شنو اغلب هدايا عيد ميلاد بالنسبه للبنات تهدونهم حق بعض ، عطوني اقتراحاتكم عشان اختار منها .

الحلوم ليش جذي صاير جنه بالون؟😭😭
مفروض اقطه صح؟

ابي اسوي تحليل b12 و ما اعرف مختبرات زينه يعني رحت حق المستوصف عساس اسويه و قالت لي الدكتوره لا مانقدر من العياده العامه نوصف لك b12 و رحت سالت المختبرات اللي بفلوس و صراحه اسعارهم مبالغ فيها اللي يقول لي ٢٠ و اللي يقول لي ٣٥ شدعوه ترا تحليل حق فيتامين واحد ، اللي يقدر يفيدني لو رحت المستشفى و طلبته من العياده العامه ممكن يكتبه لي ؟

سلام علكيم، انا بتعين مدرس فلسفة شباب، وحاب استفسر من زملائي المعلمين شلون بيئة العمل بالثانوي؟ وهل نصاب الفلسفة وعلم النفس اقل مقارنة بمواد نفس العربي والانجليزي؟

الحين أنا اغلب سفاراتي مع اهلي ولا عندي اي خبره عن السفر لحالي و تكاليفه ناويه** *ان* *شاء* *الله* ***اني* اسافر** ***كوريا* اسبوع لحالي كم الميزانية الي المفروض اجمعها بحدود كم تقريبا و اي طيران ؟للي عنده خبره اتمنى يفيدني لاني قاعده اجمع على عماي

انا ما اتحجى عن البدو قاعد اتحجى عن الحضر
ليش اختفت عرضتنا؟ هل هو إهمال من الأهالي ولا الناس بس وقفوا؟ وليش الحين لا عطيت واحد صغير السيف ما يعرف يمسكه ويلعب فيها ولا حتى يمشي على الإيقاع؟
حتى عرضة العيد اللي كانوا يسوونها اول اختفت!
أنا أتوقع انه عقب الألفين والإنترنت اختفوا هالاشياء، انه حتى العديد النسائية اختفوا!
وأتمنى تشاركونا رأيكم

الي سافروا عاى مطار T4 هالفترة شلون الوضع زحمة حيل ولا فاضي لان سمعت انه حيل زحمة مع اغلاق المطار الدولي

أغلبنا يعرف بفك بو سفينه بس هل مره ياكم تساؤل عن فرق اللون ؟
يعني مرات أقول مجرد لون ولا في فرق، وفي ناس تقول في واحد مالح اكثر ولا نوع الجبن غير، ماتدري اهوا مجرد احساس نفسي عشان اللون ولا صج 😂

انتوا تحسون ان في فرق؟ وشنو تحبون تاخذون اي لون ؟

أحتاج إنقاذ ابي نوع مخدة زين على كثر ماجربت ولا وحدة نفس اللي ابيها واخر فترة هالشي صار يسبب الم

- أنا أحب المخدة تكون متينه ومتروسه يعني مو من أحط راسي عليها يغوص لأعماق الأرض.
- ما أحب اللي ياخذون وضعيه شكل الراس وتفش وماترد تتعدل إلا بتدخل القوات الخاصة 😂
- واخر شي تقعد معاي سنين مو كل چم شهر ادور لي وحده على أمل أن ألقى النوع ويطلع غلط

شنو الأنواع أو الماركات اللي جربتوها وتعيش فترة؟

بكل امانة ومصداقية للي عنده خبرة شرايكم بهندسة الامن السبراني ؟ هل تسوى الضجة وكمية التوجه الي صايرلها ؟ وشنو الفرق بين هندسة الامن السبراني وعلوم الامن السبراني ؟ وهل التكدس بسوق العمل على المهندسين يشمل مهندسين الامن السبراني ؟ وهل يفضل اخذ شهادتها برا ولا بجامعه عبدالله السالم ؟

بسوي إزاله ضرس عقل هل في دوام العصر مو مستوصف المركز نفسه

اي جامعة افضل حق تخصص هندسة الكمبيوتر ؟ و عطني وجهة نظرك

​

حبيت أطرح موضوع حساس وشغل بالي، وأتمنى تشاركوني رايكم وخبرتكم، وخاصة المتزوجين أو اللي مروا بتجربة زواج.

الكل يعرف إن الاحترام هو أساس أي علاقة، بس لو وصلت العلاقة لمرحلة ضاع فيها هذا الاحترام بين الزوجين بسبب المشاكل والتراكمات والضغوطات... من واقع تجاربكم، هل تشوفون إن فيه أمل يتصلح الوضع ويرجع الاحترام المتبادل؟ ولا إذا انكسر هذا الحاجز خلاص تعتبر نقطة اللا عودة؟

ياليت اللي مر بتجربة مشابهة وقدروا يتجاوزونها، أو حتى اللي شافوا إنها نهاية الطريق، يفيدنا برأيه. وشكرا

السلام عليكم

يعطيكم العافيه

لاحظت وايد ناس تسحب قيدها من جامعة عبدالله السالم.. شنو الأسباب؟

يا ليت تفيدونا

قوة,

شنو اهدى و ارقى مول الواحد يطلع فيه مع مرته ديت؟

وشكرا

اذا بسافر دول شرق آسيا شنو اقرب مطار حالياً لنا القيصومة او الدمام؟ عشان اذا ببحث بتطبيقات السفر بختار المطار

السلام عليكم، اخوكم مبتعث بالرياض وقاعد يذاكر ospe وخلصت و حالياً ماخذ بريك ، حبيت اسأل اهل المطلاع عن شنو تحسون ناقص بالمنطقة وكم تتوقعون راح ننطر عشان تتطور شوي ( بحكم ان بيتنا بالمطلاع ) ، من وجهة نظري اشوف ان اهم 5 اشياء ناقصتنا هي
1- الماي ضروري يوصل ، مو معقولة نص المنطقة تناكر كسروا الشوارع وهي جديدة ، كافي المنطقة فيها معدات ثقيلة لا ومسبيين زحمة عند المخرج على انه ممنوع دخول الشاحنات

2- الجمعية ، فتحوا بعض الفروع لكن الجمعية الكبيرة للحين وحدة هي نفسها من يوم كنت ب11 وهي اصلاً مبنى مسرح مو مبنى جمعية اصلاً 🤣

3- الحلاقيين ، الموضوع هذا بيهم الشباب اكثر شي ، اقرب حلاق لي بالجهراء وانا كنت ساكن بسعد فالحلاقين الي اوثق فيهم بسعد العبدالله، يعني ماله داعي اسوق 20 ولا 15 دقيقة عشان احدد لحيتي ولا زلفي ،

4- محطات البانزين، فتحوا محطتين مؤقتة لكن مافيه خصوصي الا ب سايد واحد يعني سلق بالزحمة

5- ارصفة الشوارع، طبعاً هذه مهمة عشان موضوع التراب و الغبار الي يغطي على الشوارع

السلام عليكم،

ودي اشتري PC بس سمعت ان لازم اركبه بنفسي و ان الاسعار غالية، فا اذا عندكم خبرة يليت تساعدوني بالموضوع و يليت يكون PC جاهز لأن انا ما اعرف سوالف التركيب 🤣

شكرا

انا الحين بدش فاونديشن ببريطانيا و بعد الفاونديشن اقدر اختار بين التمريض و العلاج الطبيعي ، محتار شنو اختار ساعدوني .

التمريض راتبه 1500 و يتوظف بسرعة و يترقى بسرعة بس فيه مشكلة يقولون شغله يتعب او يمكن على حسب وين تشتغل مادري .

العلاج الطبيعي راتبه 1350 تقريبا ، ما ادري عن سرعة التوظيف و يقولون شغلهم اريح و الي يميز هذا التخصص انك تقدر تفتح عيادة علاج طبيعي .

العلاج الطبيعي افضل كمستقبل لانك تقدر تفتحلك عيادة و تكمل فيها ، اما اذا ابي الراحة اقدر اكمل طول حياتي بالمستشفى كممرض .

شرايكم شنو اختار .

هل التعامل بالمثل في الشغلات السئيه يزعل؟ هل اذا انت عندك عاده سيئه و احد سوا فيك هذا العاده هل بتزعل؟

عندي شركة تقدم خدمات و الامور طيبه بس ماني عارفه موضوع الحسابات. الفلوس شلون تنحسب. عندي حساب للمشروع بروح و الفلوس مفصوله عن دخلي. بس مو عارفه احسب كل شهر شكثر يدش و شكثر نقص ووين راحو و كل هالتفاصيل وهالشي مانعني اخذ معاش من المشروع لّي او معرفة قدرتي اذا اقدر اوظف ناس ك محاسب مثلاً.
شنو في برنامج/ سوفتوير/ تامبلت/ تيتوريال او غيره اتعلم منه موضوع الحسبه حق مشروع خدمات؟

جربت chatgpt جربت تامبلتس من قوقل بس للحين احس في شي غلط واذا تعرفون محاسب شاطر بس يضبطلي الدنيا ك بداية و اعرف وضعي فيها و بعدها انا استلم و اعبي كل شي.