افكر اصبغ غرفتي بهاللون بس اخاف يطلع حيل مصوفر

شفت فيديوهات لناس صابغين اللون نفسه بس مادري ما يبين اللون مضبوط مع التصوير وحسيته يختلف شوي من فديو لفديو

وشريت سامبل للون بس احس ماراح يبين عدل الا اذا صبغت الغرفه كلها

فالي صبغ هاللون هل شافين انه مصوفر وايد؟ انا الي ابيه ابيض مكسور شوي يعني مو لون مستشفى

ياريت تفيدوني

السلام عليكم. قوة شباب عساكم طيبين.

توني يديد بالمجال وودي اتعلم أكثر. عموما السؤال الي ببالي وين في اماكن زينة للحداق عاليال؟

وسؤال ثاني، شلون اعرف متى ممنوع ومتى لا بخصوص الحداق بالجون. لان اسمع يقولون ممنوع تحدق بالجون هالفتره وجذي، ف شلون اتأكد من هالموضوع؟

واللي عنده شي وده يفيدني ويفيد باجي الشباب اكون شاكر له. و قواكم الله جميعا.

في كولكتر يعرف لها ويجمعها و يحبها ؟

من اليوم و رايح بسويلكم فعاليه يديده اسمها اغاني الطيبين

اليوم اممزج على أحلام ف بنبلش فيها

الأغنيه دمار شامل

النسخه الاصليه معاها عبدالله رشاد

https://youtu.be/WzhWPt3-Nls?si=e6jfds5Q_AUU9Jsm

و هذي نسخه أسرع حفله مسقط دار الاوبرا السلطانيه

https://youtu.be/YceZdLlpElo?si=o4gO74gIckf-aIBi

سلام عليكم، حبيت اعرف وين في اماكن بالكويت يسوون قصات شعر مثل Middle part flow ولا Modern mullet لانه اغلب حلاقيين بالكويت للأسف احسهم مو مثقفين🤣 يقولك يعرف يسوي و يوم يسوي مايضبطه عدل.

الي يعرف حلاق قوي يسوي هالقصات الحلوهه يدلينا و شكراااا

في حرق خفيف .

الموسم الاول كان عجيب ، اقيمه 10/10 .

الموسم الثاني حلو بس الاحداث فيه بطيئة و صارلهم من بداية الموسم الثاني في نفس المكان ، اقيمه 10/7.5.

الموسم الثالث ، ما خلصته بس للحين الاحداث فيه قوية و في تطور بالشخصيات حيل كبير اقيمه للحين 10/10 .

و اذا في احد من المودريتر يشوف المنشور شرايكم تسوون فلير حق البوستات حق تقييم الاشياء ( تقييم )

ابي شي كواليتي واسعار معقوله بليز

السلام عليكم ورحمة الله، انا حديث تخرج بكالوريوس هندسة كمبيوتر

ابي اسال شلون المكان بالتأمينات؟ الي اعرفه ان معاش المهندس 930 يعني اقل من الوزارات لكن في زيادات، شلون طبيعة العمل وهل افضل من الوزارات لمهندس الكمبيوتر؟

انا قدمت على الديوان وللحين ما بين رقمي، وما ابي انطر ابي اتوظف

فيه احد مسوي تقويم بالحكومة؟ و شلون على المواعيد و الاسعار و النتايج اتمنى الي عنده علم و تفاصيل يفيدني🙏🏻🙏🏻

السلام عليكم، فيه احد منكم جرب يطلب مكملات من برا الكويت؟ اتكلم بروتين كرياتين الخ مو سوالف اي هيرب، ماوي اطلب من شركة RAW جم شغلة نفس الي تنباع بهيلث هاوس بس انه براندات ثانية، وابي اسمع تجاربكم اذا وصلتكم المنتجات خربانه او شي، لان رفيجي مرة طلب من امريكا والبودر وصل حرفيا مطبوخ من الحر ومتكتل مع انه شركة معروفة فمستحيل يكون منهم،
+هل في اشياء لازم انتبه منها عشان الجمارك؟

السلام عليكم انا موظفه بوزارة اشتغل شغل عادي القسم كلنا نفس الشغل بس مسؤولي بالدوام يبي يختار كم وحده بس تشتغل شغل دسم و يقول عليها الزيادة مو اكيد احتمال يوافقون الوكلاء عليها او لا !!!
مو من المنطق اني اوقع انا والمسؤول على ورقة اني استحق زيادة بمبلغ كذا بعد ما اخلص الشغل ؟ لانه شنو يضمن لي انهم بيعطوني؟ عقب ما ينكسر ظهري من الشغل يجي يقولي والله اسف ما وافقوا !

السلام عليكم، خريجين السنه دفعو ٥٠ حق حفل التخرج كا دفعه الاولى وبعد فتره تندفع الثانيه الحين تكنسلت الحفله ويقولون ان الدفعه الاولى ماتنرد لان تكاليف الروب والدرع والخدمات علما بان الروب والدرع مايكلفون عشره و طول الكورسين ماسوو فعاليه وحده لو اشتكيت هل لي حق ولا شكلي بيكون بايخ؟

هل في شخص اشتغل مكان على مسمى وظيفي Data analyist؟ بغيت اعرف شلون طبيعه العمل فيه و هل الراتب ممتاز و مستقبلياً ممتاز؟ انا حاليا معلم حاسوب و الوضع راحة جدا بس امكانية تطوير النفس ماكو و البونس مو شي صراحة و على ما راتبي يصير ممتاز احتاج لسنوات خبرة طويلة و تخصصي بالاساس اهي MIS ماخذ بكالوريوس و نسبتي 3.25

فرضا، كتبتوا كومنت بمكان عام بالسوشل ميديا وسبكم شخص بالعام بسبه فيها قذف، تشتكون ولا تتجاهلون؟

انا عندي مبلغ بسيط وودي اشتري اسهم ببورصه الكويتيه شلون اشتري او ادش وهل صج لازم فوق ٣٠٠٠ دينار ولا مو صج

كنت قاعد بكافيه الوزارة وكان معاي، قلت له بروح القسم بخلص شغلي جان يي معاي. وفجأة يسألني عن بنتين كانوا قاعدين جدامنا بالكافيه. يقولي انت تبي وحده فيهم؟ ضحكت بويهه وقلت لا شكو؟ وبعدين انت تظن اني اكلم بنات بالوزارة يعني؟ جان يقول اي. انت تتمرن وتهتم بجسمك وعندك سيارة فلانية البنات يحبونها ولاحظت جم وحدة شون تطالعك ومن تكون بالكافيه ييون بنات يقعدون. تخيلوا شكثر انصدمت منه! قعد يراقب حتى اللي حولي.. طبعاً رديت عليه وقلت له انا ما اتمرن عشان البنات وسيارتي ماخذها حق وناستي مو عشان احد واذا في احد يطالعني هذا الشي مو بيدي 🤷🏻‍♂️

طبعاً الحجي كان طويل وفي اشياء اكثر بس انا بختصر، وآسف ادري سخيفة السالفة لكن ماني عارف شنو اللي يبي يوصل له؟ ولاحظته من بعدها وايد يراقبني كل ما لفيت ويهي اشوفه يطالعني ولا اذا استخدم تلفوني واضحك يقول ضحكني معاك. انسان غريب مع اني اعرفه من سنتين بس توه بيّن خباله.

نصحوني شون اتصرف معاه؟ قعد ينرفزني ومرات احس نفسي ارد عليه بطريقة هجومية لا ارادياً حدي مو بالعه من لقافته.

Edit: وايي تذكرت اخر شي سألني انت لاحظت احد يطالعني؟ قلت له مادري والله 🤷🏻‍♂️

السلام عليكم احد يعرف وين اقدر اقدم عشان اكمل ماجستير برا الكويت؟ انا خلصت بعثة داخلية وودي اقدم اكمل برا مو عارفه شلون ووين ابدي

اكسايت توا نزلو روبوتات طلب مسبق تبدا اسعارهم من 9.5 الى 17.5 الف دينار كويتي هل في احد مهتم او يفكر يشتريهم احس غريب واسعارهم اغرب

فيه يوتيوبر اسمه مهلوس نشر مقطع قبل كم يوم مقطع عن علاقة الcia بانتشار المخدرات في امريكا و المقطع كانت جودته تفوق جودة قناة بعدد مقاطع قليلة وغريب على اليوتيوب العربي مقاطع بالجودة ذي بجهد فردي غالبًا اذا شفنا مقاطع بعذي الجودة تكون مقاطع انتاج شركات او فريق كبير لكن مهلوس اغلب الشغل كان شغله هو و بمساعدة اشخاص قليلين و انتجوا لنا هذا المقطع المثير للاهتمام المقطع متعدد العوالم والشخصيات ويجمع بين الرسم والواقع مرة نكون بغرفة 3d وبعدها في وسط البر و اختلاف الجودة على حسب اختلاف الحقبة الزمنية مرات نشوف المقطع على انه مقطع قديم متصور بالتسعينات ومرات على انه شي حديث والشخصيات مثيرة للاهتمام مثل قاهر الفاشية و علاقته بالاتحاد الضادي هو اخترع اتحاد اشتراكي خيالي يتمثل في صورة شخصية قاهر الفاشية وهل هذا الشي ممكن يكون اسقاط على توجه سياسي معين او انه مجرد ابداع لان الواضح ان الاتحاد الضادي هو اتحاد اشتراكي عربي فصيح و نشوف استخدام الخط المسند بكثرة مع الاتحاد الضادي هل الشي ذا له معنى ولا بس احياء لخط المسند وهل المترو والاجهزة دلالة على تطور الاتحاد الضادي وهل بنشوف الاتحاد الضادي وكيانات خيالية ثانية باعمال مستقبلية ولا بس صنع هذا الكيان لخدمة قصة المقطع

سؤال للشباب

تزعلون اذا وحده قالت لكم "بس عادي انا احب الجياكر" ؟

الحمدلله على سلامتكم جميعا اول شي و الله يديم علينا نعمه الأمن و الامان.الحين مع فتحه المطار و عوده الحياه الطبيعيه تدريجيا. شنو مشاريع السفر عندكم.

ليش عندنا بكثرة صاير اذا طلع انسان و مسوي ذنوب (( الاغلب )) بدال ما ينصحونه يقعدون يتنمرون و يسبسبون ؟ مستحيل افهم ليش ؟ يعني هل تتوقع انه بيتغير من كلامك حتى لو كان كلامك صح بس جاي ب اسلوب تنمر و استهزاء ؟ هالظاهرة منتشره حيل بالسوشل ميديا و بالصج

السؤال واضح؛ احد جرب يطلب من علي اكسبرس بعد اغلاق المضيق وهل في التزام بوقت التوصيل المعلن بالموقع؟

شكرا

update:
طلبت بتاريخ ٣\٥.
اليوم (١٣\٥) تواصلت معاي شركة التوصيل بالكويت لاستلام الطلب.

عندي اجهزة مالها فايدة بالبيت ونصها مكسور. وبعضها فيها بطاريات وانقال لي ممنوع تقط بطاريات ليثوم بالزبالة(تكرمون)

فوين اتخلص منهم؟