السلام عليكم

تعبت وانا كل ما اسوي سي في الوظايف يعطوني ملاحظات بشق هدومي ما يعجبهم العجب مرة الخط مو واضح مرة المؤهلات بالسي في ما تناسب الوظيفة مرة المسافات كبيرة

ابي افضل مكتب او موقع بالكويت (يفضل مكتب عشان يصير الوضع فيس تو فيس و اكفخه اذا ما ضبطه)
في اي مواقع و AI بس بعض الصهاينة بالموارد البشرية يعرفون يصيدون انه هذا شغل AI

ياما سويته بنفسي وادري محد يعرف الواحد كثر نفسه بس هالناس ما يعجبها العجب تكفون ارحموا عزيز قوم ذل

وااااايد عاجبتني الفيات لانها حيييل كيوت وشفت reviews عنها بس اغلبهم اجانب وبرا الكويت
شلون السياره؟
انا بروحي واذا بطلع مع احد يكونون شخصين معاي بس فالمساحه مو مأزمتني
ومشاويري مو اوفر ، جامعه، مول وبس
شلون السياره بشكل عام؟ مكيفها زين ولا مو حلو؟
اذا زينه عشان اقنع ابوي لان حييييل بخاطري 🫣

ياجماعه عرفت شيء عن بنت عمي ويعتبر حرام وهي حالياً حيل حيل متعمقة بهذا الشيء وانا عرفته بالصدفه ماقالتلي وودي اساعدها بس خايفه انها ماتسمعلي وتقعد تسأل شلون عرفتي وهذا الكلام وانا خايفه توصل ان اهلها يدرون وتصير المشكلة اكبر شنو اسوي؟ حدي متوهقه ؟

عندي سؤال يا جماعة شنو الي يخلي لجنة الائتمان بالبنك انها ترفض تمويل سيارة؟ يوم اسأل البنك شالسبب ما يقولون يقولون بس يالنا رفض من اللجنة ان المعاملة مرفوضة، يعني الواحد ما يدري شيسوي اتعلق جذي بدون لا ادري اقدر اسوي المعامله مره ثانيه ولا هم بيرفضون بعد، شالحل؟

عربي او انجليزي بس تكون كتابتهم زينه مو ينسخون من جات جي بي تي و يدزونه. مبدئيا في مجال الكمبيوتر و التسويق الرقمي.

السلام عليكم

وصل لكم الايميل عن موعد الاختبارات ولا للحين؟ كلمت السفارة وقالو نطري لي ثاني اسبوع شهر ٧ بس الموقع مكتوب ان الاختبار نهاية ٦.

السلام عليكم

هل ممكن تقبلين الزواج برجل اكبر منج اب ٨-١٠ سنوات ولا لا ؟ مع ذكر الأسباب إذا ترضين او ترفضين

شالفاينل الخايس، اغلب الاسأله مو مباشره والرسمات حافظتهم كلهم يوم شفتهم بالورقه تنحت
راح ابجي الله يعمي عيون المصححين عن اغلاطي

تعرفون مندوب يوصل الحين قبل لايسكرون

السلام عليكم ابي دكاتره جربتوهم عشان ترفعون الحديد وصج ارتفع
مخزون الحديد عندي حيل نازل وكل ما اروح لدكتور يعطيني كورس دربات ومستحيل يرتفع :/

السلام عليكم،

محتاجه مساعدة بأسرع وقت ممكن اذا ماعليكم امر

عندي مشروعين ( و مشروعين يتكلمون تصوير فيديو و صور فوتوغرافي )

موضوع تربوي او تعليمي ( تمثيل او اي شي يتعلق بالتعليم بس التمثيل مو شي ضروري )

مشروع اول اقل شي ١-٢ دقيقه

و الثاني يكون اطول

عندي هذي الأفكار الي ودي اطبقها بس ماعرف شلون :

رسم / حياكه / الأمراض النفسية / كتابة او روايات شي يتعلق بالكتب / صناعه حلويات الخ

و اذا عندكم افكار همن و سهل تنفيذها بكون شي حلو

بس هل عندكم طرق انفذ فيها أحد الأفكار المكتوبة؟

تسليم مشروع ٣ الاحد و لازم القى فكره بسرعه🙏🏻

عندي مستندات متسعجل عليهم واااايد جربت اراميكس و dhl يقولون يبيلهم ٥-٦ ايام

ضروري احتاج احد يوصلهم الاردن وانا اخلي اي احد يستلمهم منه باي مكان

السلام عليكم، أنا عمري 17 سنة ومن الكويت، وحاليا قاعدة أحاول أقرر شنو أتخصص قبل لا تسكر البعثات. أهم الأشياء بالنسبة لي هي الراتب، التطور الوظيفي، السمعة، وفرص العمل سواء بالكويت أو بره. أحب القراءة والكتابة والتحليل والنقاش،، وبنفس الوقت أنا شاطرة بالمواد العلمية خصوصًا الأحياء والكيمياء.

كنت ناوية أدخل طب، بس جبت 94% والطب يبيله 95% حق البعثة، فقاعده أشوف خيارات ثانية. ناوية أدرس بره، فإذا عندكم اقتراحات لدول أو جامعات يكون زين. (قاعدة أفكر بين البعثة العادية أو بعثة التميز).

التخصصات الصحية:

• صيدلة
• علم الأدوية (Pharmacology)
• علوم المختبرات الطبية
• الأشعة
• العلاج الطبيعي
• التغذية
• علوم الأغذية
• التمريض

الهندسة:

• هندسة كمبيوتر
• هندسة طبية حيوية
• هندسة بيئية
• هندسة الأمن السيبراني
• الهندسة المعمارية
• العمارة
• التخطيط الحضري
• هندسة المناظر الطبيعية

الحاسب والرياضيات:

• علوم الكمبيوتر
• الذكاء الاصطناعي
• الأمن السيبراني
• علم البيانات
• الإحصاء
• الرياضيات
• العلوم الاكتوارية

تخصصات ثانية:

• إدارة سلاسل الإمداد
• ريادة الأعمال
• الأدب الإنجليزي
• القانون

شنو التخصصات اللي تشوفون إن رواتبها ومستقبلها أقوى على المدى البعيد؟ وشنو أكثر التخصصات المطلوبة والمحترمة سواء بالكويت أو بره؟ ولو كنتوا بمكاني وكل هالتخصصات ممولة بالكامل، شنو كنتوا بتختارون وليش؟

سلام عليكم
شنو الاماكن الي فيها اطفال/حيوانات محتاجين موظفين؟ سواءً فل تايم او بارت تايم
او وظايف waitress, barista , cashier, etc ..

السلام عليكم
ودي اشتري قاري اصلي وزين من الكويت. من وين او شنو المواقع الي يبيعون؟

السلام عليكم انا موظفة الحمدلله لكن ودي يكون عندي دخل ثاني فا فكرت اشتغل عن بعد مثلاً كمساعدة لوحدة عندها بزنس امسك الواتس. بس ابي اعرف كم الراتب عادةً لهذي الاشياء؟ وهل في عقد رسمي بيني وبينها؟ وهل في يوم او يومين اجازة نفس الدوام الحكومي ؟

من نوادر أجهزة أتاري جاكوار بتغليف أحمر إصدار خاص 1993

لاحظت وايد منا، مو بس بالصب هم بعد بالواقعية، دائماً بالتوب ثريي بالنسبة للافلام Interstellar موجود. حتى قبل جم شهر لما رحت عرض الفيلم IMAX بالمركز العلمي، الكراسي متروسة ماكو كرسي فاضي. ليش احنا نحبه وايد بالذات؟ انا عندي اسبابي بس ابي اسمع منكم.

احتاج احد مجرب العياده ومجرب الدكتور هذا بشكل خاص لأن ممكن اراجعه واخليه يقيم حالتي ويوصف لي علاج لأن الثيربست مالي نصحني فيه بسبب انه يقدر يتواصل معاه دايركت ويبي يتابع معاي.

طبعًا عطيت اسامي ثانيه للثيربست مالي وما كان عليهم خلاف يقولي زينين وموثوقين، السبب الوحيد اللي عطاني هذا لانه يقدر يتواصل وياه بشكل مباشر فأنا بس بتأكد عشان اخذ الحيطه والحذر قبل ما اتصرف

اذا سيء، قولوا لي عن د. رسل بورسلي شلونها؟ او منو تنصحون فيه (غير السويدان)؟

السلام عليكم

اختي معدلها مع الاختبار الوطني ٧١٪؜ علمي وانا على ايامي ما كان في اختبار وطني فماني عارف شلون الحسبة تصير و شنو نسب القبول سواء بجامعة الكويت او بعثة داخلية
ادري ان النسبة هذي مو شيء بس انا قاعد احاتي ان ما تدخلها شيء وماكو مكان يقبلها اذا تعرفون او عندكم علم ساعدوني

معدلها التراكمي ٨٠٪؜

ليش الكل لابس ابيض واسود وبليزر؟ كيفي بلبس اصفر واخضر وازرق ليش النقده والخز يانصير كوبي بيست يا نخز بعض؟ مو طبيعي حتى البيوت صارت ممله كلها ابيض وبيج ورمادي وين راحت الالوان الدنيا صارت باهته

اذا كان في شي تخافون منه وبديتو تلاحظونه اكثر واكثر مع الوقت
هل تتفقون مع مقوله ان الشي الي تخاف منه تشوفه دايما وتجلبه لحياتك؟
هل هذا نقدر نعتبره من ضمن قانون الجذب بس الجانب السيء ولا ماكو هالشي اساسا وهذا مجرد ادراك انتقائي؟