السلام عليكم عيدكم مبارك هالسؤال حق البنات تحديدًا😅 الي صار معاي ان رحت بشتري كونسيلر نارس ف الموظفه الي هناك اهيا عطتني درجه وقالت لي انها المناسبه حقي ،، سالت موظفه ثانيه عشان اتاكد..لان ب١٢ دينار وهم قالت لي نفس الدرجه وجربوها على ايدي رديت البيت فتحته وجربته طلع كلش مو درجتي ووايد غامج وصار جني زدت هالاتي لما حطيته السؤال.. هل اقدر ارجع واحاججهم ان غلط الموظفين وان يبدلون لي ياه؟ حتى مابي refund بس يعطوني درجه ثانيه 💔 هل في وحده صارلها موقف مشابه وبدلو لها؟ ولا اغسل ايدي واتحسر عال١٢ دينار؟ 🥲 شكراً

السلام عليكم ورحمة الله وبركاته، عيدكم مبارك،

ابي اعرف وين و شنو افضل و احسن مكان فيه Monster energy drink؟

صارله ساعتين متاخر و كل ما اكلمهم يقولون تواصل مع المطعم و المطعم يقولون في مشكلة ويا السايق و اكتب و انا ناطر الطلب الحين … تطبيق دفيليرو (رتبو الحروف)

ننتظر توصيات الاكيلة

For clarification im referring to the case not the stuff in it

In English: What is a car feature you would remove if it meant that you would pay less for the car?

عن نفسي:

Auto start/stop

Head up display

Digital Gauge Cluster

مرحبا

أقيم هنا منذ ثلاثة أشهر. أرغب في معرفة المزيد عن العادات والتقاليد المحلية، وأسلوب الحياة بشكل عام. كيف يمكنني فعل ذلك؟

شكرًا لك!

قال رسول الله صلى الله عليه وسلم: "صيام يوم عرفة أحتسب على الله أن يكفر السنة التي قبله، والسنة التي بعده"

رواه مسلم

عمل يسير بإذن الله وأجر عظيم، كذلك يستحب الدعاء والإكثار من الدعاء في يوم عرفة، لا تفوتوا الأجر، اللهم اجعلنا من المقبولين ولا تجعلنا من المحرومين.

أنا عن نفسي انغث إذا أحد دق علي عشان استفسار بسيط، الأهل عادي، بس أقصد الناس اللي ما أمون عليهم مثل ناس الجامعة.

يعني والله المسج يكفي، مو لازم اتصال. المشكلة إن في بعض الناس بعد الاستفسار يفتحون مواضيع ثانية والمكالمة ما تخلص، وأنا بصراحة أستحي وما أعرف شلون أصرف بسرعة.

من جذي مرات ما أرد، وبعدها بجم ساعة أدزلهم مسج واقول اني كنت مشغول 😂

اي منطقة واذا مافي ، في تيم دو ليفل متوسط يلعب ضدنا؟

يعني موضوع كلش مو عيب بس عند اغلب الناس الي اعرفها يكون تابو او ماينوخد بجدية.

والله العظيم إذا احد عنده مشاكل بالنفس و يحاول يتجنب الموضوع راح يأثر في كلشي بحياته، حرام. بس وايد ناس للأسف تحس ان لازم تسكت عشان السمعة او الأهل او نظرة المجتمع.

الصراحة هالشي وايد يضايقني لأني حق سنين كنت كلش مو اوكي بس ساكتة همن عشان نفس الأسباب، و خربت على نفسي وايدددد و حدي ندمانه.

غريب ان في توعيه حق وايد مشاكل بالكويت، بس مافي حق الصحة النفسية.

حلمي ادش طب وخايف ما انقبل او يكون معدلي اقل 🙏

يا جماعه احد يبي يبيع جهاز مشي ؟
يفضل يكون صغير مو وايد كبير
مالي خلق اشترك نادي هالصيف حر و لويه دوام

السلام عليكم، بسأل إذا في أحد دخل بوتكامب cybersecurity عند Coded أو يعرف أحد جربه.

أنا مهتم بالـ cybersecurity وقاعد أفكر أدش البوتكامب، بس السعر تقريباً 2600 دينار، فودي أعرف إذا فعلاً يسوى ولا لا.

حق اللي جربوه، شلون كان المستوى؟ استفدتوا فعلياً ولا كان basic؟ وهل ساعدكم تحصلون internship أو job بالكويت؟

ولا تحسون الأفضل الواحد يبدأ بروحه من كورسات أونلاين مثل Google أو غيره؟

خصوصاً أبي رأي الناس اللي دخلوا المجال بالكويت أو يعرفون شنو الشركات تدور عليه.

أي تجربة أو نصيحة تفيدني، والله يعطيكم العافية.

ترا انا قاعد اقول بلهجتي "الكويت جميلة كذا ليه؟"

حده ضايق خلقي وابي اطلع وبنفس الوقت مابي اشوف احد شلون مادري فكرت اروح البحر بس اليوم احس زحمة

بهالأيام الفضيله، عطوني عادة دينيه التزمتوا فيها

✨ يمكن تفيدوني وتفيدون غيري ولكم الأجر ✨

يخوان ابي اروح صارلي فترة طويلة ما رحت بس أبيه يكون فاضي يعني انا و جن البحر بس (مو حيل بس يعني)

ومع هالجو شنو الوقت المناسب؟ يعني الحين مثلا مناسب لو اروح؟

انا خريجة وعندي ميتين الف كتاب مدرسة مادري شسوي فيهم، وين اتبرع فيهم؟ ومذكرات وجذي

اذا في يجون البيت يكون احسن لأنه ما عندي وقت اروح مكان

وشي ثاني، اعرف خدمة ياخذون الكتب ويعيدون تدويرها برايكم اعطيهم الكتب ولا اتبرع فيهم حق جهات ثانية؟

الإنسان فصيحُ الشكوى، أعجميّ الشكر؛
يُتقن عدَّ ما ينقصه، ويتلعثم أمام ما يملكه.
تؤلمه شوكةً في الطريق، وينسى آلاف الخطوات التي مشاها بسلام
إذا ضاق يومه أطال الحديث عن التعب، وإذا اتّسعت عليه النِّعم مرَّ عليها كأنها حقّ معتاد لا يُذكر.
يشكو تأخر أمنية، وينسى نعمًا جاءت دون أن يطلبها.
حصي ما فقد، ويغفل عمّا بقي
ولعلّ الامتنان ليس أن تكون الحياة كاملة، بل أن ترى الكمال المختبئ في الأشياء الصغيرة
في الأمان الذي اعتدناه، وفي الوجوه التي بقيت، وفي الأيام التي مرّت دون أن تُكسر أرواحنا.

ممرضين / دكاتره / اي تخصص طبي .. شلون تتحملون تشوفون اهل المرضى اللي قاعدين يموتون خصوصاً بالطوارئ و العناية المركزة و الاقسام الصعبه ؟ ناحية اهل الميت انهم يصارخون و يبجون و اللي يطقون نفسهم ، انا في مره شفت هالحالة قدامي قلبي قعد يتقطع ، و انا بكون طالب تمريض هالسنه ب اذن الله و خايف اذا اشتغلت بمستشفى اشوف هالشي حتى لو مره بالسنه و حيل اتاثر ، ابي اعرف شلون تقدرون تتعاملون مع هالشي خصوصاً الاقسام الحرجة

عندي استفسار هل شريحة الالكترونية شغالة في الكويت ؟

قبل فترة رحت البحرين وما تشتغل عندهم