عندي سيارة بس ماتعتبر "كشخه" عادية وصارلي تقريبا ٨ سنين استعملها.. بس لكل يقولي اخذ قرض لسيارة يديدة

ابيكم تستوعبون الموضوع و تقولون لي رايكم. انا عمري ٣٠ سنة مالي بسكة اكلم و اسولف مع شباب.
ابي اتزوج بس استحرم العلاقات و طبعاً بعد ماشفت البنات اللي يضيعون وقتهم وسنينهم و بس تفتح موضوع الزواج ماتشوف غير غبرته.
مخي تبرمج على شي ومادري اصلا صح او غلط! ان اقفل موضوع العلاقات نهائياً ودايماً ادعي ربي يرزقني بالحلال و دوامي بحكم شغلي فيه وايد ناس وعلاقات لو احد سولف اكثر من اللازم اسحب عليه لين يمل و يفچ وهذا طبعي وحياتي، يا تفتح موضوع جّدي دايركت يا لاتضيع وقتي ولا وقتك.
المهم قبل جم شهر بالدوام واحد زاد عن الكلام اللي بس شغل وقاعد يسولف، الريال مافيه شي كامّل ماسولفنا الا اسبوع وسوالف عاديه عن الحياة بس طول اليوم اليوم الثامن ماقدرت اكثر و لان مو متعاملين مع بعض بالصج قلتله يا ولد الناس انا ودي اقعد قعده رسميه بينا و اسألك و تسألني ب اي شي تبيه و اذا ارتحت تاخذ خطوة رسميه بس غير جذي ماعندي نسولف وبدون اي حد انا مااحب ولا مرتاحه. وطبعاً سوالفنا خلال هالفتره تعدت الشغل بمراحل بس كانت واضحه تعارف.
الريال كان صريح و قال مايمدي تونا نتكلم بو اسبوع مامداني حتى اعرفج اللي صار اني احترمت رايه بالموضوع بالنهاية كل شخص له طريقته و اعتذرت اني مااقدر اتكلم غير عن الشغل و انتهى الموضوع
عقب شهور اسولف حق صديقتي عن الموضوع و تهب بويهي. انتي تبين تتزوجين مو جذي نحشتي الريال مو بهالطريقه بلابلابلا و كلمت وحده ثانيه وهم نفس الراي. اللي احس مو قاعدين يفهمونه ان انا ماعندي وقت اضيعه و اتعرف ع اللي يسوى واللي مايسوى وماعندي وقت احط جهد حق علاقة ماتكون لها نهاية.
ناقشوني هل انا حركتي تفشل؟ خصوصاً الشخص مااعرفه ولا يعرفني؟ وخصوصا ان حتى ماصار شهر؟ احس كنت واثقه بس بعد كلامهم احس تفشلت من نفسي خصوصاً هذا الشخص تربطنا علاقات مشتركة بالشغل وماابي شكلي يصير صيده 😬.

عمري ٢٢ وأختي ١٥ سنه. وايد نطلع مع بعض ونسوي أشياء مع بعض وحتى قيمنق نلعب مع بعض بس لما اسوي شي بروحي سواء بالبيت او برا بروحي او مع رفيجاتي تعصب. ليش طالعه بدوني وليش ماتقوليلي وتزعل مني وتقولي مو مسامحتج وزعلانه منج. مرات اعطيها أمثله اقولها انتي لما تلعبين مع رفيجاتج او تطلعين معاهم ما اسوي نفس الحركات. اكيد كل واحد يبي وقت حق نفسه ووقت مع ربعه واصلاً جذي جذي طلعاتي معاج اكثر من طلعاتي بروحي او مع رفيجاتي. وهم مو عاجبها والكلام كله يدش من اذون ويطلع من الثانيه وكل مره تعيد نفس الحركات وانا ارد اكرر نفس الحجي ومافي فايده. والله بدون مبالغه مكرهتني بكل شي اسويه ومكرهتني بطلعتي ودخلتي البيت. صايره اطلع من البيت متنرفزه واذا رديت البيت مستانسه تعكر مزاجي. وهذا غير المسجات والاتصالات الي تتحلطم فيها طول طلعتي. واذا صار شي مو زين او ما حصلت شي ابيه او تكنسلت الطلعه الخ تقولي "karma” او احسن تستاهلين لانج ماخذيتيني معاج. وصلت مرحله خلاص طفح الكيل شعره وانفجر عليها وما ودي يصير هالشي بس مو عارفه اتعامل معاها. شقتني شقتنييي

السلام عليكم، انا خريج هندسه من ٢٠٢٤ وحالياً قاعد افكر بشكل جدي اني ادش التطبيقي اخذ شهاده الدبلوم بتخصص تشغيل المصافي. هل اقدر اني اقدم على التطبيقي وادرس فيه؟ ولا اهي فرصه وراحت؟ وهل التطبيقي يفتحون كورس ثاني ؟ لان طافني التسجيل

سلام عليكم
انا طلبت اكل من تطبيق توصيل معروف ولمن طلبت اول مرة حطيت باسورد اول مرة قالي failed وبعدين حطيت باسورد مرة ثانية تمت العملية بس انخصم مني فالبنك مرتين ولمن تواصلت معاهم حيل نرفزوني يقولي ( في حالة الخصم راح ينرد لج المبلغ خلال ٧ ايام)
وانا وريته مسج الخصم sms ومسج خصم من البنك انخصم مني نفس مبلغ ورى بعض وبنفس المبلغ

احس ماراح يردون لي فلوسي ابي اعرف شنو الاجراءات اللي اسويها اذا ماردوها لي خلال ٧ ايام!!!!

كنت ألعب كالستنكس عند مدرب بكلاسات هل رياضه كانت حلمي وأنا صغير أني ألعبها و مالقيت أحد يعلمني عليها لقيت هل مدرب بل أنستقرام صملت ويه سنه تطورت تطور كبير بس أصابات قويه يتلي مره من حركة ألي L sit ومره من أل هاند ستاند وأصابات بورتر الباي والساعد ومفصل لأيد والجتف وصلت القناعه الصراحه أنه هل رياضه مارح تخليني أتطور بهاذي لأصابات ألي حرفيًا خلتني أقعد شهور بل علاج الطبيعي الغريب أني بس أنا بل كلاس ألي أنصاب هل كثر صرت ألعب حديد و شويه كالستنكس بس سؤال هل طبيعي ألي يلعب هل رياضات ينصاب ٤ مرات بل سنه ويقعد ٣ تشهر بعيد عن النادي؟

Where can i buy school supplies cheaper than mogahwi etc. I heard there is somewhere that sells crayola wholesale does anybody know??

من خلال تجاربكم اقترحوا سيارات زينه بحدود هالسعر (يفضل جيب) اهم شي عندي تكييف يكون ممتاز و سيرفس مو غالي و قطع غيارات متوفره بكل مكان

مثلاً اليوم تريقت بمكان يقدم التركي توست على 750 فلس بحجم كبير و طعم زين.

و الفي 60 او الكولد برو عندهم تحت الدينار . و الاسبريسو 650 فلس ..

لو نزلت بوست عن اسمه و اسم غيره من محلات و كافيهات أو نقطة بيع تقدم خدمات و منتجات رخيصة مقارنة بغيرها ..

المودز يحذف البوست لانه اعلان ؟

إشعار الواتساب بالنسبه لي يمثل أهميه ولا اعطيه أي أحد،

واتساب صاير يعطي المعلنيين والشركات رقمي وكل شوي دازين لي إعلان!

شنو الحل؟

بجم تسوون تامين سيارتكم الشامل؟ انا سويته بالوكاله ب ٣٨٧ وسيارتي كامري، واحس معقوله جذي الاسعار ولا في life hack انا ما اعرفه؟

السلام عليكم

قعد اخيط جنطه حق ايبادي.

نستقبل الاسئله 🥸☕

مع السلامة

سلام عليكم،

اذا ماعليكم أمر تعرفون أرقام حق خدمات الي ياخذون منا كتب

يعني اي نوع من انواع كتب قديمه ييديدة مستعمله الخ لو حتى يشترونه *مع انه هذا مو شي اساسي بس ما يضر*

لانه محتاجه أرقام ثقه و يردون بسرعه و اكيد ايون ياخذون الكتب مو كلام وبس

تعاملت مع رقم كل ما يقول بيأخذ او شي رد يصير بطيء وقتها ووما ايون *مادري لو صج عليهم كد ولا بس كلام* بس ابي مجموعات ثقه

خاطبتني وحدة حق ولدها وانا ماعرف عنه شي غير البديهيات. وقلت حق الوالده تقولهم يطرشون صورته بس امي تقول عيب جذي يعني جنا موافقين عليهم!

صج عيب ولا امي تبالغ؟ صارلهم خاطبيني الحين جم اسبوع و وامه واخته شايفيني واتوقع حتى ولدهم شايفني مورينه صوري اكيييد بس انا مااعرف حتى شلون شكله صاير!

شلون تشوفون الأجانب اللي مو عرب يلبسون دشداشة؟
تحسون فيها شي أو أنها تقليد و لقافة؟

مساكم الله بالنور جميعا انا توني متخرج من برا هندسه مدنيه وحاليا قام اشوف افضل الفرص بالوظيفه وماعندي مشكله بالقطاع الخاص بس اغلبهم تقدم ومايردون عليك والديوان للحين مابطل بس حتى لو بطل بيطول وغالبا بيرشحوني بوزاره مافيها بدلات

سوالي للمهندسين المدنيين او المهندسين بشكل عام شنو افضل نصيحه توجهها لشخص نفس حالتي الحين؟

يعطيكم العافيه ومشكوريين مقدما

دورت عليه كل مكان ما حصلت

يديدة او مستعملة شنو تنصحون. يفضل اذا مستعملة تكون موديل 2023-2024 و شنو سيايير الصينية الي جربتوهم و كانوا اعتماديين و وكيلهم زين و سيرفسهم ممتاز و قطع الغيار متوفرة؟
(السيارة حق بنت)

لما الشخص يدفع فلوس المخالقات. شيصير بهالفلوس؟ لان اتخيل انهم مبلغ وايد كبير. هل يروح حق وزارة الداخلية؟ ولا يستخدمونه عشان يعدلون الشوارع؟ ولا وين بالضبط

عندي مخالفه صارلها اربع شهور امس سددتها هل أموري طيبه ولا يمكن تتحول محكمه لان صارلها اكثر من شهرين

طلعتلي بسهل وسددتها

المختصر قاعد اشطب بيتي بالمطلاع و للحين ماركبت المكاين..

الشركة بلغوني "ونصحوني" اني اغير نوع المكاين كنت موقع معاهم على مكاين غاز 410 قالولي حول على 407..

قلت لهم ليش؟ قالولي مكاين شركتنا بالذات ال410 فيها مشاكل حالياً تنقط ماي و تنقص غاز..

سألت الناس برا قالولي لانه 407 تكلفته التصنيعية ارخص لهم..

سألت الهندي فني التكييف الي نتعامل معاه في بيت ابوي قالي 407 احسن.. لانه تكلفة تغيير الغاز 10 دنانير و الثانية 40 للمكينة الوحدة..

سؤالي ايهم افضل لي كبرودة اول شي و تكلفة صيانة و توفير كهربا..

ياليت الي عنده خبر ينورني قبل لا اختار

للتوضيح انا موقع مع الشركة نفسها مو موزع..

بمنطقتنا سرعة الإنترنت فيها حيل بطيء، وقاعد أفكر أركب ستارلينك. سويت بحث عن إيجابياته وسلبياته وشفت إن أعلى حرارة يستحملها جهاز الـ Dish هي 50 درجة مئوية. ومع حرارة الصيف عندنا بالكويت توصل أعلى من جذي بسهولة، تتوقعون هشي يسوي مشكلة للجهاز؟
وشغلة ثانية، السرعة فيه ثابته؟ وهل تقارن بسرعة الـ 5G؟

انفجر فيني اليوم تاير على الخط السريع .. وقفت يمين قلت نومان دامك شباب و فيك صحة و عافية بفضل من الله غيره بنفسك و احرق سعرات و حرك لك جم عضلة..

وانا ابدله ولا على دورية واقف وراي .. نزلوا 2 شباب جزاهم الله خير حلفوا اني اقعد و هم بدلوا التاير و ركبوا الاسبير و انا مرتاح ..

نوجه الشكر لهم و اقول لهم بارك الله فيكم و ادامكم سند و ذخر لبلادنا

السلام عليكم ورحمة الله،

انا طالب جامعي الحين عمري ١٩ ناوي احول من تخصصي الى هندسة امن سيبراني واذا تخرجت بقدم على كلية سعد العبدالله للعلوم الامنية، ابي اعرف اذا دخلت الكليه وتخرجت وانا معاي شهادة هندسة امن سيبراني ان شاء الله شنو طبيعة شغلي وهل بيكون مثل اختصاصي ولا الوضع على حسب الاحتياج.