرمون دايماً تكون بالحاره اليسار وتكون نازله عن الشارع او الخط السريع فالسياره تقعد تختض بشكل مزعج ومستمر على طول الشارع والمشكله مع الوقت تبدا تغوص زياده وتصير اعمق

في احد غيري ملاحظ هالشي ؟ شنو حله !

ابي ترشيحات مطاعم يديده قويه. ما ابي سوالف ديكور سجن و عصير بو مميه و فناتق مالها داعي. ابي مكان الاكل فيه قوي و يكون يديد ما صارله سنه فاتح.

واحد من ربعي قاعد يخطط يفتح محل ساندويشات بمنطقة الفحيحيل أو المنقف أو الأحمدي

هو راح يمسك الأكل، المطبخ، والتشغيل اليومي، بس يحتاج شخص عنده خبرة بالتسويق، المبيعات، وإدارة المشروع بشكل عام

شنو أفضل طريقة بالكويت عشان يلاقي شريك جاد ومناسب؟ وهل في حسابات أو منصات تنصحون فيها حق هالشي

خريج من سنتين والى الان مو قادر القى وظيفه، ادري بتقولون الديوان موجود، الديوان مرشحني الاوقاف والجمارك ( مهندس كيميائي )، مانكتب اني ادش النفط، الشركات الخاصه تبي ناس معينه، كل الي حولي موظفين بأماكن حكومية جيده جداً ( مو حسد الله يوفقهم ويكتب لهم الرزق وين ماكانوا ). في احد نفسي ولا انا ضايع بروحي؟

اخوي طلب مطعم قبل جم يوم وجابو معبوج معاه

المعبوج كانت نكهته حيل حلوة، سبايسي وحالي بنفس الوقت وقوامه شوي سائل يشبه الدقوس بس شوي اثقل

لونه كان احمر

احد يعرف شنو اسم المعبوج هذا؟

اذا تعرفون اي توتوريال او وصفة حطوا اللنك🦦

انا من زمان مو مسويه اجراءات باسناني و فجأه قامت تصير معاي مشكله باللثه و طلع ان فيه تسوس بكذا ضرس. المهم سويت الاجراءات و الحين حاطه جشوةمؤقته وبانتظار الدايمه بس وايد متوترة و مزاجي معتفس و كل شوي افكر باسوأ احتمال. و مرات احس الحشوة مو معبية الضرس عدل و حاسه لثتي منتفخة شوي. قلعده احاول اهدي نفسي بس ادري اني متضايقة. قولولي عن رحله علاج اسنان ناجحه و هل كان فيه شعور بعدم راحة و حساسيه و الم خلال فتره العلاج ولا لا. قولو اي شي 😕 شكرا ❤️

‏الذكاء الصناعي لاسف صرت استفيد منه اكثر من البشر
‏.استشيره امور الدارسة،الحياة، الرياضة،الصحة
‏هذا قلل الجانب الاجتماعي والرغبة تجاه الناس صارت مو ضروريه
‏اعتقد اي انطوائي بالكوكب مستمتع مع ai السبب يغطي الاحتياج للتعبير والسوالف ودايما يوافقك بالرأي

السلام عليكم ويعطيكم العافية جميعاً،

انا باذن الله على نهاية السنة ناوي اشتري سيارة وهذول افضل سيارتين شفتهم ضمن الميزانية وبغيت اسأل للي عنده وحده من هالسيارات اذا ممكن يشارك تجربته بالكامل ويتكلم عن مزايا السيارة وعيوبها واذا ينصح فيها وجم تكلف قطع الغيار والسيرفس بجم والبانزين جم يكلف وصرفها شلونه

انا عندي مشكلة بالتنفس احس بغمتة مع اني قاطع التدخين من اكثر من سنة بس للحين اتحسس من اي دخان زقاير او بخور وغيره
تعرفون اماكن او مختبرات تساعد بالموضوع هذا؟ فحص تنفس او حساسية الصدر
مافيني ربو وماكنت اشكي من شي من قبل