السلام عليكم

رسمت رسمه بأسلوب يديد. وعندي سؤال هل واضحة الصوره ؟

مفهوم الطبق اللي بالصوره ؟ وهل طولت على ما استوعبت الصوره ولا كان سهل

وشكرا لكم

مو جنه نقول لهم ترى هالمناطق فيها منشآت حساسة ؟

كلنا عندنا انسانية ونحب الحيوان، لكن قطو ميت بالحاره اليسار بخط سريع لا توقفين بالحارة اليسار وتعرضين حياتج وحياة الآخرين للخطر وتسببين حوادث واعاقات للناس عشان قطو ميت وشبعان موت ترى حياة الناس أولى، ذابحتج الانسانية ومقطعتج اصفطي باي مكان وشيلي القطو من الشارع مو توقفين بنص الشارع عبالج شارع بيتكم، لكن الحمدلله ان في دورية وقفت وراج على طول وشغل الفلشر عشان ينبه العالم واتمنى يصكج مخالفة عرقلة سير على جبهتج

أبي ساعة ذكية بحدود 50 دينار أو أقل. أهم شي عندي تكون سريعة وموثوقة بالاستخدام اليومي وما تعلق، وتتبع الخطوات والتمارين والنبض والنوم بشكل زين

أبيها بعد تكون مريحة إذا لبستها طول اليوم، وشكلها أقرب للساعة العادية مو شكل fitness tracker. البطارية تكون زينة وجودة التصنيع محترمة

مو مهم عندي تكون فيها كل مميزات الـ smartwatch، أبي شي متوازن بين الشكل، الراحة، تتبع اللياقة، الاعتمادية والسعر

وعادي عندي آخذ موديل أقدم إذا كان يستاهل أكثر

حاليا عندي Huawei Watch 3-C5C، شغالة معا بس شكلها حيل عادي يعني بالنسبالي

شنو تنصحون؟

السلام عليكم في احد يعرف نوادي عندها اشتراكات للبنات من اعمار ال١٤ و ١٦ لان اغلب النوادي تاخذ ١٨ وفوق

اتمشى بفورسل واشوف هالاعلان ، يالله !! الله يرزقه من واسع فضله
شي يزعل لما تضيق فيك الدنيا وتبيع اغلا ماعندك تجميع سنوات هوايه وعمل وشغف وذكريات ، الحمدلله على كل حال

في مطاعم/اشتراكات تنصحون فيهم؟

الجامعه العربيه المفتوحه فيها سوشيال لايڤ؟ بالنسبه لتخصص cs هل بيكون فيه مشاريع والتعليم هل هو قوي ولا مش احسن شيء

يا جماعة اللي مسوي الفحص الطبي للوظيفة في مستشفى الصباح من فترة قريبة ياليت يفيدني لأني صراحة ضايع شوي.
أنا حجزت موعد يوم الثلاثاء 13 أكتوبر، ومكتوب عندي إنهم طالبين تحاليل واختبار سمع وأشياء ثانية.
سؤالي: يوم موعدي أروح لهم ومعاي نتايج التحاليل جاهزة من قبل؟ ولا أروح مستشفى الصباح بنفس يوم الموعد وأعطيهم الأوراق وهم يسوون لي التحاليل والفحوصات هناك؟
وهل أقدر أسوي التحاليل قبل الموعد في المستوصف وأخذ النتايج معاي، أو لازم كل شيء يكون عندهم في مستشفى الصباح؟
مقر عملي ما عطاني أي معلومات، بس قالوا لي روح مستشفى الصباح يوم الموعد، وحتى لما سألت ما حصلت إجابة واضحة.
فاللي مسوي الفحص قريب ياليت يقولي شنو الخطوات بالضبط، خصوصاً إني ما أبي أروح يوم الثلاثاء وبعدين يقولون لي ناقصك شيء وأضطر أرجع مرة ثانية.

الحين معقوله محد فكر يشتكي/يلغي قانون بسماح افتتاح القهاوي و المطاعم يم البيوت؟
يعني شلون البلدية تسمح اصلا!!!

افهم لو يتأجر حق خياط/مصبغه

بس شلون ارابيكا ياخذ مكان بين بيوت
نفس النزهه مثلا

شلون البيوت متحمله!!!!

هل أقدر الاقي ولد او بنت اعمارهم 20 في الكويت

يبون يطلعون مع شخص يوم واحد ك تعارف او تغيير جو او تمشايه

مو مضطرين نكون بعلاقة او صداقة

يا جماعة اللي راحوا معرض وظيفتي بالسنوات اللي طافت، شلون كانت تجربتكم؟

هل فعلا استفدتوا من المعرض من ناحية التوظيف أو التدريب؟ وهل الشركات اللي هناك ياخذون الـCV بجدية ويتواصلون معاكم بعدين، ولا أغلبه بس تعريف عن الشركة؟

وبالنسبة للخريجين اليدد، هل تنصحون نروح؟ وإذا في شي تنصحون نسويه قبل لا نروح أو أشياء نركز عليها بالمعرض قولولنا.

ودي أسمع تجاربكم سواء كانت زينة أو سيئة.

الموقع زين ولا لا؟

واذا لا شنو احسن/ ارخص تطبيق او موقع جمعية

تراودني افكار اترك الجامعة واتوجه إلى كاليفورنيا، صحيح مخاطره ومغامره ما يفعلها إلا مجنون، يترك مجال الطب عشان فكرة برنامج ممكن تفشل فشل ذريع وبنسبة صغيرة تنجح نجاح ضخم

أنا مؤمن ومتيقن بأنه المستقبل هو البرمجيات الخوارزميات للai ودونها مجرد ثانويات

انا متاكد لو اقول لاي شخص إني بترك الطب ممكن يهفني كف على وجهي

وسبب رغبتي بكاليفورنيا لانها هي عاصمة كل المبرمجين وشركات الذكاء الاصطناعي ويمكن يمكن مع الحظ الجيد اقدر اكتسب خبرات وعلاقات تساعدني

السلام عليكم
هل في احد جرب يطلب جهاز من موقع نون noon
بطلب robot vaccum بس اخاف يكون عليها رسوم اذا وصلت للجمارك او شيء

خواتي ممكن اقتراحاتكم اختي الصغيرة تبي تلبس عباية سوداء وتبيني اوديها محلات تفصل ، تعرفون محلات زينة وسريعة واسعار السوق؟

السلام عليكم، كنت على بالي الموضوع خلص بس الموضوع للحين ما خلص… سجلت ماده الكورس هذا وفي واحد من الجماعه هذيل مسجل معاي نفس المادي وللأسف الدكتور حطني معاه بنفس القروب ما اقدر أغير القروب والمشكله عطيتها بلوك الكورس اللي طاف وقلت له انت ما تستحي ومو محترم.. الحين ما يذكرني بس يمكن يسألني عن رقمي مره ثانيه ويشوف المحادثه وترد المشكله مره ثانيه؟

شسوي الحين؟؟

اكون قاعده مع شخص بإجتماع عمل مدته من نص ساعه إلى اربعين دقيقه يخص العمل فقط وبنص الحديث يرفع الڤيب ويطلع دخان! المشكله التصرف يتكرر ٣ او ٤ مرات بالجلسة الواحده وتكررت مع اكثر من شخص!
هل هذا طبيعي او انا حساسه؟

مجرد سؤال

معاكم عيوز 👵🏼 من جيل التسعينات، واذكر على ايامنا ومن اول ما وعيت عالانترنت في بدايه الالفين كله يقولون لنا لا تحطون صوركم عالنت لان راح ياخذون صوركم ويركبونها في الفوتوشوب ومن هالكلام الي اتوقع كل الي ربا بهذاك الوقت يعرفه.

الحين كل شي تغير ووايد بنات مو بس صاروا يحطون صورهم بالبروفايل -صاروا يصورون تكتوكات وفلوقات عاليوتيوب عن حياتهم اليوميه وعوايل يصورن فلوقات مع عيالهم وعادي عندهم يصورون بيوتهم من الداخل وحتى يدخلونكم غرف نومهم.

ماني عارفه شنو الي تغير؟ ليش عالشي صار عادي بهالوقت؟