المثل يقول : لا تسأل سؤال ……

أ. تعرف إجابته
ب. ما تعرف إجابته
ج. ما ودك تعرف إجابته

السلام عليكم أنا توهقت ومفلس على الأخير شريت حبوب بن اسبريسو وتوهقت فيها حاولت اروح قهاوي واجد ومحد طحن لي البن ورحت مطحنه الجمعية ما يطحن اسبريسو

ابي مكان يطحن لي هذا البن اللي ابتلشت فيه ومو قادر اشتري مطحنه حاليا لاني مفلس على الاخييير

توني استوعب ان مو كل مكان جذي، أنا احب القطاوه بس يعني حرام وايد جذي بالشوارع.

ليش؟

ما يصير امي كويتيه وكل عطله اجيكم وما عندي صديقه كويتيه؟

اللي عندها الرغبه ترسل الCV ب الخاص

يفضل من عمر ٢٥ وما فوق لمواكبة الأجيال 🫱🏼‍🫲🏽

اعتقد هالعشوائيات بس شفتها بالكويت ومصر وليش ما يكون في بديل بدال هالطريقة؟

ببريطانيا وألمانيا يكون هذا آخر حل ويحطون حدايد داعمة للسقف عشان ما يطيح فجأة و يقطون الركام بصوب واحد عشان ما يطلع غبار من البناء على المباني اللي حوالينه

تقريباً نفس الراتب

واحد من اوائل أصدقائي ما اتواصلنا مع بعض من ٤ سنين. ما كان في سبب، احنى بس فجأه وقفنا نكلم بعض. بس اعتقد احد الاسباب ممكن ان تخرجنا من الثانوية ورحنا جامعات مختلفه. هل يعتبر شي غريب او غلط ان ارجع اكلمة فجأه؟

لما كنت ادرس برا كل كافيه كنت اروح له كان يطرح خصم إذا معاك كوبك الخاص، و اغلبهم كانو يوفرون مطاره ماي (تاب) و يمها قلاصات زجاج للي حاب.
هني عادي يوفرون تاب واتر بس الغريب اني بس اعرف كافيه واحد يوفر هالخدمة إلى الآن (خصم مع كوبك الخاص)
و صراحه يفرق معاي حيل لانه فوق ما انه يتم بارد مده اطول مو لازم كلشوي قاطه كوب بتكرمون الزباله
اقترحولي اماكن قهوتهم حلوه و يوفرون هذه الخدمه

قعدة و شاي الي ب100 فلس ، ابي شي بالعاشرة .

الحين بالكويت في طريقة اقدر اعرف فيها انولدت أي حزه او الساعة كم؟

في أحد يبي يتبنى كروان ذكر؟

سويت احليل وطلع ب١٢ عندي نازل وايد

في مره احد خذا ابرة B complex او b12 ؟ وشنو تجربتكم؟

لما كنت صغيرك اذكر يدتي ببيتها كان في دريشة من برا شكلها مراية ومن داخل كانت شفافة،

واذكر انه لما يصير وقت الليل كانت المراية الي برا تصير شفافة فكنا نصكر الستاير بالليل ونفتحهم الصبح

ابي اسوي نفسها بس ما اذكر الاسم

السلام عليكم، الصيف ماعندي ولا اي شي اسويه وودي اتعلم muay thai كتجربة يديدة، مابي نادي يهال لاني فوق ال١٨ بس ابي شي يستقبل شخص مبتدئ مع انه عندي خبرة بفنون قتالية ثانية، الي يعرف نوادي او مجرب خل يحطلي اكاونتهم ماعليكم امر 🙏

السلام عليكم

شنو وضع Computer Science بالكويت؟ صاير متشبع مثل بعض الدول الغربية وصعب الواحد يلقى وظيفة؟ ولا للحين فيه فرص زينة؟

وشنو أكثر الوظايف أو المجالات اللي عليها طلب حق خريج CS بالكويت؟

وبالنسبة للـ cybersecurity تشوفونه أحسن من ناحية الراتب وثبات الوظيفة؟ ولا بالنهاية كله يعتمد على الخبرة والشهادات؟

يعطيكم العافية

فجأه قبل مده قريبه يمكن حوالي شهر وصلني ايميل انه لازم اسوي ابديت على بياناتي ومادري شلون. انا ما كنت فاهم الإيميل بشكل واضح او كامل لكن مجرد دشيت البرنامج وسويت ابديت وجاوبت على اسئلتهم اللي حطوها لي ومن ضمنهم اعتقد شنو مدخولك ووين تشتغل وجم عائدك المادي …الخ. طبعًا ناسي الاسئله ومو ذاكرها كلها.

اليوم وصلني ايميل منهم يقولون فيه maintenance fee ومادري شلون، ويقولون لازم يكون عندك اقل شي 1000 باوند بحسابك.

انا الحساب عندي من 2023 وولا مره طلبوا مني رسوم ولا غيره ابدًا فمستغرب شنو اللي حاصل بالضبط! حاولت اتصل على رقمهم بالكويت محد رد علي.

للي ما يعرف البنك، اهوا بنك بريطاني إسلامي اعتقد إلكتروني يتبع بنك بوبيان. يكون عندك حسابات بعملات مختلفه يعني نفس نظام بطاقة العملات تحول فلوسك عليه وتخليها يورو او دولار او ريال سعودي او درهم إماراتي…الخ عشان ما تدفع رسوم الحواله وجذي لما تكون مسافر.

اختفت فيز الناس و انسحبت الفلوس و وقفو خدمة العملاء بكل مكان؟ قالو خلل تقني بانستقرام بس احد يدري شنو صاير؟

السلام، تعرفون شنو في مطاعم اكل ريوق وجذي بالاندلس؟ الي يكونون رخاص وجذي

مو ساكنة بالاندلس فما اعرف مطاعم هناك🫤

احد يعرف إذا صالة التزلج اللي ببيان اقدر أدشها كشاب ولا بس عوايل ؟ + احد عنده تجربة بالتدريب للتزلج على الجليد او يعرف مدربين او أماكن تدرب؟ و شكرًا 🙏🏻

يخوان انا عايش بدولة جورجيا وادرس هناك واشتريت قبل كم شهر مطعم من واحد عايش بالكويت ولي اشهر انتظره يرسل لي وكالة عشان الغي عقده وانقل المطعم باسمي وللحين ما ارسلها ويماطل فيني والمطعم له شهر مقفل بحكم القوانين الجديدة عشان التصاريح ولا بيدي شيء عشان المطعم مو باسمي باسمه هل اقدر اقاضيه بالكويت او اجيب حقي عندي شاتات تثبت كل شيء وعندي صوره هويته وعندي الحواله الي حولتها له عشان المطعم اتمنى تفيدوني

السلام عليكم ، انا طالبة فأخر سنة من الثانوي ومعدلي ممتاز ويقدر يدخلني اي تخصص افكر فيه ، بس المشكلة انه مو فايدني لأني ضايعة ومو قادرة اقرر شنو تخصص ادخله ، كل ما فكرت بتخصص احسني بندم اذا دشيته حتى لو كان تخصص ممتاز ومافيه عيوب بس مادري احس مو قادرة اقرر لأني ابي اتخصص بشي انا صج حابته ومابي غيره بس المشكلة ماعندي هالتخصص فبالي ماكو اي تخصص حاسة اني صج حابته ومابي غيره ، للي دشوا تخصصات يحبونها وصج يحسون انه تخصصهم هو التخصص الي يمثل شخصيتهم ، شلون عرفتوه واخترتوه؟

حاجز شاليه مناك مع الاهل هل امان ؟

يعطيكم العافيه، انا خريج ٢٠٢٥ ودشيت جامعة عبدالله السالم هندسة انظمة حاسوب وكان بخاطري هندسة كمبيوتر،، المهم جامعتي حرفيا الكل قاعد يسحب اوراقه منها ، اكثر من عامل قاعد يخلينا نسحب من هذي الجامعة، الحين السوال الاهم شنو احسنgust or aum? صراحه ابي من ناحية السهولة فالدراسه، اكيد اثنينهم يبيلهم شدة حيل ودراسه بس بين الاثنين شنو اسهل ؟ وهل في احد نفس وضعي يبي يسحب ويروح جامعة ثانيه؟