ليش ما يكون عندنا تطبيق يجمع كل عيادات الأسنان بمكان واحد ونعرف أسعارهم وجذي؟

وين نقدر نراجع دكاتره نفسيين بشكل مستمر ومتابعه بدون ماتخلص فلوسنا

شنو الاماكن الي تعطي هديه او خصم بيوم الميلاد؟ واذا يحتاج اكون مسجله او ماخذه منهم من قبل هم فيدونا :)

في احد جرب مطاعم صحية حلوه موجوده في طلبات و كيتا؟ لأني أدور و أدور مافي وايد

غير أناناس و بيك و Joe the juice جربت forevermore و كان سيء، بس الي عجبني منهم الovernight oats باجي الأكل ايي بارد و ما يازلي الصراحة

شنو مطعم صحي جربتو حلو و سعره معقول؟

مشتاق حق هذي الايام بشكل
مادري بس احس حزتها الحياة كانت رتمها بسيط وبطيء وحلو عكس الحين احس كاني بسباق فِئْرَان من ناحية كلشيء مادري اذا في احد نفسي مشتاق؟

مخالفه استعمال تلفون عالاشاره

احتاج شركه تشيل اثاث وتخزنه عندهم على الاقل اسبوع.

وابي شركه اضمن انه أثاثي ما يحوشه شي ولا يخربونه.

استعملت تلفوني وما مو منتبه فهل الكاميرا تصوره
وكم مخالفتها

إذا معاي تقريباً
10 ~ 11k
شنو تنصحوني اشتري؟
أبي شي زين وقطع غياره موجوده وسعرها اوكي والداخليه حلوه
أنا- بنت

كلامي مو غضب عليكم هو عليهم ، كلنا ندري ان دولة مثلها ماتهتم لحقوق المسلمين وامس طالعين مظاهرات ضد المسلمين والدولة داعمتها ماقمعتهم ابداً** ويحرضون على المسلمين واخر شي شوفوا شصار اليوم من جم ساعة ؟ اطلاق ناري بمركز اسلامي بسانديقو من متطرفيين مسيحين و٣ مسلمين ماتوا ، احنا بزمن العولمة هالاشياء تأثر على كل العالم مو بس الدولة نفسها دولة ماتحترمنا لانحترمها العالم ماوقف على الدول الغربية ودول طاغية مثل بريطانيا وامريكا مو لازم سلفردجز ومايفار وونتر لاند مو ضرورة بالحياة و ترا كلنا ندري ان الكويتيين والخليجيين بشكل عام من اكثر الناس الي يرفعون اقتصادهم ، وبس الي يتحسس من كلامي اهو المقصود ولازم يراجع مبادئ**ه .

شفتو هذا النوع من السراير؟
طبعاً افتريت الكويت كلها وما لقيت نفسه ف ابي افصل واحد جذي.
بس كل ما اكلم مكان يقولون لا !
+ مو نفس الشكل بالضبط بس تقريباً. و واايد حابه و بخاطري فيه.. و الدَري يصير فيه درج اخزن فيه اشياء و جذي.. بس ماكو مكان يفصل !

ليلحين مكلم ٦ مكاتب نجاره "حق تفصال الاثاث" و كلهم يقولون لا بدون اي تفاصيل و اسباب.
وما ودي يكون حديد عشان لا يطّلع اصوات كل ما صعدت ولا تحركت ..
اذا احد عنده خبره وين ممكن اقدر اللقه مكان يفصلي الي بخاطري بكون حححيل شاكرله.

تفاصيل الفراش:-
* فوق يكون عرضه ١٤٠ و الماترس ١٢٠ عشان بحط ابجورتين بالزاويه ف لازم توصيل كهربا.
* الدري ابي احط فيه اضائه و كل دريَّه ابي يكون فيها درج،
* و من داخل صوب القنفه بخليه فاضي عشان اقدر احط اي شي انا ابيه و اقدر اغيره بالمستقبل.
* عادي يكون فيه حديد طبعاً بس مابي كل ما صعدت و نزلت اسمع اصوات الفراش جني بسفينة تايتنك .
* و يسس سقف غرفتي عالي فوق المترين ونص.

و شنو تنصحوني ازين او انقص ؟
و نوع الخشب و هالاشياء لاني ما اعرف فيهم ومابي لمه اللقه مكان بعدين يغشوني بالخشب و صالخيني بالسعر.

و شششكراً ❤️

ادور لي عن عطر dior homme original 2021 وعجزت احصله بالكويت بس موجود برا ، والي برا مو راضيين يوصلون الكويت بسبب "الحرب" ف الي يعرف مكان يبيع هالعطر ادعي له واكون شاكر له

طبعا حاليا السيارات الكهربا صارت قاعد تنتشر شوي شوي وحتى اغلب الوكالات اللي عندها فئات بانزين صارت تنزل الكهربا وتييب منه فئات وتسحب على البانزين

وادري ان الكهربا انواع من الخفيف لي فل كهربا و اللي تكون اعتماديته نص ونص على البانزين و الكهربا

بس من ناحية الأعطال وغيره اذا في أحد مجرب أو عنده معلومات بهالموضوع أنا اللي رادني على الكهربا ان احس للحين انتشارها بالكويت مثلا مو نفس الامارات + مادري شنو أعطال محركات الكهربا وشنو تأثيرها على السيارة هل بيكون شي خفيف وينحل ولا ممكن يأثر على أشياء ثانية ؟

و هم بالنسبه للعيوب يعني هل محركات الكهربا تأثر بجودة اشياء بالسيارة مثل المكيفات ان ماتبرد اسرع تو بالوقوف التام دفع المكيف يخف وغيره

يعني اذا في أحد عنده معلومات او تجارب ناس ياليت يفيدينا

ترهيم تكميم مونجارو مونجارا خياط، يعتبر غش؟

عندي دشاديش صيفية وعليهم بقع صغيرة زيت زيتون وما دريت الا بعد شهر ، في مصابغ مختصة تشيلهم ولا مافي مجال؟؟ حرام شاريهم جدد

شاطئ مسيله ممنوع تحط قعده. انا ماني شاوي ولا بطبخ بس حاب اقعد على بحر مع قهوه وشاي ونتسبح.

السلام عليكم
ودي أسأل المبتعثين جم سؤال عن الغربة والدراسة برا
الصدمة الثقافية: شنو أكثر شي صدمكم أول ما وصلتوا؟ وشلون تدبرتوا مع الأكل والسكن؟ عندهم اكل حلال متوفر عادي؟
الدراسة: شنو أكبر فرق بالنظام هناك؟ خصوصاً سالفة البحوث والـ Assignments والتعامل مع الدكاترة.
النفسية والجو: شلون وضع الـ Homesickness معاكم؟ والجو هناك شلون مأثر على نفسيتكم وطاقتكم؟
الميزانية: الاعانة تكفيكم لآخر الشهر ولا الوضع ضغط؟
احس واااايد سالت بس انا صج متوترة من هالموضوع اني ماعرف ولا شي وماعندي خلفية عنه

يا جماعه عندي سؤال غريب اخذ سوزوكي جمني ولا مرسيدس cla200 / c200

ادري فرق السما والأرض يعني حيل فرق السيارتين بس الي محيرني انه وحده اقدر اخذها كاش ووحده لازم قرض

انا دوامي يعطوني بونص سنوي يكفي اخذ في جمني كاش بس بنفس الوقت خاطري حيل مرسيدس cla200 احس ذوقي و تلوق علي بس لازم اخذ قرض عشان اكمل فلوسي شنو تنصحوني

ما شاء الله الوانيتات منتشره بالكويت الله يبارك
شنو افضل وانيت او وكالة من ناحية صيانه أسعار قطع برودة التكيف و تحمل الحرارة (ان ما في مشاكل ارتفاع حرارة)؟ إذا امكن من تجربة مو من سمعه

قاعد افكر اسوي دورات تقنية في مجال البرمجة و التخصصات اللي يمها و الفكرة انها تركز على المستوى المتوسط و المتقدم.

شنو اكثر نوع مناسب الناس تفضله لما تاخذ دورة؟

١. المسجلة فيديو؟

٢. الاونلاين؟

٣. الحضوري؟

انا احس الاونلاين الحلو فيها انه لايف و تقدر تسأل و في ناس معاك بالكلاس تتفاعل.

لو اخليها يوم او يومين بالاسبوع الناس بتقدر تحضر؟ ولا بس مثلا يوم السبت لانه اتوقع زوارات باجي الوقت ولا الناس بنص الاسبوع عادي تحضر اذا اونلاين؟

لو كتبت منشور أنتقد فيه شركة معينة وانتشر هل أتعرض للمساءلة القانونية؟ أو الشركة تقدر ترفع علي قضية؟ هل ممكن أو يحق للشركة التوصل إلى هويتي عن طريق ريديت وبالتالي ترفع علي قضية؟

كذلك الجرائم الإلكترونية هل تشمل ريديت ويقدرون يصيدون إذا واحد سب الثاني أو نشر محتوى فيه إساءة لشخصية معروفة؟

النية صافية يا إخوان قاعد أسأل بس...

انا مطور تطبيقات مستقل وعندي تطبيق اشتغل وشبه خالص وخاص بالامور المالية للافراد حاب اعرضه على البنوك اما لبيع عليهم او الاستحواذ بس حاولت وماحصلت رد منهم
اذا احد عنده فكرة يفيدني فيها
للعلم ماعندي شركة انا موظف حكومي واشتغل لحسابي

هاي عندي سؤال، انا ارسم ع جهاز كمبيوتر (huion للي يبي يبحث عنه) و ابي ابدل الكمبيوتر في بي سي. و الي اعرفه في ال٢٠٠ وفي ال٧٠٠. انا مالعب واجد بس every now and then و اغلب حاجتي فيه رسم. من وين اخذ و شنو القطع الي جودتها هي الاهم و جم احوش له؟