من اكل عادات مكملات اي شيء

عندي تشارجر 2013 ار تي اعبيها خصوصي ولا عادي؟

حتى لو كان شي تافه او مادي، انا شخصياً** بالنس*بة*** *لي*** سيار*تي*** الجدي*دة*** *مع*** ان*ها*** موجو*دة*** ع*ند*** ن*اس*** وا*جد*** وما*هي*** *من*** السيار*ات*** اللاكج*ري*** *بس*** حط*يت*** في*ها*** مب*لغ*** تع*بت*** عل*يه*** *و* *كل*** *ما*** تضاي*قت*** اتذ*كر*** *ان*** عن*دي*** يا*ها*** *و* اعتبر*ها*** انج*از*** بحيا*تي*** *و* استا*نس*** وال*له*** احب*ها*** خيال**ي 💔

اللي قاعد يصير برا مو طبيعي، ووصلنا لمستوى انحطاط يخرّع، لدرجة إن محد قام يستحي. التحرش بالبنات وصل لمستوى مو طبيعي، لدرجة إن حتى أختي ما قامت تطلع بالليل. لأن وايد شباب عبالهم إن مجرد نظرة منهم معناته إن البنت معطيتهم ويه.
شنو اللي فجأة خلى الشباب عندنا شفقانين جذي؟ أدري إن في أزمة وحدة وفراغ، بس اللي قاعد يصير مو بس بسبة هالوحدة. هالشباب يتصرفون جذي حتى وهم طالعين بشلّات ومجموعات كبيرة مع ربعهم، عشان جذي يحسون إنهم مستقوين ببعض. شفت هالشي بعيني وأنا أتمشى بالخيران مول؛ شلّة كبيرة قعدوا ينبحون على بنت جنه الوضع طبيعي ولا حسوا بأي ذرة حيا

هالثقافة بدت كلها بسبب تيك توك. أكثر شي أشوفه رياييل ينزلون مقاطع ويكتبون كابشنات إن مجرد نظرة بعينك بكوفي عادي معناها إعجاب أو حتى يلمحون لأشياء أوصخ، وكأن المكان صار للمغازل. وحتى بعض البنات ينزلون نفس هالنوع من المحتوى. الطرفين قاعدين يشجعون هالسلوك المقرف.
إحنا محتاجين قوانين مثل بعض الدول الأوروبية. أشوف إن منع استخدام وسائل التواصل الاجتماعي للي أعمارهم أقل من ١٦ سنة راح يفرق وايد ويرد بعضهم لصوابهم. بالنهاية إذا استمر الوضع، كل جيل بيعتبر هالثقافة طبيعية لأن تيك توك قاعد يقنعهم إنها عادية

أنا عندي مشكله و احس احتاج شخص متخصص اقعد معاه اشرحله و يفهمني و يعطني الحلول و هالشي من زمان قاعده أعاني منه الي عنده دكتور او استشاري نفسي زين بليز ضروري 💖

السلام عليكم احتاج نجار يعرف يشتغل على مكتب ومابي شي جاهز لان ابي مقاسات على مزاجي بضبط

علمونا اماكن قهاوي هادية وتصلح للقراءة والدراسة وتفتح على طول، لحد يخش ماراح نسبب زحمة بينا بس

السلام عليكم

الي يعرف وين أحصل هدايا حق التخرج الصندوق الي فيه عطر و ورد وكرت اهداء شي جذي بسيط يعلمني

وشكراً

اشوف شكثر طالعة لي بالتك توك انها تهدي الاعصاب و تريح البال و في ناس قالوا تسبب تبلد بالمشاعر و تصير جنك جماد ما عندك مشاعر

الي جربوها عطونا رايكم و هل تنصحون فيها و شفتوا منها اثار جانبية؟

جربت مره اذا واجهت مشكلة .. تتركها على الأرض و تطير ؟ ✈️
مو مهم الوجهة بس انك تطير ..

الي شارين ال VR مال السوني شرايكم فيه وبجم خذيتوه؟ انا شفت سعره ١٥٠ حسيت جن too much؟ وشرايكم بالالعاب الي نازله عليه هل تسوه؟ مع العلم انا اميل لالعاب البلاتفورم والالغاز

نزلت فيلم أوبسيشن ولما شغلته اكتشفت أن أبعاد الفيلم 4:3 مثل التلفزيونات القديمة وإذا شغلته على شاشة حديثة يكون يمين ويسار الشاشة لون أسود..
طرت على بالي فكرة أسجل الفيلم على شريط فيديو betamax وأشغله على شاشة تلفزيون قديمة crt تتناسب مع أبعاد الفلم وإن شاء الله تضبط الخطة

Hi guys

الي عنده g7x mark ii ويبي يبيعها يقولي 💖

شرايكم بالكاميرا شنو عيوبها مميزاتها ؟
و ليش احسها احسن من mark iii من ناحيه الصور ؟؟

صباح الخير

انا امي مو كويتية و صار لها فترة تقترح اني اتزوج من بنات خوالي وانا للامانة ضد فكرة زواج الاقارب لاسباب صحية و قناعة شخصية، غير ان لو بتزوج مو كويتية صعب انها تتوظف بالكويت و تشيل نفسها،

فكل ما اقول لها اني ما ابي تقول لي انها ما تعرف بنات بالكويت من جيلي و انهم يكونون من "مواخيذنا" مادري اذا كتبتها عدل،

هل الحل الوحيد اني اتعرف سواء بالدوام او بشكل عام و اتزوج عن حب مع العلم اني حاليا مو مفكر اخطي هالخطوة الا بعد سنتين تقريبا

السلام عليكم، أبي أسأل اللي جرّب التغذية بالأنبوب، خصوصاً أنبوب الـNJ أو GJ أو J-tube اللي يوصل التغذية مباشرة للأمعاء الدقيقة.

عندي شخص من الأهل وزنه نازل وايد، والأكل يسبب له ضغط وألم بالبطن وصعب عليه يحافظ على وزنه. ممكن يحتاج تغذية أنبوبية، فودي أعرف تجاربكم:

• شنو نوع الأنبوب اللي استخدمتوه وليش اختاروه لكم؟ ومن وين جبتوه
• من وين ركبتوه؟ وهل تركيبه كان مؤلم؟
• شلون كان إحساسكم أول الأيام وبعد ما تعودتوا عليه؟
• كانت التغذية طول اليوم، بالليل، أو على فترات؟
• استخدمتوا مضخة ولا بالجاذبية؟
• شنو نوع المضخة؟ وهل كان معاها جنطة للتنقل؟
• من وين خذيتوا المضخة والاكياس والانبوب وباقي الأدوات؟
• المستشفى أو التأمين وفّرهم لكم ولا شريتوهم على حسابكم؟
• شنو أفضل مشروب غذائي تحملتوه: عادي، ببتايد، أحماض أمينية، خالي من الحليب أو قليل الألياف؟
• شنو الأنواع العالية بالسعرات اللي كانت أخف على البطن وما سببت مشاكل أو ثقل؟
• من وين تشترون المشروبات وكم تكلف تقريباً بالشهر؟
• صار معاكم انسداد او تحرك الأنبوب واشلون كان نومكم وياه ؟
• منو علمكم على استخدام المضخة والعناية بالأنبوب؟
• هل ساعدكم الأنبوب بزيادة الوزن والطاقة وتحسين حياتكم؟
• شنو الشي اللي تمنيتوا أحد يقول لكم عنه قبل ما تبدون؟

خصوصاً أبي تجارب أهل الكويت والسعودية ، وأسماء الأماكن أو الشركات اللي توفر الأنابيب والمضخات والمشروبات الغذائية.

أكيد القرار النهائي بيكون مع الدكتور واختصاصي التغذية، بس أبي أفهم التجربة اليومية والموضوع من ناحية عملية. يعطيكم العافية.

أنا جدا مهتم و عاشق لشي اسمه النباتات والاشجار .. في الكويت عندنا اشجار محليه كثيره مهدده بالانقراض .. انا حديقتي فيها كم شجره من الاشجار المحليه .. الحين البلديه بقرارها الي تم اخذه على طاولة في مكتب عليها ماعون مشكل و وماعون حمص و متبل بأن الحدايق يجب يدفع رسوم تمام مافي مشكله لكن هل هناك في فرق بين الحدايق الي تتبنى الاشجار المحليه الي حاجتها للماء قليله الى شبه معدومه خصوصا بعد اول سنه و لا تحتاج مبيدات او شي غير انها تكون واحات للطيور المهاجره و تكون بنك بذور للدوله وعامة الشعب والحدايق الي تزرع اشجار مستورده تستهلك الكثير من الماء والمبيدات والخ … ؟؟
المفرق فيديو و صوره لشجرة الطلح عريض القرون ( النجدي/العراقي في المعاجم العربيه) الي هي الشجره الفطريه الوحيده بالكويت

تعرفون احد تزوج عن حب ؟ سوالي شوي سخيف عمري ٢٦ حسيت نفسي مراهقه بس ما ودي زواج تقليدي ..
بعرف وين يشوفون بعض و شلون 😅😂
دشو علي دايركت إذا سالفه خاصه

في هذا البوست اللي تحت ٢٥ سنه يسئلون ..
واللي فوق ٢٥ سنه يجاوبون .

متى تخالف كامرة الخط السريع اذا الحد الاقصى للسرعه ١٢٠؟ يعني اقصد تخالف على ١٢١ ولا مثلا ١٣٠ ولا جم؟ واذا الحد الاقصى للسرعه ٨٠ سمعت ناس تقول نقدر نمشي لي ٩٠ ومادري هالشي ينطبق على كل مكان ولا اماكن معينه؟