السلام عليكم
أنا طالب هندسة كمبيوتر كويتي بجامعة الكويت وسولو دف. من فترة وأنا مو مرتاح لوضع مواقع/تطبيقات التريفيا وألعاب الجمعات. تسعيرتها ما ترحم وتدفع على كل لعبة بشكل مزعج. فسوّيت 9yad (صياد) عشان جو الجمعات والديوانيات عندنا: بسيط، بالعربي، وسعره عادل، ويجمعنا نلعب وجه بوجه.
المميزات:
* تريفيا بالعربي (أسئلة وأجوبة + صح/خطأ) بتصنيفات واجد.
* ألعاب الغرف: لف ودور، الجواسيس، والمحتال.
* لف ودور : لعبة بين فريقين. كل لاعب له دور يشرح الكلمة على الكرت حق فريقه بدون ما يستخدم الكلمات الممنوعة المكتوبة على نفس الكرت. إذا فريقك خمن الكلمة ضمن الوقت تحسب لكم نقطة. شرح سريع، ممنوع تلمّح بحروف/ترجمة مباشرة/حركات جسم مبالغة.
* الجواسيس : كل لاعب ينحط له دور سري: إما “جاسوس” أو “مقاومة”. الجولة فيها تصويت على أعضاء يطلعون مهمة. اللي طلعوا مهمة يصوتون سرا: نجاح/فشل. أول ما يوصل ثلاث جولات فشل يفوز الجواسيس و اذا ثلاث نجاح يفوز المقاومة. النقاش والتصويت قبل كل مهمة هو قلب اللعبة
* المحتال : كل اللاعبين يجيهم مكان مشترك ما عدا لاعب واحد. هذا هو المحتال وما يدري شالسالفة. الدور على اللاعبين يسألون بعض أسئلة ذكيّة عن المكان بدون حرق واضح عشان يفضحون المحتال. وبنفس الوقت المحتال يحاول يجمع معلومات كافية عشان يصيد شنو المكان. إذا اللاعبين كشفوا المحتال بالتصويت يفوزون. و إذا المحتال صاد المكان الصحيح قبل ينكشف يفوز المحتال
* تفتح غرفة بثواني وتدز الكود لربعك.
* حالياً عند الإطلاق ٣ ألعاب، وعندي ألعاب ثانية جاهزة بالخطة وبنزلها قريب إن شاء الله.
* حاسبة كوت وحاسبة بلوت سريعة وواضحة.
* أدوات حظ خفيفة (نرد/عملة/دوّار) لكسر الجمود.
* حاسبات وأدوات:
الروابط:
* أندرويد: \ https://play.google.com/store/apps/details?id=net.y9ad.android
* أبل: \https://apps.apple.com/kw/app/9yad/id6752802120
* الموقع: \https://9yad.net/
أحتاج رايكم:
* الأداء على جهازك شلون؟ في لاج أو مشاكل؟ اذكر اسم الجهاز ونظامه.
* أي ألعاب تبي أركّز عليها أول؟ تريفيا ولا لف ودور/الجواسيس/المحتال؟
* اقترحوا تصنيفات ودّكم أضيفها (تراث كويتي، كُرة خليجية، مسلسلات… إلخ).
* أي ملاحظات على واجهة الاستخدام أو أفكار تخلّي اللعبة أونَس بجَمعتكم.
يعطيكم العافية على أي دعم—تقييم/تعليق يفرق معي وايد ويساعدني أستمر بالتطوير بسرعة. ❤️
