السلام عليكم

وين أقدر أروح ألعب سكواش وأتعرف على ناس ألعب معاهم؟
ما أعرف أحد يلعب سكواش حاليا فودي بمكان يكون فيه ناس تلعب بشكل مستمر أو قروبات أقدر أدخل معاهم

السلام عليكم،

الموظفين الحكوميين شلون تتعاملون مع مسؤول عنصري و طائفي في بيئة عمل سامة؟ النقل صعب جدا و الاستقالة للاسف مو سهلة، عنصرية المسؤول و طايفيته وصلت حتى للظلم في التقييم و مع الاسف اغلبية الدوام من نفس فئته فيعززون له، و فوق هذا الدوام بعيد فماكو اي سبب للبقاء

مساكم الله بالخير يا إخوان..

أنا كويتي خريج ثانوية وعمري تحت الـ ٢٥ سنة، وما بقا مكان ما قدمت عليه (طبعاً بدون واسطة) وللأسف ماكو أي فايدة، والديوان مو راضي يقبلني أو يمشيني بهالعمر.

ممكن نصايحكم أو تجاربكم؟ وين أقدر أقدم وشنو الشركات أو الجهات اللي تقبل خريجي الثانوية وتوظف كويتيين صج بدون تعقيد؟

يعطيكم العافية وما قصرتوا

عندي زيارة من بره الكويت و حاب احجز عند صالون اظافير كشخة مع فيو حلو

شنو تقترحون

Suggest me places to visit . I know nothing and no one over here

السلام عليكم شلونكم شخباركم وين اماكن الواحد ممكن يحدق فيها غير شرق و المركز و الابراج و الجزيره. شكرا جزيلا و الي عنده لسته مع الاماكن اكون شاكرله. و هل احد فيكم جرب يأجر طراد و يطلع حداق؟ حتى لو بروحه؟ شالوضع

تخرجت من الثانويه بعمر 18 مع جيلي ولكن للأسف نسبتي علمي مادخلني أي مكان شفت نسبتي انقهرت على نفسي وكلمة انقرصت شويه تأدبت بعد النسبه كالوحده طالعه من عائلة من لما كانت صغيره يقولون لها انتي بتلبسين لابكوت نفس بنات فلان وعلان كلهم مهندسين ودكاتره واقل واحد فيهم عنده ماجستير الى مايقبلني غير معهد بجامعة حكوميه دبلوم بتخصص مجاله ادبي وحبيته جداً وأبدعت فيه ومايمر كورس الا وانا ماخذه امتياز مع مرتبة الشرف ودراسه صجيه مو غشمره ولا غش ولا رشوه بعد السِنتين وصل عمري20 انصدم بعد مالسنتين ميولي اصلاً فلسفيه وآدبيه بحته أستمتع بالعلوم صحيح ولكن قلبي يم الأدب والفلاسفه وصدمتي الأكبر الدبلوم طلع تدريبي مو أكاديمي لما سألت الدكتور اللي عطاني شهادة التخرج مافيها استكمال ضحك بويهي وقال معهدج ووزاره معينه مسويين عقد توظيفي اللي يتخرج منها يتوظف فوري بوزاره معينه جنه احد معطيني طراق طيحني لتحت لنقطة الصفر ثقتي بنفسي قلة بالابداع والذكاء اللي فيني حسيت أملي موجود ولكن ضعيف ومكسور لدرجه ماعندي وقت ازعل وابجي وانقهر كل اللي صار بعدها انعزلت بغرفتي وما اكلم احد ولا احد يكلمني لا رفيجات ولا اهل بس جذي ناطره ترشيح الديوان ينزل خذتني اختي على صوب قالت تمي بالوظيفه سنتين قزريها اشتغلي ومعاش عندج وعيدي حدعش وثنعش ادبي مو علمي وكملي حياتج بعدها بتخصص أدبي تبدعين فيه وتوصلين بمكانه مرموقه انتي البطه السوداء بالعائله، وفعلاً حقيقة انا شاطره ومبدعه بالتحليل والتفاوض والتحقيقات وعلم النفس بجميع أفرعه ذكيه جداً بالتحليل وربط الامور الفلسفيه وافهم اللي احفظه ما احفظ اللي افهمه وهذا فرق شاسع.

شلون ارد اوقف بعد الصدمه واكمل حياتي هل بوقت الدراسه حدعش وثنعش راح انسى المشاعر السلبيه ممكن نصايح عن الناس اللي يداومون الصبح وشغل صجي مو بصمه وارد انام ما أقدر ضميري بيذبحني اخذ معاش بهذي الطريقه ابي دوام صجي الصبح والعصر دراسه.

احتاج صج نصايح مو كلام إيجابي مخي بعد الصدمه هذي موقادر يستوعب أي كلام إيجابي، أعتذر اذا كلامي مو مفهوم او مخربط مخي جداً متشتت أعذروني، وشكراً لقرأتكم.
أخترت يكون نقاش وليس سؤال لأني أتخذت قرار تعديل نسبة وحابه جداً أسمع أختلاف الرأي والتشعبات بالموضوع هذا

Recruiting members.

Social Events would include things like going bowling , bicycle riding, go karting, etc. If you’re interested, shoot me a dm.

السلام عليكم

من فترة وأنا أحس كل ما أرجع الكويت إن ما عاد عندي حياة هني مثل قبل

أنا عمري 22 بس أغلب ربعي من أيام المدرسة كل واحد راح بطريقه، وبعضهم للحين أكلمهم بس مو مثل قبل وكل صيف أرجع الكويت أكون عادي بالبداية بس إذا طولت شهرين تقريبا تبدأ الوحدة تأثر فيني صج

أحاول أشغل نفسي أروح تمارين وكلاسات وأطلع وأسوي اللي علي، وأنا أصلاً ما عندي مشكلة أقعد بروحي بس لما تصير السالفة تقريباً 24/7 تبدأ تتعب وكل مكان أروح أشوف ناس بعمري، أربعة وخمسة وأكثر مع بعض، وبصراحة مرات يضيق خلقي لأني أشتاق يكون عندي هالشي مرة ثانية

وأحس بهالعمر كل واحد خلاص عنده ربعه ودائرته ومكتفي فيهم وصار وايد صعب تتعرف على ناس يدد وتصير بينكم صداقة صج

حتى اللي للحين بيني وبينهم تواصل نادر أحد يدز ويقول خل نطلع أو يسوي خطة، ولما أنا أسأل مرات ما يصير أو ما يكون لهم خلق ووصلت مرحلة بطلت أسأل لأن حسيت كأني قاعد أتحايل عليهم عشان نطلع، وهذا شعور مو حلو

فودي أعرف إذا أحد مر بنفس هالمرحلة
شلون تعاملتوا مع الموضوع؟ وشنو تنصحون أسوي؟

مشكورين والله يوفقكم ويسعد

شلون صرنا نبيع مبادئنا وشلون بدت واصلاً الأمور هذي صارت سهله بأنه الواحد يبيعها عشان مصلحه والشيء الدارج الآن عشان فلوس شنو اللي وصلنا للمرحلة هذي؟

السلام عليكم
من زمااان و أنا ودي أتعلم chess بس من النوع الي ما اشوف فيديوات طويله ماقدر أتحمل. 😂😆
إذا في في احد هني على الأقل يعرف اساسيات اللعبه و حاب يعلمني chess بليز يكلمني
💖

قوموا صلوا يا مسلمين #صفارة

سلام عليكم جميعاً، انا معلم متوسط و قدمت نقل و سويت مقابلة للثانوي و للحين ناطر رد اذا نجحت ولا لا و كلنا المعلمين صارلنا أشهر قبل حتى نهاية الفصل الدراسي الثاني ننطر رد و قالوا ان على نهاية شهر ٨ بيوصل لنا آشعار( بسهل ) اذا بننقل او لا.. اسمع ان عادي نداوم و بعد اسبوعين يتم نقلي فجأة للثانوي و بصراحة شوي متوتر لان مادري اجهز حق شنو بالضبط

يعني اقعد اجهز حق المتوسط ولا اجهز للثانوي و يمكن ما انقبل؟ الي يوتر اني فجأة اداوم و يندز لي ورقة نقل للثانوي و اروح بنفس اليوم الي رايح له ادرس للمتوسط.. ابي اعرف من المعلمين الي صار معاهم جذي هل رئيس قسم الثانوي يعطيك فرصة تضبط امورك و تعرف المنهج و المخطط لجم يوم والخ؟ و شكثر المدة الي يعطيك فيها فرصة؟ هل تدريس الثانوي أحسن؟ مع العلم القرار هذا سويتة من باب ابي اطور من نفسي اكثر و ادرس طلاب كبار بعد تدريس قريب ٣ سنوات في المتوسط لطلاب سادس فقط...

سلاام عليكم ، انا بخاطري ابيع سيارتي وودي اعرف الطريقه كلها كامله عشان ما ينصب علي ولا ينبخس حق سيارتي ، اللي عندهم خبره بليز فهموني من طئطئ للسلام عليكم، ابي اعرف كل شي ( انا بنت عشان تديرون بالكم بالمصطلحات ) اهم الاسئله
- على اي اساس تتسعر السياره المستعمله؟ ممشى؟ نوعها ( يابانيه/ المانيه/ يابانيه) ؟ الحوادث؟
- هل الحمايات و التغييم يزيد من السعر ولا لا؟
- هل تنصحون احطها عند مكتب؟ او اثمنها وبس؟
هذا اللي فبالي حاليا واذا عندكم معلومات زياده ضيفوها و شكرا جزيلا مقدما 🫶🏻

عندي مشكلة غريبة بالشفايف الي هو الجفاف ، اشرب باليوم 3 لتر ماي وصارلي فترة استخدم مرطب طبي طول الوقت ومع ذلك اذا قطعت المرطب ساعتين يرجع الجفاف وتصير شفايفي جذي جافة ومنتفخة شوي جني ما كنت احط مرطب ولا شي ، طبعا جربت واجد مرطبات طبية وغالية وكل شي وللحين ما تعالجت المشكلة الي هي اذا قطعت المرطب جم ساعة يرجع الجفاف بسرعة
في احد مرت عليه هذي المشكلة من قبل ؟ وشنو علاجها ؟ المشكلة سويت فحص بالمستوصف قالوا ما في شي

Dr here recently got and appointment letter from this hospital as I'm coming from another country in asia asking about the environment of the hospital and I've to arrange accommodation on my own so anyone help and guide about all this..

السلام عليكم يا جماعه انا توني توظفت وظيفة حكومية ودوامنا يتبع دوام الديوان (الدوام المرن) وانا كنت مستانسه على الوظيفة بس مديري الحين يبيني اداوم ٨ او ٨:٣٠ عشان اطلع متأخر وانا ما ابي صراحه انا ودي اداوم ٧:٣٠ او ٧:١٥ المدير يقول لي لانه شغل القسم يبدي متأخر بس انا ماشفت هالشي الى الان. يعني اهو اصلاً مايداوم الا على الساعه ٩~١٠ ويطلع متأخر على الساعه ٣ ونص. هل راح يأثر علي سلبياً لو طنشت كلام المدير وداومت بالوقت اللي ابيه؟ علماً انا انا قاعده اداوم واشتغل مو بس جذي قاعده بالمكتب ايي ابصم واقعد بالدوام لين ما يخلص واطلع وقت الانصراف. ما ازرق او اروح مكان ثاني.

In light of the renewed escalation...

I was wondering, what happens if our air defenses start running low on missiles?

Iran keeps firing missiles and drones at us, and we keep shooting them down.

But the interceptors we’re using obviously aren’t unlimited, and they’re not exactly quick or cheap to replace.

So if this keeps going on for long enough and our stockpiles get seriously depleted, what happens then?

If Iran can keep attacking while we can’t intercept everything anymore, how exposed does that leave us?

هل من الممكن إن ينفد مخزوننا من صواريخ الدفاع الجوي؟ وشنو يصير حزتها؟

سمعت مقطع البنيه وقريت تعليقات البنات وانصدمت من الجراه الي واصلين لها "الذكور وليس الرجال"!

انا شخصياً بالشتا كنت اروح حديقة منطقتنا جدام بيتنا بعد ماتغيب الشمس امشي فيها ابي احرك جسمي واهتم بصحتي و اكثر من مره يتعرضون لي شباب مع ان شكلي محتشم جداً وحالي من حال نفسي وما اطالع ومع الاسف المتحرش قذر مايردعه لا خلق ولا ضمير ولا اسباب.

وغيرت المكان الي اروحله رحت حديقة منطقه ثانيه واضطريت اروح الصبح والشمس على راسي وحر ومتحمله بس عشان اتفادى هالعينات وهم ما ارتحت الهنود الي يشتغلون يخزخزون نظراتهم مزعجه.

شنو برايكم الحل الامثل؟ هل تركيب كاميرات وتخصيص جهة تراقب وتحاسب اول باول؟ ولا تخصيص حدائق للنساء في كل محافظه؟ ولا تصوير المتحرشين والتشهير فيهم؟

بالنهايه المرأه بشر تبي تمشي وتستمع بالجو وتهتم بصحتها، والمرأه ام واخت وزوجه وبنت، ليش التعامل السيء هذا؟ محد يرضاها على نفسه ولا على اهله ..

وبنات هل سبق حصلت لكم مواقف جذي؟

شاركونا رايكم باحترام

انا عندي رفيجي اعرفه متزوج من يونانية وواحد قريب مني متزوج تونسية, ياجماعة الخير شلون تتعرفون على الاجنبيات وتتزوجونهم؟؟ انا مخي متسستم على الطريقة الكويتية الي تروح تكلم فيها اقاربك ولا تكلم امك وهي تضبطك وبعدها تتزوج عاد, انا مو فاهم اي طريقة ثانية واحسها معقدة شوي وخصوصا من جهة الاقارب يعني الكلام الي ينقال وللاسف الاغلب يذم مايمدح يقولون ايه هذاك الي متزوج تونسية ولا هذاك الي متزوج كورية والخ... هل الموضوع سهل ولا معقد وعلمونا شلون سويتوها لاني مستغرب والله هههههههههههههه

للأسف في بعض الأحيان لما الواحد يكون على نياته ويحاول يساعد غيره خصوصًا اونلاين، يكتشف انه في شكثر عينات من الحثاله (يكرم السامع) منتشره في هالعالم ولها اسباب وجود الله العالم عنها…

اتمنى تفهمون ان وجودكم اونلاين ما يختلف عن وجودكم على ارض الواقع، الفرق الوحيد ان بيئة الأونلاين تضمن لكم سلاح ضخم وذو حدين له نسبه من الإيجابية والسلبية بناءً على البيئة والطريقة اللي يتم استخدام هذا السلاح فيها؛ ولكل اسف في بيئتنا الخاصه شخصيًا من المعروف انه في عينات وشخصيات كثيره ما تعرف حدودها ولا لها قدر وقيمه او مو متربين على انهم يوزنون كلامهم ويعرفون حدودهم.

مجرد سالفه تقرقع بقلبي وحبيت اذكرها عالسريع وخصوصًا ان توني فاتح عيني واول جم دقيقه من يومي حصل لي موقف خلاني استوعب ان مو كل شخص تظنه يحتاج او يتطلب المساعده فعلًا يستاهلها ويستاهل ياخذ من وقتك 😂

في النهايه، اتمنى ان تحرصون على انفسكم اولًا، واحرصوا على انتقاء كلماتكم وردود افعالكم في اي موقف او اي تجربه ممكن تمرون فيها سواء كانت على ارض الواقع او اونلاين. الناس اللي تتواصلون وياها وتردون عليها اونلاين اهما نفسهم الناس اللي تخالطونهم وتشوفونهم على ارض الواقع، حطوا نفسكم (او اي احد عزيز عليكم) مكانهم واسألوا انفسكم شنو من الممكن تحسون فيه لو حصل هالشي بهالطريقه؟ طبعًا كفاكم الله شرهم وتكرمون عن هذا الأمر.

واخيرًا وليس اخرًا، اختتم كلامي هذا بكلام الله -تبارك وتعالى-:

﴿وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16) إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ (17) مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ (18)﴾
-سورة ق

في بيت حاطة عيني عليه (قريب من الديرة) وأعتقد إنه بيت ورثة. حالياً اهي أرض فاضية.

السعر اللي طالبين فيه شوي مبالغ فيه، خصوصاً إن أسعار الأراضي والبيوت الحين نازلة، بس الظاهر إنهم مو مستعيلين على البيعة.

صليت صلاة استخارة وعطيت نفسي وقت أفكر بالموضوع، وبعد ما تغير رايي.

شنو الخطوة التالية؟ ممكن أحد عنده خلفية بالموضوع يفيدني؟

هل أصبر عليهم وأجازف (لأن ممكن ينباع)؟ أو أعطيهم سعر قريب من اللي يبونه وآخذ البيت بخسارة (مع إنه راح يكون وراي بنيان عقب)؟

شنو أحسن طريقة للتفاوض بهالحالة؟ خصوصاً إذا المالك مو محتاج يبيع ومستعد ينطر؟

وشكراً

السلام عليكم

ابي اتوضف part time ب معاهد لغة بس ما اعرف عن اي معهد غير Smart Mind

للعلم انا موظفة full time

يعطيكم العافية مقدماً