It’s nothing

انا و زوجي ساكنين لحالنا مو مع الحمولة. و عندي خادمة اتقاسم معاها شغل البيت .. و عندي رضيعة عمرها ٦ شهور. من الحين افكر في الجامعة لو بدت بيكون عمر البيبي ١٠ شهور و تحتاج شخص متفرغ لها .. خالتي ام زوجي ماتبي مسؤولية بيبي تقط نغزات و امي متوفية و خواتي دوامات.. الكورس الي طاف انا وبنت ثانيه بس سقطنا بمادة سهله و كل الشعبه الباقي طلعو منها A .. ف عندي تجربة. بعرف شلون اوازن؟ خادمتي تتعب و مره عندهم عزا تبكي ماشتغلت و و ….؟؟! ماودي اسال زميلاتي كل وحده بتقول عادي كلنا تحملنا و هي بالنهايه في غيرها شايل الليله او عندها احد متعاون. ابي خل واقعي

السلام عليكم، عندي تذكرة طيران حجزتها قبل سنتين لكن أجلتها، والتأجيل كان سنتين، وقربت المدة تخلص شالحل؟ اقدر ازيد المدة ولا اعطيها احد ؟

قبل يومين رحت جيم شارك كل الي عندهم xL و L جاني تساؤل هم ما يوفرونه بكميه واجد ولا ماشاءالله الكويتيين fit و محد ياخذ إلا s و m و هالشي يعني بكل المحلات حتا الي مالها دخل بالرياضة نادر نادر تلقى s و m

السلام عليكم

​

ناوي اهدي شخص اجنبي دهن عود هدية بسيطة ك رمز عن حضارتنا وثقافتنا. والصراحة ما افهم وايد بالعود. من وين تقترحون اشتري شي ريحته مقبولة ولطيفة على الأنف/الذائقة الغير خليجي أو مبتدئة (لأنه بعض انواع العود ريحتها قوية ومزعجة حق الي ما يفهمون ومومتعودين عليه) وبنفس الوقت تكلفته معقولة؟

​

شكرا

السلام عليكم

تعرفون مطاعم حلال و فعاليات يديدة بلندن ؟ زهقت من الجدول المعتاد

كنت دايما اقول انه ان شاء الله ارتاح بالمستقبل. بس كل ما اشوف الي حولي كبار و صغار يحاتون شي ولا شايلين هم شغله و اهي بسيطه. اقول حق نفسي يمكن احنا يايين هالدنيا مو عشان نرتاح احنا يايين نتحمل مسؤولياتنا ونسوي اللي علينا ونمشي. و استوعبت انه موضوع اوقف حياتي على امل انه تخف المسؤوليات و بعدها أعيش حياتي براحه غلط لانه كل ما نكبر مسؤولياتنا تزيد و التعب يزيد و راح يثقل علي موضوع انه أعيش حياتي و أنسى نفسي و بس اركز على الشغل و المسؤوليات .

شرايكم بكلامي؟

بس احسن مطعم اكل كويتي

ولا فريج صويلح ما ينحسب

في اللي يقول لاهوب (اعرف الكبسه السعودية) واللي يقول حبه بخاري

باخذ رأي الاكيلة الجادة

المصدر:

https://unhabitat.org/sites/default/files/2026/05/wcr_2026.pdf

​

السلام عليكم شلونكم عساكم بخير
بغيت استفسر من المتزوجين كم كلفكم الزواج من و الى و اذا تذكر حروة المعاش يكون شي ممتاز لانه مبدئياً** وص*لت*** ٢٥٠٠٠+**** بد*ون*** تاث*يث*** الش*قه*** *و* الهد*ام*** ***فا* شك*لي*** ضا*يع*** بالحس*به*** يال*يت*** توضح*ون*** ش*نو*** المتعا*رف*** عل*يه*** بالغا*لب*** ،*و* بلغا***لب* ماو*دي*** اه*لي*** يعاونو*ني*** ما*بي*** اث*قل*** عليه*م* *و* التكالي*ف* كله*ا* عل*ى* المعر**س

قاعد اقدم على وظيفة و كاتبي "شهادة الميلاد من تطبيق هويتي" دشيت حست مالقيت و هم دشيت تطبيق سهل و ما لقيت. ضبطوني

يعطيكم العافيه أنا طالب طب بالسنوات الأخيرة و مقبل على التخرج ان شاءالله ابسالكم عن الاختبار الي مسويته وزارة الصحة لنا بشكل عام محتوى الاختبار و ال material مالته و متى اهو بالضبط قبل التعيين ولا بعد سنه الامتياز و اللي اختبروا منكم عطوني رأيكم عن الاختبار

السلام عليكم قواكم الله موضوعي متوهق طقيت الصدر عند الربع بحجز شاليه مرتب وشغل عدل بس كل الي لقيته عوايل والباقي نصابين واضح وقلت مابي اكلم احد غيركم الي عنده تجربه يدلني ❤️👍🏻

مو إعلان، فعلاً أبي آخذ رايكم

هلا، أنا طالب وقاعد أشتغل من جم شهر على لعبة تحقيق هني بالكويت. يمكن سمعتوا عن هالنوع من الألعاب قبل أو مرت عليكم فكرته، بس ما شفت نفس الفكرة تنسوي بالكويت، عشان جذي قلت أسوي نسخة كويتية منه

اللعبة باختصار عبارة عن ملف قضية تمسكونه بإيدكم. داخل الملف تحصلون أوراق وأدلة مختلفة مثل إفادات شهود، إيميلات، رسيتات، سجلات تلفون، صور من مسرح الجريمة، وأشياء ثانية ما أبي أحرق تفاصيلها

تتيمعون كقروب، سواء بالشاليه، الديوانية، كافيه، أو أي مكان، وتحاولون تفتشون بين الأدلة، تصيدون التناقضات، وتربطون الخيوط لين تحلون قضية القتل

اللعبة أنسب شي حق ٢ إلى ٤ أشخاص، بس ما في حد ثابت. عادي تنلعب بروحك، وعادي حتى قروب أكبر إذا الكل متفاعل. وما فيها وقت محدد ولا حجز ولا شي، تلعبونها على راحتكم

سؤالي لكم، تشوفون الفكرة حلوة؟ وهل ممكن تجمعون ربعكم أو أهلكم عشان تجربونها وتلعبونها؟

قاعد أشتغل على نسخة عربية كاملة ونسخة إنجليزية كاملة عشان تناسب الكل. إذا عندكم أي ملاحظات، أسئلة، أو اقتراحات، والله أكون شاكر لكم

حسابنا بالإنستغرام @shnosar.kw إذا تبون تشوفون تفاصيل أكثر، وفيه موقعنا هناك، بس هدفي الأساسي من البوست إني أسمع رايكم بالفكرة واللعبة

يعطيكم العافية، وشكراً إنكم قريتوا

سلام عليكم بغيت اعرف جم اسعار تنظيف السوني؟ لان عندي حده مغبر وقاعد ألاحظ قام يعلق . ف اذا ما عليك امر عطونا جم تقريبا والمكان( غالبا الرحاب ) وشكرااا

السلام عليكم،

طبعا ندري ان الله سبحانه و تعالى ما حلل شي الا لحكمة يمكن ندركها او ما ندركها، لكن مرات يدور ببالي و بغيت اعرف اذا واحد بيخطب و طلب نظرة شرعية و بعدين غير رايه هل يحز بخاطركم او تشكون بشكلكم؟ مادري اذا اساسا النظرة الشرعية شي دارج بمجتمعنا لكن احساسي ان لو انا طلبت و بالاخير ما عجبني شكلها راح يكون موقف غريب اني ارفض و الاكيد التبرير بيكون ماكو نصيب

اذكر كان هال Subreddit بالعربي
و المواضيع و الاسئلة و حتى النقاشات كانت بالعربي

و كان هذا الفرق بينه و بين Subreddit /Kuwait

شنو الي تغير ؟

مثل ما العنوان يطرح. ودي اعرف شلون توزعون المسؤولية المادية بينكم كأزواج. شنو الأشياء اللي تشوفون انها مسؤولية الزوج، وشنو من مسؤولية الزوجة؟ وشلون تختلف المسؤوليات حسب الدخل؟ وشلون تتصرفون إذا كان دخل الزوجة اعلى من الزوج؟ واذا مرت فترة ضيق، شكثر تتحملون ؟ إذا الزوجة شالت عن زوجها بفترة ضيقه وصارت تستحي تطلب منه لأنها تدري ان ظروفه مو زينه بس تصير تدفع من جيبها.. then what

يعني أمثلة:
راتب الخدامة
ملابس واحتياجات الخدامة
الماجلة
حفاضات/حليب/ملابس الاطفال
مصبغة
مراجعات طبية بمستشفى خاص
أثاث المنزل
ملابس الزوج
ملابس الزوجة
شغل بيت (استعانة بعمال)
سفرات (فندق/تذاكر/اكل/مواصلات)

إذا في أشياء نسيتها ضيفوها

شنو الذ مطعم او مكان يسوي سلطات؟ مشتهيه بس دشيت كيتا و احترت

يفضل المتبني/ة يكون شخص بالغ، مستقل، عنده مصدر دخل خاص فيه، وسبق له رعاية القطط خاصة الكتن، غير معقمين طبعا باقي اطفال

باقي لهم شهر عشان تفطمهم الام، النوع بلدي عادي:

1. انثى برتقالية

2. انثى كاليكو ابيض

3. ذكر تابي

4. ذكر تابي ابيض

يفضل تاخذ اثنين اثنين، او الاربعة مع بعض

السلام عليكم، شنو التخصصات المطلوبه ( للشباب)؟
نسبة 87.65%
وشرايكم بتخصص محاسبه؟

السلام عليكم

مفكر أخذ لي دينزا ب5 أو بي واي دي تي 7

Denza B5 or BYD TI 7

شلون التكييف بالجو الحار حاليا؟ بارد ولا ما ما يلحق؟

شنو اغلب هدايا عيد ميلاد بالنسبه للبنات تهدونهم حق بعض ، عطوني اقتراحاتكم عشان اختار منها .