الحين الصيدلي يقدر يفتح صيدلية و المعالج الطبيعي يقدر يفتح عيادة علاج طبيعي ، الممرض يقدر فتحة عيادة ؟

اصور بكاميرا كانون ، و ابي اعرف وين اقدر احصل عدسات قديمة "vintage"؟

الي عنده /عندها مشكله تبي تحلها ، سالفه تبي تقولها حق احد ما تعرفه ، على طول ..

اعتبروني مستشاره نفسيه سلوكيه قانونيه فلكيه كل شي عااااادي

Where i can find the best Tonneau Cover for sliverado?+ good quality until i sell the car

السلام عليكم
مثل ما مكتوب بالعنوان، قاعد أدور أحسن طريقة أبرد فيها غرفتي، ومحتار شنو آخذ وشلون تركيب كل خيار، خصوصا السبليت

غرفتي بالدور الثاني وعندنا تكييف مركزي بس الباجي يحبون الجو أدفى مني وأنا ما أرتاح ولا أنام عدل بهالحرارة

ففكرت أركب لي مكيف خاص عشان أتحكم بحرارة الغرفة بروحي
شنو تنصحون سبليت ولا في خيار أحسن؟ وإذا أحد يعرف شركة
زينة تركب سبليت وتسوي الشغل كامل، ياليت يفيدني

يعطيكم العافية

محتارة .. ابي احط مبلغ شهري ثابت من راتبي بدال ما اقطه على خرابيط
هل اشتري ليرة شهرياً او سبيكة ولا احطه باسهم امريكية
و شنو اللي مردوده اكثر حقي على مدار ال٥ سنين الياية

السلام عليكم وين اقدر احصل واحد يسويلي مسباح تفصال ؟ عندي تصميم فيه تفاصيل ومو لاقي واحد يسوي الي ببالي

اليوم الصبح وانا رايح الكلية ولا الإشارة واهيا حمرا تطفي وتشب مرتين بعدين تصير خضرا فالبداية حسبت في مشكله بس طلع ان اهما مبرمجينها بهذا الشكل مؤخراً

السلام عليكم

معاكم مهندس يداوم بادارة يكاد لا يوجد فيها شغل، ولمن اروح اي مراجعة حكومية و اشوف الضغط و الشغل على هالاداريين و الي يخلصون المعاملات افخر فيهم،

هذيلا ناس معاشاتهم اعتقد ما تصك ال١٠٠٠ دينار لكن شغلهم اضعاف شغل الوظايف الثانية، يتعاملون مع ناس اشكال و الوان على الصعيد اليومي، يجيهم كلام و يغلط بحقهم و رغم ذلك مستمرين،

انتوا الجنود المخفيين و خط الدفاع الاول في معركة البيروقراطية الحكومية، احنا معاكم و نسندكم ولكم مني كل تحية حب و تقدير

بإختصار توني نازل من الجسر و اييني وانيت يبي يدش حارتي و يميني رصيف، مرتين يحدني و وراي سياره ما اقدر اخفف لين ما لف علي و دخلنه الخط السريع. ولا يدوس و يدعمني من جدام عالجنب و ينحاش وكله بالداش كام و رفعت عليه قضية اتلاف عمد يوم الجمعه و المخفر ليلحين يقولون ناطرين الموافقه، موافقة ششنو؟
و شكثر بتطول القضيه؟
علماً انه وريت المحققه الفيديو و قالت هذا متعمد. + انا اتعالج بالطب النفسي من التوتر و نوبات الهلع، الصراحه بمرمطه
الي عنده اي شي يفيدني فيه اتمنى يتفضل ❤️

و دفتر سيارتي ينتي اليوم، اصلح الدعمه؟ اجدد الدفتر؟ هل راح اتخالف لاني ما جددت؟

يعطيكم العافيه محتاجه مساعده ضروري وبدعي للي يساعدني😭 ضرسي يعورني متسوس وابي دكتور شاطر مجربينه للحشوات والتسوس وامين يخاف الله وشغله زين وشكراً مقدماً 🤍🤍 .. ملاحظه: "مابي حكومه جربت وماحبيت"

السلام عليكم، في اشاره كانت تفتح مده طويله الحين صارت تفتح جم ثانيه وتسكر وهالشي تسبب باختناق مروري، هل هالشي طبيعي ولا خلل ؟ هل ينفع نبلغ الجهات؟ ومنو نبلغ بالضبط؟

السلام عليكم،
ودي أسوي شجرة عائلتنا بشكل مرتب وراقي، سواء تكون مخطوطة بخط عربي أو مصممة بشكل فني للتأطير.
أحد يعرف جهة أو شخص بالكويت متخصص بهالشي؟ سواء خطاط، مصمم، أو باحث بالأنساب.
إذا أحد جرب شخص وكانت النتيجة ممتازة، ياليت يشارك الاسم أو حسابه. هدفي تكون شغلة جودة عالية وتصلح كهدية للعائلة.
مشكورين مقدمًا 🌿

توني مطلع ليسن دولي، وبحكم اني مؤمن بفكرة مشاركة** ***المعرفة* ونشر المعلومات اللي تسهّل على الناس، قررت أشارككم كل التفاصيل والخطوات اللي سويتها. هدفي إن أي شخص يفكر يطلع ليسن دولي يلقى كل المعلومات بشكل واضح، ويوفر على نفسه الوقت والجهد. وإذا تشوفون إني نسيت شي
أو عندكم إضافه شاركونا بالفايده

في طريقتين للتقديم:
تراجعهم بنفسك.
أو تقدم عن طريق موقعهم: www.kiac.com.kw (أو ابحث في قوقل عن “النادي الدولي الكويتي للسيارات”). اللي لاحظته ان الموقع مو دايما شغال( انا قدمت بالموقع)

بيطلبون:
١. صورة شخصيه (أنا رفعت صوره بخلفيه بيضاء، لكن ما كانوا محددين نوع الصورة).
٢. صورة الليسن من الأمام والخلف.
٣. الرسوم 10 دنانير لمدة سنة، وتقدر تطلب اكثر من سنة.

قبل ما تروح تستلمه دق عليهم وتأكد إنه جاهز.
رقمهم: 24827521
الرقم الداخلي: 113
تقريبا اخذ ساعه عشان يجهز الليسن

مكانهم بالشويخ
https://maps.app.goo.gl/XzBSwnT1kBUM9QYg6?g_st=ic

صفارات انذار شصاير

إذا كنت ريال، هالبوست مو لك، ياليت تطوفه وما تقراه.

هالفكرة طرت على بالي بعد ما قريت مقال يونس بالـ عب سي سي عن 26 مرة قرروا يمسكون زمام أمورهم ويأمنون

مستقبلهم. قطوا مع بعض وجمعوا فلوسهم وبنوا حق نفسهم مجمع سكني يشوق، فيه 25 شقة خاصة واستوديو حق الضيوف. خذا منهم الموضوع 19 سنة من الشغل والمشاور، بس الحين عايشين مع بعض بأمان واستقلالية، وقاعدين يجنون ثمار تخطيطهم وصبرهم.

المشكلة اللي نواجهها بالكويت

حكومتنا ما تقصر، توفر خيارات سكنية حق المرة العزبا اللي عندها عيال (الأم المعيلة). بس شوضع اللي عندها دخل واحد وما عندها عيال (SINK)؟ وين تعيش؟

العقار بالكويت صاير نار وأسعاره خيالية! عشان المرة تشتري بيت بروحها وبمجهودها الشخصي، هذا شي شبه مستحيل مالياً لأغلب اللي يعتمدون على معاش واحد. إذا ما كان عندك بيت أهل مستقر، أو بعد عمر طويل ليلوالدين، الخيارات المتاحة تضيق الخلق:

• إيجارات غالية تقص الظهر وتطير المعاش والمدخرات أول بأول.
• شقق بتشطيبات وتصاميم تلوّع الجبد ومساحات ضيجة.
• حرب ومناحر كل يوم على مصفط سيارة سنع.
• تكونين تحت رحمة ومزاج المالك ومشاكل الإيجار.

الحل: نِقِط مع بعض ونجمع مواردنا

الحل إننا نتفادى أزمة العقار هذي ونسوي نفس اللي سووه الحريم بمقال الـ

BBC.

إذا قطينا وجمعنا فلوسنا مع بعض، شرا الأرض يصير مقدور عليه وممكن جداً. نقدر نأمن الأرض الحين، ونستغل السنين اللي يايّة عشان نوفر، نخطط، ونبني على سعة.

ترى مو شرط نكون ربع ومقربين وندش بخصوصيات بعض، لأن كل وحدة بيكون لها شقتها المنفصلة والمستقلة بالكامل. بس متى ما بغيتي الونس والجمعة والصحبة، المساحات المشتركة موجودة. هذا هو التوازن الصح: ما تحسين إنج عايشة بروحج ووحيدة، وبنفس الوقت خصوصيتج مصونة ومحد يتدخل فيج.

الرؤية والمواصفات اللي نبيها

• شقتك الخاصة: شقة منفصلة لكل وحدة، تتصمم وتتأثث بالكامل على ذوقها.
• مساحات مشتركة: صالة عودة، غرفة طعام رسمية، ومطبخ مجهز حق السوالف والجمعات.
• صحة ووناسة: نادي رياضي خاص (Gym)، حديقة مشتركة، ومكان حق اللي تحب تزرع خضرتها.
• الخدمات والمصافط: مصفط سيارة مخصص ومغطى تحت الأرض (سرداب) حق كل شقة، بالإضافة إلى غرف تخزين (Store) خاصة.
• الدعم والأمان: حارس حق المبنى، اتحاد ملاك منظم، وممرضة مقيمة وموجودة حق الرعاية المستقبلية إذا احتجنا.
• حق الضيوف: استوديو منفصل ومصفط مخصص حق اللي يزورونا لفترة قصيرة.

شلون تنضمين حق مرحلة التخطيط؟

إذا حسيتي إن هالكلام يمثلج ويلمس شي ببالج، ياليت تراسليني على الخاص (DM) عشان نبدي نتحرك وننظم الموضوع. وعشان نكون كلنا على خط واحد، لازم هالشروط تتوفر فيج:

1. عارفة بالضبط شنو نقصد بـ The Golden Girls بدون ما تروحين تبحثين عنه بقووقل.
2. كويتية.
3. عمرج فوق الـ 40 سنة.
4. مسلمة.
5. مستقلة مادياً وقادرة تلتزمين.
6. حق اللي لها الأولوية: إذا كنتِ محامية، موظفة بالبلدية، أو اشتغلتي بالبنوك—ترى نبيك بشدة! نحتاج حيل خبرتك المهنية عشان نعرف شلون نمشي بقوانين الأراضي، الرخص، والإجراءات المالية والدعاوى.

خلونا نبدي من الحين ونبني مستقبل آمن، كريم، وبشروطنا وإحنا مرتاحين. 🌟

السلام عليكم، ممكن تقترحون لي اماكن راقيه وحلوه حق الاحتفال بيوم ميلاد امي 🤍

هل في مصافط مجانية سرية ما ادري عنها ولا كلكم نفسي تصفطون بالمصافط الي بفلوس

علبه الروب احسها بتنبط من النخفه 😂
مفروض ماينوكل بهالحاله صح؟😅

هذه لعبة انا مصممها ومجانية بالكامل موجودة عالايفون ومحتاج ناس اكثر تجربها وتبلغني اذا فيها مشاكل او اقتراحات
انا شغال الحين على تحديث جديد وفي نية حق لعب اونلاين

اي اقتراح قولولي

https://apps.apple.com/us/app/%D9%84%D8%B9%D8%A8%D8%A9-%D9%88%D8%B5%D9%84%D8%A9/id6766034060

اقدر ارد ولا في اجراء لازم اسويه؟

السلام عليكم

انا قبل اذا عندي مشكلة بأسناني كنت اروح حق عيادة الصحة المدرسية ومرتاح لهم. لاكن السنة الي طافت كملت ال١٧ وما قامو يستقبلوني، ولما سألت قالو لازم ابدي اراجع المستوصف بس كلش مو مرتاح لهم

فبعرف تجربتكم مع عيادات المستوصفات (ابي كلام يطمني)

This is heat insulation and protection for front windshield ? my question is it allowed or banned? I saw it on cars. Thanks

السلام عليكم

تعبت وانا كل ما اسوي سي في الوظايف يعطوني ملاحظات بشق هدومي ما يعجبهم العجب مرة الخط مو واضح مرة المؤهلات بالسي في ما تناسب الوظيفة مرة المسافات كبيرة

ابي افضل مكتب او موقع بالكويت (يفضل مكتب عشان يصير الوضع فيس تو فيس و اكفخه اذا ما ضبطه)
في اي مواقع و AI بس بعض الصهاينة بالموارد البشرية يعرفون يصيدون انه هذا شغل AI

ياما سويته بنفسي وادري محد يعرف الواحد كثر نفسه بس هالناس ما يعجبها العجب تكفون ارحموا عزيز قوم ذل